मा़र 10
10
बापाग रेयाङ
(माथ 19:1-9)
1आदो जिसु ओंडे खोन बेरेत्काते जिहुदा़ रेयाक् टोठाकोते आर जोरदान गाडा पारोमतेये सेन एना, आर गादेल होड़ दो आरहों जिसु ठेनको हेच् जारवाक् काना आर चा़लि ताहेंकानताय लेका आर होंए ला़इ चेत्आकोकान ताहेंकाना। 2खानगे फा़रिसिको दो हेच्काते बिडा़उवे ला़गित्को कुलिकेदेया, “जाहाँय होड़ रिनिच्तेत् ए बा़गिये दो गानोक्ताया से बाङ?” 3जिसु दोए रोड़ रुवा़ड़ात्कोवा, “मोसे दो चेत् ए हुकुमात्पेया?” 4ओनको दोको मेनकेदा, “मोसे दो बापाग दोलेल ओलते बा़गिये रेयाक्ए हुकुम आकादा।” 5जिसु दो ओनकोय मेतात्कोवा, “आपेयाक् मोन केटेच् इया़ते उनि दो नोवा हुकुमे ओल आकावात्पेया। 6मेनखान सिरजोन एतोहोप् खोनगे हेरेल आर मायजिउवे बेनावकेत्किना। 7‘ओना इया़ते हेरेल दो एङगात आपात बा़गिकाते आच् रिनिच् तुलुच् लाता आकाने ताहेना आर उनकिन दो मित् होड़मोकिन होयोक्आ। 8ओना इया़ते बारया दोकिन बाङ काना,’ बिचकोम मित् होड़मोगे। 9ओनाते ओकाटाक् इसोरे जोड़ाव मित् आकात् ओना दो मानवा आलोय तोपागमा।”
10आर ओड़ाक्तेको रुवा़ड़ेन खान उनिरेन चेलाको दो नोवा रेयाक्गे आरहोंको कुलिकेदेया। 11आदो जिसुइ मेतात्कोवा, “जाहाँयगे रिनिच्तेत् ए बा़गिये आर एटागिच् ए बापलाये, उनि दो रिनिच्तेत् बिरुदरेये लाटघाट एदा। 12आर मायजिउ दो आच्रेन हेरेलतेत् बा़गिकाते एटागिच् ठेने साङघालेन खान उनि दोए लाटघाटा।”
जिसु का़टिच् गिदरा़कोय भोराको कान
(माथ 19:13-15; लु 18:15-17)
13आदो का़टिच् गिदरा़को जिसु ठेनको आगुयेत्को ताहेंकाना, जेमोने जोटेत्को, आर चेलाको दो ओनको आ़क्गुकानकोको धोमकावकेत्कोवा। 14मेनखान जिसु दो ञेलकातेये एदरेयेना आरे मेतात्कोवा, “का़टिच् गिदरा़को आड़ाक् आकोपे इञ ठेन हिजुक् आलोपे मानाकोवा, एनते इसोराक् राज दो नोनकानकोवाक् कानगेया। 15सा़रिगेञ मेतापेकाना, जाहाँयगे का़टिच् गिदरा़ लेका इसोराक् राज बाय आताङ, उनि दो ओनारे ओहोगेये बोलोलेना।” 16आदो जिसु गिदरा़कोय होबोरकेत्कोवा आर बानार तिते चापोकातेये भोरात्कोवा।
किसा़ँड़ जुवा़न कोड़ा
(माथ 19:16-30; लु 18:18-30)
