मा़र 8
8
जिसु पोन हाजार होड़े जोम ओचोयेत्को
(माथ 15:29-39)
1ओनाको दिनरे आरहों आ़डि गादेल होड़को ताहेंकाना आर जोम ला़गित् चेत् हों बाङ ताहेंकानताकोरे, जिसु दो आच्रेन चेलाको, होहो सोरकातेये मेतात्कोवा, 2“नोको गादेल होड़कोरेञ माँयाँक् काना, एनते नितोक् दो पे माँहाँ खोन इञ ठेन मेनाक्कोवा आर जोमाक् दो चेत् हों बा़नुक्ताकोवा। 3उपा़सते आकोवाक् ओड़ाक्तेञ बिदा़लेको खान होररेको लोरावक्आ, एनते आदोमको दो सा़ङगिञ खोनको हेच् आकाना।” 4उनिरेन चेलाकोको रोड़ रुवा़ड़ादेया, “नोंडे हाहाङकाररे दो ओकोय ओका खोन नोको होड़ दो पिठा़तेये जोम बि ओचो दाड़ेकेकोवा?” 5आदो जिसु आच्रेन चेलाकोय कुलि केत्कोवा, “तिना़क् पिठा़ मेनाक् तापेया?” मेनकेदाको, “एयाय गोटेन।” 6खानगे गादेल होड़ ओतरे दुड़ुप् ए हुकुमात्कोवा आर ओनाको एयाय पिठा़इ आताङकेदा, आदो गुनमानाव जोहारकातेये केचाक् केदा, आर आच्रेन चेलाकोय चाल इदियात्कोवा जेमोन होड़कोको दोहो इदिआको आर ओनको चेलाको दो गादेल होड़को एम इदियात्कोवा। 7आर थोड़ा थुड़ि का़टिच् हाकोको ताहेंकानताकोवा, ओनको होंए भोरआत्कोते, एम इदिआकोय हुकुमात्कोवा। 8आदोको जोमकेदा आरको बियेना आर सारेच्आक् केचाक् काटरा कुटरा़ दो एयाय खा़चला़क्को हालाङ जारवाकेदा। 9आर ओनको दो पोन हाजार गान होड़को ताहेंकाना। आदोए बिदा़कात्कोवा। 10खान उसा़रागे आच्रेन चेलाको तुलुच् ला़उका़रे देच्काते दालमा़नुथा टोठाकोतेये हेच्एना।
फा़रिसिको चिनहा़को खोजकान
(माथ 16:1-6)
11आर फा़रिसिको दोको ओडोक हेच्एना आर जिसु तुलुच् रेटेपेटेक्को एहोप् एना आर फासावे ला़गित् सेरमा खोन मित्टेन चिनहा़को खोज केदा। 12आदो जिसु जिउरे कुहरा़वातेये मेनकेदा, “नोवा पिड़हिरेनको दो चेदाक् चिनहा़को खोजकाना? सा़रिगेञ मेतापेकाना, नोवा पिड़हिरेनको ठेन दो चेत् चिनहा़ हों ओहो एमलेना।” 13खानगे ओनकोय बा़गि ओटोवात्कोवा आर ला़उका़रे आरहों देच्काते दोरयाँव हानासाये पारोम चालावेना।
फा़रिसिको आर हेरोदरेनकोवाक् ता़ड़ि
(माथ 16:5-12)
14जिसुरेन चेलाको दो पिठा़ इदितोराको हिड़िञ आकात् ताहेंकाना आर ओनको ठेन ला़उका़रे मित्गोटेन छाडा आर पिठा़ बाङ ताहेंकाना। 15जिसु दो चेलाको का़जिया़ँउकातेये मेतात्कोवा, “फा़रिसिकोवाक् आर हेरोदरेनकोवाक् ता़ड़ि खोन मेन सोनतोर आकान ताहेनपे।” 16ओनाते आको आकोरेको खेंजेर मेंजेरोक् कान ताहेंकाना, “एनते पिठा़ दो बा़नुक् ताबोना,” ओनाते जिसु नोवाय मेनेत् ताहेंकाना। 