Nzyeté 12
12
E Ssé tsẅǐ né Ábalam ngie à fó láʼ pɔ́b ńgʉa
1 Cʉ̀apʉ̀a tsẅi né Ábalam ngie: «Nyé lesaʼá sí, ńnyé mbʉ̀a tá gù, éfó láʼ pi ńgʉa né tsɛ̀ɛ ngwòŋ gẅie n ge nyɛɛ gú. 2N ge gÿo gÿo, engẅɛ̀ jù gyɔ́ɔn tà ńcʉ́ʼʉ máamáa ngwòŋ; n ge néŋ mbʉ́lè na gù, é piŋ gÿo mé zsé gú jʉʼ ntsèm. Epʉ̀a tà ńgyɔ́ɔn ge gÿo zẅɛ́ʼ mbʉ́lè gie n neŋé na gù. 3N ge gÿo néŋ mbʉ́lè na pʉ̀a pie é něŋ mbʉ́lè na gù, táʼ, ńké ńgʉa na pʉ̀a pie é ge néŋ ndòon twó gù, mbà n ge néŋ ndòon twó pɔ́b yɔ́b. N ge cʉate na gù, é néŋ mbʉ́lè na metsìŋendá ntsèm ndùmo ssé tsetsáʼ.»
4Ábalam la gẅiin ngùʼ ntsɔ̀b ntʉ̂a lé móm sɔɔnmbʉ́a, éfó Tÿǒsoŋo Alaŋ, ńgʉa páʼ Cʉ̀apʉ̀a ka tsẅi né yé. À la cʉ́ʼʉ légʉa, ńdɔgɔ Lɔ̂d ńgʉa. 5Ábalam la gwaa fó wó gʉa, pɔ́ nzwě we Salayi gwɔ́, ńgÿo Lɔ̂d míŋ mpfó fɛ̌ we. Ńgwaa gʉa púʼu, ńkaa shúm sie pɔ́ la gẅiin ntsèm, ḿbiŋ ńdɔg pʉ̀a mesoŋ pie à la júu tÿǒsoŋo Alaŋ, ńgʉa né ngwòŋ pʉ̀a Kánàhan.
Ábalam gʉ̌a Kánàhan, éfó wó, ńgee Egíbtò
Pɔ́ la gʉa tà ńkúu wó, 6Ábalam pâ pʉ̀a pé zyɛ́ʼɛ jʉʼ gie tsɔ̌ máa tÿǒ aa wó, mé tóŋ lê Shÿɛ̂n, á Mole, á tsɛ̀ɛ pàga láʼ Sishÿɛ̂m. Ábalam la gwaa kúu Kánàhan, epʉ̀a Kánàhan ke ńtsẅé pɔ́ wó. 7Cʉ̀apʉ̀a kẅɛɛ mvfò Ábalam, ńgɔɔn né yé ngie: «N ge gÿo ná wɔɔn ngwòŋ mbwó ngẅɛ̀ jù.» Ńgɔɔn púʼu, Ábalam pwóon jʉʼʉ lenuŋé pwɔʼ, á jʉʼ gie Cʉ̀apʉ̀a kẅɛ̌ɛ mvfò yé wó. 8Éfó jʉʼó, ńcʉa tsɛ̀ɛ mekwɛ́ shÿó sǎʼnèm na pàga láʼ Mbetɛɛ; ńkúu tsɔ́ jʉʼ gie áa tsetsɛ̀ɛ Mbetɛɛ, á shÿó mbyěnèm, Ayî#12:8 Mbetɛɛ (Ndá Ssé) mbɔɔ Ayî (keme nda) pú ńgwɔ́ shÿó twó Yelúzálèm légʉa tá ńkúu wó, gwɔ́ légiŋ mekílò ntsɔ̀b tʉ̂a. gwɔ́ shÿó sǎʼnèm, ńkwɛ́ ntàb wɔ́b wó. Ńkwɛ́ɛ jʉʼʉ lenuŋé pwɔʼ, ésẅíŋte Ssé, ńtóŋo yé lê «Cʉ̀apʉ̀a.» 9Ábalam lɔ̌ɔn ńgiŋe tà ńkʉ́a, ńkwɛ́ɛ mentàb ńtsẅé tsoló, ńké ńdáʼa ńgÿo pɔ́ púʼu tà ńkúu kwòŋotsẅɛ Nengɛb.
