JEJU KƏ́ NGŌN̄ SIRAK 46
46
Jojəwe ō, Kaleb ō
1Jojəwe kə́ ngōn̄ Nun i go̰ rɔ̄ɔ̄.
Ni un gotə Moyijə kem kəla koō taa tə́.
Rīn əhɔ dɔn majə ngá̰ý. Tām̄ Israel gə̄ ń i de gə̄ kə́ Kɔ́ɔ̄ɓē gə̄rādə́ ní, Kɔ́ɔ̄ɓē rāā adə̄ Jojəwe i nge
kajədə́ kə́ bo ō,
madə̄ ba̰ā̰ gə̄ ń ḭḭn̄ seneé kə rɔ̄ɔ́ ní, ni tetədə́ rɔ̄ɔ̄ ō,
rāā adə̄ Israel gə̄ əngen̄ dɔ nang yādə́ ō.
2Ni tél de kə́ de gə̄ ɔsən̄ go̰nən ngá̰ý dan ń un jīn kə̄ dɔɔ́ ō,
ɔr̄ kaskar yān kem hɔ̄pən tə́ rɔ̄ɔń ɓē gə̄ ō ní.
3Kété ní, i náā n əhɔ kemən ngan̄g tītə̄ yān beé ní?
I ni n un dɔ de gə̄ lo rɔ̄ɔ̄ yā Kɔ́ɔ̄ɓē tə́ ní.
4I ni n dəba mbang ní aĺ a?
i ni n rāā adə̄ ndɔ̄ kə́ kógə̄ḿ tél ndɔ̄ kə́ jōó ní aĺ a?
5Dan ń madə̄ ba̰ā̰ gə̄ teēn̄ kə̄ ta lo gə̄ tə́ gīr̄nən̄ anī,
ni ɓāŕ Nge Ndi dɔ rā̰ tə́, Nə́ɓā kə́ tɔ́gən i ngá̰ý.
Anī Kɔ́ɔ̄ɓē kə́ Bo oō ɓār̄ yān,
adə̄ tə́nī mbal̄ kɔ̄sə̄ gə̄ kə tɔ́gə́ kógə̄ḿ kə́ to tayā.
6Jojəwe udə dɔ ngé rɔ̄ɔ̄ gə̄ yā madə̄ ba̰ā̰ gə̄ tə́,
tɔ̄l̄də́ dan ń a risən̄ kum kə̄ nang tə́ ní.
Ni rāā beé i yā kadə̄ gotə nápar de kə́ rang gə̄ ger̄nəń yá̰a̰ rɔ̄ɔ̄ yān gə̄ malang.
Tām̄ i Kɔ́ɔ̄ɓē kə́ Bo n nin̄ a rɔ̄ɔ̄nən̄ ní ō,
Jojəwe njə̄rā i gō Nə́ɓā kə́ tɔ́gən i ngá̰ý tə́ ō.
7Ɓāl̄ yā Moyijə tə́ ní Jojəwe ɔjə kəhɔ gō Kɔ́ɔ̄ɓē yān kə̄ ndágá ō,
Kaleb kə́ ngōn̄ Yepune ɔjə yān kə̄ ndágá ō.
Dan ń nin̄ mbātə́n̄ najə̄ gō ngé kán̄ naā gə̄ tə́ ní,
nin̄ ɔgə̄n̄ i ngán Israel gə̄ rāā majaĺ ō,
dəban̄ i ta yṵ́r̄ najə̄ kə́ majə aĺ ō.
8Dan áskar kə́ dūbú mehḛ́ gə̄ kə́ ngé njə̄rā kə njadə́ gēé tə́ ní,
i nin̄ jōó beē ngóy n ajən̄də́ ní.
Adə̄ aw̄n̄ kə ngán Israel gēé dɔ nang ń kadə̄ taān̄ tə́ ní,
dɔ nang ń mba i ngá̰ý tū tə́ ō, yibə̄ tejə i ngá̰ý tū tə́ ō ní.
9Kɔ́ɔ̄ɓē adə̄ Kaleb tɔ́gə ō,
tɔ́gə́ ní to rɔ̄n tə́ bátə́ tɔgəń ɓə́ga ō.
Ni rāā adə̄ Kaleb taā gō nang kə́ mbalá ō,
de gə̄ kə́ gír kojə yān tə́ gə̄ ngɔ̄mə̄n̄ gō nang ní kə́ yādə́ tə́ ō.
10I tītə̄ ń nuū n ngán Israel gə̄ malang a̰a̰nə̄ń kadə̄
kun gō Kɔ́ɔ̄ɓē i yá̰á̰ kə́ majə ní.
