आपोस का़मि 2
2
सोनोत जिउ रेयाक् हिजुक्
1आर पेनतेकोस दिन सेटेरेन खान सानामकोगे मित् ठेनको जारवा मित् आकान ताहेंकाना।#लेबि २३:१५-२१; देउ १६:९-११ 2खान आचकागे सेरमा खोन मित्टेच् साडे हेच्एना, हुदहुद हिजुक्कान ता़पिस होय रेयाक् लेकानाक्गे, आर ओना दो ओनेको दुड़ुप् आकान ताहेंकान गोटा ओड़ाक्ए पेरेच्केदा। 3आर सेङगेल रेयाक् लेकान हा़टिञोक्कान आलाङको ओनको ठेन ञेल ञामेना, आर होड़ो होड़ो आप्आत्कोवा। 4आर सानामकोगे सोनोत जिउतेको पेरेच्एना आर एटाक् पा़रसिकोते रोरोड़को एहोप् एना, जिउ रोरोड़ दाड़ेये एमात्को लेका।
5आर जेरुसालेमरे दो जिहुदिको हेच् डेरा आकान ताहेंकाना, बिसवा़सि होड़कोगे, सेरमा लाताररेन मित्के मित् जा़तको मोद खोन। 6आर नोवा साडे आँजोमेन खान गादेल होड़को हेच् जारवायेना, आरको थारबासावेना, एनते मिमित् होड़ आपान आ़पिन निज पा़रसिते रोरोड़कानको आँजोमकेत्कोवा। 7सानामको ठाक एना आर हाहाड़ायेनतेको मेनकेदा, “चेत् नोको जोतो रोरोड़कानको दो गा़लिलरेन दोको बाङ काना? 8चेकाते ओनको जोतोको आबोवाक् निज जोनोम पा़रसितेको रोड़ेत्कान बोन आँजोमेत्कोवा? 9आबो पा़रथिको, मेदिको, एलामिको, मेसोपोटामिया़रे जिहुदा़ आर कापाडोकिया़रे पोनतुस आर आ़सिया़रे 10फुरुगिया़ आर पामफिलिया़रे, मिसोर आर कुरेने सेनाक् लुबिया़ रेयाक् टोठाकोरे ताहेनको आर उपरिया़ मेनाक्बोन रोमि होड़, 11जिहुदिको हों आर जिहुदि बिसवा़सरे बोलोआकानको हों। क्रेतेरेनको आर आराबिको, आबोवाक् निज पा़रसिते इसोर रेयाक् माराङ का़मिको रोरोड़कानबोन आँजोमेत्को दो?” 12आर जोतोको ठाक आर आकबाकावेनतेको मेपेनेना, “नोवा दो चेत् होयोक् काना?”
13मेनखान आरको दो चिगा़रिकातेको मेनकेदा, नावाँ दारखा रासातेको भुतेड़ आकाना।
पातरासाक् पोरचार
14मेनखान पातरास दो ओनको गेलमित्को साँवते तेङगोयेनते आँट आड़ाङतेये गालमारावात्कोवा, मेनकेदाय, ए आपे जिहुदा़रेन होड़को आर जेरुसालेमरेपे ताहेनकान जोतोको नोवा बाडायजोङपे आर इञाक् काथाको लुतुरातिञपे। 15आपेपे बुजहा़वेत् लेका नोको होड़ दो बाको बुल आकाना, एनते बासकेयाक् बेर कानगे चोङ। 16मेनखान नोवा दो जोएल ना़बि होतेते रोड़लेनाक् काथा काना।
17आर मुचा़त् दिनकोरे नोनका होयोक्आ, इसोरे मेनेदा,
इञरेन जिउ रेयाक् मानवा जा़तरेन जोतोकोञ दुलाकोवा,
आर आपेरेन होपोनको आर आपेरेन होपोनेराकोको ना़बिया
आर आपेरेन जुवा़न कोड़ाको दो दोरसोनको ञेला,
आर आपेरेन मुरुबिको दो कुकमुको ञेला।#जोए २:२८-३२
18हें इञरेन गुति आर का़ड़मिको हों,
