Nzyeté 14
14
Ábalam, mefùɔ ńgÿo Melekísèndeg
1Á gwɔ́ fʉʼó ŋwɛ́, Amelafɛɛ fùɔ Shʉneya, mbɔɔ Alÿɔg fùɔ Elasaa, mbɔɔ Kendɔlawomɛ fùɔ Elam ńgÿo Tindaa fùɔ Ngoyim, 2pɔ́ pú ńcúʼte ńgʉa lélÿɔ́ʼɔ Mbélà fùɔ Sondɔm, mbɔɔ Mbileshÿa fùɔ Ngomɔɔ, mbɔɔ Shʉneyab fùɔ Adma, mbɔɔ Shÿemevɛ fùɔ Tsemboyim ńgÿo fùɔ láʼa Mbélà; Mbélà gwɔ́ láʼ gie mé gíŋe ńtóŋ lê Tsowa. 3Pɔɔn mefùɔ ŋwɛ́ la cúʼte pɔ́b palÿɔ́ʼncù, á fúʼu Sindim gie áa máŋʉ́ ntse Ngwáŋ. 4Á laa púʼu mbà é gÿǒ ngùʼ ntsɔ̀b pʉ́a, páʼ pɔɔn mefùɔ la zẅíŋ ntÿɔ́ʼ Kendɔlawomɛ gẅie à laa fùɔ, táʼ, é gwaa gwɔ́ na ngùʼ mbɔ́ɔntè ntsɔ̀b tá, pɔ́ lʉʼ ntÿɔ́ʼ. 5Á gÿo ńgwɔ́ na ngùʼ mbɔ́ɔntè ntsɔ̀b lekùɔ, Kendɔlawomɛ gẅie aa fùɔ, pâ pʉ̀a pie ée nzèm yé, é cʉ́me mbàʼ ncù, ńjÿó pʉ̀a Lefa á Ashÿetalɔ́d-Kanayim, ńjÿó pʉ̀a Zúsè á Ham, ńjÿó pʉ̀a Emid á kwoŋo Kiliatayim. 6Ńgʉa na pʉ̀a Holi, pɔ́ jÿó wɔ́b kwaʼ láʼ pɔ́b, á tsɛ̀ɛ mekwɛ́ Seyî. Ńgwaa jÿó wɔ́b púʼu, mbà pɔ́ jwoŋó wɔ́b tà ńkúu Ɛɛ-Palaŋ gẅie aa ngʉ̀ŋe kwòŋotsẅɛ. 7Éfó jʉʼó, ḿbiŋ ńdɔg ye An-Mishepad gẅie mé gíŋe ńtóŋ lê Kandɛ́shÿè. Ńkúu wó, ńjÿó nyìŋ Amalɛg, ńjÿó pʉ̀a Amɔɔ pie é lɔ́ɔn ńtsẅé Hasasoŋ-Tamaa. 8Afùɔ láʼa Sondɔm, né fùɔ láʼa Ngomɔɔ, né fùɔ láʼa Adma, né fùɔ láʼa Tsemboyim ńgÿo fùɔ láʼa Mbélà gie mé gíŋe ńtóŋ lê Tsowa lɔg palÿɔ́ʼncù pɔ́b, ńcʉ́me fúʼu Sindim, 9pâ Kendɔlawomɛ fùɔ Elam, Tindaa fùɔ Ngoyim, Amelafɛɛ fùɔ Shʉneya ńgÿo Alÿɔg fùɔ Elasaa pú ńdÿɔ́ʼ ncù. Púʼu, mefùɔ pétʉ̂a lÿɔ́ʼ mefùɔ lekùɔ. 10Á laa fúʼu Sindim, metɔ́ɔn mie mé lɔ́ɔn ńtúʼu kuntâg tsoló gwɔ́ wó tɛʼ. Afùɔ láʼa Sondɔm pɔ́ we Ngomɔɔ pie é laa na nùɔ mefùɔ pétʉ̂a, ḿbiŋ ne ḿbyé ncù, é tóo ńkÿǒ, ńgwete tsɛ̀ɛ metɔ́ɔn. Epʉ̀a pie é la tsẅɛ́, é kÿo, ńdyeente lekwɛ́. 11Kendɔlawomɛ gẅie áa fùɔ, pâ mefùɔ pie é laa nzèm yé, jÿó ncù, ḿbú ńkaa shúm pʉ̀a Sondɔm pɔ́ se pʉ̀a Ngomɔɔ, tà mbɔɔ mepfwɔ̀ʼ shúm léjÿó, ńdɔg ḿbiŋ. 12Pɔ́ la gwaa piŋ púʼu, ńgwoon Lɔ̂d gẅie à laa míŋ fɛ̌ Ábalam, ńtsẅé Sondɔm, ńdɔgɔ yé lâ shúm sé ḿbiŋ.
