Tetkempet 17
17
Tsura gade dui
1Israelme leuh pelane Sin hetaideu gade tetdi, Rampaube rang kebeude mzui eh. Penui Rephidim gage ramzeuki teilu, dede mina ziemne dui sak kera gah. 2Cine aide ziemne minadung Moses de mmau eh rangdi, “Anuide dui sak kera halo.” Moses rangdi, “Daitei nnui acu ngngwa repia auno? Daitei nnui RAMPAUBE de kedei au no?” 3Minadung hereu sütdi, nah penui Moses de ncam eh rangdi, “Daitei nang anuide Egypt gade ngngwampet no? Anuide nah anui namedung nah anui kaunedung de peu hereu eh tsaidi kerane ni?” 4Pecai Moses RAMPAUBE dage mra gai, “Ih mina aidungde de keu daipai tei laino? Penui acu tangtsu sam kera mtei pwabam dida.” 5RAMPAUBE Moses dage rangdi, “Nang Israelme hangkiame kangge de ngngwalu delwe minadung dwa rai miecu. Nang kereuki pwa dap kecu tui de pwalu, delwe miecu. 6Ih n dwaga sap luzie cika Horeb#17:6 Horeb: Sinai zi keda ge da. ga tangtsu reuga, nah nang tangtsu de dap zie. Dui cikade lwapet dizie minadung sak kera ziemne.” Pecai Moses cide nzwa teigai Israel hangkiame kengau gade. 7Pa heni cide de Massah nah Meribah#17:7 Massah nah Meribah: Massah pekie kedei nah Meribah pekie ncam. Heni ket ziemne hezi ketsam kena. qulu kedanemene Israelme ncam kedine, nah kedanemene penui RAMPAUBE de kedei eh rangdi, “RAMPAUBE anui kakga lami la meno?”
Amalekme de ngaukedi
8Pecai Amalek reugwame gwang nah Israel de Rephidim gade gwa ketang. 9Cine Moses Joshua#17:9 Joshua: Moses aja kangga reugwame muiteube. de rangbeu, “Mina kangge de kedetlu nah miecu. Amalek de regi kera. Ncünne Ih hangdeutu ga Tinggwang tuitie de pwalwe sap luzie.” 10Moses rangkebeu nzwa Joshua Amalek de regi, cidau Moses, Aaron nah Hur hangdeutu reuga nghang di. 11Moses pe ba hwacuh kebamdau, Israel au ngkieng bamla; pa pe ba mtak kedidau, Amalek ngkieng bamla. 12Moses ba leu dige, Aaron penai Hur tangtsu kangge pwa gwang nah pecu peu bamlu kera ziemne pe kang gage kaibeu. Iciu kelucaide, Aaron penai Hur pe ba pwacuh beu, hangge pau pe mbie gelam nah kedabe pe mbie kedale lambie. Cine tingnaimiak nlüt kemaktane Moses ba giepwa bamdi. 13Ainzwa eh Joshua kiengtie le Amalekme de ngamlu. 14RAMPAUBE Moses dage rangdi, “Aide laisiukwak ge gage raulu nah Joshua dage pei gailu, kedanemene Ih tingkam kang gade Amalek de kensungde keumpet mci dizie.” 15Pecai Moses recabam ge teilu nah pa cide de “RAMPAUBE au a pailim,” de qulu. 16Pa rangdi, “Kedanemene heba ge RAMPAUBE kedi bam de mcau eh hwacuh kecune#17:16 Kedanemene heba ge RAMPAUBE kedi bam de mcau eh hwacuh kecune: Amalek RAMPAUBE de mcaudi, RAMPAUBE Amalek de ceheu ge gade ceheu ge ngngwa hereu teila zie.”
Currently Selected:
Tetkempet 17: NorthernZeme
Highlight
Copy
Compare
Share
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
