Nzyeté 9
9
Ammó gie Ssé la kaʼa mbwó Nowa
1E Ssé gwaa cÿɔʼɔ Nowa pâ penkʉ́ pé, ńne ńgɔɔn ngie: «Pi zyé mboŋó, ngẅɛ̀ gi zyéen, ńgyɔ́ɔn ndùmo ssé tsetsáʼ. 2Menɔ̀ɔn ntsèm pâ meshʉ̌ŋ ntsèm pie ée ndùmo ssé tsetsáʼ tà mbɔɔ kɔ̀ɔkɔ́ɔ gie á kʉ́ʼʉ ndùmo ssé tsetsáʼ, mbɔɔ messó, pɔ́ ge láʼa cʉ́ʼʉ tsẅé pɔ́gɔ gẅí pɔ́g; n cʉmé wɔ́b né pi. 3Akɔ̀ɔkɔ́ɔ wɔ́ɔ gie á gíŋte tà ńgẅiin zẅìge, ngwɔ́ pi lɔg ńgÿo shúm léjÿó sí; m bǔ ńná sɔɔn shúm ntsèm né pi, páʼ n da zɔɔn ńnáa legǐ sẅisẅê. 4Táʼ, tà pi ké ḿpfɛ́ mbab nɔ̀ɔn gẅie à kwě fómefomé, ńtí nue metse mé lɔgɔ ńgwɔ́ we legwɔ́ wó. 5Ndʉŋndʉŋ páʼ n ge gÿo ŋaga gẅí, páʼ pi ka gÿo lé metse mí, mie é lɔgɔ ńgwɔ́ gẅi legwɔ́ wó la, n ge gÿo gíŋe ńŋaga nɔ̀ɔn gẅie à zẅě nyìŋ mesoŋ, é ŋaga nyìŋ mesoŋ gẅie à zẅě wetsɔ̌.
6Nyìŋ lɔɔn ḿpfɛte metse nyìŋ mesoŋ,
mbà nyìŋ mesoŋ zɔ ge láʼ gíŋe pfɛte mé yé,
ńtí nue e Ssé la gÿo nyìŋ mesoŋ á sẅé yé.
7Ńgʉa na pi, pi zyé mboŋó, ngẅɛ̀ gi zyéen, ńgyɔ́ɔn ndùmo ssé tsetsáʼ.»
8E Ssé gíŋe ńgɔɔn mbwó Nowa pâ gubé yé ngie: 9«Pege ge gwaa kʉ̀a, á gwɔ́ kʉ̀a gie á líe mbɔɔ ngẅɛ̀ gi gie e ge láʼ tá gwɔ́ wó, 10ńdíe mbɔɔ kɔ̀ɔkɔ́ɔ gie á gẅiin zẅìge, ńgwɔ́ lejʉ́ŋ pi: páʼ meshʉ̌ŋ, páʼ menɔ̀ɔn mbàʼ mbɔɔ mekúe menɔ̀ɔn pie é la pú fó tsɛ̀ɛ páŋ ńkẅɛ, tà mbɔɔ pie é ge láʼ tá gwɔ́ ndùmo ssé tsetsáʼ. 11Akʉ̀a ŋwɛ́, aa páʼ n těen ńdáʼa lyɛ̌ʼ ńgíŋe, ńgÿo ntse kwɔ́ʼɔ tà ḿbyága mmó gie á gẅiin zẅìge wɔ́, entse téen ńdáʼa ńgíŋe ńkwɔ́ʼɔ tà ńjÿó jʉʼ tà ńcʉŋte ndùmo ssé tsetsáʼ wɔ́.» 12E Ssé gíŋe ńgɔɔn ngie: «Aliŋé gie n gee ńtÿɔ́gɔ, ńtí kʉ̀a gie pege gwǎa, tà mbɔɔ na kɔ̀ɔkɔ́ɔ gie á gẅiin zẅìge tà ńtswéʼe na pi, tà mbɔɔ gie á ge láʼa gwɔ́ pɔ́ wó, ayɔɔn: 13n kyɛ̌ lekwoŋ nnúngém sɔ́ɔn tsɛ́ɛ melɔ́ɔn, lekwoŋ nnúngém ŋwɛ́ é lɔgɔ ńgwɔ́ liŋé kʉ̀a gie á líe wɔ́ɔn tà mbɔɔ kɔ̀ɔkɔ́ɔ gie áa ndùmo ssé tsetsáʼ tà ńgẅiin zẅìge. 