13Atsɔ̌ nkÿò ncù gʉa shwóŋo Ábalam gẅie aa nyìŋ Ébɛ̀, mbà à la gʉa ńnéŋe tsɛ̀ɛ tsɔ́ metÿǒ mie é fáŋ, lezíŋ gwɔ́ lê shÿɛ̂n, é gwɔ́ nkáʼ Mamlé, nyìŋ Amɔɔ. Mamlé ŋwɛ́ laa fɛ̌ Eshÿekɔɔ pɔ́ Anɛɛ, pɔ́ méntá pú ńgwɔ́ nzèm Ábalam. 14Ábalam la leen ńjúʼ ngie mé gwǒon míŋ fɛ̌ we ńdɔg ńgÿo ngàŋatsǎŋ ncù, ńgʉa na menùɔ megàŋafàʼ pé pie mé la zyé ndá yé, ńcúʼte pʉ̀a pie é tʉte, tà é kuʼ ntsɔ̀b lefɔ̌ɔn nzèm nkÿo tá, ńdɔg ńcʉ́me nzèm mefùɔ, ńnɔ́ɔn wɔ́b tà ńkúu Ndaŋ. 15Ábalam gabte palÿɔ́ʼncù pé menùɔ tà ńgyɔ́ɔn lélɔg ńdÿɔ́ʼɔ wɔ́b letsẅɛ́ʼ. Pâ megàŋafàʼ pé jwoŋo wɔ́b tà ńkúu Oba á twó tÿǒsoŋo Ndamásè, ńjÿó wɔ́b. 16Ḿbú ńkaa shúm sɔ́b ntsèm, ńdɔgɔ Lɔ̂d míŋ fɛ̌ we, tà mbɔɔ sé shúm, ḿbiŋ; ńgíŋe ńdɔg panzwě tà mbɔɔ tsɔ́ megàŋatsǎŋ ncù, ḿbiŋ.
17Ábalam la lÿɔ́ʼ ncù tà ńjÿó Kendɔlawomɛ gẅie à laa fùɔ, tà mbɔɔ mefùɔ pie é laa nzèm yé, afùɔ láʼa Sondɔm gÿo ńtó ńgyá yé fúʼu Shÿavé gie mé gíŋe ńtóŋ lê fúʼu fùɔ.
18Melekísèndeg gẅie à laa fùɔ láʼa Salem, ḿbiŋ ńgwɔ́ nùŋepwɔʼ Ssé gie e piʼi kɔ̀ɔkɔ́ɔ, à lɔg mbelég pɔ́ melùʼ ńtó; 19ńgwaa néŋ mbʉ́lè na Ábalam ńne ńgɔɔn ngie: «E Ssé gie e piʼi kɔ̀ɔkɔ́ɔ, mbà à la gÿo lefaŋ pɔ́ tsetsáʼ, à néŋ mbʉ́lè na Ábalam! 20N nǎ ndǎg mbwó Ssé gie e piʼi kɔ̀ɔkɔ́ɔ, à ka gÿo ɔ̀ jÿó megàŋmbù pú!» Púʼu la, eshúm sie Ábalam ka jÿó ncù, ńdɔg ńkwɔ́ʼ, á gab nzsè legém, ńnáa tàʼ nzsè mbwó yé.
