मा़र 7
7
हापड़ामकोवाक् चेचेत्आक्
(माथ 15:1-9)
1आर फा़रिसिको आर जेरुसालेम खोन हेच्एन आ़न चेचेत्को मोदरेन आदोम होड़ जिसु ठेनको हेच् जारवायेना। 2आरको ञेलकेदा उनिरेन चेलाको मोदरेन आदोमको दो बेसाफा, मेताक्मे, बिन आ़बुक तिते पिठा़को जोम एदा। 3एनते फा़रिसिको आर जोतो जिहुदिको दो हापड़ामको खोन हेच् आ़गुवाक् माराङ आ़रिचा़लिको साप् दोहोयेत्ते, भागे सा़हित्ते ति बाको आ़बुकलेन खान बाको जोमा। 4आर हाट बाजार खोन आ़गुवाक् जिनिसको बे आ़रुप् साफाते बाको जोमेत् ताहेंकाना। आरहों एटाक् एटाक्आक्को ढेर मेनाक्आ, ओने ओनाको साप् दोहोय ला़गित्को ञाम आकावान, मेताक्मे, बा़टिको, लोटाको,पारकोम आर पिता़र भाजानको आ़रुप्। 5आदो ओनको फा़रिसिको आर आ़न चेचेत्को दो जिसुको कुलिकेदेया, “चेदाक् आमरेन चेलाको दो हापड़ामको खोन हेच् आ़गुवाक् माराङ आ़रिचा़लि दो बाको सेनाक् काना, मेनखान बेसाफा तिते पिठा़को जोम एदा?” 6जिसु दोए मेतात्कोवा, “जेसाया दो आपे फा़सिया़राको रेयाक् दो ठिकगेये ना़बिलेदा ओल आकान लेका, नोको होड़ दो लुटितेको गानावएदिञा। मेनखान ओनकोवाक् मोन दो इञ खोन सा़ङगिञगेताकोवा, 7आ़उड़ियाक्गेको सेवावा़ञ काना मेनखान ओनकोवाक् चेचेत्आक् दो मानवाकोवाक् सिखा़उना रेयाक् नियोम काना। 8इसोराक् हुकुम बा़गिकाते मानवाकोवाक् आ़रिचा़लिगेपे साप् दोहोयेदा।” 9आर जिसुइ मेतात्कोवा, “आपे दो इसोराक् हुकुम भागे लेकापे निहा़ँत एदा जेमोन आपेयाक् आ़रिचा़लिपे दोहोय। 10एनते मोसेये मेनेदा एङगाम आ़पुम गानावकिनमे, आर एङगात से आपात बा़ड़िच् मेमेनिच् दो गोच्ते हों गोजेमा। 11मेनखान आपेको मोदरे जाहाँय होड़ एङगाततेत् से आपाततेत् ए मेताय, ‘ओकाटाक्ते इञ होतेतेम पोरहोकोक्, ओना दो कोरबान (मेताक्मे इसोर ठेन सामाङोक्आक् दान) काना।’ 12उनि दो एङगात से आपात ला़गित् चेत् हों बापे गोड़ों ओचोवाय काना। 13नोनकाते हापड़मकोवाक् ला़इ आ़गुवाक् आपेयाक् आ़रिचा़लितेगे इसोराक् काथापे आ़उड़ियाक् एदा, आर ओनाको लेकानाक् आ़डि उता़रपे का़मियेदा।”
14आदो जिसु गादेल होड़ आरहोंए होहो सोरकेत्कोवा आरे मेतात्कोवा, “आपे जोतो होड़ आँजोमतिञपे आर बुजहा़उ जोङपे। 15होड़ खोन बाहरेरे दो चेत् हों बा़नुक्आ आर ओकाटाक् उनिरे बोलोक्तेये भोंड दाड़ेयाय, मेनखान ओकाको होड़ खोन ओडोकोक् कान ओनाकोगे होड़ भोभोंडाक्को दो। 16आँजोम ला़गित् लुतुर मेनाक्ताय होड़ दोए आँजोममा।”#7:16 आदोम जुना़नि तिते ओलाक्रे नोवा काथा बाबोन ञामा।