17आर जिसु होरतेये ओडोक चालाक्कान ताहेंकानरे मित् होड़े ञिर सोरेना आर उनि ठेन इकड़ुमकातेये कुलिकेदेया, “हेंदा भागे गुरु, जायजुग जियोन इञ आ़इदा़रिजोङा मेनते चेत् इञ चेकाया?” 18जिसु दो उनिये मेतादेया, “चेदाक् भागे दोम मेता़ञ काना? मित् गोटेन मेताक्मे इसोर छाडा ओकोय हों बाय भागेया। 19आम दो हुकुमको दोम बाडायगेया, आलोम लाटघाटा, आलोम खुना, आलोम कोमबड़ोया, एड़े आलोम गोहाक्आ, आलोम एड़ेया, एङगाम आ़पुम गानावकिनमे।” 20उनि दोए मेतादेया, “ए गुरु, गिदरा़ खोनगे नोवाको दो जोतोञ दोहो आ़गुवाकादा।” 21जिसु दो उनिये बेङगेत् आदेया आरे दुला़ड़केदेया आरे मेतादेया, “मित्टेन दोम बा़किआकादा, दो सेनकाते मेनाक्तामाक्को आ़खरिञमे आर रेङगेच् ओरेच्को एमाकोम, आदो सेरमारे धोन होयोक्तामा, आर देला पाँजाञमे।” 22मेनखान उनि दो ओना काथातेये मिरलुङेना आर भाबनाकातेये रुवा़ड़ चालावेना, एनते आ़डि उता़र धोन ताहेंकानताया।
23खानगे जिसु दो बेङगेत् आ़चुरकाते आच्रेन चेलाकोय मेतात्कोवा “धोनान होड़ इसोराक् राजरेको बोलोक् दो तिना़क् हारोना।” 24चेलाको दो उनियाक् काथातेको थारबासावेना। मेनखान जिसु दो ओनको आरहोंए मेतात्कोवा, “ए गिदरा़को, इसोराक् राजरे बोलोक् दो हेड़ान हारोना। 25किसा़ँड़ होड़ इसोराक् राजरेये बोलोक् खोन सुइ भुगा़क्रे उँटे बोलो ताबोक् दो आलगागेया।” 26ओनको दो भाड़ो चाबायेनतेको मेपेनेना, “एनडेखान ओकोये बाञचाव दाड़ेकोक्आ?” 27जिसु दो ओनकोय बेङगेत्आत्कोवा आरे मेनकेदा, “मानवा होतेते नोवा दो बाङ होय दाड़ेयाक्आ, मेनखान इसोर ठेन ओनका दो बाङा, एनते इसोर होतेते दो सानामाक्गे होय दाड़ेयाक्आ।”
28पातरास दो मेताये एहोप् एना, “ञेलमे, आले दो जोतोवाक्को बा़गिकातेले पाँजाआकात्मेया।” 29जिसुइ मेनकेदा, “सा़रिगेञ मेतापेकाना, मित् होड़ हों बा़नुगेया ओकोय इञ खा़तिरते आर भागे सोमबात खा़तिरते ओड़ाक् दुवा़र, से बोयहाको, से मिसराको, से एङगात, से आपात, से गिदरा़को से ओत बाड़गेकोय बा़गि आकावात्, 30आर नित निया़ जुगरे दो मित् साय दोबोड़ बाय ञाम ओड़ाक् दुवा़रको, आर बोयहाको आर मिसरातको आर एङगातको आर गिदरा़को आर ओत बाड़गेको, खेद सालाक्, आर हाना पुरिरे दो जायजुग जियोन गे। 31मेनखान लाहातेनको आयमा दोको तायोमोक्आ। आर तायोमतेनको आयमा दोको लाहाक्आ।”
जिसु आयाक् गुजुक् बाबोतते तेसार धावे रोड़ेत्
(माथ 20:17-19; लु 18:31-33)
32जिसु आर उनिरेन चेलाको दो जेरुसालेमते चालाक्कान होररेको चालाक्कान ताहेंकाना। जिसु दो आच्रेन चेलाको लाहा लाहातेये चालाक्कान ताहेंकाना, आर ओनको दोको थारबासावक् कान ताहेंकाना, आर पाक्ञ्जाकानको दोको बोतोराकान ताहेंकाना। आरहों जिसु दो ओनको गेलबारको सोङगेकेत्कोते आच्रे होयोक् ला़गिदोक्आक्को ला़इयाकोय एहोप्केदा, 33मेतात्कोवाय, “ञेलपे, जेरुसालेमतेबोन राकाप् चालाक्काना, आर मानवा होपोन दो माराङ नायकेको आर आ़न चेचेत्को ठेने सोपरोत ओचोक्आ, आर गोजे रेयाक्को बिचा़र दुसियेआ आर जिहुदि बाहरेरेन होड़ाक् तिरेको सोपरोतेया। 