17ओना बाडायकाते जिसुइ मेतात्कोवा, “चेदाक्पे खेंजेर मेंजेरोक् काना, पिठा़ बा़नुक्तापेते? चेत् नित हों बापे ओरोमेदा आर बापे बुजहा़वेदा? मोन दो केटेच्गे मेनाक्तापेया? 18चेत् बापे दिसा़येदा मेंत् मेनाक्तापे तुलुच् बापे ञेल एदा? आर लुतुर मेनाक्तापे तुलुच् बापे आँजोम एदा? 19आर ओनको मोंड़ें हाजारको तालारे मोंड़ें गोटेन पिठा़ञ केचाक्लेत्रे तिना़क् फा़तिया़क् पेरेच् काटरा कुटरा़पे हालाङलेदा?” मेतादेयाको, “गेलबार फा़तिया़क्।” 20“आर ओनको पोन हाजार होड़को ला़गित् ओनाको एयाय गोटेन इञ केचाक्लेत्रे तिना़क् खा़चला़क् पेरेच् काटरा कुटरा़पे हालाङलेदा?” मेतादेयाको, “एयाय खा़चला़क्।” 21आदो जिसु आच्रेन चेलाकोय मेतात्कोवा, “नित हा़बिच् बापे बुजहा़वेदा?”
जिसु बेथसायदारेन काँड़ाँ होड़े बोगेयेदे
22आर बेथसायदातेको हेच्एना आर मित्टेन काँड़ाँ होड़ जिसु ठेनको आ़गुकेदेया आर जोटेदेया मेनतेको नेहोंरादेया। 23आदो जिसु उनि काँड़ाँ होड़ ति रे साप्काते आतो बाहरेतेये ओडोक इदिकेदेया, आर उनियाक् मेंत्रे थो काते बानार तितेये चापोकेदेया आरे कुलिकेदेया, “जाहानाक्एम ञेल एदा?” 24खान उनि काँड़ाँ होड़ दो बेङगेत् राकाप्कातेये मेनकेदा, “होड़कोञ ञेलेत्कोवा, एनते दारेको लेका दाँड़ाँ बाड़ाय कानिञ ञेलेत्कोवा।” 25ओनाकाते आरहों जिसु दो उनियाक् मेंत्रे बानार तितेये चापोकेदा, खाने ञेल उता़रकेदा आरे बोगेयेना, आर सानामाक्को पुसटा़उवे ञेलञामकेदा। 26आदो जिसु नोवा मेनकाते आयाक् ओड़ाक्तेये कोलकादेया, “मेन, आतोते दो बोलो हों आलोम बोलोक्आ।”
पातरासआक् आङगोच, जिसु दो मा़सि कानाय
(लु 9:18-21; माथ 16:13-16)
27खान जिसु आर उनिरेन चेलाको का़इसा़रिया़ फिलिपि रेयाक् आतोकोतेको ओडोक चालावेना। आदो जिसु होरते चालाक् घा़ड़िच् आच्रेन चेलाकोय कुलिकेत्कोवा, “होड़को दो ओकोय कानाञ मेनतेको मेनेदा?” 28ओनको दोको रोड़ रुवा़ड़ादेया, “जोहान बा़प्तिसिच् आर आदोमको दो एलिया़ आर आदोमको दो, ना़बिको मोदरेन मित् होड़।” 29जिसुइ कुलिकेत्कोवा, “मेनखान आपे दो ओकोय कानाञ मेनतेपे मेनेदा?” पातरासे रोड़ रुवा़ड़ादेया, “आम दो मा़सि कानाम।” 30आदो जिसु का़जिया़ँउकातेये हुकुमात्कोवा, जेमोन आच् रेयाक् ओकोय हों आलोको ला़इयाको।
जिसु आयाक् सानताव आर गुजुक् रेयाङ ए ला़इ लाहायेत्