17आदो गादेल होड़ खोन ओड़ाक्तेये सा बोलोयेन खान, उनिरेन चेलाको दो ओना फेन रेयाङको कुलिकेदेया। 18खान जिसुइ मेतात्कोवा, “आपे हों बेबुजगे मेनाक्पेया? जाहानाक्गे बाहरे खोन होड़रे बोलोक्, ओना दो उनि बाय भोंड दाड़ेयाया। 19एनते ओना दो उनियाक् मोनरे दो बाङ बोलोक्आ मेनखान उनियाक् लाच्तेगे आर टा़ंडिते ओडोक गिडिक्आ, चेकाते नोवा दो बापे बुजहा़वेदा? ओना काथाते जोतो जोमाक्कोय साफायेदा।” 20आर जिसुइ मेनकेदा, “ओकाटाक् होड़ खोन ओडोकोक् ओनातेगे होड़ दोए भोंडोक्आ, 21एनते भितरि खोन मानवाकोवाक् मोन खोन दो बा़ड़िच् हुदिसको ओडोकोक्आ लाटघाट, कोमबड़ो, खुन, लोटघुटि। 22लालोच, दुसटा़मि, फा़सिया़रा, उमता़उमति, मेंत्जोलोक्, हेनोसता, बा़डा़इ, बेबुज। 23नोवाको जोतो बा़ड़िच्आक्को दो भितरि खोन ओडोकोक्आ आर ओनाकोते होड़ दोए भोंडोक्आ।”
सुरो फोइनिकि मायजिउआक् पा़तिया़उ
(माथ 15:21-28)
24आर जिसु दो ओंडे खोन बेरेत्काते तुर आर सिदोन रेयाक् सिमा़नाकोतेये चालावेना, आर ओकोय हों आलोको बाडायेआ मेनतेये मेनवानते, मित्टेन ओड़ाक्तेये बोलोयेना, मेनखान बाय ओको दाड़ेयादा। 25आर मित्टेन मायजिउ ओने ओकोयरेन कुड़ि गिदरा़रे मित्टेन बेसाफा जिउवे ताहेंकान, उनि रेयाक् आँजोमकातेये हेच् गोत् एना, आर उनियाक् ति जाङगारेये गिडियेना। 26उनि दो जुना़नि मायजिउवे ताहेंकाना, जा़तते दो सुरो फोइनिकि। आर जिसुइ नेहोंर आयकान ताहेंकाना जेमोन होपोनेरात खोन उनि बा़ड़िच् जिउवे ओडोक गिडिये। 27आदो जिसुइ मेतादेया, “गिदरा़कोगे जोम माड़ाङ ओचोवाकोमे, एनते गिदरा़कोवाक् जोमाक् हातावकाते सेता होपोनको लेबदावाको दो बाङ लेकआ।” 28उनि मायजिउ दोए रोड़ रुवा़ड़ादेया, “हेंमा हेंगे, प्रोभु, सेता होपोनको हों चोङ मेज लाताररे गिदरा़को रेयाक् पिठा़ गान्डागुन्डा़को दोको जोमेत्गे।” 29खान जिसुइ मेतादेया, “नोवा काथा इया़ते दु चालाक्मे, बा़ड़िच् जिउ दो होपोनेराम खोने ओडोक सेन आकाना।” 30आर उनि दो आयाक् ओड़ाक्तेये चालावेना, आर गिदरा़ दो पारकोमरे गितिच् आकाने ञामकेदेया आर बा़ड़िच् जिउ दो उनि खोने ओडोक सेन आकान ताहेंकाना।
काला आर गुङगा़ होड़े बोगेयेदे
31आदो जिसु आरहों तुर रेयाक् सिमा़नाको खोने ओडोकेना आर सिदोन सेच्ते गा़लिल दोरयाँव ठेने हेच्एना, देकापोलिस रेयाक् सिमा़नाको ताला तालाते। 32आदो मित्टेन काला आर गुङगा़ होड़ उनि ठेनको आ़गुकेदेया आर चापोये ला़गित्को नेहोंरादेया। 33खान जिसु दो गादेल होड़ खोन सा इदिकेदेते निसुन जायगारे उनियाक् लुतुरकिनरे आयाक् का़टुप् ए गुतुकेदा आर थो काते आलाङे जोटेत्केत्ताया, 34आर जिसु सेरमा सेच् कोयोक् राकाप्काते कुहरा़वातेये मेतादेया, “एफाता,” मेताक्मे “झिजोक्मे।” 35खानगे लुतुर दो झिच् गोत्एनताया आर आलाङ रेयाक् तोनोल दो छाडाव एना आर पुसटा़उवे रोड़केदा 36खानगे जिसुइ मेतात्कोवा ओकोय ठेन हों आलोको ला़इ बाड़ाया मेनतेये का़जिया़ँउकात्कोवा, मेनखान तिना़क्ए का़जिया़ँउकेत्को उना़क्गे आरतेत् ओनको दो ओनाको पोरचार इदिकेदा। 37आर आ़डि आँट भाड़ोयेनतेको मेनकेदा, सानामाक्को भागेगेये का़मि आकादा, कालाको होंए आँजोम ओचोयेत्कोवा, हें, गुङगा़को होंए रोड़ ओचोयेत्कोवा।
Currently Selected:
मा़र 7: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
