Mishingo 23
23
1Paulu, wakatokoja makulukuta akati, “Banakwaina, imi ndagala mbeli kwaMwali mundangalilo imbuya kuswikila izhuba lyanasi.” 2Untebuji unkulwana, Ananiyasi wakalaya yabo bakaba belimile pelyo naye kuti bondobe pandomo. 3Pakalepo Paulu wakati kwaali, “Mwali unokuloba iwi bulambo bulocheneswa kuzhe! Unogalila kuti unditonge nomuMulawu koga uta zwinonyenyejana nomulawo, iwi unolaya kuti ndilobwe!”
4Yabo bakaba belimile pelyo naye bakati, “Iwi ungatuka untebuji unkulwana waMwali na!”
5Paulu wakati, “Andijabeziba, banakwaina, kuti iye untebuji unkulwana, nokuti zwilokwalwa muwhalo inchena kuti, ‘Autokwelela kulebeleka zwibi nontongi wabanhu babo,’”
6Paulu paakaziba kuti limwe igapo ngilyabaSadusi akale limwe lili lyabaFalisi, wakashomeja eti kugota, “Banakwaina imi NdinFalisi, mwananhulumyana wonFalisi, ndinopiwa undandu wokuba nechibimbo chokumuka kwabakafa.”
7Paakaleba yezwi kwakaba nokusowhanana pakati pabaSadusi nabaFalisi, nokudalo ibungano lyakapatukana pakati. 8Nokuti baSadusi banoti akuna kumuka kwabakafa, kana inhumwa yaMwali, kana mipepo, koga baFalisi banozwivuma zwose yezwi. 9Ngweno kwakaba nezhoba lyakaba ipo, bamwe bakwali begapo lyabaFalisi bakamilika bakondwila beti, “Isu atibweni chibi noyu unhulume. Zwingatikana kuti walebeleka nompepo kana kuti inhumwa yaMwali yalebeleka naye.”
10Kunyenyejana pakwakandila mbeli, untungamili wabalwi wakatya, kuti Paulu bangonsapulilana wakalaya balwi kuti bebheluke benontola Paulu nesimba kuva mukati mwabo akale bombuze mubugalo bwabalwi.
11Muchimuka busiku, Tezi wakama pelyo naye akati, “Sima, sezwawasumikija nezwangu muJelusalema, nokudalo unonopa busumikiji akale kuRoma.”
Chilangano nobupenyu bwaPaulu
12Pakwakeja, baJuda bakata chilangano akale bakata ikowhe yokusolya kana kunwa kuswikila bombulaya Paulu. 13Bakababeli makumi mana yabo bakata yechi chilanganwa 14Bakenda kubatebuji bakulwana nabakulugulu bakati, “Isu tazwisunga nekowhe kuti tose atitolabila zwolya kuswikila tombulaya Paulu. 15Nokudalo, imwi negota, kumbilani kuntungamili wabalwi wobugalo kuti ombuze dako kunamwi, sabanhu bamuda kulingisisa undandu uwe zwesimiswa. Isu tilozwipila kumbulaya asanu aswika yopano.”
16Ngweno mwananhulumyana wonkazwaji waPaulu wakawha chilongwa chokuumbwatilila, nokudalo iye wakenda akanongwina mubugalo bwabalwi akale akabuja Paulu. 17Akale Paulu wakashoba umwe untungamili wezana lyabalwi akati, “Tola unhulumyana yoyo unsenge kuntongi wobugalo, nokuti iye yoyu unazwamuda kumbuja iye.” 18Sokudalo wakoontola akoonsenga kuntongi wobugalo akale akati, “Unsungwa Paulu wandishoba akandikumbila kuti ndibuze unhulumyana yoyu kwauli, nokuti unanozwamuda kukubuja iwi,”
19Untongi wobugalo bwabalwi wakombhata luboko akenda naye kubhazu akale akombhuza musiswa, “Ini zwaumuda kundibuja imi!”
20Iye wakati, “BaJuda balangana kukumbila kwauli kuti usenge Paulu dako kugota mangwana, sokuti bamuda kupyangisisa nozuzwe. 21Koga usibawhilila, nokuti banhulume yabo banopinda makumi mana bokubhazu lyabo banombwatilila, balozwisunga nekowhe kusolya kana kunwa kuswikila bombulaya Paulu, akale ngweno balozwilonganyila, bakalindila imvumo inova kwauli.”
22Sokudalo, untongi wobugalo bwabalwi wakondeka enda, ondaya iye eti, “Usibuje umwe unhu kuti wandibuja yezwi.”
Paulu unosengwa Kuntongi Felekisi
23Pakalepo wakashoba batungamili bezana lyabalwi, babili akati, “Pe awa yetatu yobusiku mubambanye balwi mazana mabili nabanhulume bamabhiza makumi mashanu ana mabili akale namazana mabili abalwi bamafhumo bachenda kuSizaliya. 24Mulonganye zwichagadwa naPaulu akale muunswiche zwibuyanana kunaFelekisi untongi,” 25Wakakwala lukwalo lwokulondejela:
26“Kilaudiyasi Lisiyasi kuna Unolemekejwa, Untongi Felekisi: Ndokumusa. 27Yoyu unhulume wakabhatwa nabaJuda, bakajoda kumbulaya, ndipo pandaswika imi nabalwi, ndikoonsungunula, ndawha kuti unizi wokuRoma. 28Ndakada kuziba undandu ubakabompomela, ndakonsenga kugota lyabo. 29Imi ndakawana kuti umupomelwa undandu womulawo wabo, koga epiwa undandu usinokwelela lufu kana kungwina muntolongo. 30Akale pandakabujwa kuti panachilangano naiye unhulume yoyu, imi ndontumija kwauli nokukambijisa, ndilaya bamumpomela undandu kuti bozwilebelekele mbeli kuko inyaya yeyi.”
31Nokudalo balwi, sokubujwa kwabo, bakatola Paulu nobusiku bakonsenga kuAntipatilisi. 32Muchimuka bakabwilila kubugalo bwabalwi, besiya bamabhiza kuti bende naye. 33Pabakaswika kuSizaliya bakaswincha lukwalo kuntongi nokutula Paulu kwaali. 34Paakabala lukwalo, wakabhuza kuti unova kunalipi idunhu. Paakaziba kuti unova kuSilisiya 35wakati, “Imi ndoowha kwauli, pabachaswika bamukupomela undandu.” Wakalaya kuti Paulu elindwe elimubugalo bwashe Helodi.
Currently Selected:
Mishingo 23: LTP
Highlight
Share
Copy
Want to have your highlights saved across all your devices? Sign up or sign in
The word for The World International
