Maleka 10
10
Jesu aa ziga byo kulilukulula
(Mateu19.1-12; Luka16.18)
1Jesu kale azwa momo mu cibaka no kuja mucilalanda ca Judeya no kaluta iziba lya Jodani. Mi ubungi bo bantu kale ba keza kwakwe, mi kokuja ubu katendelanga, kale aba ziga.
2Abafalisi kale ba keza kujeleka Jesu muku mubuza buti, Umukwame, “Alijelele uku lukulula umukazi gwakwe?”
3Jesu kale abe taba buti, “Cinzi naa milaga Mushe?”
4Kale batyo buti, “Mushe naga zuminiza umukwame kun’ola in’olo lyo ku lukulula umukazi noku mutanda.”
5Jesu kale abata buti, “Mushe aa naga n’ola gogu umulao, ni baka lyo bukababu bo myojo jenu.” 6Kono ku matatikilo go kubumba ilonga, Nyambe naga bumba mukwame no mukazi. 7Mi kaleli ibaka, umukwame kuti naleke banyina no besi, noka gunzamina ku mukazi gwakwe, 8mi ububeli bwabo kuti na babe umubili gonke. Mi cwale taa na babe bobile kono mubili gonke bulyo. 9Mi Nyambe ici naa ngungika antuonke, takuli uju ajelele ukucitaa.”
10Aa see kabali munjugo, bazigigwa kame kale ba buza Jesu jejo intaba. 11Kale abata buti, “Muntu gense uju alukulula mukazi gwakwe no kusesa mwanakazi jungi alatendi cise kwakwe. 12Mi umukazi naje aa kana mukwame gwakwe no kasesigwa ku nkosi jungi alatendi cise.”
Imfwijaguzi ja Jesu ku banukegana
(Mateu19.13-15; Luka18.15-17)
13Abantu kame kaba leta banukegana kwa Jesu buti aba tule amaganja gakwe abo, kono bazigigwa kale bajukukila aba kababa leta. 14Jesu aa sala boni bobo, kale anyegela no kutyo kwabo buti, “Muleke banukegana bakeze kwangu, mi muleke uku bakanisa, ukuti Mubuso gwa Nyambe gwa babo bokukoza sinagwe banukegana. 15Zawawa nasa milugwila, umuntu gense uju taa na tambule Mubuso gwa Nyambe sinagwe joju mwanukegana taa nagu ngine.” 16Jesu kale aba inda mu maganja gakwe no ku bakwata no kuba mfwijagula.
Unkosi go lubono
(Mateu19.16-30; Luka18.18-30)
17Jesu aa sala tatiki ulujendo lwakwe, unkosi kale ga mutigilila no keza kugwila abuso ku matende gakwe. Kale ga mubuza buti, “Muzigi umulotu, cinzi ni jelele uku tenda buti nani kajobole ubumi tabumani?”
18Jesu kale amutaba buti, “Cinzi aa uni kuga mulotu? Takuli mulotu bwita Nyambe genke bulyo. 19Ulizekelele imilao ji tyo, ‘Uleke kwiyaga, uleke cise, uleke kuiba, uleke kupaka zomanya, uleke kuinda ca jumwinya kobuomi, uleke kujonena umuntu mi ukutike nyoko nesho.’ ”
20Mi ige kale amutaba buti, “Muzigi, zonse zezi nana zimamela kuzwa ku bwanuke bwangu.”
21Jesu kale amu logolosa ko cisemo, mi kale atyo kwakwe buti, “Cintu conke tokwesi, ujende uka gulise ibi ukwesi byonse no kuwa abampale, mi kuti nogwane ulubono lwa kwigulu. Keza uni umpilile.” 22Unkosi aa sala shugwi bobo, kale akaja bufwite ishoni, ukuti kakwesi ulubono lungi.
23Jesu kale alogolosa noku tyo ku bazigigwa bakwe, “Bukababu buti uju akwesi ulubono na kangina mu Mubuso gwa Nyambe!”
24Bazigigwa kale ba komokwa lwini ko majwi gakwe. Kame Jesu kale anungako buti, “Banangu, bukukutu buti uku ngina mu Mubuso gwa Nyambe! 25Icilotu ca kamele ku ngina mulinsho lye nsonga, isini uju akwesi lubono a ngine mu mubuso gwa Nyambe.”
26Bazigigwa kale bakomokwa lwini wawa, noku ligambaguza mwacabo, “Cwale nini agola uku jojesigwa?”
27Jesu kale abalolela no kutyo, “Ku muntu ceci cikababu, kono kwa Nyambe, ibintu byonse bitole kwa Nyambe.”
28Cwale Pitolosi kale agamba buti, “Tula sigi ibintu byonse noku kuumplila.”
