Nzyeté 11
11
Shʉ̀shʉ̀a ndá ndêg á tÿǒsoŋ Mbabɛɛ
1Á laa fʉʼó ŋwɛ́, epʉ̀a metsèm ndùmo ssé tsetsáʼ, é shwóŋe pɔ́ tàʼ ntí, ḿbiŋ ńgẅiin tàʼa shwóŋè. 2Pɔ́ la fó shÿó sǎʼnèm ńgʉa ńtsẅé tsɛ̀ɛ tsɔ́ fúʼ, á láʼa Shʉneya. 3Pɔ́ kwaŋte tsetsɛ̀ɛ pɔ́b ngie: «Pege záʼa tsǎʼ, ńtuɔ!» Pɔ́ lɔ́ɔn ńge lɔg membʉ̀ tsǎʼ gÿo, é gÿo metǒon lɔg ńkwɛ́ ndá, é piŋ lɔgɔ kuntâg, é gÿo pòlopólo. 4Ḿbiŋ ńgíŋe ńgɔɔn ngie: «Pege kwɛ́ɛ tàʼa tÿǒsoŋ, ńgʉa tsoló ḿbwóon tàʼ shʉ̀shʉ̀a ndá ndêg gie ntsɔ̀ʼ ye ge kíbe lefaŋ. À cʉa púʼu, mé zsé wégè, pege néŋe tàʼa jʉʼ, tà pege le gíŋe ńnéŋe pɔ́ mejʉʼ mejʉʼ ndùmo ssé tsetsáʼ wɔ́.»
5 Cʉ̀apʉ̀a fó tÿǒ lepwó sẅɛ́ʼ, légyá tÿǒsoŋ pɔ́ shʉ̀shʉ̀a ndá ndêg gie pʉ̀a mesoŋ la ne ńkwɛ́ɛ. 6Ńgyá púʼu, ńgɔɔn ngie: «Anò yɔɔn! Pɔ́ pɛ̂ ńgwɔ́ tàʼa láʼ gie á shwóŋè pɔ́ tàʼ ntí, ḿbiŋ ńgẅiin tàʼa shwóŋè. Á lɔɔn ńgwɔ́ gie pɔ́ zyeté pɛ́ʼɛ̀, mbà tsɔ́ mmó té wó gie ngwɔ́, á gÿo ńtáte wɔ́b légÿo mmó gie pɔ́ ka kwaŋ wɔ́. 7Pege sẅɛ́ʼɛ ndùmo ssé tsetsáʼ, ńnéŋe fàgte na shwóŋè yɔ́b, tà nyìŋ le gíŋe ńjúʼu shwóŋè wetsɔ̌ wɔ́.» 8Cʉ̀apʉ̀a fó jʉʼó ńtága wɔ́b, ńnáa wɔ́b meshÿó meshÿó ndùmo ssé tsetsáʼ, tà pɔ́ pú ńgwáʼa fàʼa lékwɛ́ɛ tÿǒsoŋ. 9Yɔɔn áa mmó gie á la gÿo, mé tóŋo yɛ̌ tÿǒsoŋ lê Mbabɛɛ; ńtí nue Cʉ̀apʉ̀a la néŋe fàgte na shwóŋè pʉ̀a mesoŋ, à la gíŋe fó pɔ́ jʉʼó ńtága wɔ́b, ńnáa meshÿó meshÿó ndùmo ssé tsetsáʼ.
Mezíŋ pamángʉanjʉʼ léfó na Sem ńgʉa ńkúu na Ábalam
10Mɔɔn ée mezíŋ pʉ̀a na ngẅɛ̀ Sɛm. Sɛm la gẅiin ngùʼ nkÿo, ńzyé múɔ mbàŋa, ńtsẅi lezíŋ sé lê Alepashÿad. Á la gwaa gwɔ́ mbà é gwɔ̌ ngùʼ pʉ́a, páʼ mentse mie é la kwɔ́ʼ ḿbú ńjÿó jʉʼ la mag. 11Sem la zyé Alepashÿad, ńgíŋe ńtsẅé ndùm njÿó ngùʼ nkÿo tʉ̂a. Ńgwaa tsẅé púʼu, ńgíŋe ńzyé tsɔ́ púɔ mbàŋa mbɔɔ púɔ panzwě.
