Popular Bible Verses from रोम 12

Share

आर नोवापुरिरेनको लेका दो आलोपे ढोबोक्आ बिचकोम मोन रेयाक् नावाँ आरोक्‌ते फेरावक्‌पे, जेमोनपे बिडा़उ ओरोम दाड़ेयाक् इसोराक् मोनेजोङ, ओना भागे आर कुसियाक् लेक आर पुरा़उक्‌गे।

आदो, ए बोयहा आर मिसराको, इसोराक् माँयाँ ञुतुमतेञ नेहोंरापेकाना, आपेयाक् होड़मो दो जिवेत्, सोनोत आर इसोरे कुसियाक् दाँड़ें मेनकाते सामाङ तापे, ओकाटाक् आपेयाक् जिउ तेयाक् सेवाकान।

आसरे रा़सका़क्‌पे सानतावरे सोबोरिपे; कोयजोङरे धुरा़वाकान ताहेंनपे।

बा़ड़िच्आक्‌ते दो आलोम भागाव ओचोक्आ, मेनखान भागेयाक्‌ते बा़ड़िच्आक् दो भागावमे।

बोयहा दुक्‌ला़ड़रे सोपोहागपे मापानोतरे हापारावक्‌पे

दुला़ड़ दो बिन फा़सिया़रा बाड़े ताहेनमा। बा़ड़िच्आक् हिरखा़वाक्‌पे, भागेयाक्‌रे जामाड़ाकान ताहेंनपे।

होय दाड़ेयाक् खान आपे सेच् खोन दो सानाम होड़को तुलुच सुलुकआकान ताहेनपे।

ए दुला़ड़िया़को, आपे दो आलोपे हालाहा़क्‌लिक्‌आ, मेनखान एदरे दो ठा़ँइ आड़ाक्आक्‌पे, एनते ओलआकाना, इञाक्‌गे हालाहा़क्‌लि दो इञगेञ हाला रुवा़ड़ा, प्रोभुइ मेनेदा।

जिदरे आलोपे आसकेतोक्आ, जिउरे सेङगेल आकान ताहेंनपे प्रोभु सेवावायपे

चेदाक्‌जे, इञे एमआकावादिञ दायाते आपे मिमित् होड़ इञ मेतापेकाना, आपनार निजे रेयाङ ओकाटाक् लेक ओना खोन बा़ड़ति दो आलोय हुदिसजोङमा, बिचकोम इसोर मिमित् होड़ बिसवा़स रेयाक्ए सोङ हा़टिञ आकावात्‌ बोन लेका सोतेये बाडायोक्‌मा।

बा़ड़िच् बोदोल बा़ड़िच् ओकोय हों आलोपे हालावाकोवा। भागेयाक् चिन्‌ता़ जोङपे सानाम होड़को सामाङरे।

आपे आपे ला़गित् मित्‌गे मोनेजोङपे। उसुलोक्‌को दो आलोपे मोनेजोङा, मेनखान निंधा़नको सेच् मोनेयाक्‌पे। आपनार नोजोररे बुदानको आलोपे होयोक्आ।

मेनखान आमरेन बा़इरि रेङगेच्‌लेरे जोमाक् एमायमे, तेताङलेरे ञुवाक् एमायमे, नोनकाले खानेम एनते उनियाक् बोहोक्‌रे सेङगेल आङगराम पुंजिवाया।

आपे खेखेदको भोराकोपे, भोराकोपे आलोपे सारापाकोवा। रा़सका़क्‌को तुलुच् रा़सका़क्‌पे, राराक्‌को तुलुच् रागपे।

सोनोतको जा़रुड़ाकोवाक् एमाकोरे रा़सिया़क्‌पे, पेड़ा गुन दोहो जोङपे।

एनते चेत्‌लेका मित् होड़मोरे आयमा होड़मो हा़टिञ मेनाक्‌ताबोना, मेनखान जोतो होड़मो हा़टिञ रेयाक् का़मि मित् लेका दो बाङ काना। ओनकागे आबो आयमा उता़रको दो मा़सिरेबोन मित् होड़मोगेया, आर आबो मिमित्‌को दो मित् एटाक्‌कोवाक् होड़मो हा़टिञको कानाबोन।