MIHINGO 11
11
Phethiro Ebikila Gubungano lekuJerusalema
1Bapositoli nehama dzaka dzili kuJudiya bakawha kuti Bataya bo bawamutjila dama leNdzimu. 2Ndizo Phethiro wakati ayenda kuJerusalema, bakathumbigwa bakanyanyayidzana naye, 3beti, “Wandilani kubanhu basakathumbigwa ukanodla nabo?” 4Koga Phethiro wakakabalondesedzela kose kwakayetikala. 5“Ndaka ndili munzi-nkulu weJopha nditembezela; ndikanga ndinowolota abona tjilakidzilo, kudeluka tjinhu, tjinonga jila gulugulu, lakajetusiwa libva kudzimu nentha dzalo dzili na; likajitila kundili. 6Ndakati ndilingisisa mukati abona mhuka dzemakumbo mana nemhuka dzehango nezwibandana nenyunyi dzemumhepo. 7Ndikawha whi liti kundili, ‘Milika, Phethiro, bulaya udle.’ 8Koga ndikati, ‘Hayi aa, He; munlomo wangu akunhu kukatongongina tjinhu tjinahambgwa kene tjisakatjena.’ 9Koga whi lakandihandula gobubili libva kudzimu liti, ‘Usiti tjatjenesewa neNdzimu tjinahambgwa.’ 10Ikoku kwakayetikala katatu, kose kukaba kubgwiliziwa kudzimu. 11Lubaka igogo kwakaswika balume batatu pan'umba yataka tiliko, baka batumwa kundili bebva kuKhesariya. 12Meya ikandibudza kuti ndiyende nabo, ndisizeyeze. Bagalimoyo ibaba bali kutanhatu bakayenda nami, tikanongina mun'umba yawhoyu nlume. 13Akatibudza kuti wakabona tjini ntumwa weNdzimu alimile mun'umba iye eti, ‘Tuma banhu kuJopha banobuya naSimoni unoyi Phethiro; 14unowhokutulila matama awunowhotjidziwa ndiwo, iwe nen'ha uwo wose.’ 15Pandakatangisa lebeleka, Meya Yakayengemala yakajetukila pehhugwi kwabo sekwayakayeta kutili bo kutanga. 16Ndikakokumbula tjakalebgwa naHe eti, ‘Johane waka ebvubika nevula koga imwi mowhobvubikiwa neMeya Yakayengemala.’ 17Saku Ndzimu akabapa tjipo itjo zwatjo tjaakatipa iswi bo patakagalamoyo muna He Yesu Khirisitu, imi ndiyani kuti ndidzibise Ndzimu?”
18Pabakawha ikoku bakanyalala bakati whuu! Bakalumbidza Ndzimu, beti, “Kobva kuti Ndzimu wabvumila Bataya bo kuti bahanduke kudze bawane butjilo.”
Gubungano leTshipi lekuAntiyoku
19Sangwenu ibabo baka bapaladziwa ngedziyidziwa kwaSitefani bakatandula bakadzina bakanoswika kuFonishiya nekuSayiphurasi nekuAntiyoku, besumikila dama kumaJuta woga. 20Koga baka balipo bamwe babo, balume bekuSayiphurasi, nebekuKhureni, bakati beswika kuAntiyoku bakalebeleka nemaJuta anolebeleka tjiGiriki bo, besumikila nekwaHe Yesu. 21Luboko gwaHe gwaka guli pehhugwi kwabo, banjinji bakagalamoyo baka handukila kuna He.
22Ndebo iyeyi yakaswika kuzebe dzegubungano letshipi lekuJerusalema, bakatuma Bhanabhasi kuAntiyoku. 23Wakati aswika akabona ngoni dzeNdzimu, akahanha. akabakuludzila nelinoti babhatilile muna He nemimoyo yakazwipila. 24Bhanabhasi waka ali nlume wakanaka, uhhele Meya Yakayengemala negalamoyo. Banhu banjinji bakagalamoyo kuna He.
25Ndizo Bhanabhasi wakayenda kuThasasi enohaka Sawuli; 26Akati awuwana, akabuya naye kuAntiyoku. Kwegole lose baka behangana negubungano letshipi, bediya lukawu gwebanhu; badiyiwa bakatanga dan'wa kuyi MaKhirisitu muAntiyoku.
27Mumahhuba iyawo kwakabuya balebesambeli kuAntiyoku, bebva kuJerusalema. 28Umwe wabo unoyi Agabhasi wakamilika akalebesambeli ngeMeya kuti kowhobe nebhamba gulu muhango yose; ikoku kwakayetikala mumahhuba ebuhe gwaKilawudiyasi. 29Badiyiwa bakabvumilana kuti, wose nhu kuyendidzana nekuti unotubula kungapani, atumile bhatsho kuhama dzikuJudiya; 30bakayeta bejalo, bakatuma Bhanabhasi naSawuli kuti bakuyendise kubawhola.
