Filipiɛ́ŋ 1
1
Mbígélíd
1Basuá, naánamɛ na Póle na Timoté, dialanaá Yésuse Klístus buóli, dimɔ́ŋɛ́ɛn bandɔ gidigid abánya agá tísɔna wa Fílibe, ɔbɔ́bɔninaá na Uhaluá uguá Yésuse, bogógi gidigid na bedúmébi. 2Ánaá Uhaluá Síe wasɔ na Ɔgúná Yésuse Klístus bánúhuá magɔg na bumbénu.
Mbísógóli na mbíyigie
3Yeéguéŋen Uhaluá wamɛ mbíyigie uguá ginɛŋ gidigid igiɛ́ nsénúbídúmdenye. 4Ginɛŋ gidigid igiɛ́ mbísógólonyeé gánɔ banuá gidigd, yoóbísógólonye na ibal. 5Ŋŋódi ibal gá busió buá ŋŋíge iyɛɛ́ númpuánaá gá sesenye Ginɔ́g giá Nsɔ́m, gubul buɔ́sɛ buá busió guesieg dabdab. 6Yaálinsan hómohómue áneé: Uhaluá úmaágɔns guala ginɔ́g giá buóli uguánɔ guá ɔlɔŋ, wenédúmbenye gá yib buɔ́ gueneg uguá buɔ́sɛ ubuɔ́ Yésuse Klístus wónólosiondónú. 7Búánigimanan áneé mbianan bunugedie ubúganyɛ gánɔ gá busió. Ɛɛ́ɛ, yeénúgimbe agámɛ gá ɔdɛ́m gá giagiá, numeŋígín ɔmbɔ́g uguá magɔg ɔmɔɔ́ Uhaluá úmandúgɛ́n uguég guá beseé. Ta hana nnya uguá giansɛ giá mbíne, ta uguá ginɛŋ igiɛ́ mmambá gudíye áneé Ginɔ́g giá Nsɔ́m gínyɛ hómohómue naá agaá mmabá nsesenye giɛ́ na bugaga. 8Ɛɛ́ɛ, Uhaluá unyɛ amaáná wamɛ, yɔɔ́núɔya giod banuá gidigid uguá yɛbyɛb wa Yésuse Klístus. 9Ndé mbísógóli yamɛ iyɛ gánɔ gá busió: Ánaá ginɔ́nɛ́n giánɔ gíguman guandadɔ́mb, gínúgígin ɔmbɔ́g gá guánan beseé naá gá guɔ́bɔn muand beseé na beseé. 10Gá gueleé nulɛns gusalɔn buá beseé, agányɛ nuánábánɔ́ budányɛ, kanda biíle uguá buɔ́sɛ ubuɔ́ Klístus wónólonu. 11Nuhúme melélíe má gindényé omólonineé uguá Yésuse Klístus, gá nigúmi na mpínényi gá busió buá Uhaluá.
