रोम 11
11
इसराएलरे इसोराक् माँयाँ
1आदोञ मेनेदा इसोर दो आच्रेन पोरजाकोय गिडि सायकेत्कोवा? ओहोवा, एनते इञ हों इसराएलि होड़ कानगेया़ञ, आबराहाम बोंसरेन बेनजामिन खुँटरेनगे।#फिलिपिको 3:5 2इसोर दोए बाडाय लाहालेत्को आच्रेन पोरजा बाय गिडि सालेत्कोवा। से बापे बाडाया सोसतोर दो एलिया़ रेयाक् चेत्ए मेनेत् काना? चेत्लेका उनि दो इसराएलि उपा़रते इसोर ठेने आरदास लाक्आ, 3एनकाथाय, ए प्रोभु, आमरेन ना़बिकोको गोच्आकात्कोवा, आमाक् पिंडकोको ला दासावाकादा आर इञ एसकारगेञ सारेच्आकाना आर इञाक् जिवि होंको सेसेंदराकाना।#१ रापाजको 19:10,14 4मेनखान इसोराक् रोड़ रुवा़ड़ दो चेत्ए मेतायकाना? एयाय हाजार हेरेल होपोनिञ सारेच् दोहोकावाना, ओने ओनको बाल ञुतुमते बाको इकड़ुमआकान। 5आदो ओनकागे नाहाँक् हों दाया रेयाक् बाक्छाव लेकाते सारेच्को मेनाक्कोगेया। 6मेनखान दायाते कान खान एनडेखान का़मिकोतेयाक् आर दो बाङकाना, बाङखान दाया दो दायागे आदो बाङ ताहेंकोक्आ।
7आदोचेत्? ओकाटाक् इसराएले ञामबाड़ायेत् ताहेंकान, ओना दो बाय ञामलेदा, मेनखान बाछावको दोको ञामकेत्गेया। सारेच्को दोको केटेच् मोनेयेना। 8ओलआकान लेका,
एनकाथाय, “इसोर दो तालभाङ जिवे एमात्कोवा, आलोको ञेञेला मेनते, मेत् आर आलोको आँजोमा मेनते लुतुर, तेहेञ दिन हा़बिच्गे।” 9आर दा़उदे मेनेदा,
“ओनकोवाक् जोजोम ञुञु दो पा़सि आर झाम्पा बाड़े होयोक्ताकोमा
आर ता़क्किच्आक् आर हाला हा़लिगे ओनको ला़गित्।
10ओनकोवाक् मेंत् बाड़े आ़नधुवा़क्ताकोमा जेमोन आलोको ञेञेल,
आर ओनकोवाक् देया दो जायजुग कोबजोएताकोमे।”
11आदोञ मेनेदा बाङ दो गुरोक्आ मेनतेको तोहोत्एन? ओहोवा मेनखान ओनकोवाक् का़इ इया़तेगे बाञचावक् दो जिहुदि बाहरेरेन होड़को ठेन हेच् आकाना, जिहुदिको आँट ओचोक् ला़गित्।#देउतरोनोमि 12आर ओनकोवाक् तोहोत् गुरोक् दो धा़रति रेयाक् धोन आर ओनकोवाक् लोकसान दो जिहुदि बाहरेरेन होड़ जा़त रेयाक् धोन कान खान ओनकोवाक् पुरा़उतेत् दो तिना़क् आरतेत् बा़ड़तिगे।
जिहुदि बाहरेरेन होड़कोवाक् बाञचावक्
13मेनखान आपे जिहुदि बाहरेरेन होड़कोञ मेतापेकाना जिहुदि बाहरेरेन होड़कोरेन आपोसतोल हुयोक्तेगे इञ दो इञाक् साप्दाप् गिरिञ माराङ ओचोयेत्तिञा। 14जाहाँलेकाते इञ निज जा़तरेनको आँट ओचोकोते ओनको मोदरेन आदोम आदोमकोञ बाञचाव दाड़ेयात्कोगे। 15एनते ओनकोवाक् गिडि ओचोक् दो धा़रतिरेनकोवाक् सासामगेयाक् कान खान एनडेखान ओनकोवाक् आताङ दारामोक् दो चेत् गोच्को खोन जियोनगे बाङ? 16आर पा़हिल फोसोल सोनोतगे खान, सिपियाक् होलोङ हों ओनकागे आर रेहेत्तेत् सोनोतगे खान, डा़रको हों ओनकागे। 17मेनखान जुदि आदोम आदोम डा़रको रा़पुत् गिडियेन खान, आम, ओने बिर जा़इतुनेम ताहेंकानरे हों ओनाको तालारेम कोलोम मित्एन आर ओनाको तुलुच् जा़इतुन रेयाक् रेहेत् आर सुनुम रोसरे बाखरादारेम होयेन खान। 18एनडेखान डा़रको उपा़रते आलोम गोरोबोक्आ आरेम गोरोबोक् कान खान, आमदो रेहेत् दो बाम गोक् टारहावाकादा, बिचकोम रेहेत्गे आमे टारहावाकात्मेया। 