मा़र 4
4
इता़ एरोक्इच् रेयाक् फेन
(माथ 13:1-23; लु 8:4-15)
1आदो जिसु गा़लिल दोरयाँव आड़ेरे चेत्आकोय एहोप् एना आर आ़डि गादेल होड़ उनि ठेनको हेच् जारवायेना, ओनाते उनि दो दोरयाँवरे मित्टेन ला़उका़रे देच्कातेये दुड़ुप् एना। आर ओनको जोतो गादेल होड़ दो दोरयाँव आड़ेरे घुटुरेको तेङगोवाकान ताहेंकाना। 2आदो फेनकोते आ़डि ओकोच्ए चेत्आत्कोवा, आरे मेतात्कोवा, 3आँजोमपे, ञेलपे एरोक्इच् दो एरोक्ए ओडोक चालावेना। 4एरोक् जोखेच् आदोम इता़ दो होर आड़ेरे ञुरेना, आर चेंड़ेंको दो हेच्काते ओनाको हालाङ जोमकेदा। 5आदोम इता़ दो चा़टा़इनि ओतरे ञुरेना ओने ओकारे ढेर हासा बाङ ताहेंकान। आर दा़रिया़ हासा बाङ ताहेंकानते, उसा़रागे ओमोन गोत्एना। 6आदो सिञ चाँदोए राकाप् इदियेन खान झाँवरावेना आर बाङ रेहेत् ञावानते रोहोड़ का़रचुप् एना। 7आदोमाक्को दो जा़नुम झा़वा़ तालारे ञुरेना, आर झा़वा़ दो हारा राकाप् एना, आर ओनाय झुरकेदा, आर बाङ जो लेना। 8मेनखान आदोमाक्को दो बोगे ओतरे ञुरेना आर हारा राकाप् एना आर मोंड़ायेनते, गेले बेलेयेना आर पे गेल आर तुरुइगेल आर मित्साय हा़बिच् जाङेना। 9आर जिसुइ मेनकेदा, “आँजोम ला़गित् लुतुर मेनाक्ताय होड़ दोए आँजोममा।”
फेन रेयाक् भेद
(माथ 13:10-17; लु 8:9-10)
10आदो जिसु एसकारे ताहेंकानरे साँवतेनको दो ओनको गेलबारको तुलुच् ओना फेन रेयाक्को कुलिकेदेया। 11आदोए मेतात्कोवा, “आपे ठेन दो इसोराक् राजोस्टि रेयाक् ओकोवाक्को एम आकाना,” मेनखान ओनको बाहरेरेनको तुलुच् दो सानामाक्कोगे फेनकोते होयोक् काना। 12“जेमोन ञेल दोको ञेल, मेनखान आलोको ओरोम, आँजोम दोको आँजोम, मेनखान आलोको बुजहा़उ। जेमोन आलोको आ़चुरोक् आर ओनकोवाक् का़इ आलो इका़क्ताको।”
जिसु एरोक्इच् रेयाक् फेने भोङेत्कान
(माथ 13:18-23; लु 8:11-15)
13आदो जिसुइ मेतात्कोवा “निया़ फेनगे बापे बुजहा़वेदा, आदो चेकाते जोतो फेनको दोपे बुजहा़वा? 14एरोक्इच् दो इसोराक् काथाय एरा। 15नोकोकानाको होर आड़ेरेनको दो ओने ओकोयरे काथा रेयाक् इता़ एरोगोक्कान, आर ओनाको आँजोमलेरे सायतान दोए हेच्गोदोक्आ, आर ओनकोरे एर आकान काथाय हालाङ आ़तकिरा। 16आर ओनका लेकागे चा़टा़इनि ओतरे एर ओचोक्कानको दो नोको कानाको, ओकोय काथाको आँजोमलेरे रा़सका़ते ओनाको आङगोच गोद। 17आकोरे रेहेत् दो बा़नुक्ताकोवा, मेनखान बा़रसिञरेन कानाको, आदो काथा इया़ते सानताव से खेद होयलेन खान, एकालतेको ता़किच् गोदोक्आ। 