29Jesu kale etaba buti, “Ni conse nasa mi lugwila buti, takuli muntu uju naa leka injugo, nciijakwe, banyina kampa besi kampa bane kampa ulugwa lwangu no majwi gangu, 30takuli nanga genke kwabo uju saka kangwe uku tambula ibintu bingi wawa mwi nako jeji, majungo, baloba no bakazana, bamaa, banuke no lugwa, mane noku shuminigwa, mwi nako jikeza jo bumi tabumani. 31Mi aba bakele kubuso kuti na babe mwishule, bamwishule kuti nababe kubuso.”
Jesu aa gamba lyatatu kazo lufwu lwakwe
(Mateu20.17-19; Luka18.31-34)
32Ao kabali mulujendo lo kuja kwa Jelusalema. Jesu nije kali tangize abuso mi abazigigwa bakwe mi kaba komokite. Kono babo kaba mu umpilile kabajogite. Kame Jesu kale abogola kumbali nabe kumi kabobile no kubata ibi saka bitendaale kwakwe. 33Jesu kale abata buti, “Kwa Jelusalema tuja, koko Mwana Muntu kuti awegwe mu maganja go mupulisita munene no ku bazigi bo mulao. Uku saka baka mwatwiile ulufwu no ku muwa mu maganja go bantu, 34aba naba mushengule no ku musuwagila mate, kumu cwapagula noku muyaga. Kono mwishule lyo majuba go tatwe kuti na buke.”
Kulikumbilila kwa Jemusi na Joani
(Mateu20.20-28)
35Cwale Jemusi na Joani, bana Zebedea, kale bakeza kwa Jesu, noku muta buti, “Muzigi, tusashaka buti utu tendele ibi saka tukumbile byonse.”
36Jesu kale aba buza buti, “Cinzi mushaka buti nimi tendele?”
37Kale ba mutaba buti, “Utuzuminine buti aa no kale mukanya jako, natu kukale jumwina ku mulyo jumwinya ku monsho.”
38Jesu kale atyo buti, “Tamwizi ibi mukumbila, mula gola kunywa mu nkomosi jo mapenzi ni nywina kampa ku kolobezwa inkolobezo nana kolobezigwa kajo?”
39Kale bamutaba buti, “Tula gola,” Jesu kale abatyo buti, “Kuti munywine cwale munkomosi iji ni jelele kunywina noku kolobezigwa iji ni jelele uku kolobezigwa kajo. 40Kono tani kwesi nguzu jo kushalula uju na kakale ku mulyo kampa kumonsho. Ni Nyambe uju nawe byebi ibibaka kwababo naga lukiseza.”
41Bekumi aa sebala shugwi bobo, kale banyegelela Jemusi na Joani. 42Jesu kale aba kuga bonse noku bata buti, “Muli zekelele buti babo aba bategwa buti mbo bajendesi bo macaba no mfumu egulu lyabo, mi abakulu basa jendesa ko nguzu jabo. 43Mi takukele bobo nokwenu, gense uju ashaka ukuba munene akati kenu ali jelele kuba muika gwenu, 44mi gense uju ashaka ukuba gwe tanzi ali jelele kuba muika gwenu mwense. 45Ici naga kezila Mwana Muntu tali buti asebelezwe, kono cakuta buti abelekele abantu, mi abawe ubumi bwakwe, buti awe ubumi bwakwe buti abantu bajojeswe kakwe.”
Jesu aoza ciofu Batimeya
(Mateu20.29-34; Luka18.35-43)
46Aa sebala siki mwa Jeliko, Jesu na bazigigwa bakwe, antuonke ne kagugi ko bantu bangi aa kabazwa mu munzi, unkosi go ciofu gwe zina lya Betameya (intaluso, mwana Timeyasi) uju kekele ambali ne nzila nakumbila. 47Aa shugwa buti ni Jesu gwa Nazaleta, kale atatika ku kugiliza buti, “Jesu igwe Mwana Daviti, unifwile nkumbu!”
48Bamwinya kale bamulwisa buti ombelele. Kono kale akugiliza wawa buti, “Igwe Mwana Daviti, unifwile nkumbu!”
49Jesu kale azimana nokutyo, “Mu mukuge.” Kale bakuga iciofu, uligongoze! “Zimana ko matende gako! Kame akukuga.”
50Batimeya kale ashowa umukanjo gwakwe kumbali, kale ashotokela mwigulu no kuja kwa Jesu.
51Jesu kale amu buza buti, “Cinzi ushaka buti niku tendele?” Mi unkosi gwe ciofu kale etaba buti, “Muzigi, kubona nishaka!”
52Jesu kale amuta buti, “Ujende, intumelo jako jila kulwalukisi.” Ao bulyo kale atambula ukubona noku umpilila Jesu munzila.
