मा़र 6
6
नासारेतरे जिसुवाक् बेमानोत
(माथ 13:53-58; लु 4:16-30)
1आदो जिसु ओंडे खोने ओडोक चालावेनते आच् आपात नागराहातेये हेच्एना आर उनिरेन चेलाकोको पाँजा आ़गुकेदेया। 2आर जिरा़उक् माँहाँ सेटेरेन खान, सुना़गोगरे चेत्आकोय एहोप् एना, आर आ़डि होड़ दो आँजोमकातेको भाड़ोयेना, मेनकेदाको, ओका खोन नुय दो नोवाकोय ञामआना? आर नुय एम आकावादे आकेल आर नुय तिते होयोक् कान नोनकान दाड़े का़मिको दो चेत् लेकानाक् काना? 3नुय दो उनि बाढोइ दोए बाङकाना मा़रिया़मरेन होपोन आर जाकब आर जोसेस आर जिहुदा़ आर सिमोनताकोरेन बोयहा? आर उनिरेन मिसरातको आबो ठेनगे नोंडे चेत् बाङ मेनाक्कोवा? आदो ओना इया़ते उनि आङगोचे ला़गित्को बाङ केदा। 4आदो जिसुइ मेतात्कोवा, “ना़बि दो आच् निज टोठारे आर आच् गुस्टिरेनको ठेन आर आच् ओड़ाक्रे छाडा बाय बेमानोतोक्आ।” 5आर ओंडे दो जाहान दाड़े का़मि बाय का़मि दाड़ेयादा, एकेन थोड़ागान रुगि होड़ चापोकातेये बोगेकेत्कोवा। 6आर जिसु ओनकोवाक् बेपा़तिया़उ इया़तेये हाहाड़ायेना। आदो बेड़हायतेयाक् आतोकोरे दाँड़ाँ आ़चुर तुलुच्ए चेत् आकोकान ताहेंकाना।
गेलबार चेलाकोय कोलेत्को
(माथ 10:5-15; लु 9:1-6)
7आदो जिसु ओनको गेलबारको आच् ठेन होहो सोरकाते बाबार होड़काते कोलकोय एहोप्केदा आर बेसाफा जिउको चेतानरे एकतिया़रिये एमात्कोवा। 8आरे हुकुमात्कोवा जेमोन होरते ला़गित् ठेङगा छाडा चेत् हों आलोको इदितोराजोङ, पिठा़ आलो, खुति आलो, पाठेयाक् आर गा़ञ्जिया़रे पोयसा हों आलो। 9आर खारपा होरोक्काते, मेनखान बारया आङगरोप दो आलोपे होरोक्जोङा 10आरे मेतात्कोवा, “जाहाँरेगे जाहाँटाक् ओड़ाक्रेगेपे बोलोक् ओना ठा़ँइ खोन आ़उरिपे ओडोक चालाक् हा़बिच् ओना ओड़ाक्रेगे बाड़े ताहेंनपे। 11आर जाहाँ जायगारेगे बाको आताङ दारामपे आर बाको आँजोमतापे खान, ओंडे खोन ओडोक चालाक् जोखेच् आपेयाक् जाङगा तालका रेयाक् धुड़ि कोटा ओटोकाक्पे। ओनको ठेन मित्टेन गोहा मेनते।” 12आर ओनको दो ओडोक सेनकाते, होड़ का़इ खोनको आ़चुरोक्आ मेनतेको पोरचारकेदा। 13आर आयमा बा़ड़िच् जिउ ओडोक गिडियेत्कोवा आर आ़डि उता़र रुगि होड़ जा़इतुन सुनुम ओजोक् आकोतेको बोगेयेत्कोकान ताहेंकाना।
जोहान बाबा़प्तिसिच्ए गोच् ओचोयेन
(माथ 14:1-12; लु 9:7-9)
14आदो हेरोद राजा ओनाय आँजोम ञामकेदा, एनते जिसुवाक् ञुतुम दो डामडाहे आकान ताहेंकानताया, आर थोड़ा होड़को मेनेत् ताहेंकाना, बाङमा, जोहान बा़प्तिस्मा एमोक् इच् दो गोच्को खोने जिवेत् बेरेत् आकाना, ओना इया़ते नोनकान दाड़े का़मि रेयाक् उनि दोए ञाम आकात्आ। 15मेनखान आदोमको दोको मेनेत् ताहेंकाना, एलिया़ कानाय, आरको दोको मेनेत् ताहेंकाना, ना़बि कानाय, बाङ खान ना़बिको मोदरेन मित्गोटेन लेकानिच्। 