Ceepaw 13

1Sirija pe Antiawk luh a jummeitihpuːpaw dukka hngawpaw ha la cawkhyautih ha ym myi. Yn ha ce Barnabas, Niger tinyak khyang Simeon, Cyrene luh zaw Lucius, Herod#13.1 Herod: Herod Antipas, Galilee uptih (to Luk 3.1). khypui Manaen la Sawluh a ym thawn. 2Yn ha na Mawhpaw khuːhbia theila jahei hnguva, Muikhaw Cim na, “Kei yap khyang khuːt cai haija Barnabas la Sawluh hyih hngya byih jyt,” y tinyak.

3Yn hnguva jahei theila ym hngihminnei pynnyng, yn hngyih huanna kut tyang awla ym tuːh.

Pawluh Acuːk Khutbi Zetnyak

4Yn hngyih pahngih ce Muikhaw Cim na tuh khyammei lawh theila, Seleucia luh zet awla yn nyng kuːhthuh Cyprus phai lyamma ym cun. 5Salamis luh cyp ym phawlu hnguva, Judah ha sinakok ha a Nuatpaw khyaukhaw ym susaih. Jawhan Marka khycee yn ha khut phui haija ym zehpui nyak.

6Panglai phai tomti zetjok awla Paphos luh a ym lu cyp ym phaw hnguva, ynija Bar-Jesuh mingnawtih hngoantih kaw hngawpaw Judah mikphie summeitih pahuat ym khawmmei. 7Yn cee lunguatih luh up myang Sergius Pawluh khyi y si. Yn luh up myang cee Nuatpaw khyaukhaw jyak hluː khiannyng Barnabas la Sawluh y hyauvei. 8Ynbawlakhy mikphie sala Elymas mingnawtih yn ce Barnabas la Sawluh luːei kaw theila yn luh up myang jummeinyak kuːh lyaam mau haija y cai. 9Yn hnguva Pawluh tinyak khyang Sawluh ce Muikhaw Cim myng kuːm theila yn Elymas to sih theila, 10“Nyang cee hnguhngyam tih, seelup pyng kuːmtih tusee dikzawe! Puːnpoktih tomti shunpui. Nyang ce Mawhpaw lyam puːnpoktih kalek haija cai nyak kyngkuːh duːm nyn jo ti jei. 11Tuh a Mawhpaw kut tyng nyang pet bei theila nyang ce acuːn pahuat div cyp ny mik hung theila khuhngi va hnguh kawva ny myi lawh ey,” y tinyak. Saisikung y mik hung theila y kut tyng lawt hai sui theila myijei.

12Luh up myang na yn hnguh hnguva, Mawhpaw bawng cawkhyau khyang muːnnaw theila y jummei lu.

Antiawk Luh a Pawluh Susaih Nyak

13Yn pynnyng Pawluh la y bawngpui ha ce Paphos luh a kuːhthuh cun awla Pamphylia pe Perga luh a ym phawlu, ynija Jawhan Marka ce yn ha cengkuːh ga theila Jerusalem luh a y hleibua. 14Yn ha ce Perga luh zehtaw awla Pisidian pe Antiawk luh a ym zet. Jah hnguːp pyng khuːhbia nyak sinakok ka voang theila ym ngoa. 15Yn hnguva Hngawpaw ha la Tala vyng kuːh ym phuat pynnyng, sinakok kuːh khyang lianzaw ha na khyang tuːh awla, “Benau ha aw, nyangmi cenga kuːh khyang ha tawk thabei nyak khyaukhaw myi jyngcee hyau cam,” ym tinyak. 16Yn hnguva Pawluh ce tung theila y khuːt tau:

“Isreal khyang juː ha eyng kuːhthuːh Nuatpaw khuːhbia tih Khyang juː ciya ha aw, kei cenga ngei jyt! 17Isreal khyang juː ha Nuatpaw ce mymi shyakai hngyahei hnguːt theila; Egypt pe jaa khiin na ym myi hnguva hluːng la niam myi kawva juːkshon theila khyang juː ciya ha y khong shyak; phunggan lian nyng yn pee kuːh yn ha y zehpui nyak. 18Yn pynnyng yn ha khongkhuca a kum phikip#13.18 y zongu; aciya kutjokcawvyng y zongu piat, tijyng myi. y zongu. 19Canan pe kuːh khyangjuː juː shyh simpak theila, yn ha eyng ym hngei jy y phyih. 20Yn tomti ce khukum 450 div.

