Popular Bible Verses from रोम 14

Share

एनते इसोराक् राज दो जोमाक् आर ञुवाक् दो बाङ काना, मेनखान बिक्‌चा़र आर सुलुक आर रा़सका़गे सोनोत जिउरे। एनते नोनकाते मा़सि ठेन गोलामे खाटावक्‌कान होड़ दो इसोरे कुसियायकाना आर होड़को ठेन हों लेक ए टारहावक्‌काना।

एनते जिवेत्‌बोन ताहेनकान दो प्रोभु ला़गित्‌गे जिवेत्‌बो ताहेनकाना आरबोन गुजुक्‌कान दो, प्रोभु ला़गित्‌गेबो गुजुक्‌काना, ओना इया़ते पारलेक जिवेत्‌बो ताहेन, पारलेकबो गुजुक्, प्रोभुरेन कानगेयाबोन।

आदो एनडेखान सुलुक रेयाक्‌कोबोन खुदा़उमा आर आबो मित् एटाक्‌रे बेनाव राक्‌काप्‌आक्‌कोगे।

ओनाते आर दो आलोबोन बिपिचा़रमा; बिचकोम नोवागे बिचा़रपे बोयहा होड़ जाहान तोक्‌होत्‌आक्‌ से ता़क्‌किच्आक् बाड़ेपे दोहोवाय।

चेदाक्‌जे ओलआकाना, “इञिञ जिवेत्‌गेते, प्रोभुइ मेनेदा, मित्‌के मित् गुनठि इञ सामाङरे इखड़ुमोक्आ, आर मित्‌के मित् आलाङ दो इसोरे सारहावेया।” आदो एनडेखान आबो मिमित् होड़ आपनार रेयाङ लेखाजोखा इसोर एमाय होयोक्‌ताबोना।

बिसवा़सरे निजोरिच् दो आताङ साँवहायेपे, मेनखान उनियाक् हुदिस बुनदिसजोङको रेयाक् बिचा़र ला़गित् दो आलो।

आम दोम चेलेकानते बाङ एटाक् होड़रेन गुतिम बिचा़रेदेकान? आपानार किसा़ँड़ ठेनगेये तेङगो टारहावक्‌काना चाहेये गुरोक्‌काना, हें, तेङगो टारहाव ओचोक्आय, एनते प्रोभु दो उनि तेङगो टारहावओचोये ला़गित्ए दाड़ेयेना।