12Alepashÿad la gẅiin ngùʼ ntsɔ̀b tʉ̂a lé móm tá, ńzyé múɔ mbàŋa, ńtsẅi lezíŋ sé lê Shÿélà. 13À la zyé Shÿélà púʼu, ńgíŋe ńtsẅé ndùm njÿó ngùʼ tá nzèm nkÿo lekùɔ. Ńgwaa tsẅé púʼu, ńgíŋe ńzyé tsɔ́ púɔ mbàŋa mbɔɔ púɔ panzwě.
14Shÿélà la gẅiin ngùʼ móm tá, ńzyé múɔ mbàŋa, ńtsẅi lezíŋ sé lê Ébɛ̀. 15À la zyé Ébɛ̀, ńgíŋe ńtsẅé ndùm njÿó ngùʼ tá nzèm nkÿo lekùɔ. Ńgwaa tsẅé púʼu, ńgíŋe ńzyé tsɔ́ púɔ mbàŋa mbɔɔ púɔ panzwě.
16Ébɛ̀ la gẅiin ngùʼ ntsɔ̀b lekùɔ lé móm tá, ńzyé múɔ mbàŋa, ńtsẅi lezíŋ sé lê Pelɛg. 17À la zyé Pelɛg, ńgíŋe ńtsẅé ndùm njÿó ngùʼ móm tá nzèm nkÿo lekùɔ. Ńgwaa tsẅé púʼu, ńgíŋe ńzyé tsɔ́ púɔ mbàŋa mbɔɔ púɔ panzwě.
18Pelɛg la gẅiin ngùʼ móm tá, ńzyé múɔ mbàŋa, ńtsẅi lezíŋ sé lê Leu. 19À la zyé Leu, ńgíŋe ńtsẅé ndùm njÿó ngùʼ lepfwɔʼɔ́ nzèm nkÿo pʉ́a. Ńgwaa tsẅé púʼu, ńgíŋe ńzyé tsɔ́ púɔ mbàŋa mbɔɔ púɔ panzwě.
20Leu la gẅiin ngùʼ ntsɔ̀b pʉ́a lé móm tá, ńzyé múɔ mbàŋa, ńtsẅi lezíŋ sé lê Selug. 21À la zyé Selug, ńgíŋe ńtsẅé ndùm njÿó ngùʼ sɔɔnmbʉ́a nzèm nkÿo pʉ́a. Ńgwaa tsẅé púʼu, ńgíŋe ńzyé tsɔ́ púɔ mbàŋa mbɔɔ púɔ panzwě. 22Selug la gẅiin ngùʼ móm tá, ńzyé múɔ mbàŋa, ńtsẅi lezíŋ sé lê Nahɔɔ. 23À la zyé Nahɔɔ, ńgíŋe ńtsẅé ndùm njÿó ngùʼ nkÿo pʉ́a. Ńgwaa tsẅé púʼu, ńgíŋe ńzyé tsɔ́ púɔ mbàŋa mbɔɔ púɔ panzwě.
24Nahɔɔ la gẅiin ngùʼ ntsɔ̀b lepfwɔʼɔ́ lé móm mbʉ́a, ńzyé múɔ mbàŋa, ńtsẅi lezíŋ sé lê Télà. 25À la zyé Télà, ńgíŋe ńtsẅé ndùm njÿó ngùʼ ntsɔ̀b lepfwɔʼɔ́ né legém nzèm nkÿo. Ńgwaa tsẅé púʼu, ńgíŋe ńzyé tsɔ́ púɔ mbàŋa mbɔɔ púɔ panzwě. 26Télà la gwɔ́ tà ńgẅiin ngùʼ móm sɔɔnmbʉ́a, ńzyé púɔ mbàŋa méntá: wɔɔn laa Ábalam, wɔɔn gwɔ́ Nahɔɔ ńgÿo Alaŋ.