“Yn pynnyng,#13.20 Yn tomti ce khukum 450 div. “Yn pynnyng; sikawvyngcee Aciya khukum 450 kum pynnyng. Nuatpaw na cijangtih ha eyng y bei khyang ce hngawpaw Samuel acuːn cyp a si. 21Yn pynnyng yn khyang ha na syamphalyang pahuat hngyh ey bih awla Nuatpaw na Benjamin juː Kish na zaw Sawluh ce syamphalyang ym lui, Sawluh na yn ha kum phikip y up. 22Nuatpaw na Sawluh y pheng pynnyng David ce yn ha syamphalyang nga y thawnlu. Nuatpaw na ynih eyng cyppei nyak saksi bei theila, ‘Jesse zawe David kei na ky hnguh pyn, yn khyang ce kei lung ngyng cyppei khiannyng kei luː tomti y puhcai jy,’ y tinyak. 23Nuatpaw na setzaw y tyak hnguːt bawva, David juːjawng ngyng Isreal khyang ha tawk Liloveitih Jesuh pahuat y bei. 24#Mar 1.4; Luk 3.3Jesuh lu hluanna, Jawhan na Isreal khyang tomti jyng baptisma la jubaijei nyak bawng y susaih jyai. 25#Jaw 1.20; Mat 3.11; Mar 1.7; Luk 3.16; Jaw 1.27Jawhan na y khuːt cyng hngyhtian hnguva, ‘Nyangmi na kei u tijyang nym utnyak ma? Kei ce nyangmi sui khyang si jonga. Ynbawlakhy yn ce kei pynnyng y lu vy. Kei ce yn mawhpaw khuphaw vyng kuːh khuphawtyap jooi shut ty tuan jonga,’ y tii.

26“Abraham zawnau ha la Nuatpaw kyhtih Khyang juː ciya ha aw, Nuatpaw na ni lilovei nyak sityang mymi jyng bei pyn. 27Jerusalem luh a myitih ha la ym khyanglian ha na yn Jesuh khy si seh, jah hnguːp tyng ngyng ym phuat khyang hngawpaw ha khyaukhaw hnguat jawcu kaw theiawla, yn Mawhpaw pet cijang nyakkyng yn khyaukhaw ha y kuːmlu. 28#Mat 27.22,23; Mar 15.13,14; Luk 23.21–23; Jaw 19.15Yn Mawhpaw byt khyam tuan nyak y pet hngu kaw lakhy Pilat tyng ynih tuk ky ym bih. 29#Mat 27.57–61; Mar 15.42–47; Luk 23.50–56; Jaw 19.38–42Yn Mawhpaw bawng jokkei hnguːt tih tomti cai pynnyng, y jawk tangtyng huanna kuːh kom awla zuam dukka ym tyak. 30Ynbawlakhy Nuatpaw na byt nyak kuːh ynih thoo shyak, 31#Cee 1.3theila yn mawhpaw ce Galilee pee kuːhthuh Jerusalem luh lyaamma ynih dy huattyng zettih ha eyng khuhnguːp byangveih myi hah. Tuh a yn ha ce mymi khyang ha cenga saksi jaa ym thawn. 32Mymi shyakai ha eyng Nuatpaw na setzaw bei hnguːt khyang yn sityang poai nyangmi jyng ym susaih hnguːt. 33Nuatpaw na Jesuh thoo shyak khiannyng ym zawnau va thawntih mymi tawk yn setzaw y kuːmlu. Yn ce hngih nyak Psalm dukka,

“ ‘Nyang ce kei zaw;

tuhhnguːp pa kei ce nyang paw va ky thawnlu tijyng jokkei hnguːt.’

34Nuatpaw na ynih byt nyak kuːh thoo shyak bya theila yn ce ihngukhy thuuhli nyak khyam shyak ti jo tinyak khyang ngyng cyppei theila, Nuatpaw naa,

‘David tyng Kei na cimtih la setzaw khunkhyi ha

nyangmi jyng ky bei jy,’ y tinyak.