Currently Selected:
Maleka 10: TBTP
Highlight
Share
Copy
Want to have your highlights saved across all your devices? Sign up or sign in
The Word For The World International
Maleka 10
10
Jesu aa ziga byo kulilukulula
(Mateu19.1-12; Luka16.18)
1Jesu kale azwa momo mu cibaka no kuja mucilalanda ca Judeya no kaluta iziba lya Jodani. Mi ubungi bo bantu kale ba keza kwakwe, mi kokuja ubu katendelanga, kale aba ziga.
2Abafalisi kale ba keza kujeleka Jesu muku mubuza buti, Umukwame, “Alijelele uku lukulula umukazi gwakwe?”
3Jesu kale abe taba buti, “Cinzi naa milaga Mushe?”
4Kale batyo buti, “Mushe naga zuminiza umukwame kun’ola in’olo lyo ku lukulula umukazi noku mutanda.”
5Jesu kale abata buti, “Mushe aa naga n’ola gogu umulao, ni baka lyo bukababu bo myojo jenu.” 6Kono ku matatikilo go kubumba ilonga, Nyambe naga bumba mukwame no mukazi. 7Mi kaleli ibaka, umukwame kuti naleke banyina no besi, noka gunzamina ku mukazi gwakwe, 8mi ububeli bwabo kuti na babe umubili gonke. Mi cwale taa na babe bobile kono mubili gonke bulyo. 9Mi Nyambe ici naa ngungika antuonke, takuli uju ajelele ukucitaa.”
10Aa see kabali munjugo, bazigigwa kame kale ba buza Jesu jejo intaba. 11Kale abata buti, “Muntu gense uju alukulula mukazi gwakwe no kusesa mwanakazi jungi alatendi cise kwakwe. 12Mi umukazi naje aa kana mukwame gwakwe no kasesigwa ku nkosi jungi alatendi cise.”
Imfwijaguzi ja Jesu ku banukegana
(Mateu19.13-15; Luka18.15-17)
13Abantu kame kaba leta banukegana kwa Jesu buti aba tule amaganja gakwe abo, kono bazigigwa kale bajukukila aba kababa leta. 14Jesu aa sala boni bobo, kale anyegela no kutyo kwabo buti, “Muleke banukegana bakeze kwangu, mi muleke uku bakanisa, ukuti Mubuso gwa Nyambe gwa babo bokukoza sinagwe banukegana. 15Zawawa nasa milugwila, umuntu gense uju taa na tambule Mubuso gwa Nyambe sinagwe joju mwanukegana taa nagu ngine.” 16Jesu kale aba inda mu maganja gakwe no ku bakwata no kuba mfwijagula.
Unkosi go lubono
(Mateu19.16-30; Luka18.18-30)
17Jesu aa sala tatiki ulujendo lwakwe, unkosi kale ga mutigilila no keza kugwila abuso ku matende gakwe. Kale ga mubuza buti, “Muzigi umulotu, cinzi ni jelele uku tenda buti nani kajobole ubumi tabumani?”
18Jesu kale amutaba buti, “Cinzi aa uni kuga mulotu? Takuli mulotu bwita Nyambe genke bulyo. 19Ulizekelele imilao ji tyo, ‘Uleke kwiyaga, uleke cise, uleke kuiba, uleke kupaka zomanya, uleke kuinda ca jumwinya kobuomi, uleke kujonena umuntu mi ukutike nyoko nesho.’ ”
20Mi ige kale amutaba buti, “Muzigi, zonse zezi nana zimamela kuzwa ku bwanuke bwangu.”
21Jesu kale amu logolosa ko cisemo, mi kale atyo kwakwe buti, “Cintu conke tokwesi, ujende uka gulise ibi ukwesi byonse no kuwa abampale, mi kuti nogwane ulubono lwa kwigulu. Keza uni umpilile.” 22Unkosi aa sala shugwi bobo, kale akaja bufwite ishoni, ukuti kakwesi ulubono lungi.
23Jesu kale alogolosa noku tyo ku bazigigwa bakwe, “Bukababu buti uju akwesi ulubono na kangina mu Mubuso gwa Nyambe!”
24Bazigigwa kale ba komokwa lwini ko majwi gakwe. Kame Jesu kale anungako buti, “Banangu, bukukutu buti uku ngina mu Mubuso gwa Nyambe! 25Icilotu ca kamele ku ngina mulinsho lye nsonga, isini uju akwesi lubono a ngine mu mubuso gwa Nyambe.”
26Bazigigwa kale bakomokwa lwini wawa, noku ligambaguza mwacabo, “Cwale nini agola uku jojesigwa?”
27Jesu kale abalolela no kutyo, “Ku muntu ceci cikababu, kono kwa Nyambe, ibintu byonse bitole kwa Nyambe.”
28Cwale Pitolosi kale agamba buti, “Tula sigi ibintu byonse noku kuumplila.”