मा़र 7
7
हापड़ामकोवाक् चेचेत्आक्
(माथ 15:1-9)
1आर फा़रिसिको आर जेरुसालेम खोन हेच्एन आ़न चेचेत्को मोदरेन आदोम होड़ जिसु ठेनको हेच् जारवायेना। 2आरको ञेलकेदा उनिरेन चेलाको मोदरेन आदोमको दो बेसाफा, मेताक्मे, बिन आ़बुक तिते पिठा़को जोम एदा। 3एनते फा़रिसिको आर जोतो जिहुदिको दो हापड़ामको खोन हेच् आ़गुवाक् माराङ आ़रिचा़लिको साप् दोहोयेत्ते, भागे सा़हित्ते ति बाको आ़बुकलेन खान बाको जोमा। 4आर हाट बाजार खोन आ़गुवाक् जिनिसको बे आ़रुप् साफाते बाको जोमेत् ताहेंकाना। आरहों एटाक् एटाक्आक्को ढेर मेनाक्आ, ओने ओनाको साप् दोहोय ला़गित्को ञाम आकावान, मेताक्मे, बा़टिको, लोटाको,पारकोम आर पिता़र भाजानको आ़रुप्। 5आदो ओनको फा़रिसिको आर आ़न चेचेत्को दो जिसुको कुलिकेदेया, “चेदाक् आमरेन चेलाको दो हापड़ामको खोन हेच् आ़गुवाक् माराङ आ़रिचा़लि दो बाको सेनाक् काना, मेनखान बेसाफा तिते पिठा़को जोम एदा?” 6जिसु दोए मेतात्कोवा, “जेसाया दो आपे फा़सिया़राको रेयाक् दो ठिकगेये ना़बिलेदा ओल आकान लेका, नोको होड़ दो लुटितेको गानावएदिञा। मेनखान ओनकोवाक् मोन दो इञ खोन सा़ङगिञगेताकोवा, 7आ़उड़ियाक्गेको सेवावा़ञ काना मेनखान ओनकोवाक् चेचेत्आक् दो मानवाकोवाक् सिखा़उना रेयाक् नियोम काना। 8इसोराक् हुकुम बा़गिकाते मानवाकोवाक् आ़रिचा़लिगेपे साप् दोहोयेदा।” 9आर जिसुइ मेतात्कोवा, “आपे दो इसोराक् हुकुम भागे लेकापे निहा़ँत एदा जेमोन आपेयाक् आ़रिचा़लिपे दोहोय। 10एनते मोसेये मेनेदा एङगाम आ़पुम गानावकिनमे, आर एङगात से आपात बा़ड़िच् मेमेनिच् दो गोच्ते हों गोजेमा। 11मेनखान आपेको मोदरे जाहाँय होड़ एङगाततेत् से आपाततेत् ए मेताय, ‘ओकाटाक्ते इञ होतेतेम पोरहोकोक्, ओना दो कोरबान (मेताक्मे इसोर ठेन सामाङोक्आक् दान) काना।’ 12उनि दो एङगात से आपात ला़गित् चेत् हों बापे गोड़ों ओचोवाय काना। 13नोनकाते हापड़मकोवाक् ला़इ आ़गुवाक् आपेयाक् आ़रिचा़लितेगे इसोराक् काथापे आ़उड़ियाक् एदा, आर ओनाको लेकानाक् आ़डि उता़रपे का़मियेदा।”
14आदो जिसु गादेल होड़ आरहोंए होहो सोरकेत्कोवा आरे मेतात्कोवा, “आपे जोतो होड़ आँजोमतिञपे आर बुजहा़उ जोङपे। 15होड़ खोन बाहरेरे दो चेत् हों बा़नुक्आ आर ओकाटाक् उनिरे बोलोक्तेये भोंड दाड़ेयाय, मेनखान ओकाको होड़ खोन ओडोकोक् कान ओनाकोगे होड़ भोभोंडाक्को दो। 16आँजोम ला़गित् लुतुर मेनाक्ताय होड़ दोए आँजोममा।”#7:16 आदोम जुना़नि तिते ओलाक्रे नोवा काथा बाबोन ञामा।