19एनडेखानेम मेना, डा़रको दो रा़पुत् गिडि ओचोयेना, इञिञ कोलोम मित् ओचोक्आ मेनते। 20बोगेगे ओनको दो बेपा़तिया़उ इया़तेको रा़पुत् गिडि ओचोयेना, मेनखान आम दो पा़तिया़उतेगेम तेङगो टारहावाकाना। आलोम उसुल मोनोक्आ बिचकोम बोतोरोक्मे। 21इसोर दो एनते निज डा़रको बाय माँयाँवात् खान, आम हों ओहोय माँयाँलेमा। 22नोक्ओंय ञेलमे इसोराक् सोसटोब आर आझांटतेत् गुरेनको सेच् दो आझांटतेत्, मेनखान आमसेच् दो इसोराक् सुसटोबगे, खा़जुक उनियाक् सुसटोबरेम ताहें इदिक्, बाङ खान आमहोंम माक्गिडि ओचोक्आ। 23आर इसराएलको हों, खा़जुक आकोवाक् बेपा़तिया़उरे आलोको ताहें इदिक्, एनडेखानको कोलोम मित् ओचोक्आ। एनते इसोर दो आरहोंए कोलोम मित् दाड़ेयाकोवा। 24आम दो जोनोमतेयाक् बिर जा़इतुन खोनेम माक् ओडोक ओचोयेनते जोनोम खोन उलटा़ भागे जा़इतुन दारेरेम कोलोम मित् ओचोयेन खान, एनडेखान तिना़क् आरतेत्गे ओनको दो, ओने ओकोय जानामतेनकानको, आकोवाक् निज जा़इतुन दारेरेको कोलोम मित् ओचोक्आ।
सानाम मानवाकोरे इसोराक् माँयाँ
25आर बा़ञ मेनजोङ काना, ए बोयहा मिसराको, नोवा ओकोवाक्को रेयाङ आजानपे ताहेन दो बाङखान पासेच् आपे नोजोररे बुदगा़रिया़पे होय बोतेच्कोक् बाङमा, इसराएलरेन आदहा सुदहा़को दो मोन केटेच् पाड़ावात्कोवा, जिहुदि बाहरेरेन होड़कोवाक् पुरा़उतेत् आ़उरि हेच् बोलोक् हा़बिच्। 26आर नोनकाते जोतो इसराएलिको बाञचावक्आ ओलआकान लेका,
“सियोन खोन रुरुखिया़इच् दोए हिजुक्आ,
उनि दो जाकब खोन बेभोकतिये ओचोक् गिडिया।#जेसाया 59:20
27आर नोवागे ओनको तुलुच् इञाक् बोनदोबोस दो,
ओनकोवाक् का़इकोञ ओचोक्लेताकोरे।”#जिरिमिया़ 31:33; 34
28भागे सोमबात लेकाते माको बा़इरिकान आपे इया़ते, मेनखान बाक्छाव लेकाते दो दुला़ड़िया़कोगे हापड़ामको इया़ते। 29एनते इसोर दो आयाक् दाया दानको आर होक्हो रेयाक् दो बाय कासतावक्आ 30चेदाक्जे चेत्लेका आपे दो सेदायरे इसोराक्पे बेबातावलेत्ताया, मेनखान नितोक् दो ओनकोवाक् बेबाक्तावते माँयाँआकावात्पे।
31ओनकागे ओनको हों नितोक् दो बाको बातावेदा, जेमोन आपेपे माँयाँ ओचोयेनते ओनको हों नितको माँयाँ ओचोक्। 32एनते इसोर दो ओनको सानामगे बेबाक्तावरेये बोंद एसेत्कात्कोवा, जेमोन सानामकोगेये माँयाँवाको।
इसोराक् सारहाव होयोक्मा
33आह, इसोर रेयाक् धोन आर आकेल आर बाक्डाय रेयाक् खा़न्दरिञतेत्, तिनाक् बिन डुन्ढा़उक्आक् काना उनियाक् बिचा़र को दो आर उनियाक् होरको दो तिना़क् बिन पाँजाक्आक्।#जेसाया 55:8 34प्रोभुवाक् मोने दो एनते ओकोय हालेये बाडायाकादा? से उनिरेन सोसोलहायिच् दो ओकोये ताहेंकाना?#जेसाया 40:13; जोब 15:8; जिरिमिया़ 23:18 35से ओकोये एम पा़हिलआकावादेया, ओनाते हाला रुवा़ड़ोक्ताया?#जोब 41:11 36चेदाक्जे उनि खोन, उनि होतेते आर उनि ला़गित्गे सानामाक् दो उनियाक्गे ठोनोक दो जायजुग हा़बिच् आमेन।#१ कोरिन्थिको 8:6
Currently Selected:
रोम 11: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
