Filipiɛ́ŋ 2
2
Klístus umaáyɛ edúmébi
1Mmába gubílad guánɔ na Klístus gúánúhuán nimadɛ, mmába ginɔ́nɛ́n giég gíénúédigenye uguá binam, mmába nunyɛ uguá búlada neéneg uguá Gileénde giá Budányɛ, mmába nunyɛ yɛbyɛb na beseé banuá na banuá, 2ɛɛ́ɛ, hónyónónú ibal hiámɛ uguá sɔ́dɔn ugelu húmomi. Nubianan ginɔ́nɛ́n gímomi, nubá ɔdɛ́m húmomi na nugedie nuánɔ númomi, ámbánánɔ búlada. 3Nudialá ta buand uguá bíhiganɛn, ugúnya ana uguá bídíyenye, búnyɛ agá gudɔ́ɔ, gɔgaá, uguá bísusie, ánánánɔ bɔsɔ́gá hana bánúdúmban. 4Sig mɔndɔ udiambá pɛ́ŋ beseé weg, gɔgaá, ámbánánɔ beseé wa bɔsɔ́gá. 5Bígɔ́lɔ́nɔ́nɔ hana bandɔ abánya abábíládánɔ́ na Yésuse Klístus.
6Yésuse unyɛ nnɛmb ya Uhaluá, gá giagiá unyɛ Uhaluá gubul feké.
Henyé, gubá nnɛmb uguɔ́g, umasúguamba áneé ugága guɔ́ gég gá busió.
7Gɔgaá, úmuanyɛ mbánan úmeén buá gidigid, uwɔgɔ́l ondig huá edúmébi,
uwasiáyɛ hana bandɔ,
bámuanyɛ gidigid abánán áneé unyɛ mɔndɔ.
8Uwaádáab gubísusie,
uwabia giɔ́bína na Uhaluá gueneg agá nigué,
nigué uguá nuag. 9Buand buáguɔ́ Uhaluá úmág yɔ́ hádɛ ugumɔn,
uwalɔg yɔ́ ɔhɛ́n uhúdúmbanaá íhɛ́n gidigid.
10Gá gueleé uguá ɔhɛ́n huá Yésuse, biaŋana gidigid ibínya ugumɔn,
ibínya uguísi naá ibínya uguá bunyɛ nnyɔlɛ, bímɔɔ́b ɔhɛ́n huég, bíbɔmbigɔnɛn yɔ́ nudúg.
11Guond eŋíd gidigid yɔya áneé: Yésuse Klístus unyɛ Ɔgúná,
gá nigúmi niá Uhaluá Síe.
Buóli buá beédébi
12Buand buáguɔ́ ndága siámɛ siá begúl, ánaá núɔ́bɔnɛn Uhaluá hana nuól núɔ́bɔnɛn yɔ́. Búdibá pɛ́ŋ uguá ginɛŋ igiɛ́ nnya hɔ́, gɔgaá guandadɔ́mb dabdab uyɔɔ́ ndíabá hɔ́. Ánaá núbínuanan gá guala buóli gá díye áneé nunyɛ abaháŋánɔ, nuond nuala buɔ́ uguá bísusie na díne Uhaluá. 13Gá giagiá, búnyɛ Uhaluá úwalanɔ́ buóli uguánɔ wond unúhuán guɔyɛd na guala melélíe ɔmɔ́bígɔnaá yɔ́. 14Alánánɔ buá gidigid kanda bioŋúlé kanda nségíe, 15gá gueleé nubá kanda nsɛg, budányɛ, nubá baán bá Uhaluá kanda biíle agá ɔdɛ́m na ɔdɛ́m huá bandɔ bá guísi, abánya mbagiá bónd bála bilɔg biá muand. Agá ɔdɛ́m huá bandɔ abagányɛ, ánaá núbunya hana gise giá guísi. 16Gá giagiá, nuésesenye nugálɔ nuá nusɔ́da. Buɔ́sɛ ubuɔ́ Klístus wónólonu, yɔnɔ́núɔ́bɔnɛn ibal, gá giagiá mmasúguala buóli agá gudɔɔ́ ugúnya ana mmɔsɔ́gɔ́lɔn gidɔga gá gilé. 17Ta búbá áneé manɔ́ŋ mámɛ mógódi áneé módug gá bíɔ́hígɛn uguá nusámb naá uguá buóli buá guágɔdɛ́m, yɔɔ́guɔ́bɔn ibal yond mbalaga ɔlɔŋ naánanɔ gidigid. 18Banuá súsɔ́n ánaá núbia ibal, bálágánánɔ naánamɛ.
Buóli buá Timoté na Epaflódit
19Uguá mina mɔgɔdɛ uguá Ɔgúná Yésuse, uguá baán bá mɔɔ́sɛ ŋŋanúdúmɛ́n Timoté, gá gueleé nsɔ́m isiɛ́ ŋŋabianɔ́ guólín uguánɔ síŋág nuɔ́l. 20Búnyɛ pɛ́ŋ na Timoté ŋŋódiónú nugedie númomi, weénúbídúmenye binɛŋ gidigid. 21Obólbóndeé bébídúmenye pɛ́ŋ beseé wɔb, búdibá wa Yésuse Klístus. 22Gɔgaá gég, waábá gilád hana muɔ́n unyaá gilád giá síe, umalá buóli buá sesenye Ginɔ́g giá Nsɔ́m naánamɛ. 23Yeégedenye gɔg áneé ŋŋanúdúmɛ́n yɔ́ bágaámásɔ́mb gisan giámɛ. 24Haná nubídágídɛ́n nuámɛ núnya uguá Ɔgúná, yeégedenye áneé uguá maná ginɛŋ, yaŋuá súsɔ́n, ŋŋoól uguánɔ.
25Ta nɔ́ gɔg, yaán beseé áneé nnúdúmɛ́n Epaflódit, ndiméen wamɛ, giendinyi giámɛ uguá buóli naá gá nuanan gá busió buá Klístus, numandúmɛ́n yɔ́ gá gueleé uŋólín na ŋŋíge iyɛɛ́ mmábia niída. 26Waábaŋa guandanúán banuá gidigid, waábá uséhénen hana númɔɔ́b áneé waánúma. 27Ɛɛ́ɛ, waánúmɛ́d, sid na nigué, gɔgaá Uhaluá waán yɔ́ bulɔ́b, búdibá pɛ́ŋ gég, gɔgaá gámɛ súsɔ́n gá gueleé mesígíl ɔmɔɔ́ ŋŋódiónú mɔ́diɔndɔ́bíɔ́hígɛn. 28Yeégudgud gá núdúmɛ́n yɔ́. Gá gueleé nugaámán yɔ́ nubá uguá ibal, yaŋuá ndiandábá uguá giandá giá mesígíl. 29Gúu, ánaá núnágɛn yɔ́ na ibal gidigid hana ndiméen uguá Ɔgúná. Bandɔ hana abagányɛ, nugódi áneé nugɔ́lɔn bɔ́ uguá gisáŋ giá baán bá Ombódie. 30Gá giagiá, waábá mɔdɔg na nigué gá buóli buá Klístus: Waábá gá nímie nusɔ́da nuég gá ŋŋígin ɔmbɔ́g gá ubuɔ́ banuá nuásábá nua gual gámɛ gá busió.
Currently Selected:
Filipiɛ́ŋ 2: EKM
Highlight
Share
Copy
Want to have your highlights saved across all your devices? Sign up or sign in
Filipiɛ́ŋ 2
2
Klístus umaáyɛ edúmébi
1Mmába gubílad guánɔ na Klístus gúánúhuán nimadɛ, mmába ginɔ́nɛ́n giég gíénúédigenye uguá binam, mmába nunyɛ uguá búlada neéneg uguá Gileénde giá Budányɛ, mmába nunyɛ yɛbyɛb na beseé banuá na banuá, 2ɛɛ́ɛ, hónyónónú ibal hiámɛ uguá sɔ́dɔn ugelu húmomi. Nubianan ginɔ́nɛ́n gímomi, nubá ɔdɛ́m húmomi na nugedie nuánɔ númomi, ámbánánɔ búlada. 3Nudialá ta buand uguá bíhiganɛn, ugúnya ana uguá bídíyenye, búnyɛ agá gudɔ́ɔ, gɔgaá, uguá bísusie, ánánánɔ bɔsɔ́gá hana bánúdúmban. 4Sig mɔndɔ udiambá pɛ́ŋ beseé weg, gɔgaá, ámbánánɔ beseé wa bɔsɔ́gá. 5Bígɔ́lɔ́nɔ́nɔ hana bandɔ abánya abábíládánɔ́ na Yésuse Klístus.
6Yésuse unyɛ nnɛmb ya Uhaluá, gá giagiá unyɛ Uhaluá gubul feké.
Henyé, gubá nnɛmb uguɔ́g, umasúguamba áneé ugága guɔ́ gég gá busió.
7Gɔgaá, úmuanyɛ mbánan úmeén buá gidigid, uwɔgɔ́l ondig huá edúmébi,
uwasiáyɛ hana bandɔ,
bámuanyɛ gidigid abánán áneé unyɛ mɔndɔ.
8Uwaádáab gubísusie,
uwabia giɔ́bína na Uhaluá gueneg agá nigué,
nigué uguá nuag. 9Buand buáguɔ́ Uhaluá úmág yɔ́ hádɛ ugumɔn,
uwalɔg yɔ́ ɔhɛ́n uhúdúmbanaá íhɛ́n gidigid.
10Gá gueleé uguá ɔhɛ́n huá Yésuse, biaŋana gidigid ibínya ugumɔn,
ibínya uguísi naá ibínya uguá bunyɛ nnyɔlɛ, bímɔɔ́b ɔhɛ́n huég, bíbɔmbigɔnɛn yɔ́ nudúg.