ओनाको दिनरे दो इञरेन जिउ रेयाक् इञ दुलाकोवा,
आर ओनको दो ना़बि काथाको रोड़ा।
19आर इञ दो हाहाड़ावाक्को चोट सेरमारे
आर चिनहा़को लातार ओतरेञ होय ओचोया,
माँयाँम आर सेङगेल आर तुत् तुत् धुवा़ँगे।
20सिञ चाँदो दो ञुततेये फेरावक्आ,
आर ञिंदा़ चाँदो दो माँयाँमतेगे प्रोभुवाक् दिन आ़उरि सेटेरोक्रे
ओना माराङ आर ठोनोक आनाक् दिनगे
21आर नोनका होयोक्आ जाहाँयगे प्रोभुवाक् ञुतुमको दोहायताय, ओनकोगेको बाञचावक्आ।
22ए आपे इसराएल होड़को, नोवाको काथा आँजोमपे, नासारेतरेन जिसु, मित्टेन होड़ होतेते सा़बुत ओचोवाकान, दाड़ेयानाक् का़मिको आर हाहाड़ावाक्को आर चिनहा़कोते, ओने ओकाको इसोर दो उनि होतेते आपे तालारेये का़मिलेत्, आपे होंपे बाडायकान लेका। 23नुय होड़ दो इसोराक् निटाक् मेनजोङ आर उनियाक् बाडाय दारामते, आपेयाक् तिरेये सोपरोत ओचोयेना आर आपे दो आ़न बाहरेरेन होड़को होतेते उनिपे कुरुस ओचोकेदेया आरपे गोच्केदेया।#माथ २७:३५; मा़र १५:२४; लु २३:३३; जोहा १९:१८ 24मेनखान इसोर दो उनिये बेरेत्केदेया, मोरोन रेयाक् बेदोन खोन खालासकाते, एनते बाङ होय दाड़ेयाक्आ उनि ओनातेये का़इदा़उ दोहोकोक् दो।#माथ २८:५,६; मा़र १६:६; लु २४:५ 25एनते दा़उद दो उनि रेयाङे मेनेदा,
प्रोभु दो सिञ सा़टुप् इञ सामाङरेञ दोहोवाकादेया,
एनते इञ एतोम सेच्रे मेनाया, जेमोन आलोञ आकबाकावक्, #सेरे १६:८-११
26ओना इया़ते इञाक् मोन दो रा़सका़येना
आर इञाक् आलाङ दो हुला़सेना,
हें इञाक् होड़मो सुदहा़गे
आसरे छा़उनिक्आ,
27एनते इञाक् जिवि दो बाम आलायतिञा पातालपुरि ला़गित्,
आर आमरेन सोनोतिच् हों ओहोम एमलेया, सेयाक् ञेल ला़गित्
28जियोन रेयाक् होरकोम बाडाय ओचोकेदेञा,
आर रा़सका़तेम पेरेजिञा आमाक् मेंत्हाँ सामाङरे।
29ए बोयहाको, नोवा काथा दो खा़टिगेञ मेन दाड़ेयाक्आ, आ़गिल हापड़ाम दा़उद रेयाङ, बाङमा, उनि दो गोच् होंए गोच्एना आर तोपा होंए तोपा ओचोयेना, आर उनियाक् कोबोर दो तेहेञ हा़बिच् आबो ठेन मेनाक्आ। 30उनि ना़बिये ताहेंकानते आर बाडाय आकात् ताहेंकानते, बाङमा इसोर दो किरिया़कातेये गोक् आकावादे ताहेंकाना जे उनियाक् बोंस खोन मित् होड़ उनियाक् सिङघा़सोनरेये दुड़ुप्काया मेनते।#सेरे १३२:११; २ सा ७:१२-१३ 31उनि दो ञेल लाहाकाते मा़सियाक् जिवेत् बेरेदोक् रेयाङगेये रोड़लेदा,
बाङमा पातालपुरि ला़गित् हों बाय आलाय गिडि ओचोलेना
आर उनियाक् जेल हों सेयाक् बाय ञेललेदा।#सेरे १६:१०
