मा़र 13
13
जिसु कोयजोङ ओड़ाक् रेयाक् नासावक् बाबोते ला़इयेत्कान
(माथ 24:1-2; लु 21:5-6)
1आदो जिसु कोयजोङ ओड़ाक् खोने ओडोक चालाक्कान ताहेंकानरे, उनिरेन चेलाको मोदरेन मित् होड़े मेतादेया, “ए गुरु मासे ञेलमे चेत् लेकान नापाय नापाय धिरिको, आर चेत् लेकानाक् नापड़ाक् दोलान ओड़ाक्को।” 2जिसु दो उनिये मेतादेया, “नोवाको नापड़ाक् नापड़ाक् दोलान ओड़ाक्कोम ञेलेत्काना? मित् धिरि हों एटाक् धिरि चेतानरे बाङगे बा़गि ओचोक्आ, ओने ओकाटाक् बाङ छाडाव ञुरहा़क्।”
मुहिन आर सानताव
(माथ 24:3-14; लु 21:7-19)
3आर जिसु कोयजोङ ओड़ाक् मोहंडा मुहंडि जा़इतुन बुरुरेये दुड़ुप्एन खान, पातरास, जाकब, जोहान आर आ़न्द्रियासताको दो हेच्काते एसकाररेको कुलिकेदेया, 4“ला़इयालेमे नोवा घोटनाको दो तिस होयोक्आ आर नोवाको जोतो पुरा़उक् ला़गिदोक्रे चिनहा़तेत् दो चेत् होयोक्आ?” 5आदो जिसु ला़इयाकोय एहोप् एना, मेतात्कोवाय “मेन सोनतोरोक्पे, ओकोय हों आलोको बुला़उपेमा, 6आ़डि होड़ इञ ञुतुमते हेच्कातेको मेना, इञ दोञ उनि कानगेया आर आ़डि होड़को बुला़उकोवा, 7ला़ड़हा़इ आर ला़ड़हा़इ रेयाक् उदा़ँउकोपे आँजोमलेरे, आलोपे बिलबिला़उक्आ, नोवाको दो होयोक् जा़रुड़गेया, मेनखान मुचा़त्तेत् दो आ़उरियाक्आ, 8एनते मित् दिसा़म दो एटाक् दिसा़म उपा़रते आर मित् राजोसटि दो एटाक् राजोसटि उपा़रतेको तेङगोना, जायगा जायगारे ओत लाड़ावक्आ आर आकाल होयोक्आ, नोवाको दो मायजिउआक् बेदोन लेका रेयाक् एतोहोप्गे,”
9“मेनखान आपे दो आपनार ला़गित् सोनतोराकान ताहेंनपे, माराङ बा़इसिरेको सोपरोतपेया, सुना़गोगकोरेपे दाल उर ओचोक्आ आर इञ इया़ते दिसा़म चाक्लावको आर राजाको सामाङरे ओनको ठेन गोहा मेनतेपे तेङगोना, 10आर सानाम दिसा़म होड़को ठेन भागे सोमबात दो पोरचार माड़ाङोक्तेगे होयोक्आ, 11सोपरोतपे ला़गित्को इदिलेपेरे, लाहा खोन दो आलोपे गुनिभा़बिक्आ चेत्पे रोड़ा मेनते, बिचकोम इना़ घा़ड़िच्रे जाहानाक्गे एमापे, इना़ बाड़े रोड़पे, एनते आपे दो रोरोड़को दोपे बाङ काना, मेनखान सोनोत जिउगे, 12मित् बोयहा दो एटागिच् बोयहा दोखा एमकाते गोच्ओचोये ला़गित्ए साप् ओचोयेया आर आपात दो होपोनतेत्, होपोनको दो एङगा आपा उपा़रतेको तेङगोना आरको गोच् ओचोकोवा, 13आपे दो इञ ञुतुमते सानाम होड़को ठेनपे हिरखा़ ओचोक्आ, मेनखान मुचा़त् हा़बिच् तेङगो टारहावक्इच्, उनिगेये बाञचावक्आ।”
बोतोरानाक् हिरखा़वाक्को
(माथ 24:15-28; लु 21:21-24)
