Nzyeté 15
15
E Ssé gÿǒ pɔ́ Ábalam gwa kʉ̀a
1Mɔɔn menò la gwɔ́ tà ńtɔ́g, Cʉ̀apʉ̀a kẅɛɛ mvfò Ábalam, ńgɔɔn né yé ngie: «Ábalam te pɔ́g! N gee kʉ́ʼʉ ncù gù, ntsɔʼɔ́ fàʼ gú ge gÿo gyɔ́ɔn tɛʼ.» 2Ábalam tsɔ́ʼ ngie: «Cʉ̀apʉ̀a Ssé, ɔ̀ ge gÿo náa kɔ́ né mèŋ? N gee te múɔ, anjÿòndá wɔ̀ɔn, aa Eliezɛ̂ɛ múɔ Ndamásè.» 3Ábalam gíŋe ńgɔɔn ngie: «Ɔ̀ ka te wɔ́ɔn múɔ ná, enkwɔɔn yɔɔn zɔ ge láʼ jÿó ndá yɔ̀ɔn.» 4Táʼ, Cʉ̀apʉ̀a gɔɔn né Ábalam ngie: «Eliezɛ̂ɛ zɔ te láʼ jÿó ndá jù wɔ́. Kwàʼ zyé letú ɔ̀, zɔ ge láʼ jÿó.» 5Ńgɔɔn púʼu, ńgÿo Ábalam fó tsɛ̀ɛ ntàb ńkẅɛ, Cʉ̀apʉ̀a gɔɔn né yé ngie: «Náʼa ńdíe lefaŋ, sáŋ mecÿɔ́ʼsaŋ, páʼ à lɔɔn ńgwɔ́ gie ɔ̀ kuʼu lésáŋ.» Ńdeen ńké ńcʉ́me ngie: «Ngẅɛ̀ jù ge láʼ gwɔ́ páʼ mecÿɔ́ʼsaŋ pɛ̂.» 6Anò gie Cʉ̀apʉ̀a gɔ̌ɔn, Ábalam zẅíŋ té mʉ́ʼte. Á cʉa púʼu, Cʉ̀apʉ̀a lɔgɔ yé ńgÿo nyìŋ gẅie aa ndʉŋndʉŋ. 7Ńgɔɔn né yé ngie: «N gee Cʉ̀apʉ̀a gẅie à la fó Ûu tsɛ̀ɛ láʼa Shÿâandê, ńkẅile gù, ńná ngwòŋ gẅie ɔɔ wó lɛ̂ né gù, páʼ é ge cʉ́ʼ gwɔ́ pɔ́ gú.» 8Ábalam tsɔ́ʼ ngie: «Cʉ̀apʉ̀a Ssé, n ge fó na kɔ́ tá zsé ngie ngwòŋ gẅie n gee wó, é ge láʼ cʉ́ʼ wɔ́ɔn?» 9Á gɔɔn né yé ngie: «Gwoon fòŋ gie ee nzwě, ńgẅiin ngùʼ tá, ńgwoon mêmvfó gẅie à gẅǐin ngùʼ tá, ńgwoon kùkwòon gie á gẅǐin ngùʼ tá, ńgwoon tàʼ ngábnzsè ńgÿo tàʼ kàpʉ̀ŋ, ńná né mèŋ.» 10Ábalam pú ńdɔg mɔɔn menɔ̀ɔn ńtó, ńzáʼa wɛ̌ wɔ́ɔ pɔ́ tsetsɛ̀ɛ, ńzába yɛ̌ kèm wɔ́ɔ, ńdɔg ńdíe yetsɔ́, tá ńgʉa na meshʉ̌ŋ, à te záʼte. 11Megúm ne ńnɔ́ɔnte lépfɛ́, tá Ábalam jwoŋo wɔ́b. 12Á gÿo ńgwɔ́ ncwònzém, tà nèm ne ńkúu ndá, ntʉ̀ lelɔ́g gwoon Ábalam, ecÿɔʼ mwòon nzěm é pú ńgwoon yé. 13Cʉ̀apʉ̀a gɔɔn né yé ngie: «Zsé ngie penkʉ́ pú ge láʼ kÿo, é gʉa néŋe tsɛ̀ɛ tsɔ́ ngwòŋ gẅie é te wɔ́b wɔ́, é gwɔ́ wó, é gwɔ́ mepuʼ, mé piŋ ńnáa wɔ́b ngɔ́ʼ na mengùʼ nkÿo lekùɔ. 