JEJU KƏ́ NGŌN̄ SIRAK 47
47
Nata̰ nge koō taa ō, mban̄g Dabid ō
1Gotə Samuel tə́ ɓáa i Nata̰ n i nge koō taa
kə́ ɓāl̄ yā Dabid tə́ ní.
2Dan yā tun̄ yá̰á̰ kə́ tām̄ yā kem kógə̄ḿ tə́ anī, a gə̄rān̄ i lo dā̰ kə́ majə tɔȳ madə̄ gə̄, adə̄ i yibə̄n.
Gə̄rān̄ Dabid dan ngán Israel gə̄ tə́ əndānən̄ tayā i tītə̄ ń nuū ō.
3Tām̄ yā Dabid tə́ ɓáa, rɔ̄ɔ̄ ɓɔl to i tītə̄ lo kəhɔ ngōn̄ bə̄yā̰ beé ō,
rɔ̄ɔ̄ dā̰ úrsə to i tītə̄ lo kəhɔ ngōn̄ batə̄ beé ō.
4Dan ń Dabid i balsáá ɓáý ní, tɔ̄l̄ báw deē kógə̄ḿ.
Ni un rɔ̄sɔl̄ kɔ̄ɔ́ dɔ ngán Israel gə̄ tə́ i tītə̄ ń nuū.
Goliyatə ń i deē kə́ kɔjə rɔ̄ i ngá̰ý kemən tə́ ní,
ni ənīn kə mbal̄ kə́ kem bējə̄ yān tə́ adə̄ teē əsō.
5Tām̄ ni ɓāŕ Kɔ́ɔ̄ɓē, Nge Ndi dɔ rā̰ tə́ kadə̄ dḭḭ̄n.
Lo ń nuū tə́ Kɔ́ɔ̄ɓē adə̄ jī Dabid kə́ kṵṵ́ tɔ́gə,
adə̄ tɔ̄l̄ deē kə́ ger̄ rɔ̄ɔ̄ ngá̰ý ō,
gír deē yān gə̄ ń tɔ́gə́də́ gətóo ní, ni tél adə̄də́ tɔ́gə gogə́ rang ō.
6I tām̄ najə̄ ń nuū tə́ n de gə̄ ɔsən̄ go̰nən tītə̄ kə́ tɔ̄l̄ i de gə̄ dūbú kutə ní.
De gə̄ rāān̄ Kɔ́ɔ̄ɓē kə́ra ɔsənə̄ń go̰nən ō,
əlan̄ jākā mbang dɔn tə́ ō.
7Tɔdɔ̄ madə̄ ba̰ā̰ gə̄ ń gīr̄nən̄ kə̄ ta gə̄ tə́ ní, ni tɔ̄l̄də́ malang kɔ̄ɔ́.
Ni rāā adə̄ Pilistin gə̄ ń i ngé rɔ̄ɔn gə̄ ní gətóon̄ kɔ̄ɔ́ malang ō,
taā tɔ́gə́də́ kɔ̄ɔ́ bátə́ ɓōólaā ō.
8Nə́ɓā kə́ táĺ ń i Nge Ndi dɔ rā̰ tə́ ní, Dabid ɓōkə́n tɔ̄ȳ ō,
ɔsə go̰nən tū yá̰a̰ rāan gə̄ tə́ malang ō.
Ənī pā kə ngarā̰ kemən gēé malang ō,
tár nge kəndān ō.
9Ni tə́ndā ngé kənī pā gə̄ ta lo ń dabə tun̄ yá̰a̰ i tū tə́ ní tə́
kadə̄ ənīn̄ pā kə́ majə gə̄.
10Ni rāā adə̄ ndɔ̄ rāā nāā gə̄ yā Kɔ́ɔ̄ɓē majən̄ ō,
rāā adə̄ yá̰a̰ kūjə́ gə̄ kə́ ndɔ̄ rāā nāā gə̄ tə́ majə ɔtə̄n̄ kə taá ō,
i yā kadə̄ de gə̄ ɔsən̄ go̰n Kɔ́ɔ̄ɓē ń rīn i kógə̄ḿ beē ní ō,
kadə̄ oōn̄ kōō pā ō, yá̰á̰ kə́ ɓār̄ gōsə̄ ō dəloí ɓatə kem kújə́ kə́ táĺ tə́.
11Kɔ́ɔ̄ɓē un yá̰a̰ rāā kə́ gōtə́ aĺ yā Dabid kɔ̄ɔ́ dɔn tə́ ō,
rāā adə̄ tɔ́gən aw̄ kum kə̄ kété i kə́ njɔ́ḿ gə̄ tə́ ō.
Əhɔ madə̄ naā kə́ mban̄g tə́ seneé ō,
mbūsə̄ gír kṵ ɓē yān dɔ nang kə́ Israel tə́ ō.
Salomo̰
12Gō Dabid tə́ ɓáa ngōnən ń i de kə́ ger̄ yá̰á̰ ngá̰ý ní, un gotən.
Kɔ́ɔ̄ɓē rāā adə̄ ngōnən ní ndi kanjə̄ sōl̄ yá̰á̰ kógə̄ḿ sɔɔ̄ń Dabid.
13Ɓāl̄ kṵ ɓē yā mban̄g Salomo̰ tə́ ní, lo to lɔm.
Nə́ɓā rāā adə̄ Salomo̰ ndi jəke, tām̄ dɔ nin̄ ɓē yān gə̄ malang ton̄ jəke.
I tītə̄ ń nuū n Salomo̰ asəń rāā kújə́ kə́ bo kə́ tām̄ yā rī Kɔ́ɔ̄ɓē tə́ ní.
Ni rāā kújə́ kə́ táĺ kə́ tām̄ yā rī Kɔ́ɔ̄ɓē tə́ kə́ a to ngándáńg.
14Salomo̰, dan balsááí tə́ ní, ḭ̄ i de kə́ kumií edə̄ rɔ̄kum.
Kur̄ dɔí ger̄ yá̰á̰ ngá̰ý tītə̄ man̄ bā kə́ rə̄ɓā kem kārən tə́ kə̄ ndágá beē.
15Yá̰a̰ ger̄ yāí taā lo dɔ nang tə́ malang ō,
kāgə̄ najə̄ yāí kə́ ngān̄g gə̄ taān̄ lo dɔ nang tə́ malang ō.
16Rī ɓār̄ yāí aw̄ bátə́ ugə̄ dor̄ kə́ sa̰y gə̄ tə́ ō,
de gