रोम 14
14
मित् एटाक्को आलोम बिचा़रकोवा
1बिसवा़सरे निजोरिच् दो आताङ साँवहायेपे, मेनखान उनियाक् हुदिस बुनदिसजोङको रेयाक् बिचा़र ला़गित् दो आलो। 2मित् होड़ दो सानामाक् जोमा मेनते बिसवा़स मेनाक्ताया, मेनखान निजोरिच् दो एकेन आड़ाक् साकामगेये जोमेदा। 3जोमेत्कान होड़ दो बाय जोमेत्इच् आलोय निहा़ँतेमा आर बाय जोमेत् होड़ दो जोमेत्इच् आलोय बिचा़रेमा, इसोर दो एनते उनिये आताङ साँवहा आकादेया। 4आम दोम चेलेकानते बाङ एटाक् होड़रेन गुतिम बिचा़रेदेकान? आपानार किसा़ँड़ ठेनगेये तेङगो टारहावक्काना चाहेये गुरोक्काना, हें, तेङगो टारहाव ओचोक्आय, एनते प्रोभु दो उनि तेङगो टारहावओचोये ला़गित्ए दाड़ेयेना।
5मित् होड़ दो मित् दिन एटाक् दिन खोन सोरोसे बुजहा़वेदा। एटाक् होड़ दो सानाम दिन सोमानगेये बुजहा़वेदा। मिमित् होड़ आपनार मोनरेये निट जोङमा। 6दिन माक्नाविच् दो प्रोभु ला़गित्ए मानावेदा, जोमेत्कान होड़ दो प्रोभु ला़गित्ए जोमेदा, एनते उनि दो इसोरे गुन मानाव जोहारायकाना आर बाय जोमेत्कान होड़ दो प्रोभु ला़गित् बाय जोमेदा आर इसोरे गुनमानाव जोहारायकाना। 7एनते आबो मोदरेन ओकोय हों आपनार ला़गित् जिवेत् दो बाबो ताहेन काना आर ओकोय हों आपनार ला़गित् दो बाबो गुजुक्आ। 8एनते जिवेत्बोन ताहेनकान दो प्रोभु ला़गित्गे जिवेत्बो ताहेनकाना आरबोन गुजुक्कान दो, प्रोभु ला़गित्गेबो गुजुक्काना, ओना इया़ते पारलेक जिवेत्बो ताहेन, पारलेकबो गुजुक्, प्रोभुरेन कानगेयाबोन। 9एनते नोवा मेनतेगे मा़सि दोए गोच्लेना आरे जिवेत् रुवा़ड़ेना, जेमोन गोच्कोरेन हों आर जिवेत्कोरेन हों प्रोभुये होयोक्। 10मेनखान आम दो बोयहाम आर मिसराम चेदाक्एम बिचा़रेदा? एनते सानामकोगे इसोराक् बिक्चा़र दुड़ुप्आक् सामाङरेबोन तेङगो ओचोक्आ। 11चेदाक्जे ओलआकाना,
“इञिञ जिवेत्गेते, प्रोभुइ मेनेदा,
मित्के मित् गुनठि इञ सामाङरे इखड़ुमोक्आ,
आर मित्के मित् आलाङ दो इसोरे सारहावेया।”#जेसाया 45:23; 49:18
12आदो एनडेखान आबो मिमित् होड़ आपनार रेयाङ लेखाजोखा इसोर एमाय होयोक्ताबोना।
मित् एटाक्को आलो ता़किच् ओचोको रेयाङ
13ओनाते आर दो आलोबोन बिपिचा़रमा; बिचकोम नोवागे बिचा़रपे बोयहा होड़ जाहान तोक्होत्आक् से ता़क्किच्आक् बाड़ेपे दोहोवाय। 14बाडायगेया़ञ आर प्रोभु जिसुरेञ खा़टिआकावाना, जे ओका हों आच्ते दो बाङ छुता; मेनेक् ओकोय जाहानाक् छुताक्ए मेताक्काना, उनि ला़गित् ओना दो छुताक्गेया। 15चेदाक्जे जोमाक् खा़तिरते आमरेन बोयहाय मोन दुक ओचोक्कान खान, दुला़ड़ते आर बाम चालचोलोनेदा। आमाक् जोमाक् कारोनते उनि दो आलोम नासाव ओचोयेया, ओने ओकोय ला़गित् मा़सिये गोच्लेन। 16आपेयाक् भागेयाक् का़मिको दो आलो हेनोसता ओचोक्मा। 17एनते इसोराक् राज दो जोमाक् आर ञुवाक् दो बाङ काना, मेनखान बिक्चा़र आर सुलुक आर रा़सका़गे सोनोत जिउरे। 18एनते नोनकाते मा़सि ठेन गोलामे खाटावक्कान होड़ दो इसोरे कुसियायकाना आर होड़को ठेन हों लेक ए टारहावक्काना। 19आदो एनडेखान सुलुक रेयाक्कोबोन खुदा़उमा आर आबो मित् एटाक्रे बेनाव राक्काप्आक्कोगे। 20जोमाक् खा़तिरते इसोर रेयाक् का़मि दो आलोपे भाङगलाभाटा। सानामाक् नापाय मा नापायगे, मेनखान उनि होड़ ला़गित् दो बा़ड़िच्गेया ओकोय ता़किच् ओक्चोको तुलुच्ए जोमेत्कान। 21जेल जोम से दारखा रासा ञुय, से ओकाटाक्ते बोयहामे ता़किच्कोक्, ओना आलो ओनकायगे भागेया। 22नोवाको काथारे मेनाक्ताम बिसवा़स दो इसोर सामाङरे ताहेनताममा, भा़गानगेयाय उनि होड़ दो, ओकोय भागेये मेताक्कानाक्रे आपनारते बाय बिचा़रोक्कान। 23मेनखान दिगधा़कातेये जोमले खान, उनि दो दुसिये टारहावक्काना। एनते बिसवा़सतेयाक् दो बाङ होयलेना आर जोतोवाक्गे का़इ काना ओका बेगोर बिसवा़सतेयाक्कान।
Currently Selected:
रोम 14: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
