Filipiɛ́ŋ 3
3
Bilɔŋ biá meliŋ má gindényé agá eŋís ya Uhaluá
1Dabdab gɔg beliméen, ánaá núfunde uguá Ɔgúná, búdiénsésenyɛ áneé nnúɔ́ŋɔn muand muáguɔ́ múmomi, guond gánɔ búnyɛ gá gueleé nugúnínan. 2Nubídédínye na bilɔg biá belibuóli, nubídédínye na mbuá, nubídédínye na bilɔg biá bandɔ ibígɔ́lɔnaá nuansana hana giandá giá buand. 3Gá giagiá, bandɔ abánya hómohómue abábíansánɔ́ bábánya basuá, diébúlúgenye Uhaluá uguég guá Gileénde giá Budányɛ, diáguágan ibal hiásɔ uguá Yésuse Klístus, basuá didiɔ́dɔ́bígɔnɛn ɔduá uguá melélíe má bunyɛ bandɔ.
4Henyé, yaábianan nɛɛ́m niá dɔ́bíginɛn ɔduá súsɔ́n uguá melélíe má bunyɛ bandɔ, sɔ́gá omodi umegedíe áneé búnyɛ uguá melélíe má bunyɛ bandɔ úmaág nubídágídɛ́n nuég, yaŋuá, nnyɛ wa gedie nɔ́ guandadɔ́mb. 5Mmabiáns egélém gá mɔɔ́sɛ mánimanyɛ mámɛ má nubíényi. Nnyɛ mbanda ya Íslayɛ́l uguá niguili niá Bɛŋsamɛ́ŋ, nnyɛ maná bá Hebelé, mbíényi siámɛ bá Hebelé, yaábá ŋŋimbe gigodi giá Mɔ́sɛsa hana gilád giá falisiɛ́ŋ. 6Mmobídóŋónyé hómohómue gá buɔ́ gueneg hana mmégényigényé Gimbi giá beédébi bá Klístus. Gá ubúbíyiganaá gindényé uyɔɔ́ gigodi gíɔ́yɔnɔ́, ta mɔndɔ umasábá wánsigɛd.
7Henyé, muand umugányɛ gidigid umuɔ́ mmabá ŋŋedenye áneé múnyɛ bisuɛ́n biámɛ, dabdab múganyɛ giáyína gámɛ, gá busió buá Klístus. 8Ɛɛ́ɛ, yaáguánan áneé múmuanyɛ gidigid múnyɛ giáyína, agá buáyɛ buá giandá giá beseé unyaá áneé nlinsan Yésuse Klístus Ɔgúná wamɛ. Gég gá busió yaáyɛ́n buá gidigid, yaábíyigan muand umugányɛ wɔ́s hana biguídi, gá gueleé mbia Klístus, 9yond mbá hómohómue uguá búlada neéneg. Ndiɔ́nduguɔya áneé nnyɛ mɔndɔ wa gindényé, gá busió buá gueleé yaábá yala hana gigodi gíɔ́yɔnɔ́. Búnyɛ gá guágɔdɛ́m uguá Klístus nnya gindényé. Bugindényé búóguólonin agá Uhaluá, weéguéŋen mɔndɔ gidigid uwaádáabanaá yɔ́. 10Buand búmomi ubuɔ́ yaámbanɔ́, búnyɛ áneé nlinsan Klístus na buŋaŋa ubúmehémíe yɔ́ uguá gibɛ́l, yaáguamba áneé yɔɔ́bígɔn neéneg, mbá mpónyé neéneg uguég guá nigué. 11Gá guelée yaŋuá súsɔ́n mbia nubídágídɛ́n áneé yanáhám uguá gibɛ́l. 12Ndiáguamba guɔyɛd áneé ŋŋanyɛ agá ɔhɔ́nd, ugúnya ana ŋŋanyɛ níŋíláníŋílá. Gɔgaá, Yaáguídan na busió na ɔdɛ́d mbínuanan gá gueleé mpigin, gá giagiá Yésuse Klístus weéménémpigin. 13Beliméen, ndíégedenye áneé yaámánábia bisuɛ́n biámɛ. Gɔgaá, yeébíélibielie ubúsámanadɔ́mb uguámɛ guélém, mbínuanan gá gueleé yeneg gá ubúnya uguá busió. Gúu búnya buand búmomi ubuɔ́ yálanɔ́. 14Yeébinen ubuɔ́ yámbanɔ́ gubia na ɔdɛ́d, gá gueleé ndáŋáab ndáŋa iyɛɛ́ Uhaluá udídɔ́ŋɔ́naá gá bia, ugumɔn uguélém guá Yésuse Klístus. 15Basuá gidigid dinyaá mpindi uguá guágɔdɛ́m, ánaá dísɔ́dɔn anagányɛ. Mmabá ginɛŋ gímodi nugedie núdodi nuóguólonin bágánɔ uguá ɔduá, Uhaluá úwenénúdíyenú nuɔ́ agá budányɛ. 16Agá ŋŋɛnd iyɛɛ́ diéménúgueg, ánaá diídan na busió na uŋand huásɔ.
