Nzyeté 10
10
Epʉ̀a ndùmo ssé tsetsáʼ
1Entse la kwɔ́ʼ ńjÿó ndùmo ssé tsetsáʼ tà ńgÿo ḿmag, Sɛm, Shÿâm ńgÿo Yafɛd pie é laa penkʉ́ Nowa, é zyéte yɔ́b penkʉ́; mengẅɛ̀ mɔ́b, emɔɔn: 2Wɔɔn laa Ngomɛɛ, wɔɔn gwɔ́ Mangɔg, wɔɔn gwɔ́ Mandayi, wɔɔn gwɔ́ Yavaŋ, wɔɔn gwɔ́ Tumbâa, wɔɔn gwɔ́ Meshÿɛg ńgÿo Tilase. Pɔ́ metsèm lɔgɔ ḿbú ńgwɔ́ gubé Yafɛd. 3Ashÿekenásè, Lifad ńgÿo Togama, é gwɔ́ gubé Ngomɛɛ. 4Elishÿa, Taasísè, Kitim ńgÿo Ndondanim é gwɔ́ gubé Yavaŋ#10:4 Taasísè gÿo cʉ́ʼ lezíŋ tàʼ tÿǒsoŋ gie aa ngʉ̀ŋe ntse Mendítèlane á shÿó Ɛsepányà; Kitim gǐŋ ńgwɔ́ lezíŋ tsɔ́ jʉʼʉ tsetsáʼ gie ntse pú ńtÿɔ́ʼɔ yé, lezíŋ gwɔ́ le Shʉ́ʉpèle; Ndondanim gǐŋ ńgwɔ́ yé tsɔ́ jʉʼʉ tsetsáʼ gie ntse pú ńtÿɔ́ʼɔ yé, lezíŋ gwɔ́ le Londɛ́sè, á gwɔ́ tsɛ̀ɛ ngwòŋ Ngelékiya (etsɔ́ meŋwàʼne ŋweʼe Londɛ́sè le Londanim.) 5Ngẅɛ̀te yɔb zɔ la fagte ńjÿó mengʉ̀ŋe mentse tsɛ̀ɛ mɔ́b meláʼ; ńcʉ́ʼʉ léfagte, ńdɔg mengẅɛ̀ ndá lâ meshwóŋè láʼ tá fagte, yɛ̌ nùɔ wɔ́ɔ, gẅiin we ngwòŋ.
6Kushʉ̀, Miselayim, Pud ńgÿo Kánàhan, é gwɔ́ gubé Shÿâm. 7Semba, Avila, Sabta, Lagma ńgÿo Sabteka, é gwɔ́ gubé Kushʉ̀. Egubé Lagma míŋ Kushʉ̀ gwɔ́ Samba pɔ́ Ndendaŋ. 8Atsɔ̌ míŋ Kushʉ̀ la gíŋe ńgwɔ́ Nemlɔd gẅie à la táa ńgwɔ́ ndùŋmvfò ntʉ̀ nyìŋ ndùmo ssé tsetsáʼ. 9Nemlɔd ŋwɛ́ laa máa njwòŋopwóon mvfò Cʉ̀apʉ̀a; áa mmó gie á gÿo, etsɔ́ pʉ̀a gɔɔn né tsɔ̌ njwòŋopwóon mbòŋo ngie: «Cʉ̀apʉ̀a gÿo ɔ̀ gwɔ́ máa njwòŋopwóon mvfò Cʉ̀apʉ̀a páʼ Nemlɔd la gwɔ́ yé.» 10Mbambilonia, Elɛg, Akad ńgÿo Kalené ée metÿǒsoŋ mie ée tsɛ̀ɛ ngwòŋ Shʉneya mbà Nemlɔd la lɔg ńgÿo sẅɛ̂ɛláʼ gẅie à ge néŋe wó ésáʼa láʼ. 11Nemlɔd la fó ngwòŋ Shʉneya, ńgʉa né ngwòŋ Asili, ńkwɛ́ɛ tÿǒsoŋo Ninive, ńkwɛ́ɛ ye Leombɔd-Îi, ńkwɛ́ɛ ye Kéla, 12ńgíŋe ńkwɛ́ɛ ye Lesen gie aa máa tÿǒsoŋ ńgwɔ́ tsetsɛ̀ɛ Ninive pɔ́ Kéla.
