आपोस का़मि 1
1
1पा़हिलाक् पुथिमाञ ओललेत्, ए थियोफिलस, सानामाक्को रेयाङ, ओकाको जिसुइ एहोप्केत् का़क्मि हों आर चेत्आक्को हों।#लु १:१-४ 2एन हिलोक् हा़बिच् ओने उनरे आच्ए बाछावान आपोसतोलको सोनोत जिउ होतेतेये हुकुम ओटोवात्को तायोम सेरमातेये राकाप् ओचोयेन। 3ओने आयाक् गुजुक् तायोम ओनको ठेन जिवेत् होंए उदुक्एन आ़डि ओकोच् सा़बुतकोते, पोनगेल दिनकोरे ओनको ठेने ञेल बाड़ा ओचोक्कान ताहेंकान, इसोराक् राज रेयाक्कोय ला़इयाकोकान ताहेंकान तुलुच्। 4आर ओनको तुलुच् जोम ला़गित् दुड़ुप् मित्एनतेये हुकुमात्कोवा, जेरुसालेम खोन आलोको सेन हाताड़ोक्, बिचकोम बाबा रेयाक् गोक्आक् ता़ङगिगे, ओने ओकाटाक्ए मेतात्को, इञ ठेनगेपे आँजोमलेत्।#लु २४:४९ 5“एनते जोहान मा दाक्तेये बा़प्तिसलेत्को, मेनखान आपे दो थोड़ा दिन खानगे सोनोत जिउतेपे बा़प्तिस ओचोक्आ।”#माथ ३:११; मा़र १:८; लु ३:१६; जोहा १:३३
जिसु सेरमा तेये राकाप्एन
6आदो हेच् जारवायेनतेको कुलि केदेया, “हेंदा प्रोभु, निया़ जोखेच्गे राजेम तेङगो रुवा़ड़ा इसराएलको ला़गित्?”
7उनि दोए मेतात्कोवा, “आपेयाक् दो बाङ काना, जोखेच्को से ओकतेको बाडाय ला़गित् ओने ओकाको बाबा आयाक् निज एकतिया़रिरेये दोहोआकात्, 8मेनखान दाड़ेपे ञामा, सोनोत जिउ आपेरेये हेच्लेनरे, आर इञरेन गोहापे होयोक्आ, जेरुसालेमरे हों आर गोटा जिहुदा़ आर सा़मा़रिया़रे हों, हें धा़रति मुचा़त् हा़बिच्गे।”#माथ २८:१९; मा़र १६:१५; लु २४:४७,४८ 9आदो ओनाकोय रोड़केत् खान ओनकोको ञेञेलकान ताहेंकान तुलुच्गेये राकाप् ओचोयेना, आर मित्टेच् रिमिल दो ओनकोवाक् मेंत् खोने दानाङकेदेया।#मा़र १६:१९; लु २४:५०-५१
10आर उनिये चालाक्कान जोखेच् सेरमा सेच्को कोयोक् उरिच् आकात् ताहेंकानरे, ञेलपे पोंड किचरिच् होरोक् आकात् बार होड़ ओनको आड़ेरेकिन तेङगोयेना, 11ओने उनकिन किन मेनेत्, “ए गा़लिलरेन होड़को, चेत्पे तेङगोवाकाना सेरमा सेच् बेक्ङगेत् कान दो? नुय जिसु, उनि ओने आपे ठेन खोन सेरमातेये राकाप् ओचोयेन, ओनकागेये हिजुक्आ हापेन चेत् लेका सेरमाते चालाक् कानपे ञेलकेदे।”
जिहुदा़ बोदोलते माथाये बाछावक्कान
12आदो जेरुसालेमतेको रुवा़ड़ेना जा़इतुनको मेताक् बुरु खोन जेरुसालेम सोरगे मेनाक्, मित् किला़मिटा़र होर सा़ङगिञरे। 13आरको बोलोयेन खान चेतान कांदहातेको देच्एना, ओने ओकारेको ताहेनकान ताहेंकान, पातरास, जोहान, जाकोब, आ़न्द्रियास, फिलिप, थोमा, बारथोलोमाय, माथाय, आलफायरेन होपोन जाकोब आर दिसा़म भोकति सिमोन आक्आँटिच् आर जाकोबरेन होपोन जिहुदा़।#माथ १०:२-४; मा़र ३:१६-१९; लु ६:१४-१६ 14नोको जोतोगे जारवाकाते मित् मोनते कोयजोङरे जामाड़ आकानको ताहेंकाना, मायजिउको आर जिसुरेन एङगात मा़रिया़म आर उनिरेन बोयहाको साँवते।
15आर ओनाको दिनरे पातरास दो बोयहाको तालारे तेङगोयेनतेये मेनकेदा आयमा होड़ मित् ठेनको ताहेंकाना, आमदाज मित्साय बारगेल गान, 16ए बोयहाको, ओना ओलाक् सोसतोर काथा पुरा़उक् दो जा़रुड़गे ताहेंकाना, ओकाटाक् सोनोत जिउ दो दा़उद मोचातेये रोड़ लाहालेत् जिहुदा़ रेयाङ, ओने उनि जिसु गिरिपतारलेदेकोरेन आक्युरिच्ए ताहेंकान।
17एनते आलेरे लेखा सेलेत्आकाने ताहेंकाना आर नोवा साप्दाप् का़मिरे बाखराय ञामलेत्आ। 18उनि दो बा़ड़िच् का़मि रेयाक् कुड़ा़इते ओते किरिञाना आर तुपुच् ञुरेनतेये ठु ओड़ेच्एना, आर उनियाक् जोतो लाच्को पोसाक् ओडोकेनताया। 19आर ओना दो जेरुसालेमरे जोतो ताहेनकोको बाडाय ञामकेदा, ओनाते ओना ओत दो ओनकोवाक् पा़रसिते “आकेलदामा,” मेतात्मे “माँयाँम गोडा” ञुमेना।#माथ २७:३-८
20एनते सेरेञको पुथिरे ओल आकाना,
उनियाक् ताहेन ठा़ँइ दो टोंडाङोक् मा,
आर ओनारे ओकोय हों आलोको ताहेनमा,
आरहों ओल आकाना,
उनियाक् हुदा़ दो एटाक् होड़े हातावमा।#सेरे ६९:२५; १०९:८
21ओना इया़ते जा़रुड़गेया, नोको होड़को मोद खोन, ओने ओकोय प्रोभु जिसु आबो तालारेये बोलो ओडोकोक्कान ताहेंकान जोखेच् सानाम ओकतेरे आबो साँवतेको ताहें आ़गुवाकान।#माथ ३:१६; मा़र १:९; १६:१९; लु ३:२१; २४:५१
22जोहान रेयाक् बा़प्तिसमा खोन एहोप्काते ओना दिन हा़बिच् ओने उनरे आबो ठेन खोने राकाप् ओचोयेन नोको मोद खोन होड़ जा़रुड़गेया जेमोन आले तुलुच् उनियाक् जिवेत् बेरेत्एन रेयाक् गोहाय होयोक्।
23आदो बार होड़को तेङगोकेत् किना, बारसाबासको मेताय जोसेफ, ओने उनि जुसतुसे बाहनायेन, आर मा़थिया़। 24आर कोयकेत्तेको मेनकेदा, आम, ए प्रोभु सानामकोरेन ओनतोर बाक्डायिच् नुकिन मोदरे उदुक्आलेमे बाड़े ओकोयटाक्एम बाछाव आकावाना। 25नोवा साप्दाप् का़मि आर आपोसतोल हुदा़रे ओना ठा़ँइ ञाम ला़गित्, ओने ओका खोन जिहुदा़ दोए भिङगड़ा़वेन, आयाक् निज ठा़ँइते सेनजोङा मेनते। 26आदो उनकिन ञुतुमतेको गुलिबाँटकेदा, आर गुलि दो मा़थिया़ ञुतुमरे पाड़ावेना, आर उनि दो ओनको गेलमित् आपोसतोलको तुलुच्ए लेखा मित्एना।
Currently Selected:
आपोस का़मि 1: NTSPt26
Highlight
Copy
Compare
Share
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2026