17Banuá gidigid beliméen, ánaá númbígedenye, nudámb eŋís gá bandɔ ebándanɔ́ uguá bulins ubuɔ́ bɔ́gɔ́lɔnaá uguásɔ. 18Giod giá bandɔ gínyɛ babɛlɛ́bɛl bá nuag nuá Klístus, yaábá nnúɔyɔn buɔ́ gúu yɔ́ndɔnúɔyɔnaá buɔ́ dabdab, mbaŋa. 19Agá nsúgie, Uhaluá wenéhúhie bɔ́, gá giagiá uhaluá wɔb únyaá nimuɛnd niɔ́b, nigúmi niɔ́b báguágan niɛ́ uguɔ́b guá ɔduá gunɔ́h bónd bábíágan agá ɔdɛ́m pɛ́ŋ muand muá guísi uguɔ. 20Gá giagiá, gidɔŋ giásɔ gínyɛ ugumɔn uguɔ́ dígíganaá guónólin guá Osódie wasɔ, unyaá Ɔgúná Yésuse Klístus. 21Wénénúgie nuɔ́l nuásɔ nuá bulɔ́b unúguéneé, nuásiɛ́d hana nuɔ́l nuég nuá nigúmi. Wánál nɔ́ uguá buŋaŋa ubúálanɔ́ áneé waágan buá gidigid uguég guá ihiligine.
Currently Selected:
Filipiɛ́ŋ 3: EKM
Highlight
Share
Copy
Want to have your highlights saved across all your devices? Sign up or sign in
Filipiɛ́ŋ 3
3
Bilɔŋ biá meliŋ má gindényé agá eŋís ya Uhaluá
1Dabdab gɔg beliméen, ánaá núfunde uguá Ɔgúná, búdiénsésenyɛ áneé nnúɔ́ŋɔn muand muáguɔ́ múmomi, guond gánɔ búnyɛ gá gueleé nugúnínan. 2Nubídédínye na bilɔg biá belibuóli, nubídédínye na mbuá, nubídédínye na bilɔg biá bandɔ ibígɔ́lɔnaá nuansana hana giandá giá buand. 3Gá giagiá, bandɔ abánya hómohómue abábíansánɔ́ bábánya basuá, diébúlúgenye Uhaluá uguég guá Gileénde giá Budányɛ, diáguágan ibal hiásɔ uguá Yésuse Klístus, basuá didiɔ́dɔ́bígɔnɛn ɔduá uguá melélíe má bunyɛ bandɔ.
4Henyé, yaábianan nɛɛ́m niá dɔ́bíginɛn ɔduá súsɔ́n uguá melélíe má bunyɛ bandɔ, sɔ́gá omodi umegedíe áneé búnyɛ uguá melélíe má bunyɛ bandɔ úmaág nubídágídɛ́n nuég, yaŋuá, nnyɛ wa gedie nɔ́ guandadɔ́mb. 5Mmabiáns egélém gá mɔɔ́sɛ mánimanyɛ mámɛ má nubíényi. Nnyɛ mbanda ya Íslayɛ́l uguá niguili niá Bɛŋsamɛ́ŋ, nnyɛ maná bá Hebelé, mbíényi siámɛ bá Hebelé, yaábá ŋŋimbe gigodi giá Mɔ́sɛsa hana gilád giá falisiɛ́ŋ. 6Mmobídóŋónyé hómohómue gá buɔ́ gueneg hana mmégényigényé Gimbi giá beédébi bá Klístus. Gá ubúbíyiganaá gindényé uyɔɔ́ gigodi gíɔ́yɔnɔ́, ta mɔndɔ umasábá wánsigɛd.