27Mɔɔn ée mezíŋ pʉ̀a na ngẅɛ̀ Télà, tá pa Ábalam, pɔ́ Nahɔɔ né Alaŋ. Alaŋ la zyé tàʼ múɔ mbàŋa, ńtsẅi lezíŋ sé lê Lɔ̂d. 28Alaŋ la gwaa kwé, á jʉʼ gie mé zyé yé wó, á Ûu tsɛ̀ɛ láʼa Shÿâandê, tá we Télà nyé ńgwɔ́ pɔ́ wó. 29Ábalam la zɔ́ʼɔ Salayi, Nahɔɔ zɔ́ʼɔ Mileka, míŋ Alaŋ. Alaŋ la gíŋe ńgwɔ́ tá pa Iseka. 30Salayi la te múɔ gẅiin, ńtí nue à laa nkǐŋ.
31Télà la cʉ́ʼʉ léfó Ûu, á tsɛ̀ɛ láʼa Shÿâandê gee láʼa Kánàhan, ńdɔgɔ Ábalam pɔ́ míŋ míŋ we Lɔ̂d gẅie kwaʼ tá we aa Alaŋ ńgʉa. À la gíŋe ńdɔgɔ Salayi gẅie à la nzwě míŋ we Ábalam ńgʉa. Pɔ́ la giŋ tà ńkúu tÿǒsoŋ Alaŋ ńnéŋe wó. 32Télà tǎa ńkwé pɔ́ wó, ńgwaa gwɔ́, mbà à gẅǐin ngùʼ tʉ̂a nzèm nkÿo pʉ́a.
Currently Selected:
Nzyeté 11: nnh
Highlight
Share
Copy
Want to have your highlights saved across all your devices? Sign up or sign in
© 2026, CABTAL
Nzyeté 11
11
Shʉ̀shʉ̀a ndá ndêg á tÿǒsoŋ Mbabɛɛ
1Á laa fʉʼó ŋwɛ́, epʉ̀a metsèm ndùmo ssé tsetsáʼ, é shwóŋe pɔ́ tàʼ ntí, ḿbiŋ ńgẅiin tàʼa shwóŋè. 2Pɔ́ la fó shÿó sǎʼnèm ńgʉa ńtsẅé tsɛ̀ɛ tsɔ́ fúʼ, á láʼa Shʉneya. 3Pɔ́ kwaŋte tsetsɛ̀ɛ pɔ́b ngie: «Pege záʼa tsǎʼ, ńtuɔ!» Pɔ́ lɔ́ɔn ńge lɔg membʉ̀ tsǎʼ gÿo, é gÿo metǒon lɔg ńkwɛ́ ndá, é piŋ lɔgɔ kuntâg, é gÿo pòlopólo. 4Ḿbiŋ ńgíŋe ńgɔɔn ngie: «Pege kwɛ́ɛ tàʼa tÿǒsoŋ, ńgʉa tsoló ḿbwóon tàʼ shʉ̀shʉ̀a ndá ndêg gie ntsɔ̀ʼ ye ge kíbe lefaŋ. À cʉa púʼu, mé zsé wégè, pege néŋe tàʼa jʉʼ, tà pege le gíŋe ńnéŋe pɔ́ mejʉʼ mejʉʼ ndùmo ssé tsetsáʼ wɔ́.»