11Guond eŋíd gidigid yɔya áneé: Yésuse Klístus unyɛ Ɔgúná,
gá nigúmi niá Uhaluá Síe.
Buóli buá beédébi
12Buand buáguɔ́ ndága siámɛ siá begúl, ánaá núɔ́bɔnɛn Uhaluá hana nuól núɔ́bɔnɛn yɔ́. Búdibá pɛ́ŋ uguá ginɛŋ igiɛ́ nnya hɔ́, gɔgaá guandadɔ́mb dabdab uyɔɔ́ ndíabá hɔ́. Ánaá núbínuanan gá guala buóli gá díye áneé nunyɛ abaháŋánɔ, nuond nuala buɔ́ uguá bísusie na díne Uhaluá. 13Gá giagiá, búnyɛ Uhaluá úwalanɔ́ buóli uguánɔ wond unúhuán guɔyɛd na guala melélíe ɔmɔ́bígɔnaá yɔ́. 14Alánánɔ buá gidigid kanda bioŋúlé kanda nségíe, 15gá gueleé nubá kanda nsɛg, budányɛ, nubá baán bá Uhaluá kanda biíle agá ɔdɛ́m na ɔdɛ́m huá bandɔ bá guísi, abánya mbagiá bónd bála bilɔg biá muand. Agá ɔdɛ́m huá bandɔ abagányɛ, ánaá núbunya hana gise giá guísi. 16Gá giagiá, nuésesenye nugálɔ nuá nusɔ́da. Buɔ́sɛ ubuɔ́ Klístus wónólonu, yɔnɔ́núɔ́bɔnɛn ibal, gá giagiá mmasúguala buóli agá gudɔɔ́ ugúnya ana mmɔsɔ́gɔ́lɔn gidɔga gá gilé. 17Ta búbá áneé manɔ́ŋ mámɛ mógódi áneé módug gá bíɔ́hígɛn uguá nusámb naá uguá buóli buá guágɔdɛ́m, yɔɔ́guɔ́bɔn ibal yond mbalaga ɔlɔŋ naánanɔ gidigid. 18Banuá súsɔ́n ánaá núbia ibal, bálágánánɔ naánamɛ.
Buóli buá Timoté na Epaflódit
19Uguá mina mɔgɔdɛ uguá Ɔgúná Yésuse, uguá baán bá mɔɔ́sɛ ŋŋanúdúmɛ́n Timoté, gá gueleé nsɔ́m isiɛ́ ŋŋabianɔ́ guólín uguánɔ síŋág nuɔ́l. 20Búnyɛ pɛ́ŋ na Timoté ŋŋódiónú nugedie númomi, weénúbídúmenye binɛŋ gidigid. 21Obólbóndeé bébídúmenye pɛ́ŋ beseé wɔb, búdibá wa Yésuse Klístus. 22Gɔgaá gég, waábá gilád hana muɔ́n unyaá gilád giá síe, umalá buóli buá sesenye Ginɔ́g giá Nsɔ́m naánamɛ. 23Yeégedenye gɔg áneé ŋŋanúdúmɛ́n yɔ́ bágaámásɔ́mb gisan giámɛ. 24Haná nubídágídɛ́n nuámɛ núnya uguá Ɔgúná, yeégedenye áneé uguá maná ginɛŋ, yaŋuá súsɔ́n, ŋŋoól uguánɔ.
25Ta nɔ́ gɔg, yaán beseé áneé nnúdúmɛ́n Epaflódit, ndiméen wamɛ, giendinyi giámɛ uguá buóli naá gá nuanan gá busió buá Klístus, numandúmɛ́n yɔ́ gá gueleé uŋólín na ŋŋíge iyɛɛ́ mmábia niída. 26Waábaŋa guandanúán banuá gidigid, waábá uséhénen hana númɔɔ́b áneé waánúma. 27Ɛɛ́ɛ, waánúmɛ́d, sid na nigué, gɔgaá Uhaluá waán yɔ́ bulɔ́b, búdibá pɛ́ŋ gég, gɔgaá gámɛ súsɔ́n gá gueleé mesígíl ɔmɔɔ́ ŋŋódiónú mɔ́diɔndɔ́bíɔ́hígɛn. 28Yeégudgud gá núdúmɛ́n yɔ́. Gá gueleé nugaámán yɔ́ nubá uguá ibal, yaŋuá ndiandábá uguá giandá giá mesígíl. 29Gúu, ánaá núnágɛn yɔ́ na ibal gidigid hana ndiméen uguá Ɔgúná. Bandɔ hana abagányɛ, nugódi áneé nugɔ́lɔn bɔ́ uguá gisáŋ giá baán bá Ombódie. 30Gá giagiá, waábá mɔdɔg na nigué gá buóli buá Klístus: Waábá gá nímie nusɔ́da nuég gá ŋŋígin ɔmbɔ́g gá ubuɔ́ banuá nuásábá nua gual gámɛ gá busió.
Currently Selected:
:
Highlight
Share
Copy
Want to have your highlights saved across all your devices? Sign up or sign in