BaEfeso 5

Kupona Mumumuni

1Nkikaako amwiiye kuli Leza, mbuli bana bayandwa, 2#Kul 29:18; Ezekk 20:41. alimwi mweende muluyando, mbuli Kkirisitu mbwakatuyanda mpawo wakalipeda nkaambo kesu, wakaba chipo chinunkilila achipayizyo kuli Leza.

3Pesi bumambi abusofwazi boonse nikuba bwanka, tazyeelede pe nikuba kwaambwa akati kanu, tazyeelede pe ziliboobu akati kabasalali. 4Kutabi buubi, nikuba masampu, nikuba kuchengana, ziteelede; nikuba boobo ngakube kupa kulumba. 5Ngamube akasimpe acheechi, kuti takwe simamambi nikuba busofwazi, nikuba bwanka (chaamba, bapiila mizimu) ulaalukono mubwami bwaKkirisitu abwaLeza.

6Kutabi uumwi umuyuunga amajwi abuyo, nkaambo kazeezi zintu kuti bukali bwaLeza bulaza kubantu bataswiilili. 7Nkikaako mutabi abulyidilani ambabo, 8nkaambo kale mwakali mudima, pesi lino muli mumuni muMwami; amweende mbuli bana bamumuni, 9nkaambo muchelo wamumuni ujanwa muli zyoonse zibotu aziluleme abwiini. 10Amweezye kwiiya eezyo zikondelezya kuMwami. 11Mutabi achakuchita mumilimu itakwe muchelo yamumudima, pesi nikubaboobo muyiiyubunune. 12Nkaambo zipa bweeme nikuba kwaambuula atala azintu eezyo nzibachita munsite; 13pesi kuti kufumbwa chintu chayubununwa amumuni inga chaliboniya, 14nkaambo kufumbwa chintu eecho chaliboniya mumuni. Nkikaako nchikwaambwa kuti,

“Asinsimuka, iwe nuleede, alimwi buka kuzwa kubafu,

mpawo Kkirisitu uyoomumwinikila.”

15Eelyo amulange kabotu mbumupona, peepe mbuli bantu batali basongo, pesi mbuli basongo, 16#Kkol 4:5. amubelesye kabotu chiindi chiingi, nkaambo mazuba aaya mabi. 17Nkikaako mutabi bafubafuba, pesi amumvwisisisye kuti kuyanda kwaMwami nkuuli.

18Alimwi mutakolwi awayini, nkaambo eecho chitoola kukutalizyotolola; pesi amuzuzigwe aMuuya, 19#Kkol 3:16-17. amwaambuzyaniye umwi awumwi antembawuzyo amalelebu anyiimbo zyamuuya, kamwiimba akulumbayizya kuMwami mumoyo wanu woonse, 20lyoonse alimwi kuzintu zyoonse kamupa kulumba muzina lyaMwami wesu Jesu Kkirisitu kuli Leza Taata.

Banakazi aBalumi

21Kamulibombya kuli uumwi awumwi muchite oobo mulemeka Kkirisitu.

22 # Kkol 3:18—4:1. Nibanakazi, amulibombye kubalumi banu, mbuli kuMwami. 23Nkaambo mwaalumi ngumutwe wamwanakazi mbuli Kkirisitu mbali mutwe wambungano, mubili wakwe, alimwi nguMufutuli wayo lwakwe. 24Mbuli mbungano mbuyiili libombya kuli Kkirisitu, mbumbubo alubo banakazi ngabalibombye mulizyoonse kubalumi babo.

25Nibalumi, amubayande banakazi banu, mbuli Kkirisitu mbwakiiyanda mbungano mpawo wakalipeda nkaambo kayo, 26kuti akamusazye, kali kumusalazya akumusanzya ameenda ajwi, 27kuti akayitondeezye imbungano kulinguwe nkilabulemu, kiitakwe kabata nikuba kiitafwiinyene nikuba chintu kufumbwa chiloobo, kuti isalale alimwi katakwe kampenda. 28Nikuba boobo balumi beleede bayande banakazi babo mbuli mibili yabo. Kufumbwa uyanda mwanakazi wakwe ulaliyanda mwini. 29(Nkaambo takukwe muntu usula mubili wakwe pe, pesi ulusanina akuyibamba, mbuli Kkirisitu mbwachita kumbungano, 30nkaambo iswe tulizizo zyamubili wakwe.) 31#Matl 2:24. “Nkaambo kazeezi mwaalumi uyoosiya wisi abanyina alimwi akakamantane kumwanakazi wakwe, alimwi aaba babili bayooba mubili uumwi.” 32Eeyi ninsiswa mpati, alimwi ndilokwaamba kuti eechi mukozyano waamba atala aKkirisitu ambungano. 33Nikubaboobo, umwi awumwi ayande mwanakazi wakwe mbuli mbaliyanda alakwe, alimwi mwanakazi ngalange kuti alemeke mulumi wakwe.

Currently Selected:

BaEfeso 5: TTP

Highlight

Copy