Nusɔ́da núnúnya Klístus
12Beliméen, yaáguamba áneé nulɛns: Buand ubúmeŋegín búmal áneé Ginɔ́g giá Nsɔ́m giídan na busió. 13Búnyɛ nɔ́, nsénsi isígíganɔ́ íluŋke hiá ŋŋɔ́mɔna na bandɔ abánya hɔɔ́m gidigid, bálinsan dabdab áneé nnyɛ uguá giansɛ giá mbíne gá busió buá Klístus. 14Gidám giá beédébi bá Klístus gímaámán áneé nnyɛ uguá giansɛ giá mbíne, igíésímb dugɔ́nd uguá Ɔgúná, igíándabia nimadɛ guandadɔ́mb gá sesenye Nugálɔ nuá Uhaluá kanda bugádɔ. 15Bómodi, bódógonye Klístus uguá yaág naá uguá gileénde giá nsáŋ, gɔgaá, bódodi bódógonye yɔ́ na ginɔ́g giá ɔdɛ́m. 16Bámuanyɛ báguala buɔ́ uguá ginɔ́nɛ́n, bényi áneé buóli buámɛ búnyɛ gá díye áneé Ginɔ́g giá Nsɔ́m gínyɛ hómohómue. 17Bodódi bésesenye Klístus uguá bíhiganɛn, gual guɔ́b gúdibá níŋíláníŋílá, bégedenye áneé bógoŋóbígie guandadɔ́mb uguá giansɛ giá mbíne. 18Ta dugedie duɔ́b dúábá gindényé ugúnya ana mbágiá, ta buand búdíésésenye uguá buá gidigid, bódógonye Klístus. Buand buáguɔ́ nnya uguá ibal guond yeédúmbenye na guídan na ibal uguá busió. 19Gá giagiá yaálinsan áneé búánábá gámɛ gá gisódie, uguánɔ guá mbísógóli naá uguá ŋŋíge ya Gileénde giá Yésuse Klístus. 20Ɛɛ́ɛ, hana ŋŋíganaá na nubídágídɛ́n gidigid, ndiɔnɔɔ́b ɔduá gunɔ́h, gɔgaá binam biámɛ bídianásulugɔg, dabdab naá gá ságásagá. Bandɔ bánánáan uguámɛ áneé Klístus unyɛ giandá, ta búbá uguámɛ guá nusɔ́da, ta búbá uguámɛ guá nigué. 21Gá giagiá gámɛ, nusɔ́da núnyɛ Klístus guond nigué nínyɛ bisuɛ́n. 22Gɔgaá, mmába gudúmbenye na sɔ́dɔn eguísi, gúáguala áneé ndúmbenye na guala ginɔ́g giá buóli, ndíenyi gɔg buá gueyid. 23Ŋŋódi muand múandɛ umúŋɔgɔnɔ́, umúdianda ɔlɔŋ: Yɔɔ́guɔya guólígie uguá nusɔ́da unuɔ gá bá na Klístus, búbúnya beseé nsesi. 24Gɔgaá, búnyɛ andá beseé gánɔ gá busió áneé ndúmbenye na gíga eguísi aga. 25Súsɔ́n, yaálinsan beseé na beseé, yaálinsan áneé ŋŋabá, ŋŋagíga mɔdɔg naánanɔ gidigid, gá gueleé nnúgígenin ɔmbɔ́g, núídan na busió na ibal hiánɔ uguánɔ guá guágɔdɛ́m. 26Anagányɛ, uguá ginɛŋ igiɛ́ yónónduguólónú uguánɔ uguɔ́g, nuandabia ibal gudɔ́mb gámɛ gá busió uguá búlada buá Yésuse Klístus.
Gubínuanan gá busió buá Ginɔ́g giá Nsɔ́m
27Sɔ́dɔ́nɔ́nɔ pɛ́ŋ hana Ginɔ́g giá Nsɔ́m giá Klístus gíɔ́yɔnɔ́, gá gueleé ta yoól gá nuán, ta gúbá áneé ndibá hɔ́, yɔɔ́b áneé nunyɛ ababíládánɔ beseé uguá Gileénde, yond yɔɔ́b áneé, núábínuanan ɔlɔŋ na ɔdɛ́m húmomi uguá guágɔdɛ́m uguá Ginɔ́g giá Nsɔ́m. 28Núdibíníhɛ́n áneé babɛlɛ́bɛl bénúlígíminye, búnyɛ gilɛns gɔ́b gá busió áneé bányɛ ebeníménu guond banuá nunyɛ uguá ŋŋil ya gisódie, ubúganyɛ búóguólonin agá Uhaluá. 29Gá giagiá, Uhaluá umanúádáabɛ́n magɔg gá guádáaban Klístus, búdibá pɛ́ŋ gá guágɔdɛ́m uguég, gɔgaá, súsɔ́n gá guɔ́bígɔn gég gá busió. 30Ɛɛ́ɛ, naánanɔ naánamɛ, diánuanan ɔlɔŋ. Nsuá, mmanuanán agánɔ gá eŋís, yeédúmbenye na nuanan, nuálinsan nɔ́.
