मा़र 5
5
जिसु बा़ड़िच् जिउवान होड़े बोगेयेदे
(माथ 8:28-34; लु 8:26-39)
1जिसु आर उनिरेन चेलाको दोरयाँव ओनपारोम गेरासेनेसकोवाक् टोठातेको सेटेरेना। 2आर जिसु ला़उका़ खोने फेड एन तोरागे बेसाफा जिउ देच् आकावादे मित् होड़ कोबोरको खोने ओडोक हेच्एना आरे दाराम गोत्केदेया। 3उनि दो तोपा दाँदेरकोरे ताहेन ठा़ँइ ताहेंकानताया आर ओकोय हों सिकड़िकोते हों आर दो बाको तोल दाड़ेयायकान ताहेंकाना। 4एनते आ़डि धाव बिड़िकोते आर सिकड़िकोतेको तोललेदे ताहेंकाना, मेनखान सिकड़िको दोए हुमचा़क् तोपाक्लेत् आर बिड़िको दोए काटरा कुटरा़लेत् ताहेंकाना आर ओकोय हों बाको का़बु दाड़ेयायकान ताहेंकाना। 5उनि दो सिञ ञिंदा़ जावगे तोपा दाँदेरकोरे आर बुरुकोरे किकिया़उक् कान आर धिरितेये कोटेच् जोखोमोक् कान ताहेंकाना। 6आदो सा़ङगिञ खोन जिसुइ ञेलकेदे खान ञिर हेच्एनते उनि सामाङरेये इकड़ुमेना। 7आर आ़डि आँट किकिया़उ आतेये मेनकेदा, “इञ तुलुच् आमाक् दो चेत्, ए जिसु चोट उता़रिच् इसोररेन होपोन? इसोर ञुतुमतेञ नेहोंरामकाना, आलोम सासेतिञा।” 8एनते जिसु दो उनिये मेतादे ताहेंकाना, “ए बेसाफा जिउ नुय होड़ खोन ओडोक चालाक्मे।” 9खान जिसुइ कुलिकेदेया, “आमाक् ञुतुम दो चेत् काना?” रोड़रुवा़ड़केदाए, इञाक् ञुतुम दो “फा़द काना, एनते आ़डि ओकोच् मेनाक्लेया।” 10आदो आ़डिये नेहोंरादेया जेमोन ओना टोठा खोन बाहरेते दो आलोय कोल गिडिकाको। 11ओंडे बुरु धासनारे आ़डि उता़र खा़ड़ सुकरिको आ़तिञकान ताहेंकाना। 12आदो बा़ड़िच् जिउको दो जिसुको नेहोंरादेया ओनको सुकरिकोरे बाड़े कोलकालेमे जेमोन ओनकोरेले बोलोक्। 13आदोए सेन ओचोवात्कोवा, खानगे ओनको बेसाफा जिउको दो ओडोकेनते सुकरिकोरेको बोलोयेना। आर खा़ड़ सुकरि दो, लेखारे बार हाजार गान, दाड़ाङ खोन गादगादाव फेडेनते दोरयाँवरेको उनुम गोच् एना। 14आर गुपिको दोको दा़ड़केदा आर नागराहा आर दिहा़तकोरेको ला़इ पासनावकेदा, आर होड़को दो होय आकानाक् चेत्काना मेनते ञेञेलको हेच्एना। 15आदो जिसु ठेनको हेच्एना आर ओकोयरे फा़दको ताहेंकान उनि बा़ड़िच् जिउ चापाड़लेदे होड़ ओयो डेङगाआकान आर बुदआकान आर दुड़ुप्आकानको ञेलकेदेया आरको बोतोरेना। 16ओनको ञेललेत्को दो बा़ड़िच् जिउ चापाड़लेदेयिच्रे होयेनाक् आर सुकरिको रेयाङको ला़इयात्कोवा। 17ओनको दो जिसुको नेहोंरादेया जेमोन आकोवाक् टोठा खोने ओडोक चालाक्। 18आदो जिसु ला़उका़रेये देजोक्कान ताहेंकानरे उनि बा़ड़िच् जिउ चापाड़लेदेयिच् दो उनि साँवते चालाक्आ मेनतेये नेहोंरादेया। 19मेनखान जिसु दो आच् साँवते बाय ताहेंओचोवादेया, बिचकोमे मेतादेया, दो आमाक् ओड़ाक्ते आमरेनको ठेन चालाक्मे आर ला़इयाकोमे तिन माराङाक्को प्रोभु दो आम ला़गित्ए का़मिआकादा आर तिना़क्ए माँयाँ आकावात्मेया मेनते। 20खानगेये ओडोक चालावेना आर देकापोलिस टोठारेये पोरचार केदा तिन माराङाक्को, जिसु दो आच् ला़गित् ए का़मि आकादा मेनते आर सानाम होड़को हाहाड़ायेना।