(माथ 16:21-28; लु 9:22-27)
31आर जिसु चेत्आकोय एहोप्केदा, “मानवा होपोन दो आ़डि ओकोच् दुक जोजोम होयोक्ताया, मुरुबिको आर माराङ नायकेको आर आ़न चेचेत्को ठेन निहा़ँत ओचोक्, आर गोच् ओचोक् आर पे माँहाँ हिलोक्रे जिवेत् बेरेदोक् होयोक्ताया।” 32आर ओना काथा दो सोजहेतेये ला़इ आकोकान ताहेंकाना। खान पातरास दो उनिये बेगार इदिकेदेया आरे धोमकावकेदेया। 33खानगे जिसु दो आ़चुरेनते आच्रेन चेलाको ञेलकाते पातरासे धोमकावकेदेया आरे मेतादेया, “एया सायतान, मेन इञ सामाङ खोन दो ओचोक्मे एनते इसोर रेयाक् आक्को दो बाम हुदिसेत् काना, मेनखान मानवा रेयाक्आक्कोगे।” 34आदो जिसु गादेल होड़को आच्रेन चेलाको तुलुच् ए होहो सोरकेत्कोवा, आरे मेतात्कोवा, “जाहाँयगे इञ तायोमते हिजुक् सानाये खान, आच् दोए बाङोक्मा आर आयाक् कुरुसे गोगमा आर इञे पाँजाञमा। 35एनते जाहाँयगे आयाक् जिवि बाञचाव सानाये, उनि दो ओनाय खुवा़उआ, आर जाहाँयगे इञ आर भागे सोमबात इया़ते आयाक् जिविये खुवा़उ, उनि दो ओनाय बाञचावताया। 36एनते मित्टेन होड़ गोटा धा़रति लाबते आयाक् जिविये खुवा़उले खान, चेत् पोरहो होयोक्ताया? 37एनते मित्टेन होड़ आयाक् जिवि बोदोलते दो चेत् ए एमकेया? 38एनते जाहाँयगे नोवा लाटघा़टि आर का़यान पिड़हिरेनको ठेनिञ इया़ते आर इञाक् काथाको इया़तेये लाजावक् खान, मानवा होपोन हों आच् बाबावाक् ठोनोकरे सोनोत दुतकोवानतेये हिजुक्रे उनि इया़तेये लाजावक्आ।”
Currently Selected:
मा़र 8: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
मा़र 8
8
जिसु पोन हाजार होड़े जोम ओचोयेत्को
(माथ 15:29-39)
1ओनाको दिनरे आरहों आ़डि गादेल होड़को ताहेंकाना आर जोम ला़गित् चेत् हों बाङ ताहेंकानताकोरे, जिसु दो आच्रेन चेलाको, होहो सोरकातेये मेतात्कोवा, 2“नोको गादेल होड़कोरेञ माँयाँक् काना, एनते नितोक् दो पे माँहाँ खोन इञ ठेन मेनाक्कोवा आर जोमाक् दो चेत् हों बा़नुक्ताकोवा। 3उपा़सते आकोवाक् ओड़ाक्तेञ बिदा़लेको खान होररेको लोरावक्आ, एनते आदोमको दो सा़ङगिञ खोनको हेच् आकाना।” 4उनिरेन चेलाकोको रोड़ रुवा़ड़ादेया, “नोंडे हाहाङकाररे दो ओकोय ओका खोन नोको होड़ दो पिठा़तेये जोम बि ओचो दाड़ेकेकोवा?” 5आदो जिसु आच्रेन चेलाकोय कुलि केत्कोवा, “तिना़क् पिठा़ मेनाक् तापेया?” मेनकेदाको, “एयाय गोटेन।” 