29Jesu kale etaba buti, “Ni conse nasa mi lugwila buti, takuli muntu uju naa leka injugo, nciijakwe, banyina kampa besi kampa bane kampa ulugwa lwangu no majwi gangu, 30takuli nanga genke kwabo uju saka kangwe uku tambula ibintu bingi wawa mwi nako jeji, majungo, baloba no bakazana, bamaa, banuke no lugwa, mane noku shuminigwa, mwi nako jikeza jo bumi tabumani. 31Mi aba bakele kubuso kuti na babe mwishule, bamwishule kuti nababe kubuso.”
Jesu aa gamba lyatatu kazo lufwu lwakwe
(Mateu20.17-19; Luka18.31-34)
32Ao kabali mulujendo lo kuja kwa Jelusalema. Jesu nije kali tangize abuso mi abazigigwa bakwe mi kaba komokite. Kono babo kaba mu umpilile kabajogite. Kame Jesu kale abogola kumbali nabe kumi kabobile no kubata ibi saka bitendaale kwakwe. 33Jesu kale abata buti, “Kwa Jelusalema tuja, koko Mwana Muntu kuti awegwe mu maganja go mupulisita munene no ku bazigi bo mulao. Uku saka baka mwatwiile ulufwu no ku muwa mu maganja go bantu, 34aba naba mushengule no ku musuwagila mate, kumu cwapagula noku muyaga. Kono mwishule lyo majuba go tatwe kuti na buke.”
Kulikumbilila kwa Jemusi na Joani
(Mateu20.20-28)
35Cwale Jemusi na Joani, bana Zebedea, kale bakeza kwa Jesu, noku muta buti, “Muzigi, tusashaka buti utu tendele ibi saka tukumbile byonse.”
36Jesu kale aba buza buti, “Cinzi mushaka buti nimi tendele?”
37Kale ba mutaba buti, “Utuzuminine buti aa no kale mukanya jako, natu kukale jumwina ku mulyo jumwinya ku monsho.”
38Jesu kale atyo buti, “Tamwizi ibi mukumbila, mula gola kunywa mu nkomosi jo mapenzi ni nywina kampa ku kolobezwa inkolobezo nana kolobezigwa kajo?”
39Kale bamutaba buti, “Tula gola,” Jesu kale abatyo buti, “Kuti munywine cwale munkomosi iji ni jelele kunywina noku kolobezigwa iji ni jelele uku kolobezigwa kajo. 40Kono tani kwesi nguzu jo kushalula uju na kakale ku mulyo kampa kumonsho. Ni Nyambe uju nawe byebi ibibaka kwababo naga lukiseza.”
41Bekumi aa sebala shugwi bobo, kale banyegelela Jemusi na Joani. 42Jesu kale aba kuga bonse noku bata buti, “Muli zekelele buti babo aba bategwa buti mbo bajendesi bo macaba no mfumu egulu lyabo, mi abakulu basa jendesa ko nguzu jabo. 43Mi takukele bobo nokwenu, gense uju ashaka ukuba munene akati kenu ali jelele kuba muika gwenu, 44mi gense uju ashaka ukuba gwe tanzi ali jelele kuba muika gwenu mwense. 45Ici naga kezila Mwana Muntu tali buti asebelezwe, kono cakuta buti abelekele abantu, mi abawe ubumi bwakwe, buti awe ubumi bwakwe buti abantu bajojeswe kakwe.”
Jesu aoza ciofu Batimeya
(Mateu20.29-34; Luka18.35-43)
46Aa sebala siki mwa Jeliko, Jesu na bazigigwa bakwe, antuonke ne kagugi ko bantu bangi aa kabazwa mu munzi, unkosi go ciofu gwe zina lya Betameya (intaluso, mwana Timeyasi) uju kekele ambali ne nzila nakumbila. 47Aa shugwa buti ni Jesu gwa Nazaleta, kale atatika ku kugiliza buti, “Jesu igwe Mwana Daviti, unifwile nkumbu!”
48Bamwinya kale bamulwisa buti ombelele. Kono kale akugiliza wawa buti, “Igwe Mwana Daviti, unifwile nkumbu!”
49Jesu kale azimana nokutyo, “Mu mukuge.” Kale bakuga iciofu, uligongoze! “Zimana ko matende gako! Kame akukuga.”
50Batimeya kale ashowa umukanjo gwakwe kumbali, kale ashotokela mwigulu no kuja kwa Jesu.
51Jesu kale amu buza buti, “Cinzi ushaka buti niku tendele?” Mi unkosi gwe ciofu kale etaba buti, “Muzigi, kubona nishaka!”
52Jesu kale amuta buti, “Ujende, intumelo jako jila kulwalukisi.” Ao bulyo kale atambula ukubona noku umpilila Jesu munzila.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Word For The World International