5 Cʉ̀apʉ̀a fó tÿǒ lepwó sẅɛ́ʼ, légyá tÿǒsoŋ pɔ́ shʉ̀shʉ̀a ndá ndêg gie pʉ̀a mesoŋ la ne ńkwɛ́ɛ. 6Ńgyá púʼu, ńgɔɔn ngie: «Anò yɔɔn! Pɔ́ pɛ̂ ńgwɔ́ tàʼa láʼ gie á shwóŋè pɔ́ tàʼ ntí, ḿbiŋ ńgẅiin tàʼa shwóŋè. Á lɔɔn ńgwɔ́ gie pɔ́ zyeté pɛ́ʼɛ̀, mbà tsɔ́ mmó té wó gie ngwɔ́, á gÿo ńtáte wɔ́b légÿo mmó gie pɔ́ ka kwaŋ wɔ́. 7Pege sẅɛ́ʼɛ ndùmo ssé tsetsáʼ, ńnéŋe fàgte na shwóŋè yɔ́b, tà nyìŋ le gíŋe ńjúʼu shwóŋè wetsɔ̌ wɔ́.» 8Cʉ̀apʉ̀a fó jʉʼó ńtága wɔ́b, ńnáa wɔ́b meshÿó meshÿó ndùmo ssé tsetsáʼ, tà pɔ́ pú ńgwáʼa fàʼa lékwɛ́ɛ tÿǒsoŋ. 9Yɔɔn áa mmó gie á la gÿo, mé tóŋo yɛ̌ tÿǒsoŋ lê Mbabɛɛ; ńtí nue Cʉ̀apʉ̀a la néŋe fàgte na shwóŋè pʉ̀a mesoŋ, à la gíŋe fó pɔ́ jʉʼó ńtága wɔ́b, ńnáa meshÿó meshÿó ndùmo ssé tsetsáʼ.
Mezíŋ pamángʉanjʉʼ léfó na Sem ńgʉa ńkúu na Ábalam
10Mɔɔn ée mezíŋ pʉ̀a na ngẅɛ̀ Sɛm. Sɛm la gẅiin ngùʼ nkÿo, ńzyé múɔ mbàŋa, ńtsẅi lezíŋ sé lê Alepashÿad. Á la gwaa gwɔ́ mbà é gwɔ̌ ngùʼ pʉ́a, páʼ mentse mie é la kwɔ́ʼ ḿbú ńjÿó jʉʼ la mag. 11Sem la zyé Alepashÿad, ńgíŋe ńtsẅé ndùm njÿó ngùʼ nkÿo tʉ̂a. Ńgwaa tsẅé púʼu, ńgíŋe ńzyé tsɔ́ púɔ mbàŋa mbɔɔ púɔ panzwě.
12Alepashÿad la gẅiin ngùʼ ntsɔ̀b tʉ̂a lé móm tá, ńzyé múɔ mbàŋa, ńtsẅi lezíŋ sé lê Shÿélà. 13À la zyé Shÿélà púʼu, ńgíŋe ńtsẅé ndùm njÿó ngùʼ tá nzèm nkÿo lekùɔ. Ńgwaa tsẅé púʼu, ńgíŋe ńzyé tsɔ́ púɔ mbàŋa mbɔɔ púɔ panzwě.
14Shÿélà la gẅiin ngùʼ móm tá, ńzyé múɔ mbàŋa, ńtsẅi lezíŋ sé lê Ébɛ̀. 15À la zyé Ébɛ̀, ńgíŋe ńtsẅé ndùm njÿó ngùʼ tá nzèm nkÿo lekùɔ. Ńgwaa tsẅé púʼu, ńgíŋe ńzyé tsɔ́ púɔ mbàŋa mbɔɔ púɔ panzwě.
16Ébɛ̀ la gẅiin ngùʼ ntsɔ̀b lekùɔ lé móm tá, ńzyé múɔ mbàŋa, ńtsẅi lezíŋ sé lê Pelɛg. 17À la zyé Pelɛg, ńgíŋe ńtsẅé ndùm njÿó ngùʼ móm tá nzèm nkÿo lekùɔ. Ńgwaa tsẅé púʼu, ńgíŋe ńzyé tsɔ́ púɔ mbàŋa mbɔɔ púɔ panzwě.