34आरको सिड़ोगाया, आरको थोवाया, आर कोडरातेको चा़रना़वेया, आरको गोजेया, आर पे माँहाँ खानगेये जिवेत् बेरेदोक्आ।”
जाकब आर जोहान ता़किनाक् नेहोंरजोङ
(माथ 20:20-28)
35आदो साबदायरेन होपोन जाकब आर जोहान ता़किन जिसु ठेन किन हेच्एना आरकिन मेतादेया, “ए गुरु, आ़लिञ लिञ मेनजोङ काना जेमोन जाहानाक्गे लिञ कोयमे, ओनाम ओनकावालिञ।” 36जिसु दोए मेतात्किना, “चेत् इञ चेकावाबेन बेन ञाम काना?” 37मेतादेयाकिन, नोनकावालिञमे, “जेमोन आमाक् ठोनोक रेयाक् राजरेम दुड़ुप्लेनरे मित् होड़ दो आमाक् एतोमरे आर मित् होड़ दो आमाक् कोयेंरेलिञ दुड़ुप् ञामजोङ।” 38मेनखान जिसु दोए मेतात्किना, “चेत्बेन कोयजोङ कान, ओना दो बाबेन बाडाया, ओका दुक रेयाक् बा़टि इञिञ ञुय, ओना रेयाक् दोबेन ञु दाड़ेयाक्आ, से ओका बा़प्तिस्माते इञिञ बा़प्तिस्मा ओचोक्कान ओनातेबेन बा़प्तिस ओचोदाड़ेयाक्आ?” 39उनकिन दोकिन मेतादेया, “दाड़ेयाक् गेयालिञ,” जिसुइ मेतात्किना, “ओकाटाक् दुक रेयाक् बा़टि इञिञ ञुयेत्, ओना बा़टि रेयाक् दोबेन ञुयगे, आर ओका बा़प्तिस्माते इञिञ बा़प्तिस्मा ओचोक् कान ओनातेबेन बा़प्तिस्मा ओचोक्गेया। 40मेनखान ओकोयको ला़गित् तेयार आकान, ओनको छाडा इञ एतोम से कोयें सेच्रे दुड़ुप्को रेयाक् एकतिया़रि दो बा़नुक्तिञा।”
41खान ओनको गेलको दो ओना आँजोमकाते जाकब आर जोहान उपा़ररेको राङगावेना। 42आदो जिसु आच् ठेन ओनकोय होहो सोर केत्कोवा आरे मेतात्कोवा, “बाडायगेयापे जिहुदि बाहरेरेनकोरे मुखिया़कोको बुजहा़उक्को दो ओनको चेतानरे एकतिया़रिको चालावा आर ओनकोरेन नापड़ाक्को दो ओनको चेतानरे एकतिया़रिको चालाव एदा। 43मेनखान आपे तालारे ओनका दो बाङ काना, बिचकोम आपे तालारे जाहाँयगे माराङ होयोक् सानाये खान, उनि दो आपेरेन गुतिये होयोक्मा। 44आर जाहाँयगे आपे तालारे पा़हिलिच् होयोक् सानाये खान, उनि दो सानामकोरेन साप्सोक्सोरिच्ए होयोक्मा। 45एनते मानवा होपोन हों साप्सोर ओचोक् ला़गित् दो बाय हेच् आकाना, मेनखान साप्सोसोर ला़गित्गे आर आ़डि उता़र होड़को बोदोलते छाक्डाव दाम मेनकाते आयाक् जिवि एमोक्ए हेच् आकाना।”
काँड़ाँ बा़रतिमा़इये बोगेयेदे
(माथ 20:29-34; लु 18:35-43)
