मा़र 12
12
दारखा बागवानरेन चासाको रेयाक् फेन
(माथ 21:33-46; लु 20:9-12)
1आदो जिसु आरहों फेनकोते गालमारावाकोय एहोप् एना, मित्टेन होड़ दो मित्टेन दारखा बागवान ए बेनावकेदा, ओनाय एटेत् आ़चुरकेदा आर मित्टेन लेलेन कुँन्डे ला केदा आर माचाने बेनावकेदा आर चाचासको ठेने बा़इसा़उ ओटोकाते एटाक् दिसा़मतेये चालावेना, 2आदो ओकतेतेत्रे चाचासको ठेन मित्टेन गुतिये कोलकेदेया, जेमोन चाचासको ठेन खोन दारखा बागवान जो रेयाक् हिसा़य ञाम। 3खान उनि साप्कातेको दालकेदेया आर एकेन ति को कोल गोत्कादेया। 4आदो आरहों उनि दो मित्टेन एटागिच् गुति ओनको ठेने कोलकेदेया, उनि दो बोहोक्को दाल रोचोत्केदेया आरको लाजावपाड़ाकेदेया। 5खान आरहों मित्टेन एटाक्इच्ए कोलकेदेया, उनि दोको गोच्केदेया आर आयमा एटाक्को, आदोम दोको दाल उरकेत्कोवा आर आदोम दोको गोच्केत्कोवा। 6आरहों मित्टेने सारेच्एनताया, दुला़ड़िया़ होपोनतायगे सेसरे उनिगे ओनको ठेने कोलकेदेया, नोवा मेनकाते, “इञरेन होपोन दोको मानोतेया।” 7मेनखान ओनको चाचासको दो आको आकोरेको मेपेनेना, “नुय कानगेयाय ओवारिस दो, देलाबोन गोजेया, खान आ़इदा़रितेत् दो आबोवाक्गे होयोक्आ।” 8आदो साप्केदेतेको गोच्केदेया आर दारखा बागवान बाहरेतेको ओडोक गिडिकादेया। 9एनडेखान दारखा बागवानरेन प्रोभु दो चेत् ए चेकाया? “उनि दोए हिजुक्आ आर चाचासकोय मारावकोवा आर दारखा बागवान दो एटाक्कोय एमाकोवा।” 10नोवा सोसतोर काथा दो बापे पाड़हाव आकादा? “ओकाटाक् धिरि ओड़ाक् बेनावकोको निहा़ँत गिडिकात्, ओनागे कोनाच रेयाक् आसोल धिरि दो होयेना।” 11नोवा दो प्रोभु खोनगे होयेना आर आबोवाक् मेंत् सामाङरे दो हाहाड़ावाक् कानगेया। 12आर ओनको दो जिसु साबेको आ़त बाड़ायेत्कान ताहेंकाना, मेनखान गादेल होड़कोको बोतोरात्कोवा, बुजहा़उ ञामकेदाको, ओना फेन दो आको बिरुदरेगेये रोड़लेदा मेनते। खान बा़गियादेतेको चालावेना।
का़इसा़र राज भेजा एमोक् रेयाङ कुक्लि
(माथ 22:15-22; लु 20:20-26)
13आर आदोम आदोम फा़रिसिको आर हेरोद सेच्रेनको जिसु ठेनको कोलकेत्कोवा, जेमोन काथातेको झा़लिये। 14आदो हेच्कातेको मेतादेया, “ए गुरु, बाडायाले, आम दोम सा़रि होड़ काना आर ओकोय हों बाम हेतावाको काना एनते होड़ाक् मेंत्हाँ दो बाम बेङगेत्आक् काना, बिचकोम इसोराक् होर सा़रि सा़रियाक्गेम चेत्आको काना। का़इसा़र दो खाजना एमाय गानोक्आ से बाङा? 15आबो दो भेजा बोन एमाया से बाबोन एमाया?” मेनखान जिसु दो ओनकोवाक् फा़सिया़रातेत् बाडायकेत्तेये मेतात्कोवा, “चेदाक्पे बिडा़उ एदिञ काना? मित्टेन सिकि आ़गुवा़ञपे, जेमोन इञ ञेल।” 16आदो मित्टेन सिकिको आ़गुकेदा। खाने कुलिकेत्कोवा, “नोवा मुठा़न आर नोवा ओलाक् दो ओकोयाक् काना?” मेतादेयाको, “का़इसा़राक्।” 17आदो जिसुइ मेतात्कोवा, “ओकाटाक् का़इसा़राक्को कान ओना दो का़इसा़र बाड़े एमकातायपे आर ओकाटाक् इसोराक्को कान ओना दो इसोरगे एमाय पे।” आर उनिरे आ़डिको हाहाड़ायेना।
