Nzyeté 16
16
Mé zyě Esemayɛ̂ɛ
1Ábalam pɔ́ nzwě we Salayi la te múɔ zyé. Salayi la gẅiin nkwɔɔn ye, lezíŋ sé gwɔ́ lê Agaa, á gwɔ́ múɔ Egíbtò. 2Salayi gɔɔn né Ábalam ngie: «Gyá jú páʼ Cʉ̀apʉ̀a kaa zẅíŋ páʼ ngwɔ́ n zyé múɔ wɔ́, shúshu, pi nkwɔɔn yɔɔn nuŋe, ngwɔ́ n dáʼ ńzẅɛ́ʼ pɔ́ yé tá ńgẅiin múɔ.» Ábalam júʼu nò gie Salayi gɔ̌ɔn. 3Salayi gwaa náa Agaa múɔ Egíbtò gẅie á laa ngàŋafàʼ we wemanzwě á mbwó ndúm we Ábalam púʼu, mbà Ábalam tsẅě ngwòŋ Kánàhan ngùʼ legém. 4Ábalam pɔ́ Agaa nuŋe, Agaa shwoŋ, ńgÿo ńgwɔ́ tà ńzsé ngie aa shwoŋ, ńcʉ́ʼʉ ńdíe máfàʼ we pɔ́ tepòŋ. 5Salayi leen ńké ńgɔɔn né Ábalam ngie: «Wɔɔn mánẅìle gẅie Agaa lɔgɔ ńkúu wɔ́ɔn lɔɔn, à fóo né gù. Kwàʼ mèŋ zɔ ka gɔɔn ngie pi ngàŋafàʼ wɔ̀ɔn nuŋe. À lěen ńgyá tà ńgwɔ́ shwoŋ, n cʉ́ʼʉ tsɔ́ mmó mbwó yé wɔ́. Cʉ̀apʉ̀a zɔ ge zsé páʼ à ge záʼ ntsaŋ yɔ̀gɔ púʼu.» 6Ábalam tsɔ́ʼɔ mbwó Salayi ngie: «Ee nkwɔɔn jù, gù zɔ gẅiin nò ńnáa na yé, gÿo páʼ ɔ̀ zsě na yé.» Á cʉa púʼu, Salayi náa Agaa ngɔ́ʼ nǎ tà á gwáʼa yé ńkÿo. 7Mántúm Cʉ̀apʉ̀a gyá yé ngʉ̀ŋe tsɔ́ sáʼa ntse gie áa na mánzsè láʼa Shûu, á tsɛ̀ɛ kwòŋotsẅɛ. 8Ńzɛ́te yé ngie: «Agaa, ngàŋafàʼ Salayi, ɔ̀ fóo né nzɔ̌? Ńgee né nzɔ̌?» Á tsɔ́ʼ ngie: «N gwaʼá máfàʼ wɔ̀ɔn Salayi, ńkÿo.» 9«Mántúm Cʉ̀apʉ̀a gɔɔn mbwó yé ngie: “Piŋ nzèm, ńtsɛ́ɛ máfàʼ gù. Ḿbiŋ ńjúʼ ncwò wé.” 10N ge gÿo gÿo ngẅɛ̀ jù gyɔ́ɔn tà lesáŋ legwɔ́ wó wɔ́. Ńtí nue e ge láʼ gyɔ́ɔn tɛʼ. 11Ɔ̀ wɛ̂ ńgwɔ́ shwoŋ, ɔ̀ ge gÿo zyé tàʼ múɔ mbàŋa, é tsẅi lezíŋ sé lê Esemayɛ̂ɛ, ńdɔgɔ ńgɔɔn ngie: “E Ssé jǔʼ.” Ńtí nue Cʉ̀apʉ̀a ka júʼ#16:11 Áa na shwóŋè Ébɛ̀, lezíŋ Esemayɛ̂ɛ é gwɔ́ ndù gie mé kyagte ngie E Ssé jǔʼ. páʼ ɔ̀ gaʼte. 12Míŋ gù ŋwɛ́ ge gÿo gwɔ́ páʼ nzikáasè mbàʼ, à ge gÿo lÿɔ́ʼ pʉ̀a metsèm lé ncù, epʉ̀a metsèm piŋ ńdÿɔ́ʼɔ yé lé ncù. À ge láʼa tsẅé gíle yé, á jʉʼ gie mefɛ̌ pé té wó wɔ́.»