21Afùɔ láʼa Sondɔm gɔɔn né Ábalam ngie: «Ná pɔ́ pʉ̀a mesoŋ né mèŋ, ńkaa shúm ńdɔg ńgÿo shú.» 22Ábalam tsɔ́ʼɔ mbwó yé ngie: «N kweʼé pwó yɔ́ɔn ńnáa tÿǒ, ńdɔg lezíŋ Cʉ̀apʉ̀a Ssé, gẅie à la nyɛte lefaŋ pɔ́ tsetsáʼ, á yé gẅie à piʼi kɔ̀ɔkɔ́ɔ, ńkʉa ngie: 23N gwɔ́ ń de píi lagá mmó na shúm shú wɔ́, mbɔɔ sìsyè, tà mbɔɔ nkÿo melɔ̌ɔn, ngwɔ́ ń de pí. Púʼu ḿbɔ́gɔ gú léláʼa lyɛ̌ʼ, ńgɔɔn ngie: “n da gÿo Ábalam gáʼ”. 24Ngwɔ́ ń de píi lagá mmó wɔ́, n ge zẅíŋ pɔ́ ndàʼ shúm léjÿó sie pʉ̀a pɔ́ɔn ka pfɛ́, ḿbiŋ ńgÿo páʼ ɔ̀ ge ná se Anɛɛ, é ná se Eshÿekɔɔ ńgÿo se Mamlé, á wɔ́b gẅie pɔ́ ka kẅéte wɔ́ɔn lélÿɔ́ʼ ncù.»
Currently Selected:
Nzyeté 14: nnh
Highlight
Share
Copy
Want to have your highlights saved across all your devices? Sign up or sign in
© 2026, CABTAL
Nzyeté 14
14
Ábalam, mefùɔ ńgÿo Melekísèndeg
1Á gwɔ́ fʉʼó ŋwɛ́, Amelafɛɛ fùɔ Shʉneya, mbɔɔ Alÿɔg fùɔ Elasaa, mbɔɔ Kendɔlawomɛ fùɔ Elam ńgÿo Tindaa fùɔ Ngoyim, 2pɔ́ pú ńcúʼte ńgʉa lélÿɔ́ʼɔ Mbélà fùɔ Sondɔm, mbɔɔ Mbileshÿa fùɔ Ngomɔɔ, mbɔɔ Shʉneyab fùɔ Adma, mbɔɔ Shÿemevɛ fùɔ Tsemboyim ńgÿo fùɔ láʼa Mbélà; Mbélà gwɔ́ láʼ gie mé gíŋe ńtóŋ lê Tsowa. 3Pɔɔn mefùɔ ŋwɛ́ la cúʼte pɔ́b palÿɔ́ʼncù, á fúʼu Sindim gie áa máŋʉ́ ntse Ngwáŋ. 