Yelemiya 45
45
Mbuli ya Zumbe Mulungu kwa Baluku
1Inu nee mbuli mteghanyi Yelemia amghambilayo Baluku ng'wana wa Nelia mwe vui ja ne ja ugholokezi wa Yehoyakimu ng'wana wa Yosia zumbe wa Yuda, haja Baluku ahebinda kugonda mwe gondwe mbuli zosheni ashimoeezo Yelemia. Yelemia aamghambila Baluku 2kuti, Zumbe Mulungu, Mulungu wa Izilaeli aghamba ivi kwa mbuli yako, “Iwe Baluku 3waaghamba kuti, ‘Changu ndicho! Zumbe Mulungu azaeka kuumia kwangu kuisiize, nizatibuka kwa kukema wala sihona.’ ”
4Iwe Baluku, Zumbe Mulungu ateniaghiiza nikughambile kuti, “Nenibane inu shi nizengileyo ng'wenye na neninkunte kia kintu nihandilecho. Nenighoshole ivyoho mwe shi zoshe. 5Ivi, ukiondeea mbuli nkulu kwa mbuli yako iwe ng'wenye? Usheziondeeze! Ekana nazo kwa kuti, neniete sungu kwa wantu woshe, miya hohoshe ndiho uite nenikuvunile ugima wako du.” Ni miyo Zumbe Mulungu nilongiewo.
Currently Selected:
Yelemiya 45: SHBV
Highlight
Copy
Compare
Share
Want to have your highlights saved across all your devices? Sign up or sign in
The Old Testament in Shambala, @The Word for The World International, and Shambala Language translation. All rights reserved.