14Táʼ, n ge láʼ gwɔ́ tà ŋag ngwòŋ gẅie é la lɔgɔ wɔ́b ńgÿo mepuʼ, ngẅɛ̀ jù fó wó ńkẅɛ, ńgwaa kẅɛ, é lɔg shúm tʉ̀nzẅìŋ tà ńgyɔ́ɔn é kẅɛ. 15Ńgʉa na gù, mbà ɔ̀ ge láʼ gwaa kwé né mbʉ́lè, mé ge láʼ gwaa néŋe gú lesyè, mbà ɔ̀ zyě ńgyá njÿó. 16Ngẅɛ̀ jù ge láʼ gwaa gíŋe tó tà néŋe jʉʼɔɔn, mbà e gʉ̌a tà ńkúu na mejwoŋó mbɔ́ɔntè lekùɔ. Ńtí páʼ fʉ̌ʼnò pʉ̀a Amɔɔ nyé te gʉa tà ńzyɛ́ʼ ntyě.» 17Ncwònzém la gwɔ́ tà nèm kúu ndá, ejʉʼ pú síŋ, mé gwóon ńgyá páʼ ndyé kẅɛɛ tsɛ̀ɛ tsɔ́ ntí ngwʉ̌ŋ mmɔ̌g, ńgÿo lʉ́me mmɔ̌g gie á kẅɛɛ na nkàʼ, é pú ńcʉate tsetsɛ̀ɛ mekèm mbab. 18Alyɛʼó ŋwɛ́, Cʉ̀apʉ̀a gÿo pɔ́ Ábalam gwaa kʉ̀a. Cʉ̀apʉ̀a gɔɔn né yé ngie: «N nǎa yɔɔn láʼ mbwó ngẅɛ̀ jù, léfó ngʉ̀ŋe ntse Egíbtò, ńgʉa ńkúu ngʉ̀ŋe máa mí Efelad. 19Áa tsetsáʼa pʉ̀a Keni, ńgwɔ́ ye pʉ̀a Kenaaze, ńgwɔ́ ye pʉ̀a Kadmɔɔ, 20ńgwɔ́ ye pʉ̀a Hɛ́d, ńgwɔ́ ye pʉ̀a Pelísè, ńgwɔ́ ye pʉ̀a Lefa, 21ńgwɔ́ ye pʉ̀a Amɔɔ, ńgwɔ́ ye pʉ̀a Kánàhan, ńgwɔ́ ye pʉ̀a Ngilengaa ńgÿo ye pʉ̀a Yembúsè.»
Currently Selected:
Nzyeté 15: nnh
Highlight
Share
Copy
Want to have your highlights saved across all your devices? Sign up or sign in
© 2026, CABTAL
Nzyeté 15
15
E Ssé gÿǒ pɔ́ Ábalam gwa kʉ̀a
1Mɔɔn menò la gwɔ́ tà ńtɔ́g, Cʉ̀apʉ̀a kẅɛɛ mvfò Ábalam, ńgɔɔn né yé ngie: «Ábalam te pɔ́g! N gee kʉ́ʼʉ ncù gù, ntsɔʼɔ́ fàʼ gú ge gÿo gyɔ́ɔn tɛʼ.» 2Ábalam tsɔ́ʼ ngie: «Cʉ̀apʉ̀a Ssé, ɔ̀ ge gÿo náa kɔ́ né mèŋ? N gee te múɔ, anjÿòndá wɔ̀ɔn, aa Eliezɛ̂ɛ múɔ Ndamásè.» 3Ábalam gíŋe ńgɔɔn ngie: «Ɔ̀ ka te wɔ́ɔn múɔ ná, enkwɔɔn yɔɔn zɔ ge láʼ jÿó ndá yɔ̀ɔn.» 4Táʼ, Cʉ̀apʉ̀a gɔɔn né Ábalam ngie: «Eliezɛ̂ɛ zɔ te láʼ jÿó ndá jù wɔ́. Kwàʼ zyé letú ɔ̀, zɔ ge láʼ jÿó.» 5Ńgɔɔn púʼu, ńgÿo Ábalam fó tsɛ̀ɛ ntàb ńkẅɛ, Cʉ̀apʉ̀a gɔɔn né yé ngie: «Náʼa ńdíe lefaŋ, sáŋ mecÿɔ́ʼsaŋ, páʼ à lɔɔn ńgwɔ́ gie ɔ̀ kuʼu lésáŋ.» Ńdeen ńké ńcʉ́me ngie: «Ngẅɛ̀ jù ge láʼ gwɔ́ páʼ mecÿɔ́ʼsaŋ pɛ̂.» 6Anò gie Cʉ̀apʉ̀a gɔ̌ɔn, Ábalam zẅíŋ té mʉ́ʼte. Á cʉa púʼu, Cʉ̀apʉ̀a lɔgɔ yé ńgÿo nyìŋ gẅie aa ndʉŋndʉŋ. 