16आर हेरोद दो ओना आँजोमकातेये मेनेत् ताहेंकाना, बोहोक् इञ माक् ञुरलेत्ताय जोहान, उनिगेये जिवेत् बेरेत् आकाना। 17हेरोद दो आच् बोयहा फिलिप रिनिच् हेरोदिया़स इया़ते सिपा़हिको कोलकाते जोहाने साप् लेदे आर हाजोतरेये का़इदा़उकादे ताहेंकाना। हेरोद दो हेरोदिया़से साङघा आकादे ताहेंकाना। 18एनते जोहान दो हेरोदे मेतादे ताहेंकाना, बोयहाम रिनिच् दोहोये दो बाङ गानोक्तामा। 19आर हेरोदिया़स दो उनि उपा़रते कुरुदे दोहोकेदा, आर गोजेगे सानायेकान ताहेंकाना। मेनखान बाय दाड़ेयाक् कान ताहेंकाना। 20एनते हेरोद दो जोहाने बोतोरायकान ताहेंकाना, भागे आर सोनोत होड़ मेनतेये बाडाय आकादे ताहेंकानतेये आड बाञचावेदेकान ताहेंकाना आर उनियाक् आँजोमकाते आ़डि ओकोच् रेयाक्ए आ़न्दुक् मा़न्दुगोक् कान ताहेंकाना। 21आदो मित्टेन सुबिता दिन सेटेरेना, ओने उनरे हेरोद दो आयाक् जानाम दिनरे आच्रेन नापड़ाक् नापड़ाक् एकतिया़रियान होड़को आर सुबेदारको आर गा़लिलरेन मुखिया़कोय भोजआत्कोवा। 22उनरे हेरोदिया़सरेन होपोनेरात दो बोलोकातेये एनेच् एना आर हेरोदे कुसि ओचोकेदेया, आर उनि साँवते दुड़ुप् आकानको हों। आदो राजा उनि कुड़िये मेतादेया जाहानाक्गे सानायेत्मे, कोयेञमे आर इञ एमामा। 23आरे गोक्आदेया, बाङमा, जाहानाक्गेम कोयेञ इञ एमामा। इञाक् आदहा राज हा़बिच्। 24आदो ओडोक सेनकाते एङगाततेत् ए कुलिकेदेया, “चेत् इञ कोयेया?” हेरोदिया़से मेतादेया, “जोहान बा़प्तिस्मा एमोक् इच् रेयाक् बोहोक्गे।” 25खानगे उनि दो उसा़राते राजा ठेने बोलोयेना, आर नोनका मेनकातेये कोयकेदेया, “इञिञ ञाम कान दो नोवागे निया़ घा़ड़िच्तेगे जोहान बा़प्तिसिच् रेयाक् बोहोक् मित्टेन था़रिरेम एमा़ञ।” 26आदो राजा आ़डिये भाबनायेनरे हों, गोक् आकात् आर आच् साँवते भोजरे दुड़ुप् आकानको इया़ते बाङआय दो बाय मेनवाना। 27खानगे राजा दो इना़ घा़ड़िच्रेगे पाहरा दोलरेन मित्टेन पालटोन कोलकाते उनियाक् बोहोक् आ़गुये हुकुमकेदा। आर उनि दो सेनकाते हाजोतरे उनियाक् बोहोक् ए माक् ञुरकेत्ताया। 28आर ओना दो मित्टेन था़रिरे आ़गुकाते उनि कुड़िये एमादेया आर उनि कुड़ि दो एङगाततेत् ओनाय चालआदेया। 29आदो जोहानरेन चेलाको ओनाको आँजोमकेत् खानको हेच्एना। आर उनियाक् मा़ँड़िंं गोक् इदिकाते कोबोररेको बायकादा।
जिसु मोंड़ें हाजार होड़े जोम ओचोयेत्को
(माथ 14:13-21; लु 9:10-17; जोहा 6:5-13)