17आदो गादेल होड़ खोन ओड़ाक्तेये सा बोलोयेन खान, उनिरेन चेलाको दो ओना फेन रेयाङको कुलिकेदेया। 18खान जिसुइ मेतात्कोवा, “आपे हों बेबुजगे मेनाक्पेया? जाहानाक्गे बाहरे खोन होड़रे बोलोक्, ओना दो उनि बाय भोंड दाड़ेयाया। 19एनते ओना दो उनियाक् मोनरे दो बाङ बोलोक्आ मेनखान उनियाक् लाच्तेगे आर टा़ंडिते ओडोक गिडिक्आ, चेकाते नोवा दो बापे बुजहा़वेदा? ओना काथाते जोतो जोमाक्कोय साफायेदा।” 20आर जिसुइ मेनकेदा, “ओकाटाक् होड़ खोन ओडोकोक् ओनातेगे होड़ दोए भोंडोक्आ, 21एनते भितरि खोन मानवाकोवाक् मोन खोन दो बा़ड़िच् हुदिसको ओडोकोक्आ लाटघाट, कोमबड़ो, खुन, लोटघुटि। 22लालोच, दुसटा़मि, फा़सिया़रा, उमता़उमति, मेंत्जोलोक्, हेनोसता, बा़डा़इ, बेबुज। 23नोवाको जोतो बा़ड़िच्आक्को दो भितरि खोन ओडोकोक्आ आर ओनाकोते होड़ दोए भोंडोक्आ।”
सुरो फोइनिकि मायजिउआक् पा़तिया़उ
(माथ 15:21-28)
24आर जिसु दो ओंडे खोन बेरेत्काते तुर आर सिदोन रेयाक् सिमा़नाकोतेये चालावेना, आर ओकोय हों आलोको बाडायेआ मेनतेये मेनवानते, मित्टेन ओड़ाक्तेये बोलोयेना, मेनखान बाय ओको दाड़ेयादा। 25आर मित्टेन मायजिउ ओने ओकोयरेन कुड़ि गिदरा़रे मित्टेन बेसाफा जिउवे ताहेंकान, उनि रेयाक् आँजोमकातेये हेच् गोत् एना, आर उनियाक् ति जाङगारेये गिडियेना। 26उनि दो जुना़नि मायजिउवे ताहेंकाना, जा़तते दो सुरो फोइनिकि। आर जिसुइ नेहोंर आयकान ताहेंकाना जेमोन होपोनेरात खोन उनि बा़ड़िच् जिउवे ओडोक गिडिये। 27आदो जिसुइ मेतादेया, “गिदरा़कोगे जोम माड़ाङ ओचोवाकोमे, एनते गिदरा़कोवाक् जोमाक् हातावकाते सेता होपोनको लेबदावाको दो बाङ लेकआ।” 28उनि मायजिउ दोए रोड़ रुवा़ड़ादेया, “हेंमा हेंगे, प्रोभु, सेता होपोनको हों चोङ मेज लाताररे गिदरा़को रेयाक् पिठा़ गान्डागुन्डा़को दोको जोमेत्गे।” 29खान जिसुइ मेतादेया, “नोवा काथा इया़ते दु चालाक्मे, बा़ड़िच् जिउ दो होपोनेराम खोने ओडोक सेन आकाना।” 30आर उनि दो आयाक् ओड़ाक्तेये चालावेना, आर गिदरा़ दो पारकोमरे गितिच् आकाने ञामकेदेया आर बा़ड़िच् जिउ दो उनि खोने ओडोक सेन आकान ताहेंकाना।
काला आर गुङगा़ होड़े बोगेयेदे
31आदो जिसु आरहों तुर रेयाक् सिमा़नाको खोने ओडोकेना आर सिदोन सेच्ते गा़लिल दोरयाँव ठेने हेच्एना, देकापोलिस रेयाक् सिमा़नाको ताला तालाते। 32आदो मित्टेन काला आर गुङगा़ होड़ उनि ठेनको आ़गुकेदेया आर चापोये ला़गित्को नेहोंरादेया। 33खान जिसु दो गादेल होड़ खोन सा इदिकेदेते निसुन जायगारे उनियाक् लुतुरकिनरे आयाक् का़टुप् ए गुतुकेदा आर थो काते आलाङे जोटेत्केत्ताया, 34आर जिसु सेरमा सेच् कोयोक् राकाप्काते कुहरा़वातेये मेतादेया, “एफाता,” मेताक्मे “झिजोक्मे।” 35खानगे लुतुर दो झिच् गोत्एनताया आर आलाङ रेयाक् तोनोल दो छाडाव एना आर पुसटा़उवे रोड़केदा 36खानगे जिसुइ मेतात्कोवा ओकोय ठेन हों आलोको ला़इ बाड़ाया मेनतेये का़जिया़ँउकात्कोवा, मेनखान तिना़क्ए का़जिया़ँउकेत्को उना़क्गे आरतेत् ओनको दो ओनाको पोरचार इदिकेदा। 37आर आ़डि आँट भाड़ोयेनतेको मेनकेदा, सानामाक्को भागेगेये का़मि आकादा, कालाको होंए आँजोम ओचोयेत्कोवा, हें, गुङगा़को होंए रोड़ ओचोयेत्कोवा।
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025