जिवेत् बेरेदोक् रेयाङ कुक्लि
(माथ 22:23-33; लु 20:27-40)
18आदो सा़दुकिको जिसु ठेनको हेच्एना, ओने ओकोयको मेन, जिवेत् बेरेदोक् दो बाको पा़तिया़उक्आ, आरको कुलिकेदेया, 19“ए गुरु, मोसेये ओल ओटो आकावात्बोना, बाङमा जाहाँय होड़रेन बोयहा ओड़ाक् होड़ताय बेगोर गिदरा़वानतेये गोच् बा़गियाय खान, उनि बोयहा दो उनि ओड़ाक् होड़तेत् ए दोहोयेमा आर बोयहात ला़गित् बोंस ए तेङगोकोमा। 20एयाय बोयहाको ताहेंकाना आर पा़हिलिच् दो मित्टेने बा़हुवाना आर बेगोर बोंस दोहो ओटोतेगेये गोच्एना। 21आदो दोसारिच् उनि मायजिउवे साङघाकेदेया आर बेगोर बोंस दोहो ओटोतेगेये गोच्एना आर तेसारिच् हों ओनका लेकागे। 22ओनको एयायगेको साङघालेदेया आर एयायगे बाको बोंस ओटोलेत्कोवा। आर जोतोको तायोम उनि मायजिउ होंए गोच्एना। 23आदो जिवेत् बेरेदोक् दिनरे, ओनकोको बेरेत् लेनरे ओनको मोदरे ओकोयटाक्रेन ओड़ाक् होड़े होयोक्आ? एनते ओनको एयायगे चोङ ओड़ाक् होड़ मेनतेको दोहोलेदे।” 24जिसुइ मेतात्कोवा, “आपे दो बाङ दो सोसतोर आर बाङ दो इसोराक् दाड़ेपे बाडाय कान, नोवा इया़तेगे बाङपे भुलेदा? 25एनते गोच्को खोनको जिवेत् बेरेत् लेनरे दो हेरेल आर मायजिउ बाङको बापलाक्आ, बिचकोम सेरमारे मेनाक्को दुतको लेकाक्आको। 26मेनखान गोच्कोको जिवेत् बेरेत् रेयाक् दो मोसेयाक् पुथिरे बापे पाड़हाव आकादा, चेत् लेका जा़नुम झा़वा़रे इसोर उनिये गालमारावआदे, बाङमा, इञगे आबराहामरेन इसोर, इसाहाकरेन इसोर आर जाकबरेन इसोर दो? 27उनि दो गोच्कोरेन इसोर दोए बाङ काना, मेनखान जिवेत्कोरेन इसोरगे। आ़डिपे भुलेदा।”
आ़न रेयाक् माराङ हुकुम
(माथ 22:34-40; लु 10:25-28)
28आदो आ़न चेचेत्को मोदरेन मित् होड़े हेच्एना आर रेटेपेटेक्काने आँजोमकेत्कोवा आर जिसु दो बेस ओकोच्तेये रोड़ रुवा़ड़ात्को बाडायकाते उनि दो हेच्काते जिसुइ कुलिकेदेया, “सानाम खोन पा़हिलाक् हुकुम दो ओकाटाक् काना?” 29जिसुइ रोड़ रुवा़ड़केदा, “पा़हिलाक् दो नोवा काना, आँजोममे, ‘ए इसराएल, प्रोभुगे आबोरेन इसोर दो, प्रोभु दोए मित् गोटेनगेया। 30आर प्रोभु आमरेन इसोर दो आमाक् गोटा ओनतोरते, आमाक् गोटा जिविते, आमाक् गोटा मोनेते आर आमाक् गोटा दाड़ेते दुला़ड़ेम।’ 31दोसाराक् दो नोवा काना, ‘आम आडेपासेरेन होड़ आपनार लेका दुला़ड़ेम।’ नोवाकिन खोन माराङ दो जाहान एटाक् सोरोस हुकुम बा़नुक्आ।” 