जायरोस होपोनेरा आर ओकोय दो जिसुवाक् किचिरिच् ए जोटेत्केत् उनि मायजिउ
(माथ 9:18-26; लु 8:40-56)
21आदो जिसु ला़उका़ते आरहों हानासाय पारोमेन खान, आ़डि गादेल होड़ उनि ठेनको हेच् जारवायेना आर उनि दो दोरयाँव आड़ेरेये ताहेंकाना। 22खान सुना़गोगरेन मुखिया़को मोदरेन जायरोस ञुतुमान मित् होड़े हेच्एना आर उनिये ञेलकेदे खान उनियाक् जाङगारेये गिडियेना, 23आर आ़डिये नेहोंरादेया, बाङमा, इञरेन का़टिच् कुड़ि गिदरा़ गुजुक् दा़खिल मेनाया, देला हेच्काते चापोयेम, जेमोने बाञचावक् आर जिवेत् ए ताहेंन। 24आदो जिसु उनि तुलुच् ए चालावेना आर आ़डि गादेल होड़को पाँजा इदिकेदेया, आर जिसुको रिडा़त् चिरित्एदे कान ताहेंकाना।
25आर गेलबार बोछोर खोन माँयाँम जोरोक् रोगान मित्टेन मायजिवे ताहेंकाना। 26उनि दो आ़डि उता़र रारानको ठेन आ़डि दुके जोम आकात् ताहेंकाना। आयाक् जोतोवाक् खोरोचकाते चेत् पोरहो हों बाय ञामलेदा, बिचकोम आरतेत् ए बा़ड़िच् इदि आकान ताहेंकाना। 27उनि दो जिसु रेयाक् आँजोमकाते तायोम सेच् खोन होड़ गादेलरेये हेच्एना आर उनियाक् किचरिच्ए जोटेत्केत्ताया। 28एनतेये मेनवाना एकेन उनियाक् किचरिच् इञ जोटेत् ञाम लेखानगेञ बोगेक्आ आरिञ बाञचावक्आ। 29खान उनि मायजिउ दो जिसुवाक् किचिरिच् ए जोटेत्केदा आर इना़ घा़ड़िच्तेगे उनियाक् माँयाँम ओडोकोक् दो बोंदेना आर आयाक् होड़मोरेये आ़इका़उकेदा आयाक् रुवा़ खोने बोगेयेना मेनते। 30आदो जिसु आच् खोन दाड़े ओडोकेना मेनतेये आ़इका़उ गोत्केत् खान, होड़ गादेलरे आ़चुरेनतेये मेनकेदा, ओकोय किचरिच्ए जोटेत्केत्तिञा? 31आदो उनिरेन चेलाकोको मेतादेया, ञेलेत्कोगेयाम गादेल होड़को रिडा़त् चिरित्एत्मेया, आरेम मेनेदा, ओकोय जोटेत् केदिञा? 32आदो ओनकाकेत्इच् ञेल ञामेया मेनते जिसु दो बेड़हायतेये बेङगेत् आ़चुरकेदा। 33मेनखान उनि मायजिउ दो होय आदेयाक् बाडायकाते बोतोर आर थारथारावआतेये हेच्एना आर उनि सामाङरे ओमबाक्काते जोतोवाक् सा़रि सा़रिये ला़इयादेया। 34आदो जिसु उनिये मेतादेया, बाञचावेनाम, ए मा़इ आमाक् बिसवा़सगेये बोगे आकात्मेया, सुलुकते सेन जोङमे आर आमाक् रुवा़ खोन बोगे आकानगे ताहेनमे।