10Atsɔ́ cÿó gwe tsɛ̀ɛ ngwòŋ ŋwɛ́, ńdáʼ ńgwɔ́ gwɔ́ tà Ábalam fó wó ńkÿo ńgee ngwòŋ Egíbtò, ńnáʼa ńnéŋe wó. Ńtí nue á la gwaa gwɔ́ mbà cÿó gaʼá tsɛ̀ɛ ngwòŋ ŋwɛ́. 11Ńgʉa tà ne ńkúu Egíbtò, ńgɔɔn né nzwě we Salayi ngie: «Cʉ́ʼo, e shwóŋo gú, n ne ńzsé ngie ɔ̀ sǐ. 12Epʉ̀a ngwòŋ Egíbtò ge gyá gú, é gɔɔn ngie: Anzwě we wɛ̂! É leen ké zẅé wɔ́ɔn, é nyé gú. 13Púʼu la, tsetsɔ́ʼ, gɔɔn né pɔ́b pɔ́ ngie ɔɔ ncʉ̀ʼnzèm wɔ̀ɔn, ńzsé ngie pɔ́ ge gwaa gẅiin wɔ́ɔn mboŋó, é tíi gú; m biŋ ńzẅɛ́ʼɛ gú, ńtsẅɛ́.» 14Ábalam la gʉa tà ńkúu ngwòŋ Egíbtò, é pʉ̀a Egíbtò gyá nzwě we sí tɛʼ. 15Meŋwǎláʼ Falahoŋ gyá yé yɔ́b, ńgʉa, ńgɔʼte yé mvfò Falahoŋ. Á cʉa púʼu, mé lɔgɔ nzwě Ábalam, ńgʉa né nɔʼɔ Falahoŋ. 16Falahoŋ la gẅiin Ábalam kwaʼ mboŋó, ńtí nzwě we Salayi. À la ná menjʉ̀njÿò, ńná mvfó, ńná mefòŋ, ńná menzikáasè, é melúm pâ mezwě, mbɔɔ mekamɛɛ, ḿbiŋ ńgÿo megàŋafàʼ pembàŋa mbɔɔ pepanzwě. 17Táʼ, á cʉa na páʼ Falahoŋ ka jÿó Salayi, nzwě Ábalam, Cʉ̀apʉ̀a tém ngʉ̀ngʉ̀ twó yé, tà mbɔɔ na tsìŋendá yé.
18Á gwɔ́ gwɔ̌ tà, Falahoŋ tóŋo Ábalam, ńzɛ́te yé ngie: «Ɔ̀ gáa, éfʉʼ yɔɔn ntí nò na mèŋ? Ńtí kɔ́, ɔ̀ ka te shwóŋo wɔ́ɔn ngie Salayi aa nzwě gù wɔ́ɔ? 19Mélàʼakɔ́ ɔ̀ ka gɔɔn ngie aa ncʉ̀ʼnzèm gù, tà mèŋ n dɔgɔ yé ńgÿo nzwě wɔ̀ɔn? Afʉ̀ʼɔɔn la, anzwě gù wɛ̂, lɔgɔ yé fó lejʉ́ŋ mèŋ ńtsíŋte nnɛ́.» 20Falahoŋ leen ńgɔɔn púʼu, ńtsẅii mbwó megàŋafàʼ pé ngie pɔ́ jwoŋo yé tà ńgʉa ndège láʼ ńtsege wɔ́b nzwě we, tà mbɔɔ ne kɔ̀ɔkɔ́ɔ gie á pú ńgwɔ́ yé.