13Miselayim laa mángʉanjʉʼ pʉ̀a Lud, ńgwɔ́ we pʉ̀a Anam, ńgwɔ́ we pʉ̀a Lehab, ńgwɔ́ we pʉ̀a Nabtu, 14ńgwɔ́ we pʉ̀a Patolɔ́sè, ńgwɔ́ we pʉ̀a Kaselu gẅie pʉ̀a Filisi la fó na ngẅɛ̀ yɔb, ńdeen ńké ńgÿo pʉ̀a Kafetɔɔ. 15Kánàhan laa tá pa Sindoŋ pɔ́ Hɛ́d, Sindoŋ gwɔ́ múɔ letwó we. 16Kánàhan gwɔ́ púʼu ńgwɔ́ mángʉanjʉʼ pʉ̀a Yembúsè, ńgwɔ́ we pʉ̀a Amɔɔ, ńgwɔ́ we pʉ̀a Ngilengaa, 17ńgwɔ́ we pʉ̀a Hevid, ńgwɔ́ we pʉ̀a Aaki, ńgwɔ́ we pʉ̀a Sini, 18ńgwɔ́ we pʉ̀a Alevad, ńgwɔ́ we pʉ̀a Tsemaa, ńgwɔ́ we pʉ̀a Hamad. Atsɔ́ fʉ̀ʼ tǎa ńgwɔ́, ngẅɛ̀ ndá pʉ̀a Kánàhan fagte. 19Éfagte púʼu, ńjÿó láʼ, tà láʼa yɔ́b fó na shÿó Sindoŋ, ńgʉa gʉa ńkúu Ngelaa pɔ́ Ngázà ḿbiŋ ńgwɔ́ na shÿó Sondɔm, Ngomɔɔ, Adma pɔ́ Tsemboyim, ńgʉa gʉa ńkúu Lecÿa. 20Yɔɔn lɔgɔ ńgwɔ́ ngẅɛ̀ Shÿâm mejwoŋó mejwoŋó gie e la cʉ́ʼʉ léfagte, ńdɔg metsìŋendá lâ meshwóŋè láʼ tá fagte, yɛ̌ nùɔ wɔ́ɔ, gẅiin wé ngwòŋ. 21Sɛm gẅie à laa ndyè Yafɛd, la gíŋe ńzyé yé penkʉ́. Aa mángʉanjʉʼ Ébɛ̀ pâ ngẅɛ̀ ye ntsèm. 22Elam, Asili, Alepashÿad, Lud ńgÿo pʉ̀a Alam, ée gubé Sem. 23Úsè, Ule, Ngetɛ ńgÿo Máshÿè, é gwɔ́ gubé pʉ̀a Alam. 24Alepashÿad laa tá pa Shÿélà, Shÿélà gÿo ńgwɔ́ tá pa Ébɛ̀. 25Ébɛ̀ la zyé penkʉ́ pépʉ́a: lezíŋ mvɔ̀gmvfò gwɔ́ lê Pelɛg (ńdɔgɔ ńgɔɔn ngie «Fàgte»), ńtí nue mé la zyé yé fʉ̀ʼ gie pʉ̀a mesoŋ fagté, lezíŋ fɛ̌ we laa lê Yɔgtaŋ. 26Alemondad, Shÿelɛ́fè, Asamavɛd, Yelâa, 27Handolam, Uzaa, Ndigla, 28Obaa, Abimayɛɛ, Samba, 29Ofîi, Avila, Yombab, yɔɔn pú ńgwɔ́ gubé gie Yɔgtaŋ la zyé. 30Pɔ́ lɔ́ɔn ńtsẅé léfó Meshÿa, ńgʉa ńkúu tsɛ̀ɛ pàga láʼ mekwɛ́ Sefa gẅie aa na shÿó sǎʼnèm. 31Yɔɔn lɔgɔ ńgwɔ́ ngẅɛ̀ Sem mejwoŋó mejwoŋó gie e la cʉ́ʼʉ léfagte, ńdɔg metsìŋendá lâ meshwóŋè láʼ tá fagte, yɛ̌ nùɔ wɔ́ɔ, gẅiin wé ngwòŋ. 32Mɔɔn lɔgɔ ńgwɔ́ mezíŋ pʉ̀a pie ée na mengẅɛ̀ ndá mie gubé Nowa la nuŋe, ńcʉ́ʼʉ lénuŋe ńdɔg mengẅɛ̀ ndá, éfagte; yɛ̌ ngẅɛ̀ wɔ́ɔ, é gẅiin wé ngwòŋ. Mentse la kwɔ́ʼ ńjÿó jʉʼ tà ḿmag, tá pʉ̀a mesoŋ fó na mɔɔn metsìŋendá, tá ḿbú ńjÿó ndùmo ssé tsetsáʼ ntsèm.