35जिसुये रोरोड़कान ताहेंकानरेगे सुना़गोगरेन मुखिया़वाक् ओड़ाक् खोन थोड़ा होड़ हेच्कातेको मेतादेया, होपोनेराम दोए बेनडाव एना, चेदाक् आदो गुरुम हारोनेया? 36मेनखान जिसु दो ओना रोड़लेनाक् काथा बाय हेतावादा आर सुना़गोगरेन मुखिया़इ मेतादेया, “आलोम बोतोरोक्आ एकेन पा़तिया़उक्मे।” 37आदो पातरास आर जाकब आर जाकबरेन बोयहा जोहान छाडा ओकोय हों आच् सोङगेते बाय सेन ओचोवात्कोवा। 38खान सुना़गोगरेन मुखिया़वाक् ओड़ाक्को सेटेरेना, आदो जिसु का़उवा़रा़उवा़ आर आ़डितेत् राराक् आर हाय हायोक्काने ञेलकेत्कोवा। 39आर बोलोयेनतेये मेतात्कोवा, “चेदाक् का़उवा़रा़उवा़ आरपे राक्एत्काना? गिदरा़ दो बाङचोय गोच्आकान, एकेने जा़पित् आकात्आ।” 40आदोको लान्दाधुत् आदेया। खान उनि दो जोतोय ओडोककात्कोवा। आर गिदरा़रेन आपात आर एङगात आर आच् साँवतेनको सोङगे तोराकेत्कोते गिदरा़ मेनाय ठेने बोलोयेना। 41आर गिदरा़वाक् ति साप्कातेये मेतादेया, “तालिथा कुमि,” ओना दो तोरजोमाते, “ए मा़इ, मेतामकाना़ञ बेरेत्मे।” 42खान उनि कुड़ि गिदरा़ दोए बेरेत्गोत् एना आरे दाँड़ाँ बाड़ाकेदा। एनते गेलबार सेरमा उमेररेने ताहेंकाना। आर आ़डि बा़ड़िच्को भाड़ोयेना। 43आदो जिसु आ़डिये का़जिया़ँउकात्कोवा जेमोन ओकोय हों ओना दो आलोको बाडाय आर जोम ला़गित् एमाये मेतात्कोवा।
Currently Selected:
मा़र 5: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
मा़र 5
5
जिसु बा़ड़िच् जिउवान होड़े बोगेयेदे
(माथ 8:28-34; लु 8:26-39)
1जिसु आर उनिरेन चेलाको दोरयाँव ओनपारोम गेरासेनेसकोवाक् टोठातेको सेटेरेना। 2आर जिसु ला़उका़ खोने फेड एन तोरागे बेसाफा जिउ देच् आकावादे मित् होड़ कोबोरको खोने ओडोक हेच्एना आरे दाराम गोत्केदेया। 3उनि दो तोपा दाँदेरकोरे ताहेन ठा़ँइ ताहेंकानताया आर ओकोय हों सिकड़िकोते हों आर दो बाको तोल दाड़ेयायकान ताहेंकाना। 4एनते आ़डि धाव बिड़िकोते आर सिकड़िकोतेको तोललेदे ताहेंकाना, मेनखान सिकड़िको दोए हुमचा़क् तोपाक्लेत् आर बिड़िको दोए काटरा कुटरा़लेत् ताहेंकाना आर ओकोय हों बाको का़बु दाड़ेयायकान ताहेंकाना। 5उनि दो सिञ ञिंदा़ जावगे तोपा दाँदेरकोरे आर बुरुकोरे किकिया़उक् कान आर धिरितेये कोटेच् जोखोमोक् कान ताहेंकाना। 6आदो सा़ङगिञ खोन जिसुइ ञेलकेदे खान ञिर हेच्एनते उनि सामाङरेये इकड़ुमेना। 7आर आ़डि आँट किकिया़उ आतेये मेनकेदा, “इञ तुलुच् आमाक् दो चेत्, ए जिसु चोट उता़रिच् इसोररेन होपोन? इसोर ञुतुमतेञ नेहोंरामकाना, आलोम सासेतिञा।” 8एनते जिसु दो उनिये मेतादे ताहेंकाना, “ए बेसाफा जिउ नुय होड़ खोन ओडोक चालाक्मे।” 9खान जिसुइ कुलिकेदेया, “आमाक् ञुतुम दो चेत् काना?” रोड़रुवा़ड़केदाए, इञाक् ञुतुम दो “फा़द काना, एनते आ़डि ओकोच् मेनाक्लेया।” 