Exod 25
25
ṣeddeq y lebni n lƹecceṯ y rebbiy
1yuwa lliy diyma yella y muwsa: 2«mmel y aṯ israyil aleymen ṣṣedqeṯ, seg indin lliy crehhen af ucas. 3yexs aleymeḏ s γarsen, wureγ aḏ lfejreṯ aḏ nḥas, 4aḏ ulman d izizewen aḏ d iḥberiyen aḏ d izuggaγen, aḏ ustu n tefduxt aḏ ulman n udjuf n tiγeṭiyn. 5aḏ ilimen n iberkas ṣbeγγen d izuggaγen, aḏ ilimen n trebit temeqqart lliy man γiyr tqecra aḏ isγaren n ssenṭ. 6aḏ uḏi y useγi n nnir aḏ ifuḥan y uḏi meqdus aḏ lebxuwr. 7aḏ tiƹqiqin tiṣbiḥin n ljizƹ, aḏ tiƹqiqin tiṣbiḥin iḍen y sray n rdi n lkuhhan aḏ tmeṣdurtis. 8mlasen aleggen tezeqqa temeqdust mani aqimeγ jaresen. 9we altedeggen nettaṯ yid iḥejeyenis mammeḵ taḵtendsiḵneγ.»
ttebuwt n lƹehd
10yexs aggeḏ ttebuwt seg isγaren n ssenṭ, ṭṭulis 2 derƹan aḏ wezgen aḏ leƹerḍis am lƹelwis dereƹ aḏ wezgen. 11we atγelfeḏ s wureγ ṣbiḥ s jjaj aḏ barra, we asteggeḏ lḥacit n wureγ. 12we asteggeḏ 4 n tḥelqeṯin n wureγ we atenteggeḏ af treknis, kul senneṯ s ljiheṯ. 13we aggeḏ sen igeḍman seg isγaren n ssenṭ, we atenγelfeḏ s wureγ, 14wembeƹd atenseḏfeḏ g aydin n tḥelqeṯin n ttebuwt bac atqamem sisen. 15aḏ yexs aqimen igeḍman diyn g tḥelqeṯin, witmukusenc sisneṯ xlaṣ. 16we aggeḏ tiḍγaγin n luwṣayaṯ lliy tafuceγ g ttebuwt.
rebbiy yessaḵen y muwsa mammeḵ ayeg sen iqeruwbin aḏ ddan n ttebuwt
17we aggeḏ ddan seg wureγ ṣbiḥ. netta d lƹerc n rreḥmeṯ. ṭṭulis derƹin aḏ wezgen aḏ lƹerḍis dereƹ aḏ wezgen. 18we aneḥteḏ f leḍrafis sen iqeruwbin n wureγ. 19we aydel kul lqeruwb af ṭṭerf n ddan, we adlen mmuneḥten seg wureγ n ddan aḏ lṣeqqen diyes. 20we adlen mqeblen, aḏ frewnesen lliy sreḏḏen tteḏnen ddan lliy smuqulnas. 21we aggeḏ ayuh n ddan nnaj ttebuwt lliy teggeḏ diyes tiḍγaγin n luwṣayaṯ lliy tafuceγ. 22aḏ diyn tafezreγ jar aydin sen iqeruwbin s nnaj ddan n ttebuwt n luwṣayaṯ. aḏ tafemleγ af matta tatemleḏ y aṯ israyil lkul.
rebbiy yessaḵen y muwsa mammeḵ ayeg ṭṭewleṯ n tqurset temeqdust
23we arniḏ aggeḏ ṭṭewleṯ seg isγaren n ssenṭ, ṭṭulis sen leḏruƹ, aḏ lƹerḍis dereƹ, aḏ lƹulwis dereƹ aḏ wezgen. 24we atetγelfeḏ s wureγ, we asteggeḏ lḥacit n wureγ. 25we aggeḏ af lejnabis lḥacit iḍen am lgafun lƹelwis 4 n idudan aḏ lḥacitis d wureγ zada. 26we astneγleḏ 4 n tḥelqeṯin n wureγ, we astendeggeḏ af treken n idernis adug lḥacit. 27we adelneṯ ayuh n tḥelqeṯin d imuḵan n sen igeḍman lliy taqemem sisen ṭṭewleṯ. 28we aggeḏ igeḍman seg isγaren n ssenṭ, we atenγelfeḏ s wureγ bac aqemen sisen ṭṭewleṯ. 29amma tiḥeḏweq n ṭṭewleṯ, aḏ tbesis, aḏ lkisanis, aḏ ibriqnis lliy taneγlem sisen, yexs ateneggeḏ seg wureγ ṣbiḥ. 30we aggeḏ tqurset n ṣṣedqeṯ zzaṯiw af ayuh n ṭṭewleṯ diyma.
rebbiy yessaḵen y muwsa mammeḵ ayeg lefnar
31we aneḥteḏ seg ṭṭerf yjen n wureγ ṣbiḥ nnir s tqeƹetis aḏ daris aḏ lkisanis aḏ nnuweris aḏ tiwerqay n nnuweris. 32we adefγen seg dder lliy g amas 6 n isγaren kul 3 seg ljiheṯ, 33we aydel kul lkas s tnuwertis aḏ tewerqitis g ṭṭerf n kul sγer seg ayuh n 6. 34aḏ ayuh n nnir diyes 4 n lkisan am tzalluzin s twerqeyesen aḏ nuweresen g dder lliy g amas. 35aḏ g dder lliy g amas adug kul sen isγaren yexs ggeḏ tewerqit. 36we aydel dder n nnir aḏ tiwerqayis aḏ isγarnis lkulhum d ṭṭerf yjen seg wureγ ṣbiḥ.
37we aggeḏ 7 n lkisan y tiftal, we atenserseḏ af nnir bac aḍawan al zzaṯ. 38we aggeḏ zada iγemdanis aḏ tḥeḏweqis n iγeḍ seg wureγ ṣbiḥ. 39yexs aggeḏ ayuh n nnir aḏ lliy yiḏes lkul seg lweznaṯ ijeṯ n wureγ ṣbiḥ. 40aḏ yexs aggeḏ kul ciy mammeḵ siḵenγaḵtiḏ dehnit af jbel.
Currently Selected:
Exod 25: IGJ
Highlight
Share
Copy
Want to have your highlights saved across all your devices? Sign up or sign in
© 2025 Chutney Media Agency Ltd for the audio recording and for the text upon which the recording is based. The audio recording and the text are both released under a Creative Commons 4.0 CC BY-NC-ND license (Attribution - No-Commercial - No Derivatives).