14Lekwoŋ nnúngém ŋwɛ́ ge láʼa kẅɛɛ fʉ̀ʼ ntsèm gie n cuʼté melɔ́ɔn tà é jÿó jʉʼ. 15É kẅɛ púʼu, n dɔg ńkímte kʉ̀a gie n da gÿo pege gwa, á líe mbɔɔ kɔ̀ɔkɔ́ɔ gie á gẅiin zẅìge, ń de gíŋe ńgÿo ntse kwɔ́ʼ ńjÿó ndùmo ssé tsetsáʼ tà ḿbyága kɔ̀ɔkɔ́ɔ gie á gẅiin zẅìge wɔ́. 16N ge láʼa tsẅé líe lekwoŋ nnúngém, é lɔgɔ kímte kʉ̀a temì gie n da gÿo peg lâ kɔ̀ɔkɔ́ɔ gie á gẅiin zẅìge ndùmo ssé tsetsáʼ gwa.» 17E Ssé gíŋe ńcwoŋo ńgɔɔn né Nowa ngie: «Lekwoŋ nnúngém, áa liŋé kʉ̀a gie n gÿǒ peg lâ kɔ̀ɔkɔ́ɔ gie á gẅiin zẅìge ndùmo ssé tsetsáʼ gwa.»
Egubé Nowa yétá
18Sɛm, Shÿâm ńgÿo Yafɛd, ée gubé Nowa gie pâ pɔ̌ la fó tsɛ̀ɛ páŋ ńkẅɛ. Kánàhan laa míŋ Shâm. 19Ngẅɛ̀ pʉ̀a mesoŋ la fó pɔ́ na penkʉ́ Nowa méntá, tá ḿbú ńjÿó ndùmo ssé tsetsáʼ.
20Nowa cʉ́ʼʉ njʉ̀ʼngwóŋ, ḿbye metÿǒ melùʼ. 21À la nú melùʼ, ḿbím tà ńcʉ́ʼ ńnuŋe tsɛ̀ɛ ntàb ye pɔ́ te jÿɔ̌g nzsǒ. 22Shÿâm, tá pa Kánàhan gyá páʼ tá we Nowa nuŋe té jÿɔ́g nzsǒ, ńgʉa shwóŋ mefɛ̌ pé mépʉ́a pie é laa pǐ. 23Sem pɔ́ Yafɛd leen ńjúʼ púʼu, ḿbíi pwó nzsǒ ńzába lekẅí, ńkúu tsɛ̀ɛ ntàb pɔ́ nzèmenzème, tà ńgwaa záb nzsǒ na tá wɔ́b, pɔ́ té líe páʼ aa te nzsǒ jÿɔ́g wɔ́. 24Melùʼ la gwɔ́ tà ḿmaga na Nowa, á júʼu nò gie Shÿâm gẅie aa ntsẅɛ́ ndá wé gÿo na yé. 25Ńdeen ńgɔɔn ngie:
«Mèŋ, n něŋ ndòon twó Kánàhan!
À ge cʉ́ʼ nkwɔɔn
menkwɔɔn mefɛ̌ pé!»
26Ńgíŋe ńgɔɔn ngie:
«legúʼ gwɔ́ mbwó Cʉ̀apʉ̀a Ssé
É Ssé gie Sɛm ne ńguʼte
Kánàhan ge cʉ́ʼʉ nkwɔɔn Sɛm!
27E Ssé gÿo Yafɛd kẅiʼi ńgáʼ
Epʉ̀a Yafɛd pâ pe Sɛm zɔ láʼa ḿbú ńtsẅé.
Kánàhan piŋ ńcʉ́ʼ nkwɔɔn Yafɛd!»
28Mentse mie é la kwɔ́ʼ ḿbú ńjÿó ndùmo ssé tsetsáʼ la gwɔ́ tà ḿmag, Nowa gíŋe ńtsẅé ngùʼ móm tʉ̂a nzèm nkÿo tá. 29À la gwaa kwé mbà à gẅǐin ngùʼ móm tʉ̂a nzèm nkÿo lepfwɔʼɔ́.