32आ़न चेचेत् इच् दो जिसुइ मेतादेया, “बेसगे, गुरु, सा़रियाक्गेम मेन आकादा, प्रोभु इसोर दोए मित् गोटेनगेया आर उनि छाडा एटाक् दो चेले इसोर हों बा़नुक्कोवा। 33आर गोटा मोन ते आर गोटा बुजते आर गोटा दाड़ेते उनि दुला़ड़े आर आडेपासेरेन होड़ आपनारलेका दुला़ड़े, नोवा हुकुम बाक्ताव दो जोतो जेरेदोक् सामाङोक्आक्को आर दाँड़ेंको खोन बाड़तिगे सोरोसा।” 34जिसु दो उनि बुदान लेकाय रोड़ रुवाड़केत् ञेलकेदेतेये मेतादेया, “इसोराक् राज खोन दो बाम सा़ङगिञा।” आदो उन खोनगे ओकोय हों आर दो उनि कुलिये बाको दिललेदा।
मा़सि बाबोतते कुक्लि
(माथ 22:41-46; 23:1-36; लु 20:41-47)
35आदो जिसु कोयजोङ ओड़ाक्रेये ला़इ चेत्आकोकान ताहेंकानरेये मेनकेदा, “आ़न चेचेत्को दो चेकातेको मेनेदा, मा़सि दो दा़उदरेन होपोन कानाय मेनते? 36दा़उद आच्गे चोङ सोनोत जिउ होतेतेये मेन आकात्, एन काथाय, प्रोभु दो इञ रेन प्रोभुइ मेतादेया, इञाक् एतोमरे दुड़ुप्मे, आमरेन बा़इरिको आ़उरिञ आम जाङगा लातारको हा़बिच्।”
37दा़उद मा आच्गे प्रोभु मेनतेये मेताय काना, आदो चेकाते उनिरेन होपोन कानाय?
जिसु दो आ़न चेचेत्को बिरुदरे चेहावनाय एमेत्
(माथ 23:1-36; लु 20:45-47)
आर गादेल होड़को दो कुसितेको आँजोमेत् ताहेंकान ताया। 38आर आयाक् सिखा़उनारेये मेतात्कोवा, आ़न चेचेत्को खोन सोनतोर आकान ताहेंनपे, ओने ओनको दो तिलपा़ङ तालपाङ किचरिच् होरोक्काते दाँड़ाँ बाड़ाय आर हाट बाजारकोरे जोहार ओचोक्को कुसियाक् कान, 39आर सुना़गोगकोरे लाहा दुड़ुप्आक्को आर भोजकोरे लाहा ठा़ँइकोको ञाम कान। 40ओने ओनकोगे रा़ँडि मायजिउकोवाक् ओड़ाक् दुवा़रकोको जोम उजा़ड़ एत् आर होड़ ठेन ञेल ओचोक् लेका झा़ल झा़लको कोयजोङ ओनको दो बा़ड़ति सा़जा़योक् हुकुमको ञामा।
रा़ँडि मायजिउआक् दान
(लु 21:1-4)
41आर जिसु दो कोयजोङ ओड़ाक्रे दान सुन्दुक मुहा़ँमुहिंरे दुड़ुप्कातेये ञेञेल कान ताहेंकाना चेत् लेका होड़को दो दान सुनदुकरे पोयसाको दोहोयेत्कान आर आयमा किसा़ँड़ होड़को दो ढेरगेको दोहोकेदा। 42आदो मित्टेन रेङगेच् रा़ँडि मायजिउवे हेच्एना आर ताम्बा रेयाक् बारया का़टिच् सिकि मेताक्मे, मित्टेन मित् पोयसाए दोहोकेदा। 43आदो जिसु आच्रेन चेलाकोय होहो सोरकेत्कोवा आरे मेतात्कोवा, सा़रिगेञ मेतापेकाना, “नुय रेङगेच् रा़ँडि मायजिउगे दान सुनदुकरे जोतो दोहोको खोन बा़ड़तिये दोहोकेदा। 44एनते ओनको जोतो होड़गे आकोवाक् सारेड़ोक् धोन खोनको दोहोकेदा, मेनखान नुय मायजिउ दो आयाक् ओकुला़नाक् खोन जा उडिच् ताहेंकानताय जोतोगेये दोहोकेदा, हें आयाक् सानाम आ़सुलोक्आक्गे।”
Currently Selected:
मा़र 12: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