14आर उजा़ड़ रेयाक् हिरखा़वाक् बाङ गानोक् ठेन तेङगोवाकानपे ञेलले खान पाड़हावक्इच्ए मोनेयाक् मा, उनरे जिहुदा़रे ताहेनको दो बुरुकोतेको ञिरजोङमा 15छातरे मेनायिच् दो ओड़ाक् खोन जाहानाक् ओडोक इदिताय ला़गित् आलोय फेडोक्मा आर ओड़ाक्ते आलोय बोलोक्मा। 16आर खेतरे मेनायिच् दो आयाक् ओयोनाक् किचरिच् इदिताय ला़गित् आलोय रुवा़ड़मा। 17मेनखान ओनाको दिनरे भा़रति होड़मोको आर गिदरा़ नुनुवाको कानकोरे दो हाय हेड़ान बोतोर, 18आदो इसोर ठेन कोयजोङपे जेमोन राबाङ दिनरे दो आलो होयोक्। 19एनते ओनाको दिनरे दो सानताव होयोक्आ, इसोरे सिरजा़उकेत् सिरजोन रेयाक् एतोहोप् खोन नित हा़बिच् ओनकानाक् दो बाङ होय आकाना आर तिस हों बाङ होयोक्आ। 20आर प्रोभु ओनाको दिन आलोय खाटोले खान होनाङ चेले मानवा हों ओहोको बाञचावलेना, मेनखान आच्रेन बाछावको इया़तेगे ओने ओनकोय बाछावकेत्को, नोवाको दिन दोए खाटोआकादा।
21“आर उनरे जाहाँये मेतापे खान, ञेलपे, मा़सि दो नोंडे मेनाया, से हानडे मेनाया, आलोपे पा़तिया़उक्आ, 22एनते एड़े मा़सिक्को आर एड़े ना़बिक्कोको उपेलोक्आ आर चिनहा़को आर हाहाड़ावाक्कोको उदुगा, जेमोन होय दाड़ेयाक् खान बाछावको, होंको बुला़उको। 23आपे दो सोनतोरजोङपे, ञेलपे सानामाक्कोञ ला़इ लाहा आकावात्पेया।”
मानवा होपोन रेयाक् सेटेरोक्
(माथ 24:29-31; लु 21:25-28)
24आर ओनाको दिनरे ओना सानताव ओकते रेयाक् दिन तायोम सिञ चाँदो दोए ञुतोक्आ आर ञिंदा़ चाँदो दो आयाक् मारसाल बाय एमोक्आ। 25इपिलको दो सेरमा खोनको ञुरुक्आ आर सेरमारे मेनाक् दाड़ेको दो दालदालावक्आ 26उनरे मानवा होपोन दो आ़डि दाड़े आर ठोनोकआनते रिमिलकोरे हिजुक्कानको ञेलेया, 27आर दुतकोय कोलकोवा आर धा़रति मुनुचा़त् खोन सेरमा मुनुचा़त् हा़बिच् पोनोन सेनाक् खोन्ड खोन इसोररेन बाछाव होड़को सामटाव जारवाकोवा।
लोवा दारे खोन चेचेत्आक्
(माथ 24:32-35; लु 21:29-33)
28लोवा दारे खोन फेनते चेत् जोङपे ओना रेयाक् डा़र बालेकाते ओनारे साकाम सागेनलेनरेपे बाडाया, निरोन दिन दो सोरगेया मेनते 29ओनकागे आपे हों, नोवाको होयोक्कानपे ञेललेरे बाडायपे, ओकते दो सोरगेया, हें दुवा़र ठेनगे, 30सा़रिगेञ मेतापेकाना, नोवाको जोतो आ़उरि होयोक् हा़बिच् नोवा पिड़हिरेनको दो ओहोगेको गोच् चाबालेना 31सेरमा आर धा़रति दो चाबाक्आ, मेनखान इञाक् काथाको दो ओहोगे चाबालेना।
बेबाडाय दिन आर ओकते
(माथ 24:36-44)
32ओनाको दिन से ओकते रेयाक् दो ओकोय हों बाको बाडाया, बाबा छाडाकाते दो, सेरमारे मेनाक्को दुतको हों बाङ आर मानवा होपोन हों बाङ। 33मेन सोनतोरोक्पे, आर जागवाराकाय ताहेनपे, एनते ओकतेतेत् दो तिस चोङ हिजुक्, ओना दो बापे बाडाया। 34ओना दो ओड़ाक् बा़गिकाते बिदेसते सेन आकान होड़ लेकाना, उनि दो आच्रेन गुतिको एकतिया़रिये एमात्कोवा, आपान आ़पिन का़मिकोय, बातलावआत्कोवा आर दुवा़र होरहोयिच् दो जागवारते ताहेने हुकुमादेया। 35“ओनाते जागवाराकाय ताहेनपे एनते बापे बाडाया ओड़ाक् प्रोभु दो तिनरेये हिजुक्आ, आ़युप् से ताला ञिंदा़, से सिमराक्, से सेताक्। 36जेमोन आचकागे हेच्काते जा़पित् आकात् आलोय ञामपे। 37आर ओकाटाक् आपेञ मेतापेकान, ओना दो सानामकोगेञ मेताको काना, जागवाराकाय ताहेनपे।”
Currently Selected:
मा़र 13: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