Ngé gān̄g sarya gə̄
11J-ɔrī najə̄ yā ngé gān̄g sarya gə̄ kógə̄ḿ kógə̄ḿ kə gō rī ɓār̄ yādə́ gēé.
Nin̄ tūrə̄n̄ gidədə́ kɔ̄ɔ́ ta Kɔ́ɔ̄ɓē tə́ alé,
ndɔ̄ȳn̄ nə́ɓā kə́ rɔ̄kum aĺ gə̄ alé.
Ādə̄ əga kemjí dɔdə́ tə́, ba jə-rāāī Kɔ́ɔ̄ɓē kə́ra.
12De kə́ ngé rī ɓār̄ gə̄ ń nuū, kə̄ngādə́ to kem bəlo ɓádə yādə́ gə̄ tə́ nuū.
Ādə̄ Kɔ́ɔ̄ɓē rāā adə̄ ngé ndájə̄də́ gə̄ ḭḭn̄ dɔɔ́!
Ādə̄ rīdə́ tél ɓār̄ ɓáý tṵ kə ta kūl̄ ngáńdə́ gə̄!
Samuel
13Samuel ń i nge koō taa yā Kɔ́ɔ̄ɓē ní, Kɔ́ɔ̄ɓē tárən,
adə̄ əndā gír kṵ ɓē.
Ni ur yibə̄ dɔ ngār gə̄ tə́ əndāńdə́ dɔ gír deē yān gə̄ tə́.
14Ni gān̄g sarya dɔ ngé kán̄ naā gə̄ tə́ kə gō ndū najə̄ yā Kɔ́ɔ̄ɓēé ō,
Kɔ́ɔ̄ɓē rāā yá̰a̰ tām̄ yā Jakob tə́ ō.
15Ni ɔjə kadə̄ ni i nge koō taa kə́ rɔ̄kum i kə kəhɔ kə́ əhɔ gō Kɔ́ɔ̄ɓē ō,
de gə̄ gerə̄n̄ kadə̄ i nge ka̰a̰ yá̰á̰ kə́ rɔ̄kum i tū najə̄ kɔrə̄n gə̄ tə́ ō.
16Dan ń madə̄ ba̰ā̰n gə̄ a gīr̄nən̄ kə̄ taa gə̄ tə́ anī,
tɔ̄l̄ ngōn̄ batə̄ kə́ ta mba tə́
ba tun̄ adə̄ Kɔ́ɔ̄ɓē kə́ tɔ́gən i ngá̰ý.
17Lo ń nuū tə́ Kɔ́ɔ̄ɓē ndi dɔ rā̰ tə́ ndāńg lo tītə̄ man̄ kə́ ndang beé ō,
rāā adə̄ de gə̄ oōn̄ ndūn kə ta kūl̄ yá̰á̰ kógə̄ḿ kə́ ɓār̄ ngá̰ý ta kógə̄ḿ ō.
18Ni tɔ̄l̄ ngār gə̄ yā Tir gə̄ kɔ̄ɔ́ malang ō,
tɔ̄l̄ ngán mban̄g gə̄ yā Pilistin gə̄ kɔ̄ɔ́ malang ō.
19Kété pá tá kadə̄ ni ɓīī ɓīī kə́ dan gān̄g aĺ ní, əda najə̄ kə́ kum tə́
kə̄ no Kɔ́ɔ̄ɓē tə́ ō, kə̄ no mban̄g yā Kɔ́ɔ̄ɓē ń urən̄ yibə̄ dɔn tə́ ní ō,
əda na: M̄-taā yá̰a̰ yā deē kógə̄ḿ alé,
sākə̄rā yā deē gə̄gē m̄-taā alé.
Anī deē əndā najə̄ dɔn tə́ alé.
20Dan ń oy kɔ̄ɔ́ gə̄gē ní, əda najə̄ kə́ Nə́ɓā əndā tan tə́#46.20 Nə́ɓā əndā tan tə́: Á̰a̰ī 1 Sam 28.1. ɓáý tṵ,
əda mban̄g yá̰á̰ ń a rāā yā reē kə̄ dɔn tə́ ta tɔ̄l̄ ta tə́ ní.
Ndūn teē i gíŕ nángāá.
Nə́ɓā əndā najə̄ tan tə́ adə̄ ɔr̄ yā kunəń majaĺ yā ngán Israel gə̄ kɔ̄ɔ́.