Currently Selected:
Filipiɛ́ŋ 1: EKM
Highlight
Share
Copy
Want to have your highlights saved across all your devices? Sign up or sign in
Filipiɛ́ŋ 1
1
Mbígélíd
1Basuá, naánamɛ na Póle na Timoté, dialanaá Yésuse Klístus buóli, dimɔ́ŋɛ́ɛn bandɔ gidigid abánya agá tísɔna wa Fílibe, ɔbɔ́bɔninaá na Uhaluá uguá Yésuse, bogógi gidigid na bedúmébi. 2Ánaá Uhaluá Síe wasɔ na Ɔgúná Yésuse Klístus bánúhuá magɔg na bumbénu.
Mbísógóli na mbíyigie
3Yeéguéŋen Uhaluá wamɛ mbíyigie uguá ginɛŋ gidigid igiɛ́ nsénúbídúmdenye. 4Ginɛŋ gidigid igiɛ́ mbísógólonyeé gánɔ banuá gidigd, yoóbísógólonye na ibal. 5Ŋŋódi ibal gá busió buá ŋŋíge iyɛɛ́ númpuánaá gá sesenye Ginɔ́g giá Nsɔ́m, gubul buɔ́sɛ buá busió guesieg dabdab. 6Yaálinsan hómohómue áneé: Uhaluá úmaágɔns guala ginɔ́g giá buóli uguánɔ guá ɔlɔŋ, wenédúmbenye gá yib buɔ́ gueneg uguá buɔ́sɛ ubuɔ́ Yésuse Klístus wónólosiondónú. 7Búánigimanan áneé mbianan bunugedie ubúganyɛ gánɔ gá busió. Ɛɛ́ɛ, yeénúgimbe agámɛ gá ɔdɛ́m gá giagiá, numeŋígín ɔmbɔ́g uguá magɔg ɔmɔɔ́ Uhaluá úmandúgɛ́n uguég guá beseé. Ta hana nnya uguá giansɛ giá mbíne, ta uguá ginɛŋ igiɛ́ mmambá gudíye áneé Ginɔ́g giá Nsɔ́m gínyɛ hómohómue naá agaá mmabá nsesenye giɛ́ na bugaga. 8Ɛɛ́ɛ, Uhaluá unyɛ amaáná wamɛ, yɔɔ́núɔya giod banuá gidigid uguá yɛbyɛb wa Yésuse Klístus. 9Ndé mbísógóli yamɛ iyɛ gánɔ gá busió: Ánaá ginɔ́nɛ́n giánɔ gíguman guandadɔ́mb, gínúgígin ɔmbɔ́g gá guánan beseé naá gá guɔ́bɔn muand beseé na beseé. 10Gá gueleé nulɛns gusalɔn buá beseé, agányɛ nuánábánɔ́ budányɛ, kanda biíle uguá buɔ́sɛ ubuɔ́ Klístus wónólonu. 11Nuhúme melélíe má gindényé omólonineé uguá Yésuse Klístus, gá nigúmi na mpínényi gá busió buá Uhaluá.