30आर आपोसतोलको दो जिसु ठेनको हेच् जारवायेना। आर जोतो ओकाको का़मिलेत् आरको चेत्आत्को, ओना सानामाक् रेयाक्को ला़इयादेया। 31आदोए मेतात्कोवा देला आपे मोतोगे निसुन जायगाते हिजुक्पे आर जिरा़उ ञोक्आनपे एनते हिजुक् सेनोक्को दो ढेरगेको ताहेंकाना आर जोम ला़गित् आ़त हों बाङ ताहेंकानताकोवा। 32आदो ला़उका़ते मित्टेन निसुन जायगाते आको मोतोगेको चालावेना। 33खान चालाक्कानको ञेल तिया़क्केत्कोवा। आर आयमा होड़ ओनकोको ञेल ओरोमकेत्कोवा आर जोतो नागराहाको खोन ओत ओतते ओंडेको ञिर जारवायेना आर ओनको खोनको सेटेर लाहायेना। 34आर जिसु ला़उका़ खोन फेडकाते आ़डि गादेल होड़े ञेलकेत्कोवा आर ओनकोरे माँयाँ हेच्आदेया। एनते गुपियिच् बा़नुगेताको भिडिको लेकाको ताहेंकाना आर आ़डि ओकोच्आक्को चेत्आकोय एहोप्केदा।
35आर आ़डिगे कु बेलायेन खान उनिरेन चेलाको हेच्कातेको मेतादेया। नोवा जायगा दो निसुनगेया आर आ़डि कु बेलायेना। 36आर होड़को बिदा़काकोमे जेमोन बेड़हाय तेयाक् दिहा़त आर आतोकोरेको सेनोक् आर जोम ला़गित् जाहानाक्को किरिञजोङ। 37मेनखान जिसु दोए रोड़ रुवा़ड़ात्कोवा, आपेगे जोम ला़गित् एमाकोपे। मेतादेयाको सेनकाते बार साय सिकि रेयाक् पिठा़ले किरिञ आ़गुयते जोम ला़गित्ले एमाकोवा? 38जिसुइ मेतात्कोवा तिना़क् पिठा़ मेनाक्तापेया? सेनकाते ञेल आ़गुइपे। आदो बाडायकेत् खानको ला़इयादेया, मोंड़ेंगोटेन पिठा़ आर बारया हाको। 39आदो जिसुइ हुकुमात्कोवा, जोतो होड़ दोल दोल हा़रिया़ड़ घाँसरे दुड़ुप ओचोकोवा मेनते। 40खान ओनको दो साय साय आर मोंड़ेगेल मोंड़ेगेलकाते पान्ते पान्तेको दुड़ुप् एना। 41आदो जिसु ओनाको मोंड़ें गोटेन पिठा़ आर उनकिन बारया हाको हातावकाते सेरमा सेच्ए बेङगेत् राकाप्केदा आरे भोरात्ते पिठा़इ केचाक्केदा आर चेलाकोय एम इदियात्कोवा। जेमोनको दोहो इदिआको आर उनकिन बारया हाको हों सानाम होड़े हा़टिञात्कोवा। 42आर सानामकोको जोमकेदा आरको बियेना। 43आर पिठा़ आर हाको केचाक् काटरा कुटरा़को दो गेलबार फा़तिया़क् पेरेच्को हालाङ जारवाकेदा आर हाकोकिन रेयाक् हों। 44आर ओनाको जोजोमको दो मोंड़ें हाजार हेरेल होपोनको ताहेंकाना।
जिसु दाक् चेतानतेये ताड़ामेत्
(माथ 14:22-26; जोहा 6:16-21)
45आर इना़ तायोम जिसु दो ओनको गादेल होड़े बिदा़केत्कोवा आर आच्रेन चेलाको दो ला़उका़रे देजोक् आर ओन पारोम बेथसायदाते चालाव लाहाक्ए उदगा़उ गोत्कात्कोवा। 46आर ओनको खोने बेगारेन खान कोयजोङ ला़गित् बुरुतेये चालावेना 47आर आ़युप् एन खान ला़उका़ दो दोरयाँव तालारे ताहेंकाना आर जिसु दो एसकारगे घुटुरे। 48आर ला़उका़ चालाव चालावते हारोनोक्काने ञेलकेत्को खान, एनते होय दो ओनको बिरुदरे ताहेंकाना। सिमराक् पे बाजा खोन तुरुइ बाजा ओकते दोरयाँव चेतान चेतानते ताड़ामते ओनको ठेने सोरेना। आर सेन पारोमकोय मेनजोङ कान ताहेंकाना। 