Ceepaw Cawphuannyak
Cawphuannyak
Ceepaw ha Binyak ce Jesuh huankhu lyamma khoi bua hluanna y hngulawnglyktih ha eyng hyau hnguːt bawva, Jerusalem ma kuːhthuh Judah pee, Samaria pee ja Jummeitihpuːpaw acuːk phun nyak kuithai a si (1.8). Luka ce y pumhngaw dy cyppei theila Sityang Poai y jok hnguːt. Yn ce Sibawi si theila poaijaa syambuːei nyak kyng a hlyija sathih tawvei tih y si. Luka ce ynih sityang poai la ceethai cawuk pahngih dyn Griik khyang juː “Theophilus” tyng hnguːn hnguːt, ynbawlaakhy cawuk ha ce Griik la Judah khyangjuː pahngih dyn pui theila Khritjan bawngbe ha tawk hnguːn hnguːt tijyng uːttei nyak (1.1).
Ceethai cawuk ce Khrit myi pynnyng khukum 60–64 kikawvyng Pawluh phehimm kuːh lytluu hluan na cawuk khuːnkawh hnguːt khiannyng jokkei hnguːt tih si nyn. Luka khycee Ceepaw Pawluh dy punga zet hnguːt hah theila Antiawk luh a Ceethai ha y jok hnguːt. Ceethai ha ce Luka sityang poai jyng shoijei theila, Jesuh huankhu lyamma khoi bua khyang ngyng acuːk phun hnguːt. Luka na y jok hluː khyang ce ynih sityang poai jok khyang dy a cyppei kat. Yn na Theophilus la Khritjan na thawnlu tih ha kawng lu khyang tawk nyangmi cawksyangei hnguːt khyang ha y si tyngtyng syak khiannyng, Jesuh syakom la Khritjan ha kawnglu khyang ahngoan tih pahuat y jok hnguːt.
Ceethai cawuk ce mymi tawk acuːk jummeitihpuːpaw myicuh nyak la Jesuh jummeinyak bawva, syak hiyang khyang ha y cypkyp hnguːt. Ceepaw ha syak hiyan cypkyp nyak ha ce, aciya ha eyng sityang poai khyaukhaw phyatjyat nawva Muikhaw Cim phunggan ibawva umpaw nyak lawh tinyak khyang myni jyng y duan hnguːt.
Tomti Dukkuːh Dynnyak
1. Acuːkkyng, Muikhaw Cim ce lawnglyktih ha huan na komlu theila Jummeitihpuːpaw ce kawng luvy phun (1.1—8.1)
2. Atha, Jummeitihpuːpaw ce phehphaei khyammei theila Jerusalem luh lyamma pungpau jok (8.2—12.23)
3. Yn pynnyng, Pawluh ce ynih acuːk nyak mission khuːtbi jy y zet (12.24—14.28)
4. Pynnyng, jummei tha tih ha luːei khyang khuːnkawh haija kongci khyanglian ha ce Jerusalem luh a ym kommei (15.1–35)
5. Atha, Pawluh ce ynih hngih nyak mission khuːtbi zetnyak (15.36—18.22)
6. Yn pynnyng, yn ce ynih pathum nyak mission khuːtbi zetnyak (18.23—20.38)
7. Pynnyng, Pawluh ce Jerusalem luh a muan khyammei nyak (21.1—26.32)
8. Apyihnyak kyng, Pawluh ce Roma thyak khyammei (27.1—28.31)
Currently Selected:
Ceepaw Cawphuannyak: NTHTB25
Highlight
Copy
Compare
Share
Want to have your highlights saved across all your devices? Sign up or sign in
© 2025 by the Word for the World International