13Agaa mɔɔn ńgɔɔn ngie: «Tà mèŋ n gee páʼɔɔn mbà mèŋ n gyá nyìŋ gẅie à ne ńgyá wɔ́ɔn lá?» Ńdeen ńké ńná lezíŋ Cʉ̀apʉ̀a gẅie à gɔ̌ɔn nò né yé lê: «Ɛɛ-Loyi,» ńdɔgɔ ńgɔɔn ngie: É Ssé gie e ne ńgyá wɔ́ɔn. 14Áa mmó gie á gÿo mé tóŋ ntse ntǔŋ ŋwɛ́ gẅie ée tsetsɛ̀ɛ Kandɛ́shÿè pɔ́ Mbelɛd lê ntse ntǔŋ Lahayi-Loyi, ńdɔgɔ ńgɔɔn ngie ntse ntǔŋ Ssé gie e ne ńgyá wɔ́ɔn. 15Agaa pɔ́ Ábalam zyé tàʼ múɔ mbàŋa, Ábalam ná lezíŋ sé lê Esemayɛ̂ɛ. 16Agaa la gwaa zyé Esemayɛ̂ɛ míŋ Ábalam, mbà Ábalam gẅiin ngùʼ ntsɔ̀b ntɔgɔ́ lé móm lefɔ̌ɔn.
Currently Selected:
Nzyeté 16: nnh
Highlight
Share
Copy
Want to have your highlights saved across all your devices? Sign up or sign in
© 2026, CABTAL
Nzyeté 16
16
Mé zyě Esemayɛ̂ɛ
1Ábalam pɔ́ nzwě we Salayi la te múɔ zyé. Salayi la gẅiin nkwɔɔn ye, lezíŋ sé gwɔ́ lê Agaa, á gwɔ́ múɔ Egíbtò. 2Salayi gɔɔn né Ábalam ngie: «Gyá jú páʼ Cʉ̀apʉ̀a kaa zẅíŋ páʼ ngwɔ́ n zyé múɔ wɔ́, shúshu, pi nkwɔɔn yɔɔn nuŋe, ngwɔ́ n dáʼ ńzẅɛ́ʼ pɔ́ yé tá ńgẅiin múɔ.» Ábalam júʼu nò gie Salayi gɔ̌ɔn. 3Salayi gwaa náa Agaa múɔ Egíbtò gẅie á laa ngàŋafàʼ we wemanzwě á mbwó ndúm we Ábalam púʼu, mbà Ábalam tsẅě ngwòŋ Kánàhan ngùʼ legém. 4Ábalam pɔ́ Agaa nuŋe, Agaa shwoŋ, ńgÿo ńgwɔ́ tà ńzsé ngie aa shwoŋ, ńcʉ́ʼʉ ńdíe máfàʼ we pɔ́ tepòŋ. 5Salayi leen ńké ńgɔɔn né Ábalam ngie: «Wɔɔn mánẅìle gẅie Agaa lɔgɔ ńkúu wɔ́ɔn lɔɔn, à fóo né gù. Kwàʼ mèŋ zɔ ka gɔɔn ngie pi ngàŋafàʼ wɔ̀ɔn nuŋe. À lěen ńgyá tà ńgwɔ́ shwoŋ, n cʉ́ʼʉ tsɔ́ mmó mbwó yé wɔ́. Cʉ̀apʉ̀a zɔ ge zsé páʼ à ge záʼ ntsaŋ yɔ̀gɔ púʼu.» 6Ábalam tsɔ́ʼɔ mbwó Salayi ngie: «Ee nkwɔɔn jù, gù zɔ gẅiin nò ńnáa na yé, gÿo páʼ ɔ̀ zsě na yé.» Á cʉa púʼu, Salayi náa Agaa ngɔ́ʼ nǎ tà á gwáʼa yé ńkÿo. 7Mántúm Cʉ̀apʉ̀a gyá yé ngʉ̀ŋe tsɔ́ sáʼa ntse gie áa na mánzsè láʼa Shûu, á tsɛ̀ɛ kwòŋotsẅɛ. 8Ńzɛ́te yé ngie: «Agaa, ngàŋafàʼ Salayi, ɔ̀ fóo né nzɔ̌? Ńgee né nzɔ̌?» Á tsɔ́ʼ ngie: «N gwaʼá máfàʼ wɔ̀ɔn Salayi, ńkÿo.» 9«Mántúm Cʉ̀apʉ̀a gɔɔn mbwó yé ngie: “Piŋ nzèm, ńtsɛ́ɛ máfàʼ gù. Ḿbiŋ ńjúʼ ncwò wé.” 10N ge gÿo gÿo ngẅɛ̀ jù gyɔ́ɔn tà lesáŋ legwɔ́ wó wɔ́. Ńtí nue e ge láʼ gyɔ́ɔn tɛʼ. 11Ɔ̀ wɛ̂ ńgwɔ́ shwoŋ, ɔ̀ ge gÿo zyé tàʼ múɔ mbàŋa, é tsẅi lezíŋ sé lê Esemayɛ̂ɛ, ńdɔgɔ ńgɔɔn ngie: “E Ssé jǔʼ.” Ńtí nue Cʉ̀apʉ̀a ka júʼ#16:11 Áa na shwóŋè Ébɛ̀, lezíŋ Esemayɛ̂ɛ é gwɔ́ ndù gie mé kyagte ngie E Ssé jǔʼ. páʼ ɔ̀ gaʼte. 12Míŋ gù ŋwɛ́ ge gÿo gwɔ́ páʼ nzikáasè mbàʼ, à ge gÿo lÿɔ́ʼ pʉ̀a metsèm lé ncù, epʉ̀a metsèm piŋ ńdÿɔ́ʼɔ yé lé ncù. À ge láʼa tsẅé gíle yé, á jʉʼ gie mefɛ̌ pé té wó wɔ́.»
13Agaa mɔɔn ńgɔɔn ngie: «Tà mèŋ n gee páʼɔɔn mbà mèŋ n gyá nyìŋ gẅie à ne ńgyá wɔ́ɔn lá?» Ńdeen ńké ńná lezíŋ Cʉ̀apʉ̀a gẅie à gɔ̌ɔn nò né yé lê: «Ɛɛ-Loyi,» ńdɔgɔ ńgɔɔn ngie: É Ssé gie e ne ńgyá wɔ́ɔn. 14Áa mmó gie á gÿo mé tóŋ ntse ntǔŋ ŋwɛ́ gẅie ée tsetsɛ̀ɛ Kandɛ́shÿè pɔ́ Mbelɛd lê ntse ntǔŋ Lahayi-Loyi, ńdɔgɔ ńgɔɔn ngie ntse ntǔŋ Ssé gie e ne ńgyá wɔ́ɔn. 15Agaa pɔ́ Ábalam zyé tàʼ múɔ mbàŋa, Ábalam ná lezíŋ sé lê Esemayɛ̂ɛ. 16Agaa la gwaa zyé Esemayɛ̂ɛ míŋ Ábalam, mbà Ábalam gẅiin ngùʼ ntsɔ̀b ntɔgɔ́ lé móm lefɔ̌ɔn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, CABTAL