4Á laa púʼu mbà é gÿǒ ngùʼ ntsɔ̀b pʉ́a, páʼ pɔɔn mefùɔ la zẅíŋ ntÿɔ́ʼ Kendɔlawomɛ gẅie à laa fùɔ, táʼ, é gwaa gwɔ́ na ngùʼ mbɔ́ɔntè ntsɔ̀b tá, pɔ́ lʉʼ ntÿɔ́ʼ. 5Á gÿo ńgwɔ́ na ngùʼ mbɔ́ɔntè ntsɔ̀b lekùɔ, Kendɔlawomɛ gẅie aa fùɔ, pâ pʉ̀a pie ée nzèm yé, é cʉ́me mbàʼ ncù, ńjÿó pʉ̀a Lefa á Ashÿetalɔ́d-Kanayim, ńjÿó pʉ̀a Zúsè á Ham, ńjÿó pʉ̀a Emid á kwoŋo Kiliatayim. 6Ńgʉa na pʉ̀a Holi, pɔ́ jÿó wɔ́b kwaʼ láʼ pɔ́b, á tsɛ̀ɛ mekwɛ́ Seyî. Ńgwaa jÿó wɔ́b púʼu, mbà pɔ́ jwoŋó wɔ́b tà ńkúu Ɛɛ-Palaŋ gẅie aa ngʉ̀ŋe kwòŋotsẅɛ. 7Éfó jʉʼó, ḿbiŋ ńdɔg ye An-Mishepad gẅie mé gíŋe ńtóŋ lê Kandɛ́shÿè. Ńkúu wó, ńjÿó nyìŋ Amalɛg, ńjÿó pʉ̀a Amɔɔ pie é lɔ́ɔn ńtsẅé Hasasoŋ-Tamaa. 8Afùɔ láʼa Sondɔm, né fùɔ láʼa Ngomɔɔ, né fùɔ láʼa Adma, né fùɔ láʼa Tsemboyim ńgÿo fùɔ láʼa Mbélà gie mé gíŋe ńtóŋ lê Tsowa lɔg palÿɔ́ʼncù pɔ́b, ńcʉ́me fúʼu Sindim, 9pâ Kendɔlawomɛ fùɔ Elam, Tindaa fùɔ Ngoyim, Amelafɛɛ fùɔ Shʉneya ńgÿo Alÿɔg fùɔ Elasaa pú ńdÿɔ́ʼ ncù. Púʼu, mefùɔ pétʉ̂a lÿɔ́ʼ mefùɔ lekùɔ. 10Á laa fúʼu Sindim, metɔ́ɔn mie mé lɔ́ɔn ńtúʼu kuntâg tsoló gwɔ́ wó tɛʼ. Afùɔ láʼa Sondɔm pɔ́ we Ngomɔɔ pie é laa na nùɔ mefùɔ pétʉ̂a, ḿbiŋ ne ḿbyé ncù, é tóo ńkÿǒ, ńgwete tsɛ̀ɛ metɔ́ɔn. Epʉ̀a pie é la tsẅɛ́, é kÿo, ńdyeente lekwɛ́. 11Kendɔlawomɛ gẅie áa fùɔ, pâ mefùɔ pie é laa nzèm yé, jÿó ncù, ḿbú ńkaa shúm pʉ̀a Sondɔm pɔ́ se pʉ̀a Ngomɔɔ, tà mbɔɔ mepfwɔ̀ʼ shúm léjÿó, ńdɔg ḿbiŋ. 12Pɔ́ la gwaa piŋ púʼu, ńgwoon Lɔ̂d gẅie à laa míŋ fɛ̌ Ábalam, ńtsẅé Sondɔm, ńdɔgɔ yé lâ shúm sé ḿbiŋ.