Currently Selected:
JEJU KƏ́ NGŌN̄ SIRAK 46: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
JEJU KƏ́ NGŌN̄ SIRAK 46
46
Jojəwe ō, Kaleb ō
1Jojəwe kə́ ngōn̄ Nun i go̰ rɔ̄ɔ̄.
Ni un gotə Moyijə kem kəla koō taa tə́.
Rīn əhɔ dɔn majə ngá̰ý. Tām̄ Israel gə̄ ń i de gə̄ kə́ Kɔ́ɔ̄ɓē gə̄rādə́ ní, Kɔ́ɔ̄ɓē rāā adə̄ Jojəwe i nge
kajədə́ kə́ bo ō,
madə̄ ba̰ā̰ gə̄ ń ḭḭn̄ seneé kə rɔ̄ɔ́ ní, ni tetədə́ rɔ̄ɔ̄ ō,
rāā adə̄ Israel gə̄ əngen̄ dɔ nang yādə́ ō.
2Ni tél de kə́ de gə̄ ɔsən̄ go̰nən ngá̰ý dan ń un jīn kə̄ dɔɔ́ ō,
ɔr̄ kaskar yān kem hɔ̄pən tə́ rɔ̄ɔń ɓē gə̄ ō ní.
3Kété ní, i náā n əhɔ kemən ngan̄g tītə̄ yān beé ní?
I ni n un dɔ de gə̄ lo rɔ̄ɔ̄ yā Kɔ́ɔ̄ɓē tə́ ní.
4I ni n dəba mbang ní aĺ a?
i ni n rāā adə̄ ndɔ̄ kə́ kógə̄ḿ tél ndɔ̄ kə́ jōó ní aĺ a?
5Dan ń madə̄ ba̰ā̰ gə̄ teēn̄ kə̄ ta lo gə̄ tə́ gīr̄nən̄ anī,
ni ɓāŕ Nge Ndi dɔ rā̰ tə́, Nə́ɓā kə́ tɔ́gən i ngá̰ý.
Anī Kɔ́ɔ̄ɓē kə́ Bo oō ɓār̄ yān,
adə̄ tə́nī mbal̄ kɔ̄sə̄ gə̄ kə tɔ́gə́ kógə̄ḿ kə́ to tayā.
6Jojəwe udə dɔ ngé rɔ̄ɔ̄ gə̄ yā madə̄ ba̰ā̰ gə̄ tə́,
tɔ̄l̄də́ dan ń a risən̄ kum kə̄ nang tə́ ní.
Ni rāā beé i yā kadə̄ gotə nápar de kə́ rang gə̄ ger̄nəń yá̰a̰ rɔ̄ɔ̄ yān gə̄ malang.
Tām̄ i Kɔ́ɔ̄ɓē kə́ Bo n nin̄ a rɔ̄ɔ̄nən̄ ní ō,
Jojəwe njə̄rā i gō Nə́ɓā kə́ tɔ́gən i ngá̰ý tə́ ō.
7Ɓāl̄ yā Moyijə tə́ ní Jojəwe ɔjə kəhɔ gō Kɔ́ɔ̄ɓē yān kə̄ ndágá ō,
Kaleb kə́ ngōn̄ Yepune ɔjə yān kə̄ ndágá ō.
Dan ń nin̄ mbātə́n̄ najə̄ gō ngé kán̄ naā gə̄ tə́ ní,
nin̄ ɔgə̄n̄ i ngán Israel gə̄ rāā majaĺ ō,
dəban̄ i ta yṵ́r̄ najə̄ kə́ majə aĺ ō.
8Dan áskar kə́ dūbú mehḛ́ gə̄ kə́ ngé njə̄rā kə njadə́ gēé tə́ ní,
i nin̄ jōó beē ngóy n ajən̄də́ ní.
Adə̄ aw̄n̄ kə ngán Israel gēé dɔ nang ń kadə̄ taān̄ tə́ ní,
dɔ nang ń mba i ngá̰ý tū tə́ ō, yibə̄ tejə i ngá̰ý tū tə́ ō ní.
9Kɔ́ɔ̄ɓē adə̄ Kaleb tɔ́gə ō,
tɔ́gə́ ní to rɔ̄n tə́ bátə́ tɔgəń ɓə́ga ō.
Ni rāā adə̄ Kaleb taā gō nang kə́ mbalá ō,
de gə̄ kə́ gír kojə yān tə́ gə̄ ngɔ̄mə̄n̄ gō nang ní kə́ yādə́ tə́ ō.
10I tītə̄ ń nuū n ngán Israel gə̄ malang a̰a̰nə̄ń kadə̄
kun gō Kɔ́ɔ̄ɓē i yá̰á̰ kə́ majə ní.