Nusɔ́da núnúnya Klístus
12Beliméen, yaáguamba áneé nulɛns: Buand ubúmeŋegín búmal áneé Ginɔ́g giá Nsɔ́m giídan na busió. 13Búnyɛ nɔ́, nsénsi isígíganɔ́ íluŋke hiá ŋŋɔ́mɔna na bandɔ abánya hɔɔ́m gidigid, bálinsan dabdab áneé nnyɛ uguá giansɛ giá mbíne gá busió buá Klístus. 14Gidám giá beédébi bá Klístus gímaámán áneé nnyɛ uguá giansɛ giá mbíne, igíésímb dugɔ́nd uguá Ɔgúná, igíándabia nimadɛ guandadɔ́mb gá sesenye Nugálɔ nuá Uhaluá kanda bugádɔ. 15Bómodi, bódógonye Klístus uguá yaág naá uguá gileénde giá nsáŋ, gɔgaá, bódodi bódógonye yɔ́ na ginɔ́g giá ɔdɛ́m. 16Bámuanyɛ báguala buɔ́ uguá ginɔ́nɛ́n, bényi áneé buóli buámɛ búnyɛ gá díye áneé Ginɔ́g giá Nsɔ́m gínyɛ hómohómue. 17Bodódi bésesenye Klístus uguá bíhiganɛn, gual guɔ́b gúdibá níŋíláníŋílá, bégedenye áneé bógoŋóbígie guandadɔ́mb uguá giansɛ giá mbíne. 18Ta dugedie duɔ́b dúábá gindényé ugúnya ana mbágiá, ta buand búdíésésenye uguá buá gidigid, bódógonye Klístus. Buand buáguɔ́ nnya uguá ibal guond yeédúmbenye na guídan na ibal uguá busió. 19Gá giagiá yaálinsan áneé búánábá gámɛ gá gisódie, uguánɔ guá mbísógóli naá uguá ŋŋíge ya Gileénde giá Yésuse Klístus. 20Ɛɛ́ɛ, hana ŋŋíganaá na nubídágídɛ́n gidigid, ndiɔnɔɔ́b ɔduá gunɔ́h, gɔgaá binam biámɛ bídianásulugɔg, dabdab naá gá ságásagá. Bandɔ bánánáan uguámɛ áneé Klístus unyɛ giandá, ta búbá uguámɛ guá nusɔ́da, ta búbá uguámɛ guá nigué. 21Gá giagiá gámɛ, nusɔ́da núnyɛ Klístus guond nigué nínyɛ bisuɛ́n. 22Gɔgaá, mmába gudúmbenye na sɔ́dɔn eguísi, gúáguala áneé ndúmbenye na guala ginɔ́g giá buóli, ndíenyi gɔg buá gueyid. 23Ŋŋódi muand múandɛ umúŋɔgɔnɔ́, umúdianda ɔlɔŋ: Yɔɔ́guɔya guólígie uguá nusɔ́da unuɔ gá bá na Klístus, búbúnya beseé nsesi. 24Gɔgaá, búnyɛ andá beseé gánɔ gá busió áneé ndúmbenye na gíga eguísi aga. 25Súsɔ́n, yaálinsan beseé na beseé, yaálinsan áneé ŋŋabá, ŋŋagíga mɔdɔg naánanɔ gidigid, gá gueleé nnúgígenin ɔmbɔ́g, núídan na busió na ibal hiánɔ uguánɔ guá guágɔdɛ́m. 26Anagányɛ, uguá ginɛŋ igiɛ́ yónónduguólónú uguánɔ uguɔ́g, nuandabia ibal gudɔ́mb gámɛ gá busió uguá búlada buá Yésuse Klístus.
Gubínuanan gá busió buá Ginɔ́g giá Nsɔ́m
27Sɔ́dɔ́nɔ́nɔ pɛ́ŋ hana Ginɔ́g giá Nsɔ́m giá Klístus gíɔ́yɔnɔ́, gá gueleé ta yoól gá nuán, ta gúbá áneé ndibá hɔ́, yɔɔ́b áneé nunyɛ ababíládánɔ beseé uguá Gileénde, yond yɔɔ́b áneé, núábínuanan ɔlɔŋ na ɔdɛ́m húmomi uguá guágɔdɛ́m uguá Ginɔ́g giá Nsɔ́m. 28Núdibíníhɛ́n áneé babɛlɛ́bɛl bénúlígíminye, búnyɛ gilɛns gɔ́b gá busió áneé bányɛ ebeníménu guond banuá nunyɛ uguá ŋŋil ya gisódie, ubúganyɛ búóguólonin agá Uhaluá. 29Gá giagiá, Uhaluá umanúádáabɛ́n magɔg gá guádáaban Klístus, búdibá pɛ́ŋ gá guágɔdɛ́m uguég, gɔgaá, súsɔ́n gá guɔ́bígɔn gég gá busió. 30Ɛɛ́ɛ, naánanɔ naánamɛ, diánuanan ɔlɔŋ. Nsuá, mmanuanán agánɔ gá eŋís, yeédúmbenye na nuanan, nuálinsan nɔ́.
Currently Selected:
:
Highlight
Share
Copy
Want to have your highlights saved across all your devices? Sign up or sign in