18आर एटाक्को ओने जा़नुम झा़वा़ तालारे एर ओचोक्कानको दो नोको कानाको, ओने ओकोय काथाको आँजोमकेत्, 19मेनखान नोवा जुग रेयाक् दा़ँदिको आर धोन रेयाक् लिलका़र आर एटाक्आक् रेयाक् लालोचकोते काथाय झुरा, आर ओना दो बिन जो आनाक्गे होयोक्आ। 20आर भागे ओतरे एरेनको दो ओनको कानाको, ओने ओकोय काथाको आँजोम आरको आङगोच, आर जो बाहावानकोको होयोक्, आदोम दो पे गेल आदोम दो तुरुइगेल आर आदोम दो मित्साय हा़बिच्।”
दिया़ड़ा चेतानरे दिउहे
(लु 8:16-18)
21जिसु दो ओनकोय मेतात्कोवा, “जाहाँय दिउहे जेरेत्काते खा़चला़क् लाताररे से पारकोम लाताररे दोहोय ला़गित् ए आ़गुया? चेत् दिया़ड़ा चेतानरे दोहोय ला़गित् दो बाङा? 22ओकाको काथा दानाङरे मेनाक् ओना दो सोदोरोक्आ आर ओकाको काथा पोटोमरे मेनाक् ओना दो ओटागोक्आ। 23आँजोम ला़गित् लुतुर मेनाक्ताय होड़ दोए आँजोममा।” 24आदो जिसुइ मेतात्कोवा, “हेतावाक्पे ओकाटाक्पे आँजोमेत्कान। ओका सोसोङाक्तेपे सोङा, इना़तेगे सोङआपेया आरको एम जुटुच् आपेया। 25एनते मेनाक्तायिच् दोको एमाया मेनखान बा़नुक्तायिच् दो मेनाक्तायाक् होंए रेच् ओचोक्आ।”
हाराक् तुड़ि इता़ रेयाङ फेन
26जिसुइ दोए मेनकेदा, “इसोराक् राजोस्टि दो नोनका लेका काना, चेत्लेका मित्टेच् होड़ दो ओतरे इता़इ छिट्या़उकेत्, 27आर सिञ आर ञिंदा़इ गितिच् आरे बेरेत्आ, आर ओना इता़ दो आ़ङकुरेना आर चेत्लेकाते चोङ हारायेन ओना दो बाय बाडायलेदा। 28ओत दो आच्तेगे फोसोले उबजा़उ एदा, पा़हिल दो आ़ङकुरोक्आ खान गा़छि इना़ तायोम गेले, खान गेलेरे पुरा़ दाना। 29मेनखान फोसोल बेलेलेन खान दातरोमे चालाव गोत्काक्आ, एनते इरोक् दिन सेटेरेन दो।”
तुड़ि जाङ रेयाङ फेन
(माथ 13:31-32; लु 13:18-19)
30जिसु आरहोंए मेनकेदा, “इसोराक् राजोस्टि दो चेत् तुलुच्बोन जुरिया? से चेत् लेकान फेनते ओना दोबोन उदुगा? 31ओना दो मित्टेन तुड़ि इता़ लेकाना, ओने ओकाटाक् ओतरे एरलेनरे धा़रति रेयाक् जोतो इता़को खोन का़टिच् रेहों, 32एनरेहों एर लेन खान हाराक् काना आर जोतो आड़ाक् साकामको खोन नापड़ागोक् काना आर नुना़क् ला़टु डा़रोक् काना जे ओना रेयाक् उमुलरे सेरमारे उडा़उक् चेंड़ेंकोको तुका़येदा।” 33आ़डि उता़र नोनकानाक् फेनकोते काथाय गालमारावाकोकान ताहेंकाना, ओनकोको आँजोम दाड़ेयाक्कान ताहेंकान लेका। 34आर फेन बेगोरते दो बाय गालमारावाकोकान ताहेंकाना, मेनखान एसकाररे दो आच्रेन चेलाको सानामाक्ए भोङ आकोकान ताहेंकाना।