Currently Selected:
Nzyeté 9: nnh
Highlight
Share
Copy
Want to have your highlights saved across all your devices? Sign up or sign in
© 2026, CABTAL
Nzyeté 9
9
Ammó gie Ssé la kaʼa mbwó Nowa
1E Ssé gwaa cÿɔʼɔ Nowa pâ penkʉ́ pé, ńne ńgɔɔn ngie: «Pi zyé mboŋó, ngẅɛ̀ gi zyéen, ńgyɔ́ɔn ndùmo ssé tsetsáʼ. 2Menɔ̀ɔn ntsèm pâ meshʉ̌ŋ ntsèm pie ée ndùmo ssé tsetsáʼ tà mbɔɔ kɔ̀ɔkɔ́ɔ gie á kʉ́ʼʉ ndùmo ssé tsetsáʼ, mbɔɔ messó, pɔ́ ge láʼa cʉ́ʼʉ tsẅé pɔ́gɔ gẅí pɔ́g; n cʉmé wɔ́b né pi. 3Akɔ̀ɔkɔ́ɔ wɔ́ɔ gie á gíŋte tà ńgẅiin zẅìge, ngwɔ́ pi lɔg ńgÿo shúm léjÿó sí; m bǔ ńná sɔɔn shúm ntsèm né pi, páʼ n da zɔɔn ńnáa legǐ sẅisẅê. 4Táʼ, tà pi ké ḿpfɛ́ mbab nɔ̀ɔn gẅie à kwě fómefomé, ńtí nue metse mé lɔgɔ ńgwɔ́ we legwɔ́ wó. 5Ndʉŋndʉŋ páʼ n ge gÿo ŋaga gẅí, páʼ pi ka gÿo lé metse mí, mie é lɔgɔ ńgwɔ́ gẅi legwɔ́ wó la, n ge gÿo gíŋe ńŋaga nɔ̀ɔn gẅie à zẅě nyìŋ mesoŋ, é ŋaga nyìŋ mesoŋ gẅie à zẅě wetsɔ̌.
6Nyìŋ lɔɔn ḿpfɛte metse nyìŋ mesoŋ,
mbà nyìŋ mesoŋ zɔ ge láʼ gíŋe pfɛte mé yé,
ńtí nue e Ssé la gÿo nyìŋ mesoŋ á sẅé yé.
7Ńgʉa na pi, pi zyé mboŋó, ngẅɛ̀ gi zyéen, ńgyɔ́ɔn ndùmo ssé tsetsáʼ.»
8E Ssé gíŋe ńgɔɔn mbwó Nowa pâ gubé yé ngie: 9«Pege ge gwaa kʉ̀a, á gwɔ́ kʉ̀a gie á líe mbɔɔ ngẅɛ̀ gi gie e ge láʼ tá gwɔ́ wó, 10ńdíe mbɔɔ kɔ̀ɔkɔ́ɔ gie á gẅiin zẅìge, ńgwɔ́ lejʉ́ŋ pi: páʼ meshʉ̌ŋ, páʼ menɔ̀ɔn mbàʼ mbɔɔ mekúe menɔ̀ɔn pie é la pú fó tsɛ̀ɛ páŋ ńkẅɛ, tà mbɔɔ pie é ge láʼ tá gwɔ́ ndùmo ssé tsetsáʼ. 11Akʉ̀a ŋwɛ́, aa páʼ n těen ńdáʼa lyɛ̌ʼ ńgíŋe, ńgÿo ntse kwɔ́ʼɔ tà ḿbyága mmó gie á gẅiin zẅìge wɔ́, entse téen ńdáʼa ńgíŋe ńkwɔ́ʼɔ tà ńjÿó jʉʼ tà ńcʉŋte ndùmo ssé tsetsáʼ wɔ́.» 12E Ssé gíŋe ńgɔɔn ngie: «Aliŋé gie n gee ńtÿɔ́gɔ, ńtí kʉ̀a gie pege gwǎa, tà mbɔɔ na kɔ̀ɔkɔ́ɔ gie á gẅiin zẅìge tà ńtswéʼe na pi, tà mbɔɔ gie á ge láʼa gwɔ́ pɔ́ wó, ayɔɔn: 13n kyɛ̌ lekwoŋ nnúngém sɔ́ɔn tsɛ́ɛ melɔ́ɔn, lekwoŋ nnúngém ŋwɛ́ é lɔgɔ ńgwɔ́ liŋé kʉ̀a gie á líe wɔ́ɔn tà mbɔɔ kɔ̀ɔkɔ́ɔ gie áa ndùmo ssé tsetsáʼ tà ńgẅiin zẅìge. 