13Atsɔ̌ nkÿò ncù gʉa shwóŋo Ábalam gẅie aa nyìŋ Ébɛ̀, mbà à la gʉa ńnéŋe tsɛ̀ɛ tsɔ́ metÿǒ mie é fáŋ, lezíŋ gwɔ́ lê shÿɛ̂n, é gwɔ́ nkáʼ Mamlé, nyìŋ Amɔɔ. Mamlé ŋwɛ́ laa fɛ̌ Eshÿekɔɔ pɔ́ Anɛɛ, pɔ́ méntá pú ńgwɔ́ nzèm Ábalam. 14Ábalam la leen ńjúʼ ngie mé gwǒon míŋ fɛ̌ we ńdɔg ńgÿo ngàŋatsǎŋ ncù, ńgʉa na menùɔ megàŋafàʼ pé pie mé la zyé ndá yé, ńcúʼte pʉ̀a pie é tʉte, tà é kuʼ ntsɔ̀b lefɔ̌ɔn nzèm nkÿo tá, ńdɔg ńcʉ́me nzèm mefùɔ, ńnɔ́ɔn wɔ́b tà ńkúu Ndaŋ. 15Ábalam gabte palÿɔ́ʼncù pé menùɔ tà ńgyɔ́ɔn lélɔg ńdÿɔ́ʼɔ wɔ́b letsẅɛ́ʼ. Pâ megàŋafàʼ pé jwoŋo wɔ́b tà ńkúu Oba á twó tÿǒsoŋo Ndamásè, ńjÿó wɔ́b. 16Ḿbú ńkaa shúm sɔ́b ntsèm, ńdɔgɔ Lɔ̂d míŋ fɛ̌ we, tà mbɔɔ sé shúm, ḿbiŋ; ńgíŋe ńdɔg panzwě tà mbɔɔ tsɔ́ megàŋatsǎŋ ncù, ḿbiŋ.
17Ábalam la lÿɔ́ʼ ncù tà ńjÿó Kendɔlawomɛ gẅie à laa fùɔ, tà mbɔɔ mefùɔ pie é laa nzèm yé, afùɔ láʼa Sondɔm gÿo ńtó ńgyá yé fúʼu Shÿavé gie mé gíŋe ńtóŋ lê fúʼu fùɔ.
18Melekísèndeg gẅie à laa fùɔ láʼa Salem, ḿbiŋ ńgwɔ́ nùŋepwɔʼ Ssé gie e piʼi kɔ̀ɔkɔ́ɔ, à lɔg mbelég pɔ́ melùʼ ńtó; 19ńgwaa néŋ mbʉ́lè na Ábalam ńne ńgɔɔn ngie: «E Ssé gie e piʼi kɔ̀ɔkɔ́ɔ, mbà à la gÿo lefaŋ pɔ́ tsetsáʼ, à néŋ mbʉ́lè na Ábalam! 20N nǎ ndǎg mbwó Ssé gie e piʼi kɔ̀ɔkɔ́ɔ, à ka gÿo ɔ̀ jÿó megàŋmbù pú!» Púʼu la, eshúm sie Ábalam ka jÿó ncù, ńdɔg ńkwɔ́ʼ, á gab nzsè legém, ńnáa tàʼ nzsè mbwó yé.
21Afùɔ láʼa Sondɔm gɔɔn né Ábalam ngie: «Ná pɔ́ pʉ̀a mesoŋ né mèŋ, ńkaa shúm ńdɔg ńgÿo shú.» 22Ábalam tsɔ́ʼɔ mbwó yé ngie: «N kweʼé pwó yɔ́ɔn ńnáa tÿǒ, ńdɔg lezíŋ Cʉ̀apʉ̀a Ssé, gẅie à la nyɛte lefaŋ pɔ́ tsetsáʼ, á yé gẅie à piʼi kɔ̀ɔkɔ́ɔ, ńkʉa ngie: 23N gwɔ́ ń de píi lagá mmó na shúm shú wɔ́, mbɔɔ sìsyè, tà mbɔɔ nkÿo melɔ̌ɔn, ngwɔ́ ń de pí. Púʼu ḿbɔ́gɔ gú léláʼa lyɛ̌ʼ, ńgɔɔn ngie: “n da gÿo Ábalam gáʼ”. 24Ngwɔ́ ń de píi lagá mmó wɔ́, n ge zẅíŋ pɔ́ ndàʼ shúm léjÿó sie pʉ̀a pɔ́ɔn ka pfɛ́, ḿbiŋ ńgÿo páʼ ɔ̀ ge ná se Anɛɛ, é ná se Eshÿekɔɔ ńgÿo se Mamlé, á wɔ́b gẅie pɔ́ ka kẅéte wɔ́ɔn lélÿɔ́ʼ ncù.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, CABTAL