6खानगे गादेल होड़ ओतरे दुड़ुप् ए हुकुमात्कोवा आर ओनाको एयाय पिठा़इ आताङकेदा, आदो गुनमानाव जोहारकातेये केचाक् केदा, आर आच्रेन चेलाकोय चाल इदियात्कोवा जेमोन होड़कोको दोहो इदिआको आर ओनको चेलाको दो गादेल होड़को एम इदियात्कोवा। 7आर थोड़ा थुड़ि का़टिच् हाकोको ताहेंकानताकोवा, ओनको होंए भोरआत्कोते, एम इदिआकोय हुकुमात्कोवा। 8आदोको जोमकेदा आरको बियेना आर सारेच्आक् केचाक् काटरा कुटरा़ दो एयाय खा़चला़क्को हालाङ जारवाकेदा। 9आर ओनको दो पोन हाजार गान होड़को ताहेंकाना। आदोए बिदा़कात्कोवा। 10खान उसा़रागे आच्रेन चेलाको तुलुच् ला़उका़रे देच्काते दालमा़नुथा टोठाकोतेये हेच्एना।
फा़रिसिको चिनहा़को खोजकान
(माथ 16:1-6)
11आर फा़रिसिको दोको ओडोक हेच्एना आर जिसु तुलुच् रेटेपेटेक्को एहोप् एना आर फासावे ला़गित् सेरमा खोन मित्टेन चिनहा़को खोज केदा। 12आदो जिसु जिउरे कुहरा़वातेये मेनकेदा, “नोवा पिड़हिरेनको दो चेदाक् चिनहा़को खोजकाना? सा़रिगेञ मेतापेकाना, नोवा पिड़हिरेनको ठेन दो चेत् चिनहा़ हों ओहो एमलेना।” 13खानगे ओनकोय बा़गि ओटोवात्कोवा आर ला़उका़रे आरहों देच्काते दोरयाँव हानासाये पारोम चालावेना।
फा़रिसिको आर हेरोदरेनकोवाक् ता़ड़ि
(माथ 16:5-12)
14जिसुरेन चेलाको दो पिठा़ इदितोराको हिड़िञ आकात् ताहेंकाना आर ओनको ठेन ला़उका़रे मित्गोटेन छाडा आर पिठा़ बाङ ताहेंकाना। 15जिसु दो चेलाको का़जिया़ँउकातेये मेतात्कोवा, “फा़रिसिकोवाक् आर हेरोदरेनकोवाक् ता़ड़ि खोन मेन सोनतोर आकान ताहेनपे।” 16ओनाते आको आकोरेको खेंजेर मेंजेरोक् कान ताहेंकाना, “एनते पिठा़ दो बा़नुक् ताबोना,” ओनाते जिसु नोवाय मेनेत् ताहेंकाना। 17ओना बाडायकाते जिसुइ मेतात्कोवा, “चेदाक्पे खेंजेर मेंजेरोक् काना, पिठा़ बा़नुक्तापेते? चेत् नित हों बापे ओरोमेदा आर बापे बुजहा़वेदा? मोन दो केटेच्गे मेनाक्तापेया? 18चेत् बापे दिसा़येदा मेंत् मेनाक्तापे तुलुच् बापे ञेल एदा? आर लुतुर मेनाक्तापे तुलुच् बापे आँजोम एदा? 19आर ओनको मोंड़ें हाजारको तालारे मोंड़ें गोटेन पिठा़ञ केचाक्लेत्रे तिना़क् फा़तिया़क् पेरेच् काटरा कुटरा़पे हालाङलेदा?” मेतादेयाको, “गेलबार फा़तिया़क्।” 20“आर ओनको पोन हाजार होड़को ला़गित् ओनाको एयाय गोटेन इञ केचाक्लेत्रे तिना़क् खा़चला़क् पेरेच् काटरा कुटरा़पे हालाङलेदा?” मेतादेयाको, “एयाय खा़चला़क्।” 21आदो जिसु आच्रेन चेलाकोय मेतात्कोवा, “नित हा़बिच् बापे बुजहा़वेदा?”