जिसु बिरबाँव होये थिर ओचोयेत्
(माथ 8:23-27; लु 8:22-25)
35एन हिलोक् आ़युप् एन खान जिसु दो आच्रेन चेलाकोय मेतात्कोवा, “देलाबोन दोरयाँव ओनपारोमतेबोन चालाक्आ।” 36आदो ओनको गादेल होड़को बा़गियात्कोवा आर बिदा़काते, ओका ला़उका़रे जिसुइ ताहेंकान ओना साँवतेगेको इदि तोराकेदेया आर एटाक् ला़उका़ हों उनि साँवरे ताहेंकाना। 37खान आ़डि माराङ बिरबाँव हेच्एना आर ढेवको दो ला़उका़रे नुना़क् आँट छिलका़उ बोलोक्कान ताहेंकाना जे ला़उका़ दो ने बाङ दाक्ते पेरेजोक्। 38मेनखान जिसु दो ला़उका़ रेयाक् तायोम सेच्रे ता़किया़कातेए जा़पित् जोङकान ताहेंकाना। खानगे बेरेत्केदेतेको मेतादेया “हेंदा गुरु, आबोबो जोसावक्कान दो बाम चिन्ता़क् काना?” 39आदो जिसुइ बेरेत् एना आर होये धोमकावकेदा आर दोरयाँवे हुकुमात्आ,“ हापेक्मे, थिरकोक्मे,” खानगे होय दो थिरेना आर डेलडेल निझुमेना। 40आदो जिसुइ मेतात्कोवा, “चेकाते नोनका दोपे डुरुकिया़वा? चेकाते बिसवा़स दो बा़नुक्तापेया?” 41आर आ़डि बा़ड़िच् बोतोरको बोतोरेना आरको मेपेनेना, ओकोय एनडेखान उनि दो? एनते होय आर ढेव होंकिन बातावेत्ताय दो?
Currently Selected:
मा़र 4: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
मा़र 4
4
इता़ एरोक्इच् रेयाक् फेन
(माथ 13:1-23; लु 8:4-15)
1आदो जिसु गा़लिल दोरयाँव आड़ेरे चेत्आकोय एहोप् एना आर आ़डि गादेल होड़ उनि ठेनको हेच् जारवायेना, ओनाते उनि दो दोरयाँवरे मित्टेन ला़उका़रे देच्कातेये दुड़ुप् एना। आर ओनको जोतो गादेल होड़ दो दोरयाँव आड़ेरे घुटुरेको तेङगोवाकान ताहेंकाना। 2आदो फेनकोते आ़डि ओकोच्ए चेत्आत्कोवा, आरे मेतात्कोवा, 3आँजोमपे, ञेलपे एरोक्इच् दो एरोक्ए ओडोक चालावेना। 4एरोक् जोखेच् आदोम इता़ दो होर आड़ेरे ञुरेना, आर चेंड़ेंको दो हेच्काते ओनाको हालाङ जोमकेदा। 5आदोम इता़ दो चा़टा़इनि ओतरे ञुरेना ओने ओकारे ढेर हासा बाङ ताहेंकान। आर दा़रिया़ हासा बाङ ताहेंकानते, उसा़रागे ओमोन गोत्एना। 6आदो सिञ चाँदोए राकाप् इदियेन खान झाँवरावेना आर बाङ रेहेत् ञावानते रोहोड़ का़रचुप् एना। 7आदोमाक्को दो जा़नुम झा़वा़ तालारे ञुरेना, आर झा़वा़ दो हारा राकाप् एना, आर ओनाय झुरकेदा, आर बाङ जो लेना। 8मेनखान आदोमाक्को दो बोगे ओतरे ञुरेना आर हारा राकाप् एना आर मोंड़ायेनते, गेले बेलेयेना आर पे गेल आर तुरुइगेल आर मित्साय हा़बिच् जाङेना। 9आर जिसुइ मेनकेदा, “आँजोम ला़गित् लुतुर मेनाक्ताय होड़ दोए आँजोममा।”