14Lekwoŋ nnúngém ŋwɛ́ ge láʼa kẅɛɛ fʉ̀ʼ ntsèm gie n cuʼté melɔ́ɔn tà é jÿó jʉʼ. 15É kẅɛ púʼu, n dɔg ńkímte kʉ̀a gie n da gÿo pege gwa, á líe mbɔɔ kɔ̀ɔkɔ́ɔ gie á gẅiin zẅìge, ń de gíŋe ńgÿo ntse kwɔ́ʼ ńjÿó ndùmo ssé tsetsáʼ tà ḿbyága kɔ̀ɔkɔ́ɔ gie á gẅiin zẅìge wɔ́. 16N ge láʼa tsẅé líe lekwoŋ nnúngém, é lɔgɔ kímte kʉ̀a temì gie n da gÿo peg lâ kɔ̀ɔkɔ́ɔ gie á gẅiin zẅìge ndùmo ssé tsetsáʼ gwa.» 17E Ssé gíŋe ńcwoŋo ńgɔɔn né Nowa ngie: «Lekwoŋ nnúngém, áa liŋé kʉ̀a gie n gÿǒ peg lâ kɔ̀ɔkɔ́ɔ gie á gẅiin zẅìge ndùmo ssé tsetsáʼ gwa.»
Egubé Nowa yétá
18Sɛm, Shÿâm ńgÿo Yafɛd, ée gubé Nowa gie pâ pɔ̌ la fó tsɛ̀ɛ páŋ ńkẅɛ. Kánàhan laa míŋ Shâm. 19Ngẅɛ̀ pʉ̀a mesoŋ la fó pɔ́ na penkʉ́ Nowa méntá, tá ḿbú ńjÿó ndùmo ssé tsetsáʼ.
20Nowa cʉ́ʼʉ njʉ̀ʼngwóŋ, ḿbye metÿǒ melùʼ. 21À la nú melùʼ, ḿbím tà ńcʉ́ʼ ńnuŋe tsɛ̀ɛ ntàb ye pɔ́ te jÿɔ̌g nzsǒ. 22Shÿâm, tá pa Kánàhan gyá páʼ tá we Nowa nuŋe té jÿɔ́g nzsǒ, ńgʉa shwóŋ mefɛ̌ pé mépʉ́a pie é laa pǐ. 23Sem pɔ́ Yafɛd leen ńjúʼ púʼu, ḿbíi pwó nzsǒ ńzába lekẅí, ńkúu tsɛ̀ɛ ntàb pɔ́ nzèmenzème, tà ńgwaa záb nzsǒ na tá wɔ́b, pɔ́ té líe páʼ aa te nzsǒ jÿɔ́g wɔ́. 24Melùʼ la gwɔ́ tà ḿmaga na Nowa, á júʼu nò gie Shÿâm gẅie aa ntsẅɛ́ ndá wé gÿo na yé. 25Ńdeen ńgɔɔn ngie:
«Mèŋ, n něŋ ndòon twó Kánàhan!
À ge cʉ́ʼ nkwɔɔn
menkwɔɔn mefɛ̌ pé!»
26Ńgíŋe ńgɔɔn ngie:
«legúʼ gwɔ́ mbwó Cʉ̀apʉ̀a Ssé
É Ssé gie Sɛm ne ńguʼte
Kánàhan ge cʉ́ʼʉ nkwɔɔn Sɛm!
27E Ssé gÿo Yafɛd kẅiʼi ńgáʼ
Epʉ̀a Yafɛd pâ pe Sɛm zɔ láʼa ḿbú ńtsẅé.
Kánàhan piŋ ńcʉ́ʼ nkwɔɔn Yafɛd!»
28Mentse mie é la kwɔ́ʼ ḿbú ńjÿó ndùmo ssé tsetsáʼ la gwɔ́ tà ḿmag, Nowa gíŋe ńtsẅé ngùʼ móm tʉ̂a nzèm nkÿo tá. 29À la gwaa kwé mbà à gẅǐin ngùʼ móm tʉ̂a nzèm nkÿo lepfwɔʼɔ́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, CABTAL