मा़र 13
13
जिसु कोयजोङ ओड़ाक् रेयाक् नासावक् बाबोते ला़इयेत्कान
(माथ 24:1-2; लु 21:5-6)
1आदो जिसु कोयजोङ ओड़ाक् खोने ओडोक चालाक्कान ताहेंकानरे, उनिरेन चेलाको मोदरेन मित् होड़े मेतादेया, “ए गुरु मासे ञेलमे चेत् लेकान नापाय नापाय धिरिको, आर चेत् लेकानाक् नापड़ाक् दोलान ओड़ाक्को।” 2जिसु दो उनिये मेतादेया, “नोवाको नापड़ाक् नापड़ाक् दोलान ओड़ाक्कोम ञेलेत्काना? मित् धिरि हों एटाक् धिरि चेतानरे बाङगे बा़गि ओचोक्आ, ओने ओकाटाक् बाङ छाडाव ञुरहा़क्।”
मुहिन आर सानताव
(माथ 24:3-14; लु 21:7-19)
3आर जिसु कोयजोङ ओड़ाक् मोहंडा मुहंडि जा़इतुन बुरुरेये दुड़ुप्एन खान, पातरास, जाकब, जोहान आर आ़न्द्रियासताको दो हेच्काते एसकाररेको कुलिकेदेया, 4“ला़इयालेमे नोवा घोटनाको दो तिस होयोक्आ आर नोवाको जोतो पुरा़उक् ला़गिदोक्रे चिनहा़तेत् दो चेत् होयोक्आ?” 5आदो जिसु ला़इयाकोय एहोप् एना, मेतात्कोवाय “मेन सोनतोरोक्पे, ओकोय हों आलोको बुला़उपेमा, 6आ़डि होड़ इञ ञुतुमते हेच्कातेको मेना, इञ दोञ उनि कानगेया आर आ़डि होड़को बुला़उकोवा, 7ला़ड़हा़इ आर ला़ड़हा़इ रेयाक् उदा़ँउकोपे आँजोमलेरे, आलोपे बिलबिला़उक्आ, नोवाको दो होयोक् जा़रुड़गेया, मेनखान मुचा़त्तेत् दो आ़उरियाक्आ, 8एनते मित् दिसा़म दो एटाक् दिसा़म उपा़रते आर मित् राजोसटि दो एटाक् राजोसटि उपा़रतेको तेङगोना, जायगा जायगारे ओत लाड़ावक्आ आर आकाल होयोक्आ, नोवाको दो मायजिउआक् बेदोन लेका रेयाक् एतोहोप्गे,”
9“मेनखान आपे दो आपनार ला़गित् सोनतोराकान ताहेंनपे, माराङ बा़इसिरेको सोपरोतपेया, सुना़गोगकोरेपे दाल उर ओचोक्आ आर इञ इया़ते दिसा़म चाक्लावको आर राजाको सामाङरे ओनको ठेन गोहा मेनतेपे तेङगोना, 10आर सानाम दिसा़म होड़को ठेन भागे सोमबात दो पोरचार माड़ाङोक्तेगे होयोक्आ, 11सोपरोतपे ला़गित्को इदिलेपेरे, लाहा खोन दो आलोपे गुनिभा़बिक्आ चेत्पे रोड़ा मेनते, बिचकोम इना़ घा़ड़िच्रे जाहानाक्गे एमापे, इना़ बाड़े रोड़पे, एनते आपे दो रोरोड़को दोपे बाङ काना, मेनखान सोनोत जिउगे, 12मित् बोयहा दो एटागिच् बोयहा दोखा एमकाते गोच्ओचोये ला़गित्ए साप् ओचोयेया आर आपात दो होपोनतेत्, होपोनको दो एङगा आपा उपा़रतेको तेङगोना आरको गोच् ओचोकोवा, 13आपे दो इञ ञुतुमते सानाम होड़को ठेनपे हिरखा़ ओचोक्आ, मेनखान मुचा़त् हा़बिच् तेङगो टारहावक्इच्, उनिगेये बाञचावक्आ।”
बोतोरानाक् हिरखा़वाक्को
(माथ 24:15-28; लु 21:21-24)