7Henyé, muand umugányɛ gidigid umuɔ́ mmabá ŋŋedenye áneé múnyɛ bisuɛ́n biámɛ, dabdab múganyɛ giáyína gámɛ, gá busió buá Klístus. 8Ɛɛ́ɛ, yaáguánan áneé múmuanyɛ gidigid múnyɛ giáyína, agá buáyɛ buá giandá giá beseé unyaá áneé nlinsan Yésuse Klístus Ɔgúná wamɛ. Gég gá busió yaáyɛ́n buá gidigid, yaábíyigan muand umugányɛ wɔ́s hana biguídi, gá gueleé mbia Klístus, 9yond mbá hómohómue uguá búlada neéneg. Ndiɔ́nduguɔya áneé nnyɛ mɔndɔ wa gindényé, gá busió buá gueleé yaábá yala hana gigodi gíɔ́yɔnɔ́. Búnyɛ gá guágɔdɛ́m uguá Klístus nnya gindényé. Bugindényé búóguólonin agá Uhaluá, weéguéŋen mɔndɔ gidigid uwaádáabanaá yɔ́. 10Buand búmomi ubuɔ́ yaámbanɔ́, búnyɛ áneé nlinsan Klístus na buŋaŋa ubúmehémíe yɔ́ uguá gibɛ́l, yaáguamba áneé yɔɔ́bígɔn neéneg, mbá mpónyé neéneg uguég guá nigué. 11Gá guelée yaŋuá súsɔ́n mbia nubídágídɛ́n áneé yanáhám uguá gibɛ́l. 12Ndiáguamba guɔyɛd áneé ŋŋanyɛ agá ɔhɔ́nd, ugúnya ana ŋŋanyɛ níŋíláníŋílá. Gɔgaá, Yaáguídan na busió na ɔdɛ́d mbínuanan gá gueleé mpigin, gá giagiá Yésuse Klístus weéménémpigin. 13Beliméen, ndíégedenye áneé yaámánábia bisuɛ́n biámɛ. Gɔgaá, yeébíélibielie ubúsámanadɔ́mb uguámɛ guélém, mbínuanan gá gueleé yeneg gá ubúnya uguá busió. Gúu búnya buand búmomi ubuɔ́ yálanɔ́. 14Yeébinen ubuɔ́ yámbanɔ́ gubia na ɔdɛ́d, gá gueleé ndáŋáab ndáŋa iyɛɛ́ Uhaluá udídɔ́ŋɔ́naá gá bia, ugumɔn uguélém guá Yésuse Klístus. 15Basuá gidigid dinyaá mpindi uguá guágɔdɛ́m, ánaá dísɔ́dɔn anagányɛ. Mmabá ginɛŋ gímodi nugedie núdodi nuóguólonin bágánɔ uguá ɔduá, Uhaluá úwenénúdíyenú nuɔ́ agá budányɛ. 16Agá ŋŋɛnd iyɛɛ́ diéménúgueg, ánaá diídan na busió na uŋand huásɔ.
17Banuá gidigid beliméen, ánaá númbígedenye, nudámb eŋís gá bandɔ ebándanɔ́ uguá bulins ubuɔ́ bɔ́gɔ́lɔnaá uguásɔ. 18Giod giá bandɔ gínyɛ babɛlɛ́bɛl bá nuag nuá Klístus, yaábá nnúɔyɔn buɔ́ gúu yɔ́ndɔnúɔyɔnaá buɔ́ dabdab, mbaŋa. 19Agá nsúgie, Uhaluá wenéhúhie bɔ́, gá giagiá uhaluá wɔb únyaá nimuɛnd niɔ́b, nigúmi niɔ́b báguágan niɛ́ uguɔ́b guá ɔduá gunɔ́h bónd bábíágan agá ɔdɛ́m pɛ́ŋ muand muá guísi uguɔ. 20Gá giagiá, gidɔŋ giásɔ gínyɛ ugumɔn uguɔ́ dígíganaá guónólin guá Osódie wasɔ, unyaá Ɔgúná Yésuse Klístus. 21Wénénúgie nuɔ́l nuásɔ nuá bulɔ́b unúguéneé, nuásiɛ́d hana nuɔ́l nuég nuá nigúmi. Wánál nɔ́ uguá buŋaŋa ubúálanɔ́ áneé waágan buá gidigid uguég guá ihiligine.
Currently Selected:
:
Highlight
Share
Copy
Want to have your highlights saved across all your devices? Sign up or sign in