49मेनखान ओनको दो दोरयाँव चेतान चेतानते ताड़ामेत्कानको ञेलकेदे खान, भुत मेनतेको किकिया़उकेदा, 50एनते ओनको जोतोगेको ञेलकेदेया आर बोतोरतेको धाक धाकावेना। खान जिसु दो ओनको तुलुच् ए रोड़ गोत्केदा, आरे मेतात्कोवा, “दिल जोङपे, इञ कान गेया़ञ, आलोपे बोतोरोक्आ।” 51आदो जिसु ओनको ठेन ला़उका़रेये देच् एना, आर होय दो थिरेना। खानगे चेलाको दो आको आकोरे आ़डि बा़ड़िच्को ठाक एना। 52एनते ओनको दो ओनाको पिठा़ रेयाक् बाको बुजहा़उ आकात् ताहेंकाना। मोन दो ठेला आकान ताहेंकानताकोते।
जिसु गेनेसारेतरे रुगिकोय बोगेयेत्को
(माथ 14:34-36)
53आदो हानासाको पारोमेन खान, गेनेसारेत रेयाक् घुटुतेको सेटेरेना। आर ला़उका़ घाटरेको चा़न्डिया़उ ओटोकादा। 54जिसु आर उनिरेन चेलाको दो ला़उका़ खोनको फेडेन खान होड़को दोको ओरोम गोत्केदेया। 55आर ओना गोटा बेड़हाय टोठाकोरेको ञिर बाड़ाकेदा, जाहाँरेगे जिसु मेनाया मेनतेको आँजोमलेत् ओंडेगे रुवा़क् हासोक्को पारकोमते गोक् आ़क्गुको एहोप्केदा 56आर जाहाँ आतो से नागराहा से दिहा़तरे जिसुइ बोलोयेन ओंडे दो हाट टा़न्डिकोरे रुवा़क् हासोक्कोको आ़गु दोहोयेत्को कान ताहेंकाना आर उनियाक् किचरिच् आञचार तेत् हों जोटेद ला़गित् उनि ठेनको नेहोंरेना आर तिना़क् होड़ किचरिच्को जोटेत्लेदे ओनको दोको बोगेयेना आरको बाञचाव एना।
Currently Selected:
मा़र 6: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
मा़र 6
6
नासारेतरे जिसुवाक् बेमानोत
(माथ 13:53-58; लु 4:16-30)
1आदो जिसु ओंडे खोने ओडोक चालावेनते आच् आपात नागराहातेये हेच्एना आर उनिरेन चेलाकोको पाँजा आ़गुकेदेया। 2आर जिरा़उक् माँहाँ सेटेरेन खान, सुना़गोगरे चेत्आकोय एहोप् एना, आर आ़डि होड़ दो आँजोमकातेको भाड़ोयेना, मेनकेदाको, ओका खोन नुय दो नोवाकोय ञामआना? आर नुय एम आकावादे आकेल आर नुय तिते होयोक् कान नोनकान दाड़े का़मिको दो चेत् लेकानाक् काना? 3नुय दो उनि बाढोइ दोए बाङकाना मा़रिया़मरेन होपोन आर जाकब आर जोसेस आर जिहुदा़ आर सिमोनताकोरेन बोयहा? आर उनिरेन मिसरातको आबो ठेनगे नोंडे चेत् बाङ मेनाक्कोवा? आदो ओना इया़ते उनि आङगोचे ला़गित्को बाङ केदा। 4आदो जिसुइ मेतात्कोवा, “ना़बि दो आच् निज टोठारे आर आच् गुस्टिरेनको ठेन आर आच् ओड़ाक्रे छाडा बाय बेमानोतोक्आ।” 5आर ओंडे दो जाहान दाड़े का़मि बाय का़मि दाड़ेयादा, एकेन थोड़ागान रुगि होड़ चापोकातेये बोगेकेत्कोवा। 6आर जिसु ओनकोवाक् बेपा़तिया़उ इया़तेये हाहाड़ायेना। आदो बेड़हायतेयाक् आतोकोरे दाँड़ाँ आ़चुर तुलुच्ए चेत् आकोकान ताहेंकाना।
गेलबार चेलाकोय कोलेत्को
(माथ 10:5-15; लु 9:1-6)