फेन रेयाक् भेद
(माथ 13:10-17; लु 8:9-10)
10आदो जिसु एसकारे ताहेंकानरे साँवतेनको दो ओनको गेलबारको तुलुच् ओना फेन रेयाक्को कुलिकेदेया। 11आदोए मेतात्कोवा, “आपे ठेन दो इसोराक् राजोस्टि रेयाक् ओकोवाक्को एम आकाना,” मेनखान ओनको बाहरेरेनको तुलुच् दो सानामाक्कोगे फेनकोते होयोक् काना। 12“जेमोन ञेल दोको ञेल, मेनखान आलोको ओरोम, आँजोम दोको आँजोम, मेनखान आलोको बुजहा़उ। जेमोन आलोको आ़चुरोक् आर ओनकोवाक् का़इ आलो इका़क्ताको।”
जिसु एरोक्इच् रेयाक् फेने भोङेत्कान
(माथ 13:18-23; लु 8:11-15)
13आदो जिसुइ मेतात्कोवा “निया़ फेनगे बापे बुजहा़वेदा, आदो चेकाते जोतो फेनको दोपे बुजहा़वा? 14एरोक्इच् दो इसोराक् काथाय एरा। 15नोकोकानाको होर आड़ेरेनको दो ओने ओकोयरे काथा रेयाक् इता़ एरोगोक्कान, आर ओनाको आँजोमलेरे सायतान दोए हेच्गोदोक्आ, आर ओनकोरे एर आकान काथाय हालाङ आ़तकिरा। 16आर ओनका लेकागे चा़टा़इनि ओतरे एर ओचोक्कानको दो नोको कानाको, ओकोय काथाको आँजोमलेरे रा़सका़ते ओनाको आङगोच गोद। 17आकोरे रेहेत् दो बा़नुक्ताकोवा, मेनखान बा़रसिञरेन कानाको, आदो काथा इया़ते सानताव से खेद होयलेन खान, एकालतेको ता़किच् गोदोक्आ। 18आर एटाक्को ओने जा़नुम झा़वा़ तालारे एर ओचोक्कानको दो नोको कानाको, ओने ओकोय काथाको आँजोमकेत्, 19मेनखान नोवा जुग रेयाक् दा़ँदिको आर धोन रेयाक् लिलका़र आर एटाक्आक् रेयाक् लालोचकोते काथाय झुरा, आर ओना दो बिन जो आनाक्गे होयोक्आ। 20आर भागे ओतरे एरेनको दो ओनको कानाको, ओने ओकोय काथाको आँजोम आरको आङगोच, आर जो बाहावानकोको होयोक्, आदोम दो पे गेल आदोम दो तुरुइगेल आर आदोम दो मित्साय हा़बिच्।”
दिया़ड़ा चेतानरे दिउहे
(लु 8:16-18)
21जिसु दो ओनकोय मेतात्कोवा, “जाहाँय दिउहे जेरेत्काते खा़चला़क् लाताररे से पारकोम लाताररे दोहोय ला़गित् ए आ़गुया? चेत् दिया़ड़ा चेतानरे दोहोय ला़गित् दो बाङा? 22ओकाको काथा दानाङरे मेनाक् ओना दो सोदोरोक्आ आर ओकाको काथा पोटोमरे मेनाक् ओना दो ओटागोक्आ। 23आँजोम ला़गित् लुतुर मेनाक्ताय होड़ दोए आँजोममा।” 24आदो जिसुइ मेतात्कोवा, “हेतावाक्पे ओकाटाक्पे आँजोमेत्कान। ओका सोसोङाक्तेपे सोङा, इना़तेगे सोङआपेया आरको एम जुटुच् आपेया। 25एनते मेनाक्तायिच् दोको एमाया मेनखान बा़नुक्तायिच् दो मेनाक्तायाक् होंए रेच् ओचोक्आ।”
हाराक् तुड़ि इता़ रेयाङ फेन