Currently Selected:
MIHINGO 11: KTP
Highlight
Share
Copy
Want to have your highlights saved across all your devices? Sign up or sign in
The Word For The World International
MIHINGO 11
11
Phethiro Ebikila Gubungano lekuJerusalema
1Bapositoli nehama dzaka dzili kuJudiya bakawha kuti Bataya bo bawamutjila dama leNdzimu. 2Ndizo Phethiro wakati ayenda kuJerusalema, bakathumbigwa bakanyanyayidzana naye, 3beti, “Wandilani kubanhu basakathumbigwa ukanodla nabo?” 4Koga Phethiro wakakabalondesedzela kose kwakayetikala. 5“Ndaka ndili munzi-nkulu weJopha nditembezela; ndikanga ndinowolota abona tjilakidzilo, kudeluka tjinhu, tjinonga jila gulugulu, lakajetusiwa libva kudzimu nentha dzalo dzili na; likajitila kundili. 6Ndakati ndilingisisa mukati abona mhuka dzemakumbo mana nemhuka dzehango nezwibandana nenyunyi dzemumhepo. 7Ndikawha whi liti kundili, ‘Milika, Phethiro, bulaya udle.’ 8Koga ndikati, ‘Hayi aa, He; munlomo wangu akunhu kukatongongina tjinhu tjinahambgwa kene tjisakatjena.’ 9Koga whi lakandihandula gobubili libva kudzimu liti, ‘Usiti tjatjenesewa neNdzimu tjinahambgwa.’ 10Ikoku kwakayetikala katatu, kose kukaba kubgwiliziwa kudzimu. 11Lubaka igogo kwakaswika balume batatu pan'umba yataka tiliko, baka batumwa kundili bebva kuKhesariya. 12Meya ikandibudza kuti ndiyende nabo, ndisizeyeze. Bagalimoyo ibaba bali kutanhatu bakayenda nami, tikanongina mun'umba yawhoyu nlume. 13Akatibudza kuti wakabona tjini ntumwa weNdzimu alimile mun'umba iye eti, ‘Tuma banhu kuJopha banobuya naSimoni unoyi Phethiro; 14unowhokutulila matama awunowhotjidziwa ndiwo, iwe nen'ha uwo wose.’ 15Pandakatangisa lebeleka, Meya Yakayengemala yakajetukila pehhugwi kwabo sekwayakayeta kutili bo kutanga. 16Ndikakokumbula tjakalebgwa naHe eti, ‘Johane waka ebvubika nevula koga imwi mowhobvubikiwa neMeya Yakayengemala.’ 17Saku Ndzimu akabapa tjipo itjo zwatjo tjaakatipa iswi bo patakagalamoyo muna He Yesu Khirisitu, imi ndiyani kuti ndidzibise Ndzimu?”
18Pabakawha ikoku bakanyalala bakati whuu! Bakalumbidza Ndzimu, beti, “Kobva kuti Ndzimu wabvumila Bataya bo kuti bahanduke kudze bawane butjilo.”
Gubungano leTshipi lekuAntiyoku
19Sangwenu ibabo baka bapaladziwa ngedziyidziwa kwaSitefani bakatandula bakadzina bakanoswika kuFonishiya nekuSayiphurasi nekuAntiyoku, besumikila dama kumaJuta woga. 20Koga baka balipo bamwe babo, balume bekuSayiphurasi, nebekuKhureni, bakati beswika kuAntiyoku bakalebeleka nemaJuta anolebeleka tjiGiriki bo, besumikila nekwaHe Yesu. 21Luboko gwaHe gwaka guli pehhugwi kwabo, banjinji bakagalamoyo baka handukila kuna He.
22Ndebo iyeyi yakaswika kuzebe dzegubungano letshipi lekuJerusalema, bakatuma Bhanabhasi kuAntiyoku. 23Wakati aswika akabona ngoni dzeNdzimu, akahanha. akabakuludzila nelinoti babhatilile muna He nemimoyo yakazwipila. 24Bhanabhasi waka ali nlume wakanaka, uhhele Meya Yakayengemala negalamoyo. Banhu banjinji bakagalamoyo kuna He.
25Ndizo Bhanabhasi wakayenda kuThasasi enohaka Sawuli; 26Akati awuwana, akabuya naye kuAntiyoku. Kwegole lose baka behangana negubungano letshipi, bediya lukawu gwebanhu; badiyiwa bakatanga dan'wa kuyi MaKhirisitu muAntiyoku.
27Mumahhuba iyawo kwakabuya balebesambeli kuAntiyoku, bebva kuJerusalema. 28Umwe wabo unoyi Agabhasi wakamilika akalebesambeli ngeMeya kuti kowhobe nebhamba gulu muhango yose; ikoku kwakayetikala mumahhuba ebuhe gwaKilawudiyasi. 29Badiyiwa bakabvumilana kuti, wose nhu kuyendidzana nekuti unotubula kungapani, atumile bhatsho kuhama dzikuJudiya; 30bakayeta bejalo, bakatuma Bhanabhasi naSawuli kuti bakuyendise kubawhola.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Word For The World International