Tetkempet 19
19
Sinai Deutu
1Israelme Egypt deu gade mpet kelucai keicum bekei, aipau tingba benai, penui Sinai hetaideu ga gwanglu. 2Penui Rephidim pütdi delwe Sinai hetaideu ga gwang kelucai, penui lamlwa pi ga hetaideu gage ramzeuki teilu. 3Moses lamlwa ga Tinggwang de dau kera nghang. RAMPAUBE lamlwa gade pecu qu eh rangdi, “Nang Jacob leuhme, Israelme de rang beulo: 4Ih Egyptme dage daipai teigai bi, dainzwa Ih nnuide helie hesiu gage pung beubi nah nnuide ada ngngwa gwang bi nnui ngauda. 5Cu pecai, nnui samzai tei eh a kwa kingneilu nah a samkak de kainzeu lucai, iciucai mina pelane kakgade nnuide pwa a gu mabam tei luzie, kedanemene kideu pelane au a gu. 6Nnui a ziemne cingkume gwangram ge dizie nah kemci heleuh ge dizie. Sam aidungde nang Israelme dage paubeu maisia.”
7Cine Moses gwanglu nah minadung hangkiame de qu hekwalu. Pa penui dwa gage RAMPAUBE pecu sam kaikebeu pelane paubeu. 8Mina pelane kwa ge tei eh sam keligai eh rangdi, “RAMPAUBE rangkebeu pelane anui teizie.” Pecai Moses mina samdung paubeu kera RAMPAUBE da gwang. 9RAMPAUBE Moses dage rangdi, “Ih nnuida hemwa kesiu ge gade gwang zie iciu de minadung Ih ncu ngngwa kempau de siu luzie nah ncu nlum lamui luzie.” Pecai Moses mina sam dungde RAMPAUBE dage paubeu. 10RAMPAUBE Moses dage rangdi, “Minadung da miecu. Henai nah ncünne nang penuide a ziemne tei mcilu maisia, nah penuide peu penui niadung heta dilu. 11Lang cumne benai ziemne mteilu, kedanemene lang cumne benai RAMPAUBE Sinai Deutu ga nghung zie. 12Nang minadung ziemne lamlwa pelane herai kai twagwa di maisia. Penuide rang beulu, ‘Teune lulo de nnui lamlwatu ga nghang lak mede herai de tunglak. Keheibe de lamlwatu tung kecubede teitset dizie.’ 13Mige ba de cikenzwame de tung lak. Meliene, pecu tangtsu sam mede lakpitsi le kapdi maisia. Cide mina mede makaune lubui, pecu peu tsaidi maisia. Telui kwa kegaidau, penui lamlwa pi ga nghang lubui.” 14Pecai Moses lamlwatu gade minadung da nghung lu. Pa minadung de RAMPAUBE ziemne keuntsam lu nah penui penui niadung heta lu. 15Pa minadung dage rang, “Lang pe kecumne benai mteilu; nnui naudung da mie nna so.” 16Lang cumne benai, tingcang dau, tingceu nah ting hepik di nah hemwa kesiu ge lamlwatu reuga bamdi, nah telui kwa cisüt kecuge siudi. Ramzeuki ga mina pelane mbeu di. 17Moses ramzeuki gade mina dungde ngngwa mpetlu Tinggwang de redau kerane, nah penui lamlwa pi ga saplu. 18Sinai Deutu au mika le puidi kedanemene RAMPAUBE mi nah mika gade cika hung kelane. Mika de mimang mika nzwa hangdi, nah lamlwatu pelane nlai sütdi. 19Telui kwade ci reureu dige, Moses marang di, nah Tinggwang makwa ge gade eh pecu keligai. 20RAMPAUBE Sinai Deutu ga nghung lu, lamlwatu twang ga, nah pa Moses de petwang gage qugai. Cine Moses nghang lu. 21RAMPAUBE Moses dage rangdi, “Nghung cu nah mina dungde rang beulo acu pie kerane herai teipang helo, mecai penui kekiee ge tsai dizie. 22Cingkumedung a taiga gwang nna kerame liede peu penuide keuntsam lu, Ih gwang kera ziemne penui katei penuide mteilu, iciude Ih penuide renia dilak.” 23Moses RAMPAUBE dage ranggai, “Minadung Sinai Deutu ga nghang gailak, kedanemene nang anuide aja kaibeu: ‘Heraidung lamlwatu kai twagwa di nah cide RAMPAUBE dade teimci lu.’” 24RAMPAUBE pe dage rangdi, “Miecu, lamlwa gade nghung lu, nah nang Aaron de ngngwa nghang lu, dede cingkumedung nah minadung depeu herai teipang so a da nghang kerane, mecai Ih penuide renia dizie.” 25Cine Moses minadung da nghung eh penuide pau beudi.
Currently Selected:
Tetkempet 19: NorthernZeme
Highlight
Copy
Compare
Share
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
