MIHINGO 12
12
Kumwe Dziyidziwa
1Mulubaka igogo mambo Hherodi wakasunga bamwe baka bali begubungano letshipi. 2Wakabulaya Jakobe nkulu waJohane ngebhangatjeke; 3paakabona kuti kwahanhisa maJuta, wakayendilambeli akasunga Phethiro bo. Ikoku kwakayetikala kuli mahhuba eTjinkwa Tjisina Mbidzo. 4Wakati awumbhata akawunsa mujele, kwaakalindiwa nemabunga mana elabadzana, limwe nelimwe bunga lili bagwi bengwa bana, etila kuti akowuntonga mbeli kwebanhu hule kwePhasika. 5Ndizo Phethiro wakagadziwa mujele; koga gubungano letshipi lakawuntembezelela tjoselele kuNdzimu.
Phethiro Unosunungugwa Mujele
6Busiku igo ntja Hherodi gwaaka ewhomuka ewundhusa, Phethiro waka alilele pakati kwebagwi bengwa babili, akasungwa neketane mbili, balindi baka bali pankoba bakalinda jele. 7Linga, kwakakoboneka ntumwa waHe, kukapenya tjedza mun'umba yejele yose; akazunguza Phethiro nelubabvu ewumusa, eti, “Muka, libilidza.” Ketane dzakawa dzibva pamaboko awe. 8Ntumwa weNdzimu wakati kuwunli, “Mbala zwiyambalo umbale nembhatata dzidzo.” Akathama sayikoko. Akati kuwunli, “Uzwipombele nejila lilo unditobele.” 9Wakabhuda akawuntobela; waka asingazibe kuti tjayetiwa nentumwa weNdzimu tjaka tjili lebeswa, koga wakakumbula kuti unobona tjilakidzilo. 10Bakati bapinda balindi bekutanga nebebubili bakaswika pankoba wetshipi unongina munzi-nkulu. Wakahhulika woga, bakabhuda bakayenda, bakayenda bakatjuluka zila in'ompela; tjinyolotjo ntumwa weNdzimu akabe ewunsiya.
11Kwakati Phethiro opedzisisa akati, “Ndatjibona kuti He watuma ntumwa uwe akandisunungula kubva mumaboko aHherodi nemuna kose kwakalingiligwa nemaJuta kuti kowhoyetikala.”
12Paakaziba kose ikoku wakayenda kun'umba yaMariya, mayi baJohane waka ana limwe zina linoyi Mako, paka pakakubungana banjinji betembezela. 13Wakati ekowhodza pankoba, kwakahha umwe nlandakadzi unoyi Roda ewhodabila. 14Wakati ewha whi laPhethiro, akasihhule nkoba ngentha yehanha, koga akalabuka enoleba kuti Phethiro upankoba. 15Bakati kuwunli, “Unopenga.” Koga iye wakakowhomesedza kuti kwakajalo. Bakati, “Untumwa uwe!”
16Koga Phethiro wakayendila mbeli ekowhodza; bakati bahhula, bakawumbona bakatjenama. 17Koga iye akamilidza luboko kuti banyalale, akabalondesedzela kuti He wawundhusa tjini mujele. Wakati, “Ikoku mukubudze Jakobe nebamwe bagalimoyo.” Akabe emilika eyenda kugumwe bugalo.
18Kukati kwayedza, kukamuka hhoba isihoma pakati kwebagwi bengwa kuti kwayetikani kuna Phethiro. 19Hherodi wakati awumvima akawun'haya, akabhuzwisisa balindi akalaya kuti babulawe.
Hherodi akabe emilika kuJudiya eyenda kuKhesariya, akanogala ko kwelubaka nyana.
Fa kwaHherodi
20Hherodi waka akagwadziligwa banhu bekuTire nebekuSidoni; ndizo bakayenda kuwunli ngemoyo un'ompela, hule kwekumbilisisa Bhulasitasi, nlume waka ali nlingi wen'umba yebulalo yamambo, kuti ababhatshe, bakakumbila kunyalala, ngentha yekuti hango yabo yaka iwana zodliwa kuhango yamambo.
21Pahhuba laka labigwa, Hherodi akambala zwiyambalo zwizwe zwebumambo, wakagala patjigalo tjetonga tjitje, akalebeleka nabo. 22Banhu bakamimila, beti, “Iwhi lendzimwana, haata lenhu!” 23Tjinyolotjo ntumwa waHe wakawunloba, nekuti waka asakudza Ndzimu; akadliwa newhonyana akafa.
24Koga dama leNdzimu laka yendilambeli li andama likawanda.
25Bhanabhasi naSawuli bakati bapedza n'hingo wabo bakahanduka bebva kuJerusalema, bakabuya naJohane waka ana limwe zina linoyi Mako.