Currently Selected:
Nzyeté 12: nnh
Highlight
Share
Copy
Want to have your highlights saved across all your devices? Sign up or sign in
© 2026, CABTAL
Nzyeté 12
12
E Ssé tsẅǐ né Ábalam ngie à fó láʼ pɔ́b ńgʉa
1 Cʉ̀apʉ̀a tsẅi né Ábalam ngie: «Nyé lesaʼá sí, ńnyé mbʉ̀a tá gù, éfó láʼ pi ńgʉa né tsɛ̀ɛ ngwòŋ gẅie n ge nyɛɛ gú. 2N ge gÿo gÿo, engẅɛ̀ jù gyɔ́ɔn tà ńcʉ́ʼʉ máamáa ngwòŋ; n ge néŋ mbʉ́lè na gù, é piŋ gÿo mé zsé gú jʉʼ ntsèm. Epʉ̀a tà ńgyɔ́ɔn ge gÿo zẅɛ́ʼ mbʉ́lè gie n neŋé na gù. 3N ge gÿo néŋ mbʉ́lè na pʉ̀a pie é něŋ mbʉ́lè na gù, táʼ, ńké ńgʉa na pʉ̀a pie é ge néŋ ndòon twó gù, mbà n ge néŋ ndòon twó pɔ́b yɔ́b. N ge cʉate na gù, é néŋ mbʉ́lè na metsìŋendá ntsèm ndùmo ssé tsetsáʼ.»
4Ábalam la gẅiin ngùʼ ntsɔ̀b ntʉ̂a lé móm sɔɔnmbʉ́a, éfó Tÿǒsoŋo Alaŋ, ńgʉa páʼ Cʉ̀apʉ̀a ka tsẅi né yé. À la cʉ́ʼʉ légʉa, ńdɔgɔ Lɔ̂d ńgʉa. 5Ábalam la gwaa fó wó gʉa, pɔ́ nzwě we Salayi gwɔ́, ńgÿo Lɔ̂d míŋ mpfó fɛ̌ we. Ńgwaa gʉa púʼu, ńkaa shúm sie pɔ́ la gẅiin ntsèm, ḿbiŋ ńdɔg pʉ̀a mesoŋ pie à la júu tÿǒsoŋo Alaŋ, ńgʉa né ngwòŋ pʉ̀a Kánàhan.
Ábalam gʉ̌a Kánàhan, éfó wó, ńgee Egíbtò
Pɔ́ la gʉa tà ńkúu wó, 6Ábalam pâ pʉ̀a pé zyɛ́ʼɛ jʉʼ gie tsɔ̌ máa tÿǒ aa wó, mé tóŋ lê Shÿɛ̂n, á Mole, á tsɛ̀ɛ pàga láʼ Sishÿɛ̂m. Ábalam la gwaa kúu Kánàhan, epʉ̀a Kánàhan ke ńtsẅé pɔ́ wó. 7Cʉ̀apʉ̀a kẅɛɛ mvfò Ábalam, ńgɔɔn né yé ngie: «N ge gÿo ná wɔɔn ngwòŋ mbwó ngẅɛ̀ jù.» Ńgɔɔn púʼu, Ábalam pwóon jʉʼʉ lenuŋé pwɔʼ, á jʉʼ gie Cʉ̀apʉ̀a kẅɛ̌ɛ mvfò yé wó. 8Éfó jʉʼó, ńcʉa tsɛ̀ɛ mekwɛ́ shÿó sǎʼnèm na pàga láʼ Mbetɛɛ; ńkúu tsɔ́ jʉʼ gie áa tsetsɛ̀ɛ Mbetɛɛ, á shÿó mbyěnèm, Ayî#12:8 Mbetɛɛ (Ndá Ssé) mbɔɔ Ayî (keme nda) pú ńgwɔ́ shÿó twó Yelúzálèm légʉa tá ńkúu wó, gwɔ́ légiŋ mekílò ntsɔ̀b tʉ̂a. gwɔ́ shÿó sǎʼnèm, ńkwɛ́ ntàb wɔ́b wó. Ńkwɛ́ɛ jʉʼʉ lenuŋé pwɔʼ, ésẅíŋte Ssé, ńtóŋo yé lê «Cʉ̀apʉ̀a.» 9Ábalam lɔ̌ɔn ńgiŋe tà ńkʉ́a, ńkwɛ́ɛ mentàb ńtsẅé tsoló, ńké ńdáʼa ńgÿo pɔ́ púʼu tà ńkúu kwòŋotsẅɛ Nengɛb.
