रोम 12
12
इसोराक् साप्दाप्रे जियोन
1आदो, ए बोयहा आर मिसराको, इसोराक् माँयाँ ञुतुमतेञ नेहोंरापेकाना, आपेयाक् होड़मो दो जिवेत्, सोनोत आर इसोरे कुसियाक् दाँड़ें मेनकाते सामाङ तापे, ओकाटाक् आपेयाक् जिउ तेयाक् सेवाकान। 2आर नोवापुरिरेनको लेका दो आलोपे ढोबोक्आ बिचकोम मोन रेयाक् नावाँ आरोक्ते फेरावक्पे, जेमोनपे बिडा़उ ओरोम दाड़ेयाक् इसोराक् मोनेजोङ, ओना भागे आर कुसियाक् लेक आर पुरा़उक्गे।
3चेदाक्जे, इञे एमआकावादिञ दायाते आपे मिमित् होड़ इञ मेतापेकाना, आपनार निजे रेयाङ ओकाटाक् लेक ओना खोन बा़ड़ति दो आलोय हुदिसजोङमा, बिचकोम इसोर मिमित् होड़ बिसवा़स रेयाक्ए सोङ हा़टिञ आकावात् बोन लेका सोतेये बाडायोक्मा। 4एनते चेत्लेका मित् होड़मोरे आयमा होड़मो हा़टिञ मेनाक्ताबोना, मेनखान जोतो होड़मो हा़टिञ रेयाक् का़मि मित् लेका दो बाङ काना। 5ओनकागे आबो आयमा उता़रको दो मा़सिरेबोन मित् होड़मोगेया, आर आबो मिमित्को दो मित् एटाक्कोवाक् होड़मो हा़टिञको कानाबोन। 6आदो एमआकावात्बोन दाया लेका जुदा़ जुदा़ दाया दान मेनाक्ताबोनते, ना़क्बि रेयाक् कान खान, बिसवा़स ना़पितगेबोन ना़क्बिमा।#१ कोरिन्थिको 12:4-11 7से साप्दाप् गिरि खान, साप्दाप् गिरिरेबोन जामाड़ोक्मा; से चेचेत्इच् कानाय मेनखान चेचेत्रे, 8से उसकुरिच्कान खाने, उसकुरकोरे; एम हा़क्टिञिच् दो सोड़ा मोनते, चाक्लाविच् दो जिदकाते, माँक्याँयिच् दो खारसालाते। 9दुला़ड़ दो बिन फा़सिया़रा बाड़े ताहेनमा। बा़ड़िच्आक् हिरखा़वाक्पे, भागेयाक्रे जामाड़ाकान ताहेंनपे। 10बोयहा दुक्ला़ड़रे सोपोहागपे मापानोतरे हापारावक्पे 11जिदरे आलोपे आसकेतोक्आ, जिउरे सेङगेल आकान ताहेंनपे प्रोभु सेवावायपे, 12आसरे रा़सका़क्पे सानतावरे सोबोरिपे; कोयजोङरे धुरा़वाकान ताहेंनपे। 13सोनोतको जा़रुड़ाकोवाक् एमाकोरे रा़सिया़क्पे, पेड़ा गुन दोहो जोङपे। 14आपे खेखेदको भोराकोपे, भोराकोपे आलोपे सारापाकोवा। 15रा़सका़क्को तुलुच् रा़सका़क्पे, राराक्को तुलुच् रागपे। 16आपे आपे ला़गित् मित्गे मोनेजोङपे। उसुलोक्को दो आलोपे मोनेजोङा, मेनखान निंधा़नको सेच् मोनेयाक्पे। आपनार नोजोररे बुदानको आलोपे होयोक्आ।#का़हतुक 3:7; जेसाया 5:21
17बा़ड़िच् बोदोल बा़ड़िच् ओकोय हों आलोपे हालावाकोवा। भागेयाक् चिन्ता़ जोङपे सानाम होड़को सामाङरे। 18होय दाड़ेयाक् खान आपे सेच् खोन दो सानाम होड़को तुलुच सुलुकआकान ताहेनपे। 19ए दुला़ड़िया़को, आपे दो आलोपे हालाहा़क्लिक्आ, मेनखान एदरे दो ठा़ँइ आड़ाक्आक्पे, एनते ओलआकाना, इञाक्गे हालाहा़क्लि दो इञगेञ हाला रुवा़ड़ा, प्रोभुइ मेनेदा।#देउतरोनोमि 32:35 20मेनखान आमरेन बा़इरि रेङगेच्लेरे जोमाक् एमायमे, तेताङलेरे ञुवाक् एमायमे, नोनकाले खानेम एनते उनियाक् बोहोक्रे सेङगेल आङगराम पुंजिवाया। 21बा़ड़िच्आक्ते दो आलोम भागाव ओचोक्आ, मेनखान भागेयाक्ते बा़ड़िच्आक् दो भागावमे।
Currently Selected:
रोम 12: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