32उनि जिसुगे इसोर दोए जिवेत् बेरेत् केदेया, ओने ओना रेयाक्गे आले जोतो गोहाकोकानाले। 33आदो इसोराक् जोजोम तिते उसुल ओचोयेनते, आर बाबा ठेन खोन सोनोत जिउ रेयाङ गोक्आक् ञामकाते, उनि दो नोवाये दुल आदेया, ओने ओकाटाक् आपे ञेल आरपे आँजोमेत्कान। 34एनते दा़उद दो सेरमाते बाय राकाप् लेना बिचकोम आच्गेये मेनेदा।#सेरे ११०:१
प्रोभु दो इञरेन प्रोभुए मेतादेया,
इञ एतोम सेच्रे बाड़े दुड़ुप्मे
35आमरेन बा़इरिको आमाक् जाङगा लेबेदोक् गाँडो आ़उरिञ होय ओचोको हा़बिच्।
36ओनाते सानाम इसराएल घारोंजरेनको खा़टिको बाडायमा, जे इसोर दो उनिगे प्रोभु हों आर मा़सि होंए होय ओचोवाकादेया, उनि जिसुगे, ओने ओकोय आपेपे कुरुसलेदे।
37आदो नोवाको आँजोमकेत् खान ओनतोररेको सोबोक् सेङगेत् एना, आर पातरास आर एटाक् आपोसतोलकोको मेतात्कोवा, ए बोयहाको चेत्ले चेकाया?
38खानगे पातरासे मेतात्कोवा, मोन आ़चुरतापे आर आपे मिमित् होड़ जिसु मा़सि ञुतुमते बा़प्तिसोक्पे, आपेयाक् का़इको इका़क्तापे ला़गित्, खान सोनोत जिउ रेयाक् दानपे ञामा। 39एनते गोक्आक् दो आपे ला़गित् आर आपेरेन गिदरा़को ला़गित् आर जोतो सा़ङगिञरेनको ला़गित् तिना़क्को प्रोभु आबोरेन इसोर दोए होहो सोरजोङ।
40आर ढेर एटाक् काथाकोते गोहाय एम इदिकेदा आरे बिनतियाक्कोवा, मेतात्कोवाय, “ओचोक्पे नोको पेड़ता पिड़हिरेनको खोन।” 41आर ओकोयको उनियाक् काथाको आङगोचकेदा ओनको दोको बा़प्तिस ओचोयेना। आर एन हिलोक् दो पे हाजार गान होड़ ओनको तुलुच्को जुटुच्एना
पा़तिया़वाकानकोवाक् दिना़म दिन रेयाक् जियोन
42आर जामाड़ आकानको ताहेंयेना, आपोसतोलकोवाक् सिकना़तरे, हेलमेलरे, पिठा़ केचागरे आर कोयजोङरे। 43आर जोतो होड़गे बोतोर चाड़हावात्कोवा, आर आ़डि ओकोच् हाहाड़ा का़मि आर चिनहा़को आपोसतोलको होतेते होयेना। 44आर जोतो पा़तिया़वाकानको दो मित्तेको ताहेंयेना, आर सानामाक्रेगे रा़सिया़को ताहेंकाना।#आ का़ ४:३२-३५ 45आर आकोवाक् ओत खेत एमान आर धोन दुरिब आ़खरिञकाते जोतोकोको हा़टिञात्कोवा, मिमित् होड़ जा़रुड़ात्को लेका। 46आर दिना़मगे मित् मोनतेको ताहेंयेना कोयजोङ ओड़ाक्रे, आर ओड़ाक् ओड़ाक् पिठा़ केचागते, हुला़साते आर सोड़ा मोनेतेको जोम ञुयेत् ताहेंकाना, 47इसोरको सारहावेकान आर जोतो दिसा़म होड़को ठेनको बा़सुत ओचोक्कान तुलुच्। आर प्रोभु दो दिना़मगे बाञचाव ओचोक् कानकोय जुटुच् इदिकेत्कोवा।
Currently Selected:
आपोस का़मि 2: NTSPt26
Highlight
Copy
Compare
Share
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2026