46आदो जिसु आर उनिरेन चेलाको जेरिखोतेको हेच्एना आर जेरिखो खोन आच्रेन चेलाको आर आ़डि गादेल होड़को साँवतेये ओडोक चालाक् कान ताहेंकानरे, तिमा़इ होपोन बा़रतिमा़इ, मित्टेन काँड़ाँ कोयजोङ होड़, होर आड़ेरेये दुड़ुप् आकान ताहेंकाना। 47आर नासारेतरेन जिसु कानाय मेनतेये आँजोमकेत् खान होक्होए एहोप् एना, “ए दा़उदरेन होपोन जिसु, माँयाँवा़ञमे बाड़े।” 48आरे थिरोक्आ मेनते आयमा होड़को धोमकावकेदेया, मेनखान उनि दो आरतेत्गे आँटतेये होहो इदिकेदा, “ए दा़उदरेन होपोन माँयाँवा़ञमे बाड़े।” 49खान जिसु दोए तेङगोयेना आरे मेतात्कोवा, “मा होहोवायपे,” खानगे काँड़ाँ होड़को होहोवादेया, मेतादेयाको, “दिल जोङमे, मा बेरेत् मे, होहोवाम कानाय।” 50खान उनि दो ओयोन किचरिच् चापात् गिडिकातेये बेरेत्गोत् एना आर जिसु ठेने हेच्एना। 51जिसु दो उनिये मेतादेया, “चेत् इञ चेकावामेम ञाम काना?” उनि काँड़ाँ होड़ दोए मेतादेया, “ए गुरु, जेमोन आरहोंञ ञेञेल।” 52आदो जिसुइ मेतादेया, “दु चालाक्मे, आमाक् बिसवा़सगेये बोगे आकात्मेया।” आदो ञेञेल दाड़ेये ञाम रुवा़ड़ गोत्केदा आर होरतेये पाँजा इदिकेदेया।
Currently Selected:
मा़र 10: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
मा़र 10
10
बापाग रेयाङ
(माथ 19:1-9)
1आदो जिसु ओंडे खोन बेरेत्काते जिहुदा़ रेयाक् टोठाकोते आर जोरदान गाडा पारोमतेये सेन एना, आर गादेल होड़ दो आरहों जिसु ठेनको हेच् जारवाक् काना आर चा़लि ताहेंकानताय लेका आर होंए ला़इ चेत्आकोकान ताहेंकाना। 2खानगे फा़रिसिको दो हेच्काते बिडा़उवे ला़गित्को कुलिकेदेया, “जाहाँय होड़ रिनिच्तेत् ए बा़गिये दो गानोक्ताया से बाङ?” 3जिसु दोए रोड़ रुवा़ड़ात्कोवा, “मोसे दो चेत् ए हुकुमात्पेया?” 4ओनको दोको मेनकेदा, “मोसे दो बापाग दोलेल ओलते बा़गिये रेयाक्ए हुकुम आकादा।” 5जिसु दो ओनकोय मेतात्कोवा, “आपेयाक् मोन केटेच् इया़ते उनि दो नोवा हुकुमे ओल आकावात्पेया। 6मेनखान सिरजोन एतोहोप् खोनगे हेरेल आर मायजिउवे बेनावकेत्किना। 7‘ओना इया़ते हेरेल दो एङगात आपात बा़गिकाते आच् रिनिच् तुलुच् लाता आकाने ताहेना आर उनकिन दो मित् होड़मोकिन होयोक्आ। 8ओना इया़ते बारया दोकिन बाङ काना,’ बिचकोम मित् होड़मोगे। 9ओनाते ओकाटाक् इसोरे जोड़ाव मित् आकात् ओना दो मानवा आलोय तोपागमा।”