10आदो आ़डिये नेहोंरादेया जेमोन ओना टोठा खोन बाहरेते दो आलोय कोल गिडिकाको। 11ओंडे बुरु धासनारे आ़डि उता़र खा़ड़ सुकरिको आ़तिञकान ताहेंकाना। 12आदो बा़ड़िच् जिउको दो जिसुको नेहोंरादेया ओनको सुकरिकोरे बाड़े कोलकालेमे जेमोन ओनकोरेले बोलोक्। 13आदोए सेन ओचोवात्कोवा, खानगे ओनको बेसाफा जिउको दो ओडोकेनते सुकरिकोरेको बोलोयेना। आर खा़ड़ सुकरि दो, लेखारे बार हाजार गान, दाड़ाङ खोन गादगादाव फेडेनते दोरयाँवरेको उनुम गोच् एना। 14आर गुपिको दोको दा़ड़केदा आर नागराहा आर दिहा़तकोरेको ला़इ पासनावकेदा, आर होड़को दो होय आकानाक् चेत्काना मेनते ञेञेलको हेच्एना। 15आदो जिसु ठेनको हेच्एना आर ओकोयरे फा़दको ताहेंकान उनि बा़ड़िच् जिउ चापाड़लेदे होड़ ओयो डेङगाआकान आर बुदआकान आर दुड़ुप्आकानको ञेलकेदेया आरको बोतोरेना। 16ओनको ञेललेत्को दो बा़ड़िच् जिउ चापाड़लेदेयिच्रे होयेनाक् आर सुकरिको रेयाङको ला़इयात्कोवा। 17ओनको दो जिसुको नेहोंरादेया जेमोन आकोवाक् टोठा खोने ओडोक चालाक्। 18आदो जिसु ला़उका़रेये देजोक्कान ताहेंकानरे उनि बा़ड़िच् जिउ चापाड़लेदेयिच् दो उनि साँवते चालाक्आ मेनतेये नेहोंरादेया। 19मेनखान जिसु दो आच् साँवते बाय ताहेंओचोवादेया, बिचकोमे मेतादेया, दो आमाक् ओड़ाक्ते आमरेनको ठेन चालाक्मे आर ला़इयाकोमे तिन माराङाक्को प्रोभु दो आम ला़गित्ए का़मिआकादा आर तिना़क्ए माँयाँ आकावात्मेया मेनते। 20खानगेये ओडोक चालावेना आर देकापोलिस टोठारेये पोरचार केदा तिन माराङाक्को, जिसु दो आच् ला़गित् ए का़मि आकादा मेनते आर सानाम होड़को हाहाड़ायेना।
जायरोस होपोनेरा आर ओकोय दो जिसुवाक् किचिरिच् ए जोटेत्केत् उनि मायजिउ
(माथ 9:18-26; लु 8:40-56)
21आदो जिसु ला़उका़ते आरहों हानासाय पारोमेन खान, आ़डि गादेल होड़ उनि ठेनको हेच् जारवायेना आर उनि दो दोरयाँव आड़ेरेये ताहेंकाना। 22खान सुना़गोगरेन मुखिया़को मोदरेन जायरोस ञुतुमान मित् होड़े हेच्एना आर उनिये ञेलकेदे खान उनियाक् जाङगारेये गिडियेना, 23आर आ़डिये नेहोंरादेया, बाङमा, इञरेन का़टिच् कुड़ि गिदरा़ गुजुक् दा़खिल मेनाया, देला हेच्काते चापोयेम, जेमोने बाञचावक् आर जिवेत् ए ताहेंन। 24आदो जिसु उनि तुलुच् ए चालावेना आर आ़डि गादेल होड़को पाँजा इदिकेदेया, आर जिसुको रिडा़त् चिरित्एदे कान ताहेंकाना।
