Filipiɛ́ŋ 4
4
1Beliméen bámɛ bá ginɔ́nɛ́n, buand buáguɔ́, nnúɔyɔnaá áneé núbígimbe símbsímb uguá bilɔŋ ibigányɛ uguá Ɔgúná. Yɔɔ́guɔya hómohómue guandasinúán, banuá nunyaá ibal hiámɛ na nuɔ́l nuámɛ.
2Yaánúgangánɛn na Efodí na Sɛntís, beliméen básɔ abagándɔ áneé, bɔ́sɔ́dɔn uguá hám ugelu gá giagiá, bɔ́guɔ́bɔnɛn na Ɔgúná. 3Aŋuá súsɔ́n, gilád giámɛ giá giendinyi giá ogúl, yágánganɛn, gígénín bɔ́ ɔmbɔ́g, gá giagiá, bámanuanán ɔlɔŋ naánamɛ gá busió buá Ginɔ́g giá Nsɔ́m, na Klemáŋ súsɔ́n na bɔsɔ́gá básɔ bómodi bá buóli, ɔbɔɔ́ ihɛ́n siɔ́b sínya isíɔ́ŋɔ́n uguá yubu hiá nusɔ́da.
4Ánaá núbalaga binɛŋ gidigid uguá Ɔgúná, yɔ́ndɔnúɔyɔn: Ánaá núbalaga! 5Ánaá bandɔ gidigid bánan beseé wánɔ. Ɔgúná uganyɛ gúnoguól. 6Nudisɔ́mbsɔ́mb manɔ́ŋ ta gá buand. Gɔgaá, binɛŋ gidigid, ánaá núɔ́ŋɔn Uhaluá wánɔ muand gidigid umuɔ́ núambanɔ́ uguá mbísógóli, núbísógólonye, nuéŋen yɔ́ mbíyigie. 7Agányɛ gɔg, bumbénu buá Uhaluá ubúdúmbanaá muand gidigid umuɔ́ mɔndɔ únya wa guɔ́b, búénégimben ídɛ́m síánɔ, na dugedie duánɔ uguá Yésuse Klístus. 8Gá umúólmúóndeé beliméen, ánaá núágan dugedie duánɔ́ uguá muand muá beseé, múond múnigimanan na mpínényi, muand gidigid umúnya hómohómue, umúnigimanaá na búlúgenye, múmuanyɛ súsɔ́n gindényé na níŋíláníŋílá, buá gidigid ubuɔ́ bánya bébíhínídie naá umúnya muá ŋŋíge. 9Ánaá núala muandá umuɔ́ yaŋuá mménúhuínyihúnyé iyond iyanúsúgídɛn muɔ́. Muand umuɔ́ númɔɔ́b uguámɛ guá niíd, unuond unuánan haná yálanɔ́ muɔ́. Agányɛ, Uhaluá uhúáninaá bumbénu, wanábá náananɔ.
Póle weébíyigenye bafilipiɛ́ŋ
10Yɔɔ́b giandá giá ibal uguá Ɔgúná hana nuéndédíye áneé nuémbídúmenye, ɛɛ́ɛ, beseé ugányɛ núábiánán yɔ́, gɔgaá núasábianan giásɛ giá ndíye. 11Ndiágálgal anagányɛ gá giagiá yaábaŋa buand, mmamanáhɛ́l guɔ́bɔn beseé naá ubuɔ́ ŋŋódionu. 12Mmahɔ́nhɔ́n guɔ́d nsan, iyahɔ́nhɔn gubá uguá bunɛ́m. Mmahɔ́nhɔ́n súsɔ́n hɔɔ́m gidigid ta gá buá gidigid gubíhálan na gíga uguá nsan, ta mbianan ta ndibianan ndíédíne. 13Nnyɛ wa gual buá gidigid pɛ́ŋ na bugaga ubuɔ́ Klístus úmpuánaá. 14Ta nɔ́, yɔɔ́guɔ́bɔn giod giá beseé hana nuɔ́gɔ́l ginɛŋ na meyú mámɛ. 15Banuá bandɔ bá tísɔna wa Filíbe, núálinsan beseé na beseé áneé, uguá ginɛŋ igiɛ́ mmólígié uguá gibéyi giá guísi giá Maseduán, uguá mɔɔ́sɛ ɔmɔɔ́ bámagɔns guɔya Ginɔ́g giá Nsɔ́m, banuá béŋenyi numaábá Gimbi giá beédébi bá Klístus giá ŋŋígin ɔmbɔ́g. Banuá béŋenyi numɔɔ́gɔ́lɔ́n gidɔga naá umuɔ́ mmabá ŋŋíndígan naá umuɔ́ mmabá mpémenye. 16Agaá mmabá agá tísɔna wa Tesaloník súsɔ́n, unueŋígenin ɔmbɔ́g iŋand giod na ndúmanɛn muand umuɔ́ mmabianán nsan na muɔ́.