जिसु बेथसायदारेन काँड़ाँ होड़े बोगेयेदे
22आर बेथसायदातेको हेच्एना आर मित्टेन काँड़ाँ होड़ जिसु ठेनको आ़गुकेदेया आर जोटेदेया मेनतेको नेहोंरादेया। 23आदो जिसु उनि काँड़ाँ होड़ ति रे साप्काते आतो बाहरेतेये ओडोक इदिकेदेया, आर उनियाक् मेंत्रे थो काते बानार तितेये चापोकेदेया आरे कुलिकेदेया, “जाहानाक्एम ञेल एदा?” 24खान उनि काँड़ाँ होड़ दो बेङगेत् राकाप्कातेये मेनकेदा, “होड़कोञ ञेलेत्कोवा, एनते दारेको लेका दाँड़ाँ बाड़ाय कानिञ ञेलेत्कोवा।” 25ओनाकाते आरहों जिसु दो उनियाक् मेंत्रे बानार तितेये चापोकेदा, खाने ञेल उता़रकेदा आरे बोगेयेना, आर सानामाक्को पुसटा़उवे ञेलञामकेदा। 26आदो जिसु नोवा मेनकाते आयाक् ओड़ाक्तेये कोलकादेया, “मेन, आतोते दो बोलो हों आलोम बोलोक्आ।”
पातरासआक् आङगोच, जिसु दो मा़सि कानाय
(लु 9:18-21; माथ 16:13-16)
27खान जिसु आर उनिरेन चेलाको का़इसा़रिया़ फिलिपि रेयाक् आतोकोतेको ओडोक चालावेना। आदो जिसु होरते चालाक् घा़ड़िच् आच्रेन चेलाकोय कुलिकेत्कोवा, “होड़को दो ओकोय कानाञ मेनतेको मेनेदा?” 28ओनको दोको रोड़ रुवा़ड़ादेया, “जोहान बा़प्तिसिच् आर आदोमको दो एलिया़ आर आदोमको दो, ना़बिको मोदरेन मित् होड़।” 29जिसुइ कुलिकेत्कोवा, “मेनखान आपे दो ओकोय कानाञ मेनतेपे मेनेदा?” पातरासे रोड़ रुवा़ड़ादेया, “आम दो मा़सि कानाम।” 30आदो जिसु का़जिया़ँउकातेये हुकुमात्कोवा, जेमोन आच् रेयाक् ओकोय हों आलोको ला़इयाको।
जिसु आयाक् सानताव आर गुजुक् रेयाङ ए ला़इ लाहायेत्
(माथ 16:21-28; लु 9:22-27)
31आर जिसु चेत्आकोय एहोप्केदा, “मानवा होपोन दो आ़डि ओकोच् दुक जोजोम होयोक्ताया, मुरुबिको आर माराङ नायकेको आर आ़न चेचेत्को ठेन निहा़ँत ओचोक्, आर गोच् ओचोक् आर पे माँहाँ हिलोक्रे जिवेत् बेरेदोक् होयोक्ताया।” 32आर ओना काथा दो सोजहेतेये ला़इ आकोकान ताहेंकाना। खान पातरास दो उनिये बेगार इदिकेदेया आरे धोमकावकेदेया। 33खानगे जिसु दो आ़चुरेनते आच्रेन चेलाको ञेलकाते पातरासे धोमकावकेदेया आरे मेतादेया, “एया सायतान, मेन इञ सामाङ खोन दो ओचोक्मे एनते इसोर रेयाक् आक्को दो बाम हुदिसेत् काना, मेनखान मानवा रेयाक्आक्कोगे।” 34आदो जिसु गादेल होड़को आच्रेन चेलाको तुलुच् ए होहो सोरकेत्कोवा, आरे मेतात्कोवा, “जाहाँयगे इञ तायोमते हिजुक् सानाये खान, आच् दोए बाङोक्मा आर आयाक् कुरुसे गोगमा आर इञे पाँजाञमा। 35एनते जाहाँयगे आयाक् जिवि बाञचाव सानाये, उनि दो ओनाय खुवा़उआ, आर जाहाँयगे इञ आर भागे सोमबात इया़ते आयाक् जिविये खुवा़उ, उनि दो ओनाय बाञचावताया। 36एनते मित्टेन होड़ गोटा धा़रति लाबते आयाक् जिविये खुवा़उले खान, चेत् पोरहो होयोक्ताया? 37एनते मित्टेन होड़ आयाक् जिवि बोदोलते दो चेत् ए एमकेया? 38एनते जाहाँयगे नोवा लाटघा़टि आर का़यान पिड़हिरेनको ठेनिञ इया़ते आर इञाक् काथाको इया़तेये लाजावक् खान, मानवा होपोन हों आच् बाबावाक् ठोनोकरे सोनोत दुतकोवानतेये हिजुक्रे उनि इया़तेये लाजावक्आ।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025