10आर ओड़ाक्तेको रुवा़ड़ेन खान उनिरेन चेलाको दो नोवा रेयाक्गे आरहोंको कुलिकेदेया। 11आदो जिसुइ मेतात्कोवा, “जाहाँयगे रिनिच्तेत् ए बा़गिये आर एटागिच् ए बापलाये, उनि दो रिनिच्तेत् बिरुदरेये लाटघाट एदा। 12आर मायजिउ दो आच्रेन हेरेलतेत् बा़गिकाते एटागिच् ठेने साङघालेन खान उनि दोए लाटघाटा।”
जिसु का़टिच् गिदरा़कोय भोराको कान
(माथ 19:13-15; लु 18:15-17)
13आदो का़टिच् गिदरा़को जिसु ठेनको आगुयेत्को ताहेंकाना, जेमोने जोटेत्को, आर चेलाको दो ओनको आ़क्गुकानकोको धोमकावकेत्कोवा। 14मेनखान जिसु दो ञेलकातेये एदरेयेना आरे मेतात्कोवा, “का़टिच् गिदरा़को आड़ाक् आकोपे इञ ठेन हिजुक् आलोपे मानाकोवा, एनते इसोराक् राज दो नोनकानकोवाक् कानगेया। 15सा़रिगेञ मेतापेकाना, जाहाँयगे का़टिच् गिदरा़ लेका इसोराक् राज बाय आताङ, उनि दो ओनारे ओहोगेये बोलोलेना।” 16आदो जिसु गिदरा़कोय होबोरकेत्कोवा आर बानार तिते चापोकातेये भोरात्कोवा।
किसा़ँड़ जुवा़न कोड़ा
(माथ 19:16-30; लु 18:18-30)
17आर जिसु होरतेये ओडोक चालाक्कान ताहेंकानरे मित् होड़े ञिर सोरेना आर उनि ठेन इकड़ुमकातेये कुलिकेदेया, “हेंदा भागे गुरु, जायजुग जियोन इञ आ़इदा़रिजोङा मेनते चेत् इञ चेकाया?” 18जिसु दो उनिये मेतादेया, “चेदाक् भागे दोम मेता़ञ काना? मित् गोटेन मेताक्मे इसोर छाडा ओकोय हों बाय भागेया। 19आम दो हुकुमको दोम बाडायगेया, आलोम लाटघाटा, आलोम खुना, आलोम कोमबड़ोया, एड़े आलोम गोहाक्आ, आलोम एड़ेया, एङगाम आ़पुम गानावकिनमे।” 20उनि दोए मेतादेया, “ए गुरु, गिदरा़ खोनगे नोवाको दो जोतोञ दोहो आ़गुवाकादा।” 21जिसु दो उनिये बेङगेत् आदेया आरे दुला़ड़केदेया आरे मेतादेया, “मित्टेन दोम बा़किआकादा, दो सेनकाते मेनाक्तामाक्को आ़खरिञमे आर रेङगेच् ओरेच्को एमाकोम, आदो सेरमारे धोन होयोक्तामा, आर देला पाँजाञमे।” 22मेनखान उनि दो ओना काथातेये मिरलुङेना आर भाबनाकातेये रुवा़ड़ चालावेना, एनते आ़डि उता़र धोन ताहेंकानताया।
23खानगे जिसु दो बेङगेत् आ़चुरकाते आच्रेन चेलाकोय मेतात्कोवा “धोनान होड़ इसोराक् राजरेको बोलोक् दो तिना़क् हारोना।” 24चेलाको दो उनियाक् काथातेको थारबासावेना। मेनखान जिसु दो ओनको आरहोंए मेतात्कोवा, “ए गिदरा़को, इसोराक् राजरे बोलोक् दो हेड़ान हारोना। 25किसा़ँड़ होड़ इसोराक् राजरेये बोलोक् खोन सुइ भुगा़क्रे उँटे बोलो ताबोक् दो आलगागेया।” 26ओनको दो भाड़ो चाबायेनतेको मेपेनेना, “एनडेखान ओकोये बाञचाव दाड़ेकोक्आ?” 27जिसु दो ओनकोय बेङगेत्आत्कोवा आरे मेनकेदा, “मानवा होतेते नोवा दो बाङ होय दाड़ेयाक्आ, मेनखान इसोर ठेन ओनका दो बाङा, एनते इसोर होतेते दो सानामाक्गे होय दाड़ेयाक्आ।”