35Yn khiannyng aciya psalm myng khy:

‘Nyang cim shyak khyang pahuat nyang na thuuhli shyak hai si jo ti,’ tila shuduan hnguːt.

36Ynih pumhngaw juːjawng ngyng David na Nuatpaw luːei khyang cai hnguːt pynnyng, yn byt theila, y shyakai ha dy khuːh khyammei hnguːt theila y pum khy thuuhli hnguːt. 37Ynbawlakhy Nuatpaw na byt nyak kuːh thoo shyak bya khyang, khyang pahuat cee thuuhli jo. 38Yn khiannyng, ky benau tih aw, pet hluːnyak tala bawng nyangmi jyng khy si seh, Mosee tala khiannyng puːnpoktih tijyng hyau nyn kaw khyang tomti duk kyng lyt theila, 39Yn Jesuh khiannyng puːnpoktih jummeitih tijyng hyau khyammei lawh khyang nyangmi na hnguat byih jyt. 40Yn khiannyng hngawpaw ha na hyau hnguːt khyang ha nyangmi jyng#13.40 Aciya kutjokcawvyng, nyangmi jyng, tijyng myi jo. thawnlu kaw haija sathih taw byih jyt:

41‘To, Hawdawhnaw tih ha vo, muːnnaw theila cimpaknyak thawn seh.

Nyangmi khuhnguːp pyng kei na juːhuat huat ky cai jy,

yn ce pahuat pahuat na nyangmi jyang hyau lakhy,

nyangmi na jum hai si jozaw,’ y tinyak.”

42Pawluh la Barnabas na sinakok y hngih zehtyak hnguva, khyang ha na yn bawng ha atha Jah hnguːp pyng hyau haija yn hyih ym pannei. 43Khyang puː ha sinakok kuːh ym lyt giah hnguva, Judah khyang panukung la Judah eyng kuːhthuh Nuatpaw khuːhbia tih a thawnlu tih ha na Pawluh la Barnabas hngulawng ym lykkei. Yn hyih naakhy Nuatpaw jummeinyak kyng syak hiyang ngy tha ym bei.

44Atha Jah hnguːp pyng Mawhpaw khyaukhaw jaw haija luh tomti byang ym dynneilu. 45Judah ha na khyangpuː ym hnguh hnguva, yn ha na myangshing naw awla, Pawluh saih khyang ha kawkat theila ynih ym hawdawh nyak. 46Yn hnguva Pawluh la Barnabas na kyh kawva ym hyau bua khyang cee: “Nuatpaw khyaukhaw nyangmi cenga acuːk nyak kym saih. Ynbawlakhy yn ce nyangmi na dyi zawla hnguːnom syak ce nym pumhngaw vyng tuhtuan jo tijyng cijang khiannyng, tuh a keimi na Khyang juː ciya ha lyamma kym zeh. 47Ibawthawnnyngma tijyngcee Mawhpaw na mymi jyng hnguishin hnguːt khyang cee:

“ ‘Khyang juː ciya tawk ava pahuat thawn haija ky cai hnguːt,

yn khiannyng nyangmi ce somdek pyih nyak cyp lilovei nyak saih haija ky hngyahei,’ tila y hyau.”

48Khyang juː ciya ha na yn ym jyak hnguva, yn ha jyjo theila Mawhpaw khyaukhaw ym kyhkhiat; ynpynyng hnguːnom shyak lawh ey tijyng hngyahei khyam lawhtih tomti na khy ym jummei.

49Mawhpaw khyaukhaw ha ce yn pe tomti ja pungpau jok giah. 50Ynbawlakhy Judah khyanglian ha na Nuatpaw jummeitih hngutaw la luh uptih ha eyng Pawluh la Barnabas phehphaei haija thuːkthawn awla, ym pee kuːh ym shytlawk. 51#Mat 10.14; Mar 6.11; Luk 9.5; 10.11Yn khiannyng Pawluh la Barnabas na sathih bei bawva ym khuphaw vyng kuːh dek kawk theila Iconium luh a ym zet. 52Hngulawnglyktih ha khy jy theila Muikhaw Cim myng ym kuːm.

Currently Selected:

Ceepaw 13: NTHTB25

Highlight

Copy

Compare