Currently Selected:
Nzyeté 10: nnh
Highlight
Share
Copy
Want to have your highlights saved across all your devices? Sign up or sign in
© 2026, CABTAL
Nzyeté 10
10
Epʉ̀a ndùmo ssé tsetsáʼ
1Entse la kwɔ́ʼ ńjÿó ndùmo ssé tsetsáʼ tà ńgÿo ḿmag, Sɛm, Shÿâm ńgÿo Yafɛd pie é laa penkʉ́ Nowa, é zyéte yɔ́b penkʉ́; mengẅɛ̀ mɔ́b, emɔɔn: 2Wɔɔn laa Ngomɛɛ, wɔɔn gwɔ́ Mangɔg, wɔɔn gwɔ́ Mandayi, wɔɔn gwɔ́ Yavaŋ, wɔɔn gwɔ́ Tumbâa, wɔɔn gwɔ́ Meshÿɛg ńgÿo Tilase. Pɔ́ metsèm lɔgɔ ḿbú ńgwɔ́ gubé Yafɛd. 3Ashÿekenásè, Lifad ńgÿo Togama, é gwɔ́ gubé Ngomɛɛ. 4Elishÿa, Taasísè, Kitim ńgÿo Ndondanim é gwɔ́ gubé Yavaŋ#10:4 Taasísè gÿo cʉ́ʼ lezíŋ tàʼ tÿǒsoŋ gie aa ngʉ̀ŋe ntse Mendítèlane á shÿó Ɛsepányà; Kitim gǐŋ ńgwɔ́ lezíŋ tsɔ́ jʉʼʉ tsetsáʼ gie ntse pú ńtÿɔ́ʼɔ yé, lezíŋ gwɔ́ le Shʉ́ʉpèle; Ndondanim gǐŋ ńgwɔ́ yé tsɔ́ jʉʼʉ tsetsáʼ gie ntse pú ńtÿɔ́ʼɔ yé, lezíŋ gwɔ́ le Londɛ́sè, á gwɔ́ tsɛ̀ɛ ngwòŋ Ngelékiya (etsɔ́ meŋwàʼne ŋweʼe Londɛ́sè le Londanim.) 5Ngẅɛ̀te yɔb zɔ la fagte ńjÿó mengʉ̀ŋe mentse tsɛ̀ɛ mɔ́b meláʼ; ńcʉ́ʼʉ léfagte, ńdɔg mengẅɛ̀ ndá lâ meshwóŋè láʼ tá fagte, yɛ̌ nùɔ wɔ́ɔ, gẅiin we ngwòŋ.
6Kushʉ̀, Miselayim, Pud ńgÿo Kánàhan, é gwɔ́ gubé Shÿâm. 7Semba, Avila, Sabta, Lagma ńgÿo Sabteka, é gwɔ́ gubé Kushʉ̀. Egubé Lagma míŋ Kushʉ̀ gwɔ́ Samba pɔ́ Ndendaŋ. 8Atsɔ̌ míŋ Kushʉ̀ la gíŋe ńgwɔ́ Nemlɔd gẅie à la táa ńgwɔ́ ndùŋmvfò ntʉ̀ nyìŋ ndùmo ssé tsetsáʼ. 9Nemlɔd ŋwɛ́ laa máa njwòŋopwóon mvfò Cʉ̀apʉ̀a; áa mmó gie á gÿo, etsɔ́ pʉ̀a gɔɔn né tsɔ̌ njwòŋopwóon mbòŋo ngie: «Cʉ̀apʉ̀a gÿo ɔ̀ gwɔ́ máa njwòŋopwóon mvfò Cʉ̀apʉ̀a páʼ Nemlɔd la gwɔ́ yé.» 10Mbambilonia, Elɛg, Akad ńgÿo Kalené ée metÿǒsoŋ mie ée tsɛ̀ɛ ngwòŋ Shʉneya mbà Nemlɔd la lɔg ńgÿo sẅɛ̂ɛláʼ gẅie à ge néŋe wó ésáʼa láʼ. 11Nemlɔd la fó ngwòŋ Shʉneya, ńgʉa né ngwòŋ Asili, ńkwɛ́ɛ tÿǒsoŋo Ninive, ńkwɛ́ɛ ye Leombɔd-Îi, ńkwɛ́ɛ ye Kéla, 12ńgíŋe ńkwɛ́ɛ ye Lesen gie aa máa tÿǒsoŋ ńgwɔ́ tsetsɛ̀ɛ Ninive pɔ́ Kéla.
