आपोस का़मि ओपोरोम
ओपोरोम
आपोसतोलकोवाक् का़मिको रेयाक् पुथि दो का़लिसिया़ रेयाक् एतोहोप् रेयाक् का़हनि काना आर चेत्लेका जिसु सेरमातेये चालाक् खोन लाहारे आच्रेन चेलाकोय ला़इयात्को ताहेंकान ओनकागे जेरुसालेम खोन जिहुदिया़, सा़मा़रिया़रे आर ओना खोन बाहरे हा़बिच् चेत्लेका पासनावेना नोवा रेयाक् का़हनि काना आ का़ १:८ ओकोय लुक रेयाक् भागे सोमबाते ओल लेत् उनि लुकगे नोवा पुथि होंए ओल आकात्आ। उनि दो मित्टेन रारानिच्ए ताहेंकाना आर उनि दो आ़डि हुसिया़र सालाक् ओलोक् का़मिरे गा़खुड़िया़इ ताहेंकाना। आयाक् भागे सोमबात रेयाक् पुथि आर आपोसतोलकोवाक् का़मिको रेयाक् पुथि, नोवा बानार पुथि दो थेयोफिल ञुतुमान मित्टेन जुना़नि होड़ ञुतुमतेये ओललेदा, मेनखान इसा़इ सोमाज, ओकोय दो जुना़नि आर जिहुदिकोवाक् इसा़इ सोमाज ला़गित् हों ओल आकान ताहेंकाना आ का़ १:१
नोवा आपोसतोलकोवाक् का़मि पुथि दो मा़सियाक् जोनोम खोन आमदाज ६०-६४ बोछोर तालारे ओल आकान ताहेंकाना। एनते पावल हाजोत खोन छोडावक् लाहारे नोवा पुथि दो मुचा़दोक् काना। तिना़क् होड़कोवाक् मेन लेकाते लुक दो पावल आपोसतोल साँवते साफोर दाड़ानरेये सेलेदोक् कान ताहेंकाना। आर नोवा पुथि दो आनटिओखिया़ ञुतुमान नागराहा खोने ओल आकादा। नोवा पुथि दो लुकाक् भागे सोमबात रेयाक् का़हनिये लाहा इदियेत् काना आर जिसु सेरमातेये चालाक् खोन नोवा रेयाक् एतहोप् होयोक् काना। लुके ओल आकात् बानार पुथि रेयाक् जोस दो मित्गे ताहेंकाना। उनियाक् मोने जोङ दो ताहेंकाना जे थेयोफिल आर इसा़इ सोमाज ओकोय दोको साङगे चालाक्कान ताहेंकान, ओनकोवाक् पा़तिया़उ ढेर इदिक् आर भोरसारे खा़टि आकानको ताहेन। ओना इया़ते उनि दो जिसुवाक् जोनोम आर इसा़इ धोरोम रेयाक् खा़टितेत् सा़रि सा़रिये ओलकेदा।
आपोसतोलकोवाक् पुथि दो एतहोप् का़लिसिया़ रेयाक् ना़मुना आबो तालारेये उदुक्एत् काना जेमोन बोन बाडाय जे जिसुरे पा़तिया़उकाते चेत्लेका बोन जिवेदोक्आ, आर जिसुरे चेत्लेका बोन ताहेना। आपोसतोलको रेयाक् पुथि दोए चेत् आबोन काना जे भागे सोमबात पासनाव ओकतेरे चेत्लेका सोनोत जिउ रेयाक् दाड़ेरे बोन टेहाडोक्आ।
मेनाक्आक्को रेयाक् गुटतेत्
१. जोतो खोन माड़ाङरे सोनोत जिउ चेलाको चेतानरेये हिजुक् काना आर का़लिसिया़ साङगेक्कानआपोस का़मि १:१-८
२. तायोमते का़लिसिया़रे सानताव एहोप्काते जेरुसालेम खोन बाहरे हों पासनावेना आपोस का़मि ८:२—१२:२३
३. इना़ तायोम पावल पा़हिल धाव पोरचार साफोररेये ओडोकोक्कान आपोस का़मि १२:२४—१४:२८
४. आरहों जेरुसालेम रेयाक् धोरोम दुपुड़ुप्रे नावाँ पा़तिया़उ आकानको ला़गित् चेत्को जा़रुड़ाकोकाना ओना खा़टि ला़गित् आपोस का़मि १५:१-३५
५. इना़ तायोम पावल दोसार धाव भागे सोमबात साफोररेये ओडोकोक्कान आपोस का़मि १५:३६—१८:२२
६. उनि दो तेसार धाव भागे सोमबात साफोररेये ओडोकोक्कान आपोस का़मि १८:२३—२०:३८
७. तायोमते पावल दो जेरुसालेमरेको हाजोतेदे आपोस का़मि २१:१—२६:३२
८. मुचा़त्रे पावल रोमतेये इदि ओचोक्कान आपोस का़मि २७:१—२८:३१
Currently Selected:
आपोस का़मि ओपोरोम: NTSPt26
Highlight
Copy
Compare
Share
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2026