17Ndiáguamba áneé numpuá buand. Ɛ́ɛɛ́, Gɔgaá yaáguamba áneé Uhaluá unúfɔn gánɔ gá mpuán. 18Mmabiá gɔg muand gidigid umuɔ́ númandúmɛn. Múnyɛ giod muɛ́d gudɔ́mb. Dabdab gɔg, Epaflodít weésíeg na muand umuɔ́ númandúmɛ́n, uwampuá muɔ́, ŋŋanyɛ naá buá gidigid ubuɔ́ yábáŋá. Mpuán yanɔ inyɛ hana nusámb unúnya ohind, bunusámb ubuɔ́ Uhaluá wádáabanaá, búond búála yɔ́ beseé. 19Uhaluá wamɛ uguég guá giod giá bunɛ́m, wanánúhuá buand gidigid ubuɔ́ núbaŋanɔ́ uguá Yésuse Klístus. 20Ánaá nigúmi níbá na Síe wasɔ Uhaluá gá nnyɔ́m na nnyɔ́m! Anagányɛ!
Mbígélíd ya nsúgie
21Uguá ɔhɛ́n huá Yésuse Klístus, bígélígéliénu bandɔ gidigid ɔbɔ́bɔninaá na Uhaluá. Beliméen básɔ abánya naánamɛ aga, béménúbígélídíe. 22Beédébi gidigid bénúbígélígelie, hómohómue abálanaá ofuŋ uhugɔ́n Sesál buóli.
23Ánaá magɔg má Ɔgúná Yésuse Klístus mábá na gileénde giánɔ!
Currently Selected:
Filipiɛ́ŋ 4: EKM
Highlight
Share
Copy
Want to have your highlights saved across all your devices? Sign up or sign in
Filipiɛ́ŋ 4
4
1Beliméen bámɛ bá ginɔ́nɛ́n, buand buáguɔ́, nnúɔyɔnaá áneé núbígimbe símbsímb uguá bilɔŋ ibigányɛ uguá Ɔgúná. Yɔɔ́guɔya hómohómue guandasinúán, banuá nunyaá ibal hiámɛ na nuɔ́l nuámɛ.
2Yaánúgangánɛn na Efodí na Sɛntís, beliméen básɔ abagándɔ áneé, bɔ́sɔ́dɔn uguá hám ugelu gá giagiá, bɔ́guɔ́bɔnɛn na Ɔgúná. 3Aŋuá súsɔ́n, gilád giámɛ giá giendinyi giá ogúl, yágánganɛn, gígénín bɔ́ ɔmbɔ́g, gá giagiá, bámanuanán ɔlɔŋ naánamɛ gá busió buá Ginɔ́g giá Nsɔ́m, na Klemáŋ súsɔ́n na bɔsɔ́gá básɔ bómodi bá buóli, ɔbɔɔ́ ihɛ́n siɔ́b sínya isíɔ́ŋɔ́n uguá yubu hiá nusɔ́da.
4Ánaá núbalaga binɛŋ gidigid uguá Ɔgúná, yɔ́ndɔnúɔyɔn: Ánaá núbalaga! 5Ánaá bandɔ gidigid bánan beseé wánɔ. Ɔgúná uganyɛ gúnoguól. 6Nudisɔ́mbsɔ́mb manɔ́ŋ ta gá buand. Gɔgaá, binɛŋ gidigid, ánaá núɔ́ŋɔn Uhaluá wánɔ muand gidigid umuɔ́ núambanɔ́ uguá mbísógóli, núbísógólonye, nuéŋen yɔ́ mbíyigie. 7Agányɛ gɔg, bumbénu buá Uhaluá ubúdúmbanaá muand gidigid umuɔ́ mɔndɔ únya wa guɔ́b, búénégimben ídɛ́m síánɔ, na dugedie duánɔ uguá Yésuse Klístus. 8Gá umúólmúóndeé beliméen, ánaá núágan dugedie duánɔ́ uguá muand muá beseé, múond múnigimanan na mpínényi, muand gidigid umúnya hómohómue, umúnigimanaá na búlúgenye, múmuanyɛ súsɔ́n gindényé na níŋíláníŋílá, buá gidigid ubuɔ́ bánya bébíhínídie naá umúnya muá ŋŋíge. 9Ánaá núala muandá umuɔ́ yaŋuá mménúhuínyihúnyé iyond iyanúsúgídɛn muɔ́. Muand umuɔ́ númɔɔ́b uguámɛ guá niíd, unuond unuánan haná yálanɔ́ muɔ́. Agányɛ, Uhaluá uhúáninaá bumbénu, wanábá náananɔ.