7आदो जिसु ओनको गेलबारको आच् ठेन होहो सोरकाते बाबार होड़काते कोलकोय एहोप्केदा आर बेसाफा जिउको चेतानरे एकतिया़रिये एमात्कोवा। 8आरे हुकुमात्कोवा जेमोन होरते ला़गित् ठेङगा छाडा चेत् हों आलोको इदितोराजोङ, पिठा़ आलो, खुति आलो, पाठेयाक् आर गा़ञ्जिया़रे पोयसा हों आलो। 9आर खारपा होरोक्काते, मेनखान बारया आङगरोप दो आलोपे होरोक्जोङा 10आरे मेतात्कोवा, “जाहाँरेगे जाहाँटाक् ओड़ाक्रेगेपे बोलोक् ओना ठा़ँइ खोन आ़उरिपे ओडोक चालाक् हा़बिच् ओना ओड़ाक्रेगे बाड़े ताहेंनपे। 11आर जाहाँ जायगारेगे बाको आताङ दारामपे आर बाको आँजोमतापे खान, ओंडे खोन ओडोक चालाक् जोखेच् आपेयाक् जाङगा तालका रेयाक् धुड़ि कोटा ओटोकाक्पे। ओनको ठेन मित्टेन गोहा मेनते।” 12आर ओनको दो ओडोक सेनकाते, होड़ का़इ खोनको आ़चुरोक्आ मेनतेको पोरचारकेदा। 13आर आयमा बा़ड़िच् जिउ ओडोक गिडियेत्कोवा आर आ़डि उता़र रुगि होड़ जा़इतुन सुनुम ओजोक् आकोतेको बोगेयेत्कोकान ताहेंकाना।
जोहान बाबा़प्तिसिच्ए गोच् ओचोयेन
(माथ 14:1-12; लु 9:7-9)
14आदो हेरोद राजा ओनाय आँजोम ञामकेदा, एनते जिसुवाक् ञुतुम दो डामडाहे आकान ताहेंकानताया, आर थोड़ा होड़को मेनेत् ताहेंकाना, बाङमा, जोहान बा़प्तिस्मा एमोक् इच् दो गोच्को खोने जिवेत् बेरेत् आकाना, ओना इया़ते नोनकान दाड़े का़मि रेयाक् उनि दोए ञाम आकात्आ। 15मेनखान आदोमको दोको मेनेत् ताहेंकाना, एलिया़ कानाय, आरको दोको मेनेत् ताहेंकाना, ना़बि कानाय, बाङ खान ना़बिको मोदरेन मित्गोटेन लेकानिच्। 16आर हेरोद दो ओना आँजोमकातेये मेनेत् ताहेंकाना, बोहोक् इञ माक् ञुरलेत्ताय जोहान, उनिगेये जिवेत् बेरेत् आकाना। 17हेरोद दो आच् बोयहा फिलिप रिनिच् हेरोदिया़स इया़ते सिपा़हिको कोलकाते जोहाने साप् लेदे आर हाजोतरेये का़इदा़उकादे ताहेंकाना। हेरोद दो हेरोदिया़से साङघा आकादे ताहेंकाना। 18एनते जोहान दो हेरोदे मेतादे ताहेंकाना, बोयहाम रिनिच् दोहोये दो बाङ गानोक्तामा। 19आर हेरोदिया़स दो उनि उपा़रते कुरुदे दोहोकेदा, आर गोजेगे सानायेकान ताहेंकाना। मेनखान बाय दाड़ेयाक् कान ताहेंकाना। 20एनते हेरोद दो जोहाने बोतोरायकान ताहेंकाना, भागे आर सोनोत होड़ मेनतेये बाडाय आकादे ताहेंकानतेये आड बाञचावेदेकान ताहेंकाना आर उनियाक् आँजोमकाते आ़डि ओकोच् रेयाक्ए आ़न्दुक् मा़न्दुगोक् कान ताहेंकाना। 21आदो मित्टेन सुबिता दिन सेटेरेना, ओने उनरे हेरोद दो आयाक् जानाम दिनरे आच्रेन नापड़ाक् नापड़ाक् एकतिया़रियान होड़को आर सुबेदारको आर गा़लिलरेन मुखिया़कोय भोजआत्कोवा। 22उनरे हेरोदिया़सरेन होपोनेरात दो बोलोकातेये एनेच् एना आर हेरोदे कुसि ओचोकेदेया, आर उनि साँवते दुड़ुप् आकानको हों। आदो राजा उनि कुड़िये मेतादेया जाहानाक्गे सानायेत्मे, कोयेञमे आर इञ एमामा। 