10Atsɔ́ cÿó gwe tsɛ̀ɛ ngwòŋ ŋwɛ́, ńdáʼ ńgwɔ́ gwɔ́ tà Ábalam fó wó ńkÿo ńgee ngwòŋ Egíbtò, ńnáʼa ńnéŋe wó. Ńtí nue á la gwaa gwɔ́ mbà cÿó gaʼá tsɛ̀ɛ ngwòŋ ŋwɛ́. 11Ńgʉa tà ne ńkúu Egíbtò, ńgɔɔn né nzwě we Salayi ngie: «Cʉ́ʼo, e shwóŋo gú, n ne ńzsé ngie ɔ̀ sǐ. 12Epʉ̀a ngwòŋ Egíbtò ge gyá gú, é gɔɔn ngie: Anzwě we wɛ̂! É leen ké zẅé wɔ́ɔn, é nyé gú. 13Púʼu la, tsetsɔ́ʼ, gɔɔn né pɔ́b pɔ́ ngie ɔɔ ncʉ̀ʼnzèm wɔ̀ɔn, ńzsé ngie pɔ́ ge gwaa gẅiin wɔ́ɔn mboŋó, é tíi gú; m biŋ ńzẅɛ́ʼɛ gú, ńtsẅɛ́.» 14Ábalam la gʉa tà ńkúu ngwòŋ Egíbtò, é pʉ̀a Egíbtò gyá nzwě we sí tɛʼ. 15Meŋwǎláʼ Falahoŋ gyá yé yɔ́b, ńgʉa, ńgɔʼte yé mvfò Falahoŋ. Á cʉa púʼu, mé lɔgɔ nzwě Ábalam, ńgʉa né nɔʼɔ Falahoŋ. 16Falahoŋ la gẅiin Ábalam kwaʼ mboŋó, ńtí nzwě we Salayi. À la ná menjʉ̀njÿò, ńná mvfó, ńná mefòŋ, ńná menzikáasè, é melúm pâ mezwě, mbɔɔ mekamɛɛ, ḿbiŋ ńgÿo megàŋafàʼ pembàŋa mbɔɔ pepanzwě. 17Táʼ, á cʉa na páʼ Falahoŋ ka jÿó Salayi, nzwě Ábalam, Cʉ̀apʉ̀a tém ngʉ̀ngʉ̀ twó yé, tà mbɔɔ na tsìŋendá yé.
18Á gwɔ́ gwɔ̌ tà, Falahoŋ tóŋo Ábalam, ńzɛ́te yé ngie: «Ɔ̀ gáa, éfʉʼ yɔɔn ntí nò na mèŋ? Ńtí kɔ́, ɔ̀ ka te shwóŋo wɔ́ɔn ngie Salayi aa nzwě gù wɔ́ɔ? 19Mélàʼakɔ́ ɔ̀ ka gɔɔn ngie aa ncʉ̀ʼnzèm gù, tà mèŋ n dɔgɔ yé ńgÿo nzwě wɔ̀ɔn? Afʉ̀ʼɔɔn la, anzwě gù wɛ̂, lɔgɔ yé fó lejʉ́ŋ mèŋ ńtsíŋte nnɛ́.» 20Falahoŋ leen ńgɔɔn púʼu, ńtsẅii mbwó megàŋafàʼ pé ngie pɔ́ jwoŋo yé tà ńgʉa ndège láʼ ńtsege wɔ́b nzwě we, tà mbɔɔ ne kɔ̀ɔkɔ́ɔ gie á pú ńgwɔ́ yé.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, CABTAL