28पातरास दो मेताये एहोप् एना, “ञेलमे, आले दो जोतोवाक्को बा़गिकातेले पाँजाआकात्मेया।” 29जिसुइ मेनकेदा, “सा़रिगेञ मेतापेकाना, मित् होड़ हों बा़नुगेया ओकोय इञ खा़तिरते आर भागे सोमबात खा़तिरते ओड़ाक् दुवा़र, से बोयहाको, से मिसराको, से एङगात, से आपात, से गिदरा़को से ओत बाड़गेकोय बा़गि आकावात्, 30आर नित निया़ जुगरे दो मित् साय दोबोड़ बाय ञाम ओड़ाक् दुवा़रको, आर बोयहाको आर मिसरातको आर एङगातको आर गिदरा़को आर ओत बाड़गेको, खेद सालाक्, आर हाना पुरिरे दो जायजुग जियोन गे। 31मेनखान लाहातेनको आयमा दोको तायोमोक्आ। आर तायोमतेनको आयमा दोको लाहाक्आ।”
जिसु आयाक् गुजुक् बाबोतते तेसार धावे रोड़ेत्
(माथ 20:17-19; लु 18:31-33)
32जिसु आर उनिरेन चेलाको दो जेरुसालेमते चालाक्कान होररेको चालाक्कान ताहेंकाना। जिसु दो आच्रेन चेलाको लाहा लाहातेये चालाक्कान ताहेंकाना, आर ओनको दोको थारबासावक् कान ताहेंकाना, आर पाक्ञ्जाकानको दोको बोतोराकान ताहेंकाना। आरहों जिसु दो ओनको गेलबारको सोङगेकेत्कोते आच्रे होयोक् ला़गिदोक्आक्को ला़इयाकोय एहोप्केदा, 33मेतात्कोवाय, “ञेलपे, जेरुसालेमतेबोन राकाप् चालाक्काना, आर मानवा होपोन दो माराङ नायकेको आर आ़न चेचेत्को ठेने सोपरोत ओचोक्आ, आर गोजे रेयाक्को बिचा़र दुसियेआ आर जिहुदि बाहरेरेन होड़ाक् तिरेको सोपरोतेया। 34आरको सिड़ोगाया, आरको थोवाया, आर कोडरातेको चा़रना़वेया, आरको गोजेया, आर पे माँहाँ खानगेये जिवेत् बेरेदोक्आ।”
जाकब आर जोहान ता़किनाक् नेहोंरजोङ
(माथ 20:20-28)
35आदो साबदायरेन होपोन जाकब आर जोहान ता़किन जिसु ठेन किन हेच्एना आरकिन मेतादेया, “ए गुरु, आ़लिञ लिञ मेनजोङ काना जेमोन जाहानाक्गे लिञ कोयमे, ओनाम ओनकावालिञ।” 36जिसु दोए मेतात्किना, “चेत् इञ चेकावाबेन बेन ञाम काना?” 37मेतादेयाकिन, नोनकावालिञमे, “जेमोन आमाक् ठोनोक रेयाक् राजरेम दुड़ुप्लेनरे मित् होड़ दो आमाक् एतोमरे आर मित् होड़ दो आमाक् कोयेंरेलिञ दुड़ुप् ञामजोङ।” 38मेनखान जिसु दोए मेतात्किना, “चेत्बेन कोयजोङ कान, ओना दो बाबेन बाडाया, ओका दुक रेयाक् बा़टि इञिञ ञुय, ओना रेयाक् दोबेन ञु दाड़ेयाक्आ, से ओका बा़प्तिस्माते इञिञ बा़प्तिस्मा ओचोक्कान ओनातेबेन बा़प्तिस ओचोदाड़ेयाक्आ?” 39उनकिन दोकिन मेतादेया, “दाड़ेयाक् गेयालिञ,” जिसुइ मेतात्किना, “ओकाटाक् दुक रेयाक् बा़टि इञिञ ञुयेत्, ओना बा़टि रेयाक् दोबेन ञुयगे, आर ओका बा़प्तिस्माते इञिञ बा़प्तिस्मा ओचोक् कान ओनातेबेन बा़प्तिस्मा ओचोक्गेया। 40मेनखान ओकोयको ला़गित् तेयार आकान, ओनको छाडा इञ एतोम से कोयें सेच्रे दुड़ुप्को रेयाक् एकतिया़रि दो बा़नुक्तिञा।”