मा़र 12
12
दारखा बागवानरेन चासाको रेयाक् फेन
(माथ 21:33-46; लु 20:9-12)
1आदो जिसु आरहों फेनकोते गालमारावाकोय एहोप् एना, मित्टेन होड़ दो मित्टेन दारखा बागवान ए बेनावकेदा, ओनाय एटेत् आ़चुरकेदा आर मित्टेन लेलेन कुँन्डे ला केदा आर माचाने बेनावकेदा आर चाचासको ठेने बा़इसा़उ ओटोकाते एटाक् दिसा़मतेये चालावेना, 2आदो ओकतेतेत्रे चाचासको ठेन मित्टेन गुतिये कोलकेदेया, जेमोन चाचासको ठेन खोन दारखा बागवान जो रेयाक् हिसा़य ञाम। 3खान उनि साप्कातेको दालकेदेया आर एकेन ति को कोल गोत्कादेया। 4आदो आरहों उनि दो मित्टेन एटागिच् गुति ओनको ठेने कोलकेदेया, उनि दो बोहोक्को दाल रोचोत्केदेया आरको लाजावपाड़ाकेदेया। 5खान आरहों मित्टेन एटाक्इच्ए कोलकेदेया, उनि दोको गोच्केदेया आर आयमा एटाक्को, आदोम दोको दाल उरकेत्कोवा आर आदोम दोको गोच्केत्कोवा। 6आरहों मित्टेने सारेच्एनताया, दुला़ड़िया़ होपोनतायगे सेसरे उनिगे ओनको ठेने कोलकेदेया, नोवा मेनकाते, “इञरेन होपोन दोको मानोतेया।” 7मेनखान ओनको चाचासको दो आको आकोरेको मेपेनेना, “नुय कानगेयाय ओवारिस दो, देलाबोन गोजेया, खान आ़इदा़रितेत् दो आबोवाक्गे होयोक्आ।” 8आदो साप्केदेतेको गोच्केदेया आर दारखा बागवान बाहरेतेको ओडोक गिडिकादेया। 9एनडेखान दारखा बागवानरेन प्रोभु दो चेत् ए चेकाया? “उनि दोए हिजुक्आ आर चाचासकोय मारावकोवा आर दारखा बागवान दो एटाक्कोय एमाकोवा।” 10नोवा सोसतोर काथा दो बापे पाड़हाव आकादा? “ओकाटाक् धिरि ओड़ाक् बेनावकोको निहा़ँत गिडिकात्, ओनागे कोनाच रेयाक् आसोल धिरि दो होयेना।” 11नोवा दो प्रोभु खोनगे होयेना आर आबोवाक् मेंत् सामाङरे दो हाहाड़ावाक् कानगेया। 12आर ओनको दो जिसु साबेको आ़त बाड़ायेत्कान ताहेंकाना, मेनखान गादेल होड़कोको बोतोरात्कोवा, बुजहा़उ ञामकेदाको, ओना फेन दो आको बिरुदरेगेये रोड़लेदा मेनते। खान बा़गियादेतेको चालावेना।
का़इसा़र राज भेजा एमोक् रेयाङ कुक्लि
(माथ 22:15-22; लु 20:20-26)
13आर आदोम आदोम फा़रिसिको आर हेरोद सेच्रेनको जिसु ठेनको कोलकेत्कोवा, जेमोन काथातेको झा़लिये। 14आदो हेच्कातेको मेतादेया, “ए गुरु, बाडायाले, आम दोम सा़रि होड़ काना आर ओकोय हों बाम हेतावाको काना एनते होड़ाक् मेंत्हाँ दो बाम बेङगेत्आक् काना, बिचकोम इसोराक् होर सा़रि सा़रियाक्गेम चेत्आको काना। का़इसा़र दो खाजना एमाय गानोक्आ से बाङा? 15आबो दो भेजा बोन एमाया से बाबोन एमाया?” मेनखान जिसु दो ओनकोवाक् फा़सिया़रातेत् बाडायकेत्तेये मेतात्कोवा, “चेदाक्पे बिडा़उ एदिञ काना? मित्टेन सिकि आ़गुवा़ञपे, जेमोन इञ ञेल।” 16आदो मित्टेन सिकिको आ़गुकेदा। खाने कुलिकेत्कोवा, “नोवा मुठा़न आर नोवा ओलाक् दो ओकोयाक् काना?” मेतादेयाको, “का़इसा़राक्।” 17आदो जिसुइ मेतात्कोवा, “ओकाटाक् का़इसा़राक्को कान ओना दो का़इसा़र बाड़े एमकातायपे आर ओकाटाक् इसोराक्को कान ओना दो इसोरगे एमाय पे।” आर उनिरे आ़डिको हाहाड़ायेना।