Póle weébíyigenye bafilipiɛ́ŋ
10Yɔɔ́b giandá giá ibal uguá Ɔgúná hana nuéndédíye áneé nuémbídúmenye, ɛɛ́ɛ, beseé ugányɛ núábiánán yɔ́, gɔgaá núasábianan giásɛ giá ndíye. 11Ndiágálgal anagányɛ gá giagiá yaábaŋa buand, mmamanáhɛ́l guɔ́bɔn beseé naá ubuɔ́ ŋŋódionu. 12Mmahɔ́nhɔ́n guɔ́d nsan, iyahɔ́nhɔn gubá uguá bunɛ́m. Mmahɔ́nhɔ́n súsɔ́n hɔɔ́m gidigid ta gá buá gidigid gubíhálan na gíga uguá nsan, ta mbianan ta ndibianan ndíédíne. 13Nnyɛ wa gual buá gidigid pɛ́ŋ na bugaga ubuɔ́ Klístus úmpuánaá. 14Ta nɔ́, yɔɔ́guɔ́bɔn giod giá beseé hana nuɔ́gɔ́l ginɛŋ na meyú mámɛ. 15Banuá bandɔ bá tísɔna wa Filíbe, núálinsan beseé na beseé áneé, uguá ginɛŋ igiɛ́ mmólígié uguá gibéyi giá guísi giá Maseduán, uguá mɔɔ́sɛ ɔmɔɔ́ bámagɔns guɔya Ginɔ́g giá Nsɔ́m, banuá béŋenyi numaábá Gimbi giá beédébi bá Klístus giá ŋŋígin ɔmbɔ́g. Banuá béŋenyi numɔɔ́gɔ́lɔ́n gidɔga naá umuɔ́ mmabá ŋŋíndígan naá umuɔ́ mmabá mpémenye. 16Agaá mmabá agá tísɔna wa Tesaloník súsɔ́n, unueŋígenin ɔmbɔ́g iŋand giod na ndúmanɛn muand umuɔ́ mmabianán nsan na muɔ́.
17Ndiáguamba áneé numpuá buand. Ɛ́ɛɛ́, Gɔgaá yaáguamba áneé Uhaluá unúfɔn gánɔ gá mpuán. 18Mmabiá gɔg muand gidigid umuɔ́ númandúmɛn. Múnyɛ giod muɛ́d gudɔ́mb. Dabdab gɔg, Epaflodít weésíeg na muand umuɔ́ númandúmɛ́n, uwampuá muɔ́, ŋŋanyɛ naá buá gidigid ubuɔ́ yábáŋá. Mpuán yanɔ inyɛ hana nusámb unúnya ohind, bunusámb ubuɔ́ Uhaluá wádáabanaá, búond búála yɔ́ beseé. 19Uhaluá wamɛ uguég guá giod giá bunɛ́m, wanánúhuá buand gidigid ubuɔ́ núbaŋanɔ́ uguá Yésuse Klístus. 20Ánaá nigúmi níbá na Síe wasɔ Uhaluá gá nnyɔ́m na nnyɔ́m! Anagányɛ!
Mbígélíd ya nsúgie
21Uguá ɔhɛ́n huá Yésuse Klístus, bígélígéliénu bandɔ gidigid ɔbɔ́bɔninaá na Uhaluá. Beliméen básɔ abánya naánamɛ aga, béménúbígélídíe. 22Beédébi gidigid bénúbígélígelie, hómohómue abálanaá ofuŋ uhugɔ́n Sesál buóli.
23Ánaá magɔg má Ɔgúná Yésuse Klístus mábá na gileénde giánɔ!
Currently Selected:
:
Highlight
Share
Copy
Want to have your highlights saved across all your devices? Sign up or sign in