23आरे गोक्आदेया, बाङमा, जाहानाक्गेम कोयेञ इञ एमामा। इञाक् आदहा राज हा़बिच्। 24आदो ओडोक सेनकाते एङगाततेत् ए कुलिकेदेया, “चेत् इञ कोयेया?” हेरोदिया़से मेतादेया, “जोहान बा़प्तिस्मा एमोक् इच् रेयाक् बोहोक्गे।” 25खानगे उनि दो उसा़राते राजा ठेने बोलोयेना, आर नोनका मेनकातेये कोयकेदेया, “इञिञ ञाम कान दो नोवागे निया़ घा़ड़िच्तेगे जोहान बा़प्तिसिच् रेयाक् बोहोक् मित्टेन था़रिरेम एमा़ञ।” 26आदो राजा आ़डिये भाबनायेनरे हों, गोक् आकात् आर आच् साँवते भोजरे दुड़ुप् आकानको इया़ते बाङआय दो बाय मेनवाना। 27खानगे राजा दो इना़ घा़ड़िच्रेगे पाहरा दोलरेन मित्टेन पालटोन कोलकाते उनियाक् बोहोक् आ़गुये हुकुमकेदा। आर उनि दो सेनकाते हाजोतरे उनियाक् बोहोक् ए माक् ञुरकेत्ताया। 28आर ओना दो मित्टेन था़रिरे आ़गुकाते उनि कुड़िये एमादेया आर उनि कुड़ि दो एङगाततेत् ओनाय चालआदेया। 29आदो जोहानरेन चेलाको ओनाको आँजोमकेत् खानको हेच्एना। आर उनियाक् मा़ँड़िंं गोक् इदिकाते कोबोररेको बायकादा।
जिसु मोंड़ें हाजार होड़े जोम ओचोयेत्को
(माथ 14:13-21; लु 9:10-17; जोहा 6:5-13)
30आर आपोसतोलको दो जिसु ठेनको हेच् जारवायेना। आर जोतो ओकाको का़मिलेत् आरको चेत्आत्को, ओना सानामाक् रेयाक्को ला़इयादेया। 31आदोए मेतात्कोवा देला आपे मोतोगे निसुन जायगाते हिजुक्पे आर जिरा़उ ञोक्आनपे एनते हिजुक् सेनोक्को दो ढेरगेको ताहेंकाना आर जोम ला़गित् आ़त हों बाङ ताहेंकानताकोवा। 32आदो ला़उका़ते मित्टेन निसुन जायगाते आको मोतोगेको चालावेना। 33खान चालाक्कानको ञेल तिया़क्केत्कोवा। आर आयमा होड़ ओनकोको ञेल ओरोमकेत्कोवा आर जोतो नागराहाको खोन ओत ओतते ओंडेको ञिर जारवायेना आर ओनको खोनको सेटेर लाहायेना। 34आर जिसु ला़उका़ खोन फेडकाते आ़डि गादेल होड़े ञेलकेत्कोवा आर ओनकोरे माँयाँ हेच्आदेया। एनते गुपियिच् बा़नुगेताको भिडिको लेकाको ताहेंकाना आर आ़डि ओकोच्आक्को चेत्आकोय एहोप्केदा।
35आर आ़डिगे कु बेलायेन खान उनिरेन चेलाको हेच्कातेको मेतादेया। नोवा जायगा दो निसुनगेया आर आ़डि कु बेलायेना। 36आर होड़को बिदा़काकोमे जेमोन बेड़हाय तेयाक् दिहा़त आर आतोकोरेको सेनोक् आर जोम ला़गित् जाहानाक्को किरिञजोङ। 37मेनखान जिसु दोए रोड़ रुवा़ड़ात्कोवा, आपेगे जोम ला़गित् एमाकोपे। मेतादेयाको सेनकाते बार साय सिकि रेयाक् पिठा़ले किरिञ आ़गुयते जोम ला़गित्ले एमाकोवा? 38जिसुइ मेतात्कोवा तिना़क् पिठा़ मेनाक्तापेया? सेनकाते ञेल आ़गुइपे। आदो बाडायकेत् खानको ला़इयादेया, मोंड़ेंगोटेन पिठा़ आर बारया हाको। 39आदो जिसुइ हुकुमात्कोवा, जोतो होड़ दोल दोल हा़रिया़ड़ घाँसरे दुड़ुप ओचोकोवा मेनते। 