जिवेत् बेरेदोक् रेयाङ कुक्लि
(माथ 22:23-33; लु 20:27-40)
18आदो सा़दुकिको जिसु ठेनको हेच्एना, ओने ओकोयको मेन, जिवेत् बेरेदोक् दो बाको पा़तिया़उक्आ, आरको कुलिकेदेया, 19“ए गुरु, मोसेये ओल ओटो आकावात्बोना, बाङमा जाहाँय होड़रेन बोयहा ओड़ाक् होड़ताय बेगोर गिदरा़वानतेये गोच् बा़गियाय खान, उनि बोयहा दो उनि ओड़ाक् होड़तेत् ए दोहोयेमा आर बोयहात ला़गित् बोंस ए तेङगोकोमा। 20एयाय बोयहाको ताहेंकाना आर पा़हिलिच् दो मित्टेने बा़हुवाना आर बेगोर बोंस दोहो ओटोतेगेये गोच्एना। 21आदो दोसारिच् उनि मायजिउवे साङघाकेदेया आर बेगोर बोंस दोहो ओटोतेगेये गोच्एना आर तेसारिच् हों ओनका लेकागे। 22ओनको एयायगेको साङघालेदेया आर एयायगे बाको बोंस ओटोलेत्कोवा। आर जोतोको तायोम उनि मायजिउ होंए गोच्एना। 23आदो जिवेत् बेरेदोक् दिनरे, ओनकोको बेरेत् लेनरे ओनको मोदरे ओकोयटाक्रेन ओड़ाक् होड़े होयोक्आ? एनते ओनको एयायगे चोङ ओड़ाक् होड़ मेनतेको दोहोलेदे।” 24जिसुइ मेतात्कोवा, “आपे दो बाङ दो सोसतोर आर बाङ दो इसोराक् दाड़ेपे बाडाय कान, नोवा इया़तेगे बाङपे भुलेदा? 25एनते गोच्को खोनको जिवेत् बेरेत् लेनरे दो हेरेल आर मायजिउ बाङको बापलाक्आ, बिचकोम सेरमारे मेनाक्को दुतको लेकाक्आको। 26मेनखान गोच्कोको जिवेत् बेरेत् रेयाक् दो मोसेयाक् पुथिरे बापे पाड़हाव आकादा, चेत् लेका जा़नुम झा़वा़रे इसोर उनिये गालमारावआदे, बाङमा, इञगे आबराहामरेन इसोर, इसाहाकरेन इसोर आर जाकबरेन इसोर दो? 27उनि दो गोच्कोरेन इसोर दोए बाङ काना, मेनखान जिवेत्कोरेन इसोरगे। आ़डिपे भुलेदा।”
आ़न रेयाक् माराङ हुकुम
(माथ 22:34-40; लु 10:25-28)
28आदो आ़न चेचेत्को मोदरेन मित् होड़े हेच्एना आर रेटेपेटेक्काने आँजोमकेत्कोवा आर जिसु दो बेस ओकोच्तेये रोड़ रुवा़ड़ात्को बाडायकाते उनि दो हेच्काते जिसुइ कुलिकेदेया, “सानाम खोन पा़हिलाक् हुकुम दो ओकाटाक् काना?” 29जिसुइ रोड़ रुवा़ड़केदा, “पा़हिलाक् दो नोवा काना, आँजोममे, ‘ए इसराएल, प्रोभुगे आबोरेन इसोर दो, प्रोभु दोए मित् गोटेनगेया। 30आर प्रोभु आमरेन इसोर दो आमाक् गोटा ओनतोरते, आमाक् गोटा जिविते, आमाक् गोटा मोनेते आर आमाक् गोटा दाड़ेते दुला़ड़ेम।’ 31दोसाराक् दो नोवा काना, ‘आम आडेपासेरेन होड़ आपनार लेका दुला़ड़ेम।’ नोवाकिन खोन माराङ दो जाहान एटाक् सोरोस हुकुम बा़नुक्आ।” 