Ngé gān̄g sarya gə̄
11J-ɔrī najə̄ yā ngé gān̄g sarya gə̄ kógə̄ḿ kógə̄ḿ kə gō rī ɓār̄ yādə́ gēé.
Nin̄ tūrə̄n̄ gidədə́ kɔ̄ɔ́ ta Kɔ́ɔ̄ɓē tə́ alé,
ndɔ̄ȳn̄ nə́ɓā kə́ rɔ̄kum aĺ gə̄ alé.
Ādə̄ əga kemjí dɔdə́ tə́, ba jə-rāāī Kɔ́ɔ̄ɓē kə́ra.
12De kə́ ngé rī ɓār̄ gə̄ ń nuū, kə̄ngādə́ to kem bəlo ɓádə yādə́ gə̄ tə́ nuū.
Ādə̄ Kɔ́ɔ̄ɓē rāā adə̄ ngé ndájə̄də́ gə̄ ḭḭn̄ dɔɔ́!
Ādə̄ rīdə́ tél ɓār̄ ɓáý tṵ kə ta kūl̄ ngáńdə́ gə̄!
Samuel
13Samuel ń i nge koō taa yā Kɔ́ɔ̄ɓē ní, Kɔ́ɔ̄ɓē tárən,
adə̄ əndā gír kṵ ɓē.
Ni ur yibə̄ dɔ ngār gə̄ tə́ əndāńdə́ dɔ gír deē yān gə̄ tə́.
14Ni gān̄g sarya dɔ ngé kán̄ naā gə̄ tə́ kə gō ndū najə̄ yā Kɔ́ɔ̄ɓēé ō,
Kɔ́ɔ̄ɓē rāā yá̰a̰ tām̄ yā Jakob tə́ ō.
15Ni ɔjə kadə̄ ni i nge koō taa kə́ rɔ̄kum i kə kəhɔ kə́ əhɔ gō Kɔ́ɔ̄ɓē ō,
de gə̄ gerə̄n̄ kadə̄ i nge ka̰a̰ yá̰á̰ kə́ rɔ̄kum i tū najə̄ kɔrə̄n gə̄ tə́ ō.
16Dan ń madə̄ ba̰ā̰n gə̄ a gīr̄nən̄ kə̄ taa gə̄ tə́ anī,
tɔ̄l̄ ngōn̄ batə̄ kə́ ta mba tə́
ba tun̄ adə̄ Kɔ́ɔ̄ɓē kə́ tɔ́gən i ngá̰ý.
17Lo ń nuū tə́ Kɔ́ɔ̄ɓē ndi dɔ rā̰ tə́ ndāńg lo tītə̄ man̄ kə́ ndang beé ō,
rāā adə̄ de gə̄ oōn̄ ndūn kə ta kūl̄ yá̰á̰ kógə̄ḿ kə́ ɓār̄ ngá̰ý ta kógə̄ḿ ō.
18Ni tɔ̄l̄ ngār gə̄ yā Tir gə̄ kɔ̄ɔ́ malang ō,
tɔ̄l̄ ngán mban̄g gə̄ yā Pilistin gə̄ kɔ̄ɔ́ malang ō.
19Kété pá tá kadə̄ ni ɓīī ɓīī kə́ dan gān̄g aĺ ní, əda najə̄ kə́ kum tə́
kə̄ no Kɔ́ɔ̄ɓē tə́ ō, kə̄ no mban̄g yā Kɔ́ɔ̄ɓē ń urən̄ yibə̄ dɔn tə́ ní ō,
əda na: M̄-taā yá̰a̰ yā deē kógə̄ḿ alé,
sākə̄rā yā deē gə̄gē m̄-taā alé.
Anī deē əndā najə̄ dɔn tə́ alé.
20Dan ń oy kɔ̄ɔ́ gə̄gē ní, əda najə̄ kə́ Nə́ɓā əndā tan tə́#46.20 Nə́ɓā əndā tan tə́: Á̰a̰ī 1 Sam 28.1. ɓáý tṵ,
əda mban̄g yá̰á̰ ń a rāā yā reē kə̄ dɔn tə́ ta tɔ̄l̄ ta tə́ ní.
Ndūn teē i gíŕ nángāá.
Nə́ɓā əndā najə̄ tan tə́ adə̄ ɔr̄ yā kunəń majaĺ yā ngán Israel gə̄ kɔ̄ɔ́.
Bibəl ta Sar̄ © L'Alliance Biblique du Tchad, 2006, 2010.