40खान ओनको दो साय साय आर मोंड़ेगेल मोंड़ेगेलकाते पान्ते पान्तेको दुड़ुप् एना। 41आदो जिसु ओनाको मोंड़ें गोटेन पिठा़ आर उनकिन बारया हाको हातावकाते सेरमा सेच्ए बेङगेत् राकाप्केदा आरे भोरात्ते पिठा़इ केचाक्केदा आर चेलाकोय एम इदियात्कोवा। जेमोनको दोहो इदिआको आर उनकिन बारया हाको हों सानाम होड़े हा़टिञात्कोवा। 42आर सानामकोको जोमकेदा आरको बियेना। 43आर पिठा़ आर हाको केचाक् काटरा कुटरा़को दो गेलबार फा़तिया़क् पेरेच्को हालाङ जारवाकेदा आर हाकोकिन रेयाक् हों। 44आर ओनाको जोजोमको दो मोंड़ें हाजार हेरेल होपोनको ताहेंकाना।
जिसु दाक् चेतानतेये ताड़ामेत्
(माथ 14:22-26; जोहा 6:16-21)
45आर इना़ तायोम जिसु दो ओनको गादेल होड़े बिदा़केत्कोवा आर आच्रेन चेलाको दो ला़उका़रे देजोक् आर ओन पारोम बेथसायदाते चालाव लाहाक्ए उदगा़उ गोत्कात्कोवा। 46आर ओनको खोने बेगारेन खान कोयजोङ ला़गित् बुरुतेये चालावेना 47आर आ़युप् एन खान ला़उका़ दो दोरयाँव तालारे ताहेंकाना आर जिसु दो एसकारगे घुटुरे। 48आर ला़उका़ चालाव चालावते हारोनोक्काने ञेलकेत्को खान, एनते होय दो ओनको बिरुदरे ताहेंकाना। सिमराक् पे बाजा खोन तुरुइ बाजा ओकते दोरयाँव चेतान चेतानते ताड़ामते ओनको ठेने सोरेना। आर सेन पारोमकोय मेनजोङ कान ताहेंकाना। 49मेनखान ओनको दो दोरयाँव चेतान चेतानते ताड़ामेत्कानको ञेलकेदे खान, भुत मेनतेको किकिया़उकेदा, 50एनते ओनको जोतोगेको ञेलकेदेया आर बोतोरतेको धाक धाकावेना। खान जिसु दो ओनको तुलुच् ए रोड़ गोत्केदा, आरे मेतात्कोवा, “दिल जोङपे, इञ कान गेया़ञ, आलोपे बोतोरोक्आ।” 51आदो जिसु ओनको ठेन ला़उका़रेये देच् एना, आर होय दो थिरेना। खानगे चेलाको दो आको आकोरे आ़डि बा़ड़िच्को ठाक एना। 52एनते ओनको दो ओनाको पिठा़ रेयाक् बाको बुजहा़उ आकात् ताहेंकाना। मोन दो ठेला आकान ताहेंकानताकोते।
जिसु गेनेसारेतरे रुगिकोय बोगेयेत्को
(माथ 14:34-36)
53आदो हानासाको पारोमेन खान, गेनेसारेत रेयाक् घुटुतेको सेटेरेना। आर ला़उका़ घाटरेको चा़न्डिया़उ ओटोकादा। 54जिसु आर उनिरेन चेलाको दो ला़उका़ खोनको फेडेन खान होड़को दोको ओरोम गोत्केदेया। 55आर ओना गोटा बेड़हाय टोठाकोरेको ञिर बाड़ाकेदा, जाहाँरेगे जिसु मेनाया मेनतेको आँजोमलेत् ओंडेगे रुवा़क् हासोक्को पारकोमते गोक् आ़क्गुको एहोप्केदा 56आर जाहाँ आतो से नागराहा से दिहा़तरे जिसुइ बोलोयेन ओंडे दो हाट टा़न्डिकोरे रुवा़क् हासोक्कोको आ़गु दोहोयेत्को कान ताहेंकाना आर उनियाक् किचरिच् आञचार तेत् हों जोटेद ला़गित् उनि ठेनको नेहोंरेना आर तिना़क् होड़ किचरिच्को जोटेत्लेदे ओनको दोको बोगेयेना आरको बाञचाव एना।
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025