Currently Selected:
MIHINGO 12: KTP
Highlight
Share
Copy
Want to have your highlights saved across all your devices? Sign up or sign in
The Word For The World International
MIHINGO 12
12
Kumwe Dziyidziwa
1Mulubaka igogo mambo Hherodi wakasunga bamwe baka bali begubungano letshipi. 2Wakabulaya Jakobe nkulu waJohane ngebhangatjeke; 3paakabona kuti kwahanhisa maJuta, wakayendilambeli akasunga Phethiro bo. Ikoku kwakayetikala kuli mahhuba eTjinkwa Tjisina Mbidzo. 4Wakati awumbhata akawunsa mujele, kwaakalindiwa nemabunga mana elabadzana, limwe nelimwe bunga lili bagwi bengwa bana, etila kuti akowuntonga mbeli kwebanhu hule kwePhasika. 5Ndizo Phethiro wakagadziwa mujele; koga gubungano letshipi lakawuntembezelela tjoselele kuNdzimu.
Phethiro Unosunungugwa Mujele
6Busiku igo ntja Hherodi gwaaka ewhomuka ewundhusa, Phethiro waka alilele pakati kwebagwi bengwa babili, akasungwa neketane mbili, balindi baka bali pankoba bakalinda jele. 7Linga, kwakakoboneka ntumwa waHe, kukapenya tjedza mun'umba yejele yose; akazunguza Phethiro nelubabvu ewumusa, eti, “Muka, libilidza.” Ketane dzakawa dzibva pamaboko awe. 8Ntumwa weNdzimu wakati kuwunli, “Mbala zwiyambalo umbale nembhatata dzidzo.” Akathama sayikoko. Akati kuwunli, “Uzwipombele nejila lilo unditobele.” 9Wakabhuda akawuntobela; waka asingazibe kuti tjayetiwa nentumwa weNdzimu tjaka tjili lebeswa, koga wakakumbula kuti unobona tjilakidzilo. 10Bakati bapinda balindi bekutanga nebebubili bakaswika pankoba wetshipi unongina munzi-nkulu. Wakahhulika woga, bakabhuda bakayenda, bakayenda bakatjuluka zila in'ompela; tjinyolotjo ntumwa weNdzimu akabe ewunsiya.
11Kwakati Phethiro opedzisisa akati, “Ndatjibona kuti He watuma ntumwa uwe akandisunungula kubva mumaboko aHherodi nemuna kose kwakalingiligwa nemaJuta kuti kowhoyetikala.”
12Paakaziba kose ikoku wakayenda kun'umba yaMariya, mayi baJohane waka ana limwe zina linoyi Mako, paka pakakubungana banjinji betembezela. 13Wakati ekowhodza pankoba, kwakahha umwe nlandakadzi unoyi Roda ewhodabila. 14Wakati ewha whi laPhethiro, akasihhule nkoba ngentha yehanha, koga akalabuka enoleba kuti Phethiro upankoba. 15Bakati kuwunli, “Unopenga.” Koga iye wakakowhomesedza kuti kwakajalo. Bakati, “Untumwa uwe!”
16Koga Phethiro wakayendila mbeli ekowhodza; bakati bahhula, bakawumbona bakatjenama. 17Koga iye akamilidza luboko kuti banyalale, akabalondesedzela kuti He wawundhusa tjini mujele. Wakati, “Ikoku mukubudze Jakobe nebamwe bagalimoyo.” Akabe emilika eyenda kugumwe bugalo.
18Kukati kwayedza, kukamuka hhoba isihoma pakati kwebagwi bengwa kuti kwayetikani kuna Phethiro. 19Hherodi wakati awumvima akawun'haya, akabhuzwisisa balindi akalaya kuti babulawe.
Hherodi akabe emilika kuJudiya eyenda kuKhesariya, akanogala ko kwelubaka nyana.
Fa kwaHherodi
20Hherodi waka akagwadziligwa banhu bekuTire nebekuSidoni; ndizo bakayenda kuwunli ngemoyo un'ompela, hule kwekumbilisisa Bhulasitasi, nlume waka ali nlingi wen'umba yebulalo yamambo, kuti ababhatshe, bakakumbila kunyalala, ngentha yekuti hango yabo yaka iwana zodliwa kuhango yamambo.
21Pahhuba laka labigwa, Hherodi akambala zwiyambalo zwizwe zwebumambo, wakagala patjigalo tjetonga tjitje, akalebeleka nabo. 22Banhu bakamimila, beti, “Iwhi lendzimwana, haata lenhu!” 23Tjinyolotjo ntumwa waHe wakawunloba, nekuti waka asakudza Ndzimu; akadliwa newhonyana akafa.
24Koga dama leNdzimu laka yendilambeli li andama likawanda.
25Bhanabhasi naSawuli bakati bapedza n'hingo wabo bakahanduka bebva kuJerusalema, bakabuya naJohane waka ana limwe zina linoyi Mako.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Word For The World International