26जिसुइ दोए मेनकेदा, “इसोराक् राजोस्टि दो नोनका लेका काना, चेत्लेका मित्टेच् होड़ दो ओतरे इता़इ छिट्या़उकेत्, 27आर सिञ आर ञिंदा़इ गितिच् आरे बेरेत्आ, आर ओना इता़ दो आ़ङकुरेना आर चेत्लेकाते चोङ हारायेन ओना दो बाय बाडायलेदा। 28ओत दो आच्तेगे फोसोले उबजा़उ एदा, पा़हिल दो आ़ङकुरोक्आ खान गा़छि इना़ तायोम गेले, खान गेलेरे पुरा़ दाना। 29मेनखान फोसोल बेलेलेन खान दातरोमे चालाव गोत्काक्आ, एनते इरोक् दिन सेटेरेन दो।”
तुड़ि जाङ रेयाङ फेन
(माथ 13:31-32; लु 13:18-19)
30जिसु आरहोंए मेनकेदा, “इसोराक् राजोस्टि दो चेत् तुलुच्बोन जुरिया? से चेत् लेकान फेनते ओना दोबोन उदुगा? 31ओना दो मित्टेन तुड़ि इता़ लेकाना, ओने ओकाटाक् ओतरे एरलेनरे धा़रति रेयाक् जोतो इता़को खोन का़टिच् रेहों, 32एनरेहों एर लेन खान हाराक् काना आर जोतो आड़ाक् साकामको खोन नापड़ागोक् काना आर नुना़क् ला़टु डा़रोक् काना जे ओना रेयाक् उमुलरे सेरमारे उडा़उक् चेंड़ेंकोको तुका़येदा।” 33आ़डि उता़र नोनकानाक् फेनकोते काथाय गालमारावाकोकान ताहेंकाना, ओनकोको आँजोम दाड़ेयाक्कान ताहेंकान लेका। 34आर फेन बेगोरते दो बाय गालमारावाकोकान ताहेंकाना, मेनखान एसकाररे दो आच्रेन चेलाको सानामाक्ए भोङ आकोकान ताहेंकाना।
जिसु बिरबाँव होये थिर ओचोयेत्
(माथ 8:23-27; लु 8:22-25)
35एन हिलोक् आ़युप् एन खान जिसु दो आच्रेन चेलाकोय मेतात्कोवा, “देलाबोन दोरयाँव ओनपारोमतेबोन चालाक्आ।” 36आदो ओनको गादेल होड़को बा़गियात्कोवा आर बिदा़काते, ओका ला़उका़रे जिसुइ ताहेंकान ओना साँवतेगेको इदि तोराकेदेया आर एटाक् ला़उका़ हों उनि साँवरे ताहेंकाना। 37खान आ़डि माराङ बिरबाँव हेच्एना आर ढेवको दो ला़उका़रे नुना़क् आँट छिलका़उ बोलोक्कान ताहेंकाना जे ला़उका़ दो ने बाङ दाक्ते पेरेजोक्। 38मेनखान जिसु दो ला़उका़ रेयाक् तायोम सेच्रे ता़किया़कातेए जा़पित् जोङकान ताहेंकाना। खानगे बेरेत्केदेतेको मेतादेया “हेंदा गुरु, आबोबो जोसावक्कान दो बाम चिन्ता़क् काना?” 39आदो जिसुइ बेरेत् एना आर होये धोमकावकेदा आर दोरयाँवे हुकुमात्आ,“ हापेक्मे, थिरकोक्मे,” खानगे होय दो थिरेना आर डेलडेल निझुमेना। 40आदो जिसुइ मेतात्कोवा, “चेकाते नोनका दोपे डुरुकिया़वा? चेकाते बिसवा़स दो बा़नुक्तापेया?” 41आर आ़डि बा़ड़िच् बोतोरको बोतोरेना आरको मेपेनेना, ओकोय एनडेखान उनि दो? एनते होय आर ढेव होंकिन बातावेत्ताय दो?
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025