25आर गेलबार बोछोर खोन माँयाँम जोरोक् रोगान मित्टेन मायजिवे ताहेंकाना। 26उनि दो आ़डि उता़र रारानको ठेन आ़डि दुके जोम आकात् ताहेंकाना। आयाक् जोतोवाक् खोरोचकाते चेत् पोरहो हों बाय ञामलेदा, बिचकोम आरतेत् ए बा़ड़िच् इदि आकान ताहेंकाना। 27उनि दो जिसु रेयाक् आँजोमकाते तायोम सेच् खोन होड़ गादेलरेये हेच्एना आर उनियाक् किचरिच्ए जोटेत्केत्ताया। 28एनतेये मेनवाना एकेन उनियाक् किचरिच् इञ जोटेत् ञाम लेखानगेञ बोगेक्आ आरिञ बाञचावक्आ। 29खान उनि मायजिउ दो जिसुवाक् किचिरिच् ए जोटेत्केदा आर इना़ घा़ड़िच्तेगे उनियाक् माँयाँम ओडोकोक् दो बोंदेना आर आयाक् होड़मोरेये आ़इका़उकेदा आयाक् रुवा़ खोने बोगेयेना मेनते। 30आदो जिसु आच् खोन दाड़े ओडोकेना मेनतेये आ़इका़उ गोत्केत् खान, होड़ गादेलरे आ़चुरेनतेये मेनकेदा, ओकोय किचरिच्ए जोटेत्केत्तिञा? 31आदो उनिरेन चेलाकोको मेतादेया, ञेलेत्कोगेयाम गादेल होड़को रिडा़त् चिरित्एत्मेया, आरेम मेनेदा, ओकोय जोटेत् केदिञा? 32आदो ओनकाकेत्इच् ञेल ञामेया मेनते जिसु दो बेड़हायतेये बेङगेत् आ़चुरकेदा। 33मेनखान उनि मायजिउ दो होय आदेयाक् बाडायकाते बोतोर आर थारथारावआतेये हेच्एना आर उनि सामाङरे ओमबाक्काते जोतोवाक् सा़रि सा़रिये ला़इयादेया। 34आदो जिसु उनिये मेतादेया, बाञचावेनाम, ए मा़इ आमाक् बिसवा़सगेये बोगे आकात्मेया, सुलुकते सेन जोङमे आर आमाक् रुवा़ खोन बोगे आकानगे ताहेनमे।
35जिसुये रोरोड़कान ताहेंकानरेगे सुना़गोगरेन मुखिया़वाक् ओड़ाक् खोन थोड़ा होड़ हेच्कातेको मेतादेया, होपोनेराम दोए बेनडाव एना, चेदाक् आदो गुरुम हारोनेया? 36मेनखान जिसु दो ओना रोड़लेनाक् काथा बाय हेतावादा आर सुना़गोगरेन मुखिया़इ मेतादेया, “आलोम बोतोरोक्आ एकेन पा़तिया़उक्मे।” 37आदो पातरास आर जाकब आर जाकबरेन बोयहा जोहान छाडा ओकोय हों आच् सोङगेते बाय सेन ओचोवात्कोवा। 38खान सुना़गोगरेन मुखिया़वाक् ओड़ाक्को सेटेरेना, आदो जिसु का़उवा़रा़उवा़ आर आ़डितेत् राराक् आर हाय हायोक्काने ञेलकेत्कोवा। 39आर बोलोयेनतेये मेतात्कोवा, “चेदाक् का़उवा़रा़उवा़ आरपे राक्एत्काना? गिदरा़ दो बाङचोय गोच्आकान, एकेने जा़पित् आकात्आ।” 40आदोको लान्दाधुत् आदेया। खान उनि दो जोतोय ओडोककात्कोवा। आर गिदरा़रेन आपात आर एङगात आर आच् साँवतेनको सोङगे तोराकेत्कोते गिदरा़ मेनाय ठेने बोलोयेना। 41आर गिदरा़वाक् ति साप्कातेये मेतादेया, “तालिथा कुमि,” ओना दो तोरजोमाते, “ए मा़इ, मेतामकाना़ञ बेरेत्मे।” 42खान उनि कुड़ि गिदरा़ दोए बेरेत्गोत् एना आरे दाँड़ाँ बाड़ाकेदा। एनते गेलबार सेरमा उमेररेने ताहेंकाना। आर आ़डि बा़ड़िच्को भाड़ोयेना। 43आदो जिसु आ़डिये का़जिया़ँउकात्कोवा जेमोन ओकोय हों ओना दो आलोको बाडाय आर जोम ला़गित् एमाये मेतात्कोवा।
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025