14आर उजा़ड़ रेयाक् हिरखा़वाक् बाङ गानोक् ठेन तेङगोवाकानपे ञेलले खान पाड़हावक्इच्ए मोनेयाक् मा, उनरे जिहुदा़रे ताहेनको दो बुरुकोतेको ञिरजोङमा 15छातरे मेनायिच् दो ओड़ाक् खोन जाहानाक् ओडोक इदिताय ला़गित् आलोय फेडोक्मा आर ओड़ाक्ते आलोय बोलोक्मा। 16आर खेतरे मेनायिच् दो आयाक् ओयोनाक् किचरिच् इदिताय ला़गित् आलोय रुवा़ड़मा। 17मेनखान ओनाको दिनरे भा़रति होड़मोको आर गिदरा़ नुनुवाको कानकोरे दो हाय हेड़ान बोतोर, 18आदो इसोर ठेन कोयजोङपे जेमोन राबाङ दिनरे दो आलो होयोक्। 19एनते ओनाको दिनरे दो सानताव होयोक्आ, इसोरे सिरजा़उकेत् सिरजोन रेयाक् एतोहोप् खोन नित हा़बिच् ओनकानाक् दो बाङ होय आकाना आर तिस हों बाङ होयोक्आ। 20आर प्रोभु ओनाको दिन आलोय खाटोले खान होनाङ चेले मानवा हों ओहोको बाञचावलेना, मेनखान आच्रेन बाछावको इया़तेगे ओने ओनकोय बाछावकेत्को, नोवाको दिन दोए खाटोआकादा।
21“आर उनरे जाहाँये मेतापे खान, ञेलपे, मा़सि दो नोंडे मेनाया, से हानडे मेनाया, आलोपे पा़तिया़उक्आ, 22एनते एड़े मा़सिक्को आर एड़े ना़बिक्कोको उपेलोक्आ आर चिनहा़को आर हाहाड़ावाक्कोको उदुगा, जेमोन होय दाड़ेयाक् खान बाछावको, होंको बुला़उको। 23आपे दो सोनतोरजोङपे, ञेलपे सानामाक्कोञ ला़इ लाहा आकावात्पेया।”
मानवा होपोन रेयाक् सेटेरोक्
(माथ 24:29-31; लु 21:25-28)
24आर ओनाको दिनरे ओना सानताव ओकते रेयाक् दिन तायोम सिञ चाँदो दोए ञुतोक्आ आर ञिंदा़ चाँदो दो आयाक् मारसाल बाय एमोक्आ। 25इपिलको दो सेरमा खोनको ञुरुक्आ आर सेरमारे मेनाक् दाड़ेको दो दालदालावक्आ 26उनरे मानवा होपोन दो आ़डि दाड़े आर ठोनोकआनते रिमिलकोरे हिजुक्कानको ञेलेया, 27आर दुतकोय कोलकोवा आर धा़रति मुनुचा़त् खोन सेरमा मुनुचा़त् हा़बिच् पोनोन सेनाक् खोन्ड खोन इसोररेन बाछाव होड़को सामटाव जारवाकोवा।
लोवा दारे खोन चेचेत्आक्
(माथ 24:32-35; लु 21:29-33)
28लोवा दारे खोन फेनते चेत् जोङपे ओना रेयाक् डा़र बालेकाते ओनारे साकाम सागेनलेनरेपे बाडाया, निरोन दिन दो सोरगेया मेनते 29ओनकागे आपे हों, नोवाको होयोक्कानपे ञेललेरे बाडायपे, ओकते दो सोरगेया, हें दुवा़र ठेनगे, 30सा़रिगेञ मेतापेकाना, नोवाको जोतो आ़उरि होयोक् हा़बिच् नोवा पिड़हिरेनको दो ओहोगेको गोच् चाबालेना 31सेरमा आर धा़रति दो चाबाक्आ, मेनखान इञाक् काथाको दो ओहोगे चाबालेना।
बेबाडाय दिन आर ओकते
(माथ 24:36-44)
32ओनाको दिन से ओकते रेयाक् दो ओकोय हों बाको बाडाया, बाबा छाडाकाते दो, सेरमारे मेनाक्को दुतको हों बाङ आर मानवा होपोन हों बाङ। 33मेन सोनतोरोक्पे, आर जागवाराकाय ताहेनपे, एनते ओकतेतेत् दो तिस चोङ हिजुक्, ओना दो बापे बाडाया। 34ओना दो ओड़ाक् बा़गिकाते बिदेसते सेन आकान होड़ लेकाना, उनि दो आच्रेन गुतिको एकतिया़रिये एमात्कोवा, आपान आ़पिन का़मिकोय, बातलावआत्कोवा आर दुवा़र होरहोयिच् दो जागवारते ताहेने हुकुमादेया। 35“ओनाते जागवाराकाय ताहेनपे एनते बापे बाडाया ओड़ाक् प्रोभु दो तिनरेये हिजुक्आ, आ़युप् से ताला ञिंदा़, से सिमराक्, से सेताक्। 36जेमोन आचकागे हेच्काते जा़पित् आकात् आलोय ञामपे। 37आर ओकाटाक् आपेञ मेतापेकान, ओना दो सानामकोगेञ मेताको काना, जागवाराकाय ताहेनपे।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025