18Pelɛg la gẅiin ngùʼ móm tá, ńzyé múɔ mbàŋa, ńtsẅi lezíŋ sé lê Leu. 19À la zyé Leu, ńgíŋe ńtsẅé ndùm njÿó ngùʼ lepfwɔʼɔ́ nzèm nkÿo pʉ́a. Ńgwaa tsẅé púʼu, ńgíŋe ńzyé tsɔ́ púɔ mbàŋa mbɔɔ púɔ panzwě.
20Leu la gẅiin ngùʼ ntsɔ̀b pʉ́a lé móm tá, ńzyé múɔ mbàŋa, ńtsẅi lezíŋ sé lê Selug. 21À la zyé Selug, ńgíŋe ńtsẅé ndùm njÿó ngùʼ sɔɔnmbʉ́a nzèm nkÿo pʉ́a. Ńgwaa tsẅé púʼu, ńgíŋe ńzyé tsɔ́ púɔ mbàŋa mbɔɔ púɔ panzwě. 22Selug la gẅiin ngùʼ móm tá, ńzyé múɔ mbàŋa, ńtsẅi lezíŋ sé lê Nahɔɔ. 23À la zyé Nahɔɔ, ńgíŋe ńtsẅé ndùm njÿó ngùʼ nkÿo pʉ́a. Ńgwaa tsẅé púʼu, ńgíŋe ńzyé tsɔ́ púɔ mbàŋa mbɔɔ púɔ panzwě.
24Nahɔɔ la gẅiin ngùʼ ntsɔ̀b lepfwɔʼɔ́ lé móm mbʉ́a, ńzyé múɔ mbàŋa, ńtsẅi lezíŋ sé lê Télà. 25À la zyé Télà, ńgíŋe ńtsẅé ndùm njÿó ngùʼ ntsɔ̀b lepfwɔʼɔ́ né legém nzèm nkÿo. Ńgwaa tsẅé púʼu, ńgíŋe ńzyé tsɔ́ púɔ mbàŋa mbɔɔ púɔ panzwě. 26Télà la gwɔ́ tà ńgẅiin ngùʼ móm sɔɔnmbʉ́a, ńzyé púɔ mbàŋa méntá: wɔɔn laa Ábalam, wɔɔn gwɔ́ Nahɔɔ ńgÿo Alaŋ.
27Mɔɔn ée mezíŋ pʉ̀a na ngẅɛ̀ Télà, tá pa Ábalam, pɔ́ Nahɔɔ né Alaŋ. Alaŋ la zyé tàʼ múɔ mbàŋa, ńtsẅi lezíŋ sé lê Lɔ̂d. 28Alaŋ la gwaa kwé, á jʉʼ gie mé zyé yé wó, á Ûu tsɛ̀ɛ láʼa Shÿâandê, tá we Télà nyé ńgwɔ́ pɔ́ wó. 29Ábalam la zɔ́ʼɔ Salayi, Nahɔɔ zɔ́ʼɔ Mileka, míŋ Alaŋ. Alaŋ la gíŋe ńgwɔ́ tá pa Iseka. 30Salayi la te múɔ gẅiin, ńtí nue à laa nkǐŋ.
31Télà la cʉ́ʼʉ léfó Ûu, á tsɛ̀ɛ láʼa Shÿâandê gee láʼa Kánàhan, ńdɔgɔ Ábalam pɔ́ míŋ míŋ we Lɔ̂d gẅie kwaʼ tá we aa Alaŋ ńgʉa. À la gíŋe ńdɔgɔ Salayi gẅie à la nzwě míŋ we Ábalam ńgʉa. Pɔ́ la giŋ tà ńkúu tÿǒsoŋ Alaŋ ńnéŋe wó. 32Télà tǎa ńkwé pɔ́ wó, ńgwaa gwɔ́, mbà à gẅǐin ngùʼ tʉ̂a nzèm nkÿo pʉ́a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, CABTAL