32आ़न चेचेत् इच् दो जिसुइ मेतादेया, “बेसगे, गुरु, सा़रियाक्गेम मेन आकादा, प्रोभु इसोर दोए मित् गोटेनगेया आर उनि छाडा एटाक् दो चेले इसोर हों बा़नुक्कोवा। 33आर गोटा मोन ते आर गोटा बुजते आर गोटा दाड़ेते उनि दुला़ड़े आर आडेपासेरेन होड़ आपनारलेका दुला़ड़े, नोवा हुकुम बाक्ताव दो जोतो जेरेदोक् सामाङोक्आक्को आर दाँड़ेंको खोन बाड़तिगे सोरोसा।” 34जिसु दो उनि बुदान लेकाय रोड़ रुवाड़केत् ञेलकेदेतेये मेतादेया, “इसोराक् राज खोन दो बाम सा़ङगिञा।” आदो उन खोनगे ओकोय हों आर दो उनि कुलिये बाको दिललेदा।
मा़सि बाबोतते कुक्लि
(माथ 22:41-46; 23:1-36; लु 20:41-47)
35आदो जिसु कोयजोङ ओड़ाक्रेये ला़इ चेत्आकोकान ताहेंकानरेये मेनकेदा, “आ़न चेचेत्को दो चेकातेको मेनेदा, मा़सि दो दा़उदरेन होपोन कानाय मेनते? 36दा़उद आच्गे चोङ सोनोत जिउ होतेतेये मेन आकात्, एन काथाय, प्रोभु दो इञ रेन प्रोभुइ मेतादेया, इञाक् एतोमरे दुड़ुप्मे, आमरेन बा़इरिको आ़उरिञ आम जाङगा लातारको हा़बिच्।”
37दा़उद मा आच्गे प्रोभु मेनतेये मेताय काना, आदो चेकाते उनिरेन होपोन कानाय?
जिसु दो आ़न चेचेत्को बिरुदरे चेहावनाय एमेत्
(माथ 23:1-36; लु 20:45-47)
आर गादेल होड़को दो कुसितेको आँजोमेत् ताहेंकान ताया। 38आर आयाक् सिखा़उनारेये मेतात्कोवा, आ़न चेचेत्को खोन सोनतोर आकान ताहेंनपे, ओने ओनको दो तिलपा़ङ तालपाङ किचरिच् होरोक्काते दाँड़ाँ बाड़ाय आर हाट बाजारकोरे जोहार ओचोक्को कुसियाक् कान, 39आर सुना़गोगकोरे लाहा दुड़ुप्आक्को आर भोजकोरे लाहा ठा़ँइकोको ञाम कान। 40ओने ओनकोगे रा़ँडि मायजिउकोवाक् ओड़ाक् दुवा़रकोको जोम उजा़ड़ एत् आर होड़ ठेन ञेल ओचोक् लेका झा़ल झा़लको कोयजोङ ओनको दो बा़ड़ति सा़जा़योक् हुकुमको ञामा।
रा़ँडि मायजिउआक् दान
(लु 21:1-4)
41आर जिसु दो कोयजोङ ओड़ाक्रे दान सुन्दुक मुहा़ँमुहिंरे दुड़ुप्कातेये ञेञेल कान ताहेंकाना चेत् लेका होड़को दो दान सुनदुकरे पोयसाको दोहोयेत्कान आर आयमा किसा़ँड़ होड़को दो ढेरगेको दोहोकेदा। 42आदो मित्टेन रेङगेच् रा़ँडि मायजिउवे हेच्एना आर ताम्बा रेयाक् बारया का़टिच् सिकि मेताक्मे, मित्टेन मित् पोयसाए दोहोकेदा। 43आदो जिसु आच्रेन चेलाकोय होहो सोरकेत्कोवा आरे मेतात्कोवा, सा़रिगेञ मेतापेकाना, “नुय रेङगेच् रा़ँडि मायजिउगे दान सुनदुकरे जोतो दोहोको खोन बा़ड़तिये दोहोकेदा। 44एनते ओनको जोतो होड़गे आकोवाक् सारेड़ोक् धोन खोनको दोहोकेदा, मेनखान नुय मायजिउ दो आयाक् ओकुला़नाक् खोन जा उडिच् ताहेंकानताय जोतोगेये दोहोकेदा, हें आयाक् सानाम आ़सुलोक्आक्गे।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025