Popular Bible Verses from BaEfeso 5

Share

Nkikaako amwiiye kuli Leza, mbuli bana bayandwa, alimwi mweende muluyando, mbuli Kkirisitu mbwakatuyanda mpawo wakalipeda nkaambo kesu, wakaba chipo chinunkilila achipayizyo kuli Leza.

Eelyo amulange kabotu mbumupona, peepe mbuli bantu batali basongo, pesi mbuli basongo, amubelesye kabotu chiindi chiingi, nkaambo mazuba aaya mabi.

Alimwi mutakolwi awayini, nkaambo eecho chitoola kukutalizyotolola; pesi amuzuzigwe aMuuya, amwaambuzyaniye umwi awumwi antembawuzyo amalelebu anyiimbo zyamuuya, kamwiimba akulumbayizya kuMwami mumoyo wanu woonse, lyoonse alimwi kuzintu zyoonse kamupa kulumba muzina lyaMwami wesu Jesu Kkirisitu kuli Leza Taata.

Nkikaako mutabi bafubafuba, pesi amumvwisisisye kuti kuyanda kwaMwami nkuuli.

Nibalumi, amubayande banakazi banu, mbuli Kkirisitu mbwakiiyanda mbungano mpawo wakalipeda nkaambo kayo

nkaambo kale mwakali mudima, pesi lino muli mumuni muMwami; amweende mbuli bana bamumuni

Kamulibombya kuli uumwi awumwi muchite oobo mulemeka Kkirisitu.

Nibanakazi, amulibombye kubalumi banu, mbuli kuMwami.

Nikubaboobo, umwi awumwi ayande mwanakazi wakwe mbuli mbaliyanda alakwe, alimwi mwanakazi ngalange kuti alemeke mulumi wakwe.

“Nkaambo kazeezi mwaalumi uyoosiya wisi abanyina alimwi akakamantane kumwanakazi wakwe, alimwi aaba babili bayooba mubili uumwi.”

Mutabi achakuchita mumilimu itakwe muchelo yamumudima, pesi nikubaboobo muyiiyubunune.