7Ńgɔɔn né yé ngie: «N gee Cʉ̀apʉ̀a gẅie à la fó Ûu tsɛ̀ɛ láʼa Shÿâandê, ńkẅile gù, ńná ngwòŋ gẅie ɔɔ wó lɛ̂ né gù, páʼ é ge cʉ́ʼ gwɔ́ pɔ́ gú.» 8Ábalam tsɔ́ʼ ngie: «Cʉ̀apʉ̀a Ssé, n ge fó na kɔ́ tá zsé ngie ngwòŋ gẅie n gee wó, é ge láʼ cʉ́ʼ wɔ́ɔn?» 9Á gɔɔn né yé ngie: «Gwoon fòŋ gie ee nzwě, ńgẅiin ngùʼ tá, ńgwoon mêmvfó gẅie à gẅǐin ngùʼ tá, ńgwoon kùkwòon gie á gẅǐin ngùʼ tá, ńgwoon tàʼ ngábnzsè ńgÿo tàʼ kàpʉ̀ŋ, ńná né mèŋ.» 10Ábalam pú ńdɔg mɔɔn menɔ̀ɔn ńtó, ńzáʼa wɛ̌ wɔ́ɔ pɔ́ tsetsɛ̀ɛ, ńzába yɛ̌ kèm wɔ́ɔ, ńdɔg ńdíe yetsɔ́, tá ńgʉa na meshʉ̌ŋ, à te záʼte. 11Megúm ne ńnɔ́ɔnte lépfɛ́, tá Ábalam jwoŋo wɔ́b. 12Á gÿo ńgwɔ́ ncwònzém, tà nèm ne ńkúu ndá, ntʉ̀ lelɔ́g gwoon Ábalam, ecÿɔʼ mwòon nzěm é pú ńgwoon yé. 13Cʉ̀apʉ̀a gɔɔn né yé ngie: «Zsé ngie penkʉ́ pú ge láʼ kÿo, é gʉa néŋe tsɛ̀ɛ tsɔ́ ngwòŋ gẅie é te wɔ́b wɔ́, é gwɔ́ wó, é gwɔ́ mepuʼ, mé piŋ ńnáa wɔ́b ngɔ́ʼ na mengùʼ nkÿo lekùɔ. 14Táʼ, n ge láʼ gwɔ́ tà ŋag ngwòŋ gẅie é la lɔgɔ wɔ́b ńgÿo mepuʼ, ngẅɛ̀ jù fó wó ńkẅɛ, ńgwaa kẅɛ, é lɔg shúm tʉ̀nzẅìŋ tà ńgyɔ́ɔn é kẅɛ. 15Ńgʉa na gù, mbà ɔ̀ ge láʼ gwaa kwé né mbʉ́lè, mé ge láʼ gwaa néŋe gú lesyè, mbà ɔ̀ zyě ńgyá njÿó. 16Ngẅɛ̀ jù ge láʼ gwaa gíŋe tó tà néŋe jʉʼɔɔn, mbà e gʉ̌a tà ńkúu na mejwoŋó mbɔ́ɔntè lekùɔ. Ńtí páʼ fʉ̌ʼnò pʉ̀a Amɔɔ nyé te gʉa tà ńzyɛ́ʼ ntyě.» 17Ncwònzém la gwɔ́ tà nèm kúu ndá, ejʉʼ pú síŋ, mé gwóon ńgyá páʼ ndyé kẅɛɛ tsɛ̀ɛ tsɔ́ ntí ngwʉ̌ŋ mmɔ̌g, ńgÿo lʉ́me mmɔ̌g gie á kẅɛɛ na nkàʼ, é pú ńcʉate tsetsɛ̀ɛ mekèm mbab. 18Alyɛʼó ŋwɛ́, Cʉ̀apʉ̀a gÿo pɔ́ Ábalam gwaa kʉ̀a. Cʉ̀apʉ̀a gɔɔn né yé ngie: «N nǎa yɔɔn láʼ mbwó ngẅɛ̀ jù, léfó ngʉ̀ŋe ntse Egíbtò, ńgʉa ńkúu ngʉ̀ŋe máa mí Efelad. 19Áa tsetsáʼa pʉ̀a Keni, ńgwɔ́ ye pʉ̀a Kenaaze, ńgwɔ́ ye pʉ̀a Kadmɔɔ, 20ńgwɔ́ ye pʉ̀a Hɛ́d, ńgwɔ́ ye pʉ̀a Pelísè, ńgwɔ́ ye pʉ̀a Lefa, 21ńgwɔ́ ye pʉ̀a Amɔɔ, ńgwɔ́ ye pʉ̀a Kánàhan, ńgwɔ́ ye pʉ̀a Ngilengaa ńgÿo ye pʉ̀a Yembúsè.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, CABTAL