13Miselayim laa mángʉanjʉʼ pʉ̀a Lud, ńgwɔ́ we pʉ̀a Anam, ńgwɔ́ we pʉ̀a Lehab, ńgwɔ́ we pʉ̀a Nabtu, 14ńgwɔ́ we pʉ̀a Patolɔ́sè, ńgwɔ́ we pʉ̀a Kaselu gẅie pʉ̀a Filisi la fó na ngẅɛ̀ yɔb, ńdeen ńké ńgÿo pʉ̀a Kafetɔɔ. 15Kánàhan laa tá pa Sindoŋ pɔ́ Hɛ́d, Sindoŋ gwɔ́ múɔ letwó we. 16Kánàhan gwɔ́ púʼu ńgwɔ́ mángʉanjʉʼ pʉ̀a Yembúsè, ńgwɔ́ we pʉ̀a Amɔɔ, ńgwɔ́ we pʉ̀a Ngilengaa, 17ńgwɔ́ we pʉ̀a Hevid, ńgwɔ́ we pʉ̀a Aaki, ńgwɔ́ we pʉ̀a Sini, 18ńgwɔ́ we pʉ̀a Alevad, ńgwɔ́ we pʉ̀a Tsemaa, ńgwɔ́ we pʉ̀a Hamad. Atsɔ́ fʉ̀ʼ tǎa ńgwɔ́, ngẅɛ̀ ndá pʉ̀a Kánàhan fagte. 19Éfagte púʼu, ńjÿó láʼ, tà láʼa yɔ́b fó na shÿó Sindoŋ, ńgʉa gʉa ńkúu Ngelaa pɔ́ Ngázà ḿbiŋ ńgwɔ́ na shÿó Sondɔm, Ngomɔɔ, Adma pɔ́ Tsemboyim, ńgʉa gʉa ńkúu Lecÿa. 20Yɔɔn lɔgɔ ńgwɔ́ ngẅɛ̀ Shÿâm mejwoŋó mejwoŋó gie e la cʉ́ʼʉ léfagte, ńdɔg metsìŋendá lâ meshwóŋè láʼ tá fagte, yɛ̌ nùɔ wɔ́ɔ, gẅiin wé ngwòŋ. 21Sɛm gẅie à laa ndyè Yafɛd, la gíŋe ńzyé yé penkʉ́. Aa mángʉanjʉʼ Ébɛ̀ pâ ngẅɛ̀ ye ntsèm. 22Elam, Asili, Alepashÿad, Lud ńgÿo pʉ̀a Alam, ée gubé Sem. 23Úsè, Ule, Ngetɛ ńgÿo Máshÿè, é gwɔ́ gubé pʉ̀a Alam. 24Alepashÿad laa tá pa Shÿélà, Shÿélà gÿo ńgwɔ́ tá pa Ébɛ̀. 25Ébɛ̀ la zyé penkʉ́ pépʉ́a: lezíŋ mvɔ̀gmvfò gwɔ́ lê Pelɛg (ńdɔgɔ ńgɔɔn ngie «Fàgte»), ńtí nue mé la zyé yé fʉ̀ʼ gie pʉ̀a mesoŋ fagté, lezíŋ fɛ̌ we laa lê Yɔgtaŋ. 26Alemondad, Shÿelɛ́fè, Asamavɛd, Yelâa, 27Handolam, Uzaa, Ndigla, 28Obaa, Abimayɛɛ, Samba, 29Ofîi, Avila, Yombab, yɔɔn pú ńgwɔ́ gubé gie Yɔgtaŋ la zyé. 30Pɔ́ lɔ́ɔn ńtsẅé léfó Meshÿa, ńgʉa ńkúu tsɛ̀ɛ pàga láʼ mekwɛ́ Sefa gẅie aa na shÿó sǎʼnèm. 31Yɔɔn lɔgɔ ńgwɔ́ ngẅɛ̀ Sem mejwoŋó mejwoŋó gie e la cʉ́ʼʉ léfagte, ńdɔg metsìŋendá lâ meshwóŋè láʼ tá fagte, yɛ̌ nùɔ wɔ́ɔ, gẅiin wé ngwòŋ. 32Mɔɔn lɔgɔ ńgwɔ́ mezíŋ pʉ̀a pie ée na mengẅɛ̀ ndá mie gubé Nowa la nuŋe, ńcʉ́ʼʉ lénuŋe ńdɔg mengẅɛ̀ ndá, éfagte; yɛ̌ ngẅɛ̀ wɔ́ɔ, é gẅiin wé ngwòŋ. Mentse la kwɔ́ʼ ńjÿó jʉʼ tà ḿmag, tá pʉ̀a mesoŋ fó na mɔɔn metsìŋendá, tá ḿbú ńjÿó ndùmo ssé tsetsáʼ ntsèm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, CABTAL