41खान ओनको गेलको दो ओना आँजोमकाते जाकब आर जोहान उपा़ररेको राङगावेना। 42आदो जिसु आच् ठेन ओनकोय होहो सोर केत्कोवा आरे मेतात्कोवा, “बाडायगेयापे जिहुदि बाहरेरेनकोरे मुखिया़कोको बुजहा़उक्को दो ओनको चेतानरे एकतिया़रिको चालावा आर ओनकोरेन नापड़ाक्को दो ओनको चेतानरे एकतिया़रिको चालाव एदा। 43मेनखान आपे तालारे ओनका दो बाङ काना, बिचकोम आपे तालारे जाहाँयगे माराङ होयोक् सानाये खान, उनि दो आपेरेन गुतिये होयोक्मा। 44आर जाहाँयगे आपे तालारे पा़हिलिच् होयोक् सानाये खान, उनि दो सानामकोरेन साप्सोक्सोरिच्ए होयोक्मा। 45एनते मानवा होपोन हों साप्सोर ओचोक् ला़गित् दो बाय हेच् आकाना, मेनखान साप्सोसोर ला़गित्गे आर आ़डि उता़र होड़को बोदोलते छाक्डाव दाम मेनकाते आयाक् जिवि एमोक्ए हेच् आकाना।”
काँड़ाँ बा़रतिमा़इये बोगेयेदे
(माथ 20:29-34; लु 18:35-43)
46आदो जिसु आर उनिरेन चेलाको जेरिखोतेको हेच्एना आर जेरिखो खोन आच्रेन चेलाको आर आ़डि गादेल होड़को साँवतेये ओडोक चालाक् कान ताहेंकानरे, तिमा़इ होपोन बा़रतिमा़इ, मित्टेन काँड़ाँ कोयजोङ होड़, होर आड़ेरेये दुड़ुप् आकान ताहेंकाना। 47आर नासारेतरेन जिसु कानाय मेनतेये आँजोमकेत् खान होक्होए एहोप् एना, “ए दा़उदरेन होपोन जिसु, माँयाँवा़ञमे बाड़े।” 48आरे थिरोक्आ मेनते आयमा होड़को धोमकावकेदेया, मेनखान उनि दो आरतेत्गे आँटतेये होहो इदिकेदा, “ए दा़उदरेन होपोन माँयाँवा़ञमे बाड़े।” 49खान जिसु दोए तेङगोयेना आरे मेतात्कोवा, “मा होहोवायपे,” खानगे काँड़ाँ होड़को होहोवादेया, मेतादेयाको, “दिल जोङमे, मा बेरेत् मे, होहोवाम कानाय।” 50खान उनि दो ओयोन किचरिच् चापात् गिडिकातेये बेरेत्गोत् एना आर जिसु ठेने हेच्एना। 51जिसु दो उनिये मेतादेया, “चेत् इञ चेकावामेम ञाम काना?” उनि काँड़ाँ होड़ दोए मेतादेया, “ए गुरु, जेमोन आरहोंञ ञेञेल।” 52आदो जिसुइ मेतादेया, “दु चालाक्मे, आमाक् बिसवा़सगेये बोगे आकात्मेया।” आदो ञेञेल दाड़ेये ञाम रुवा़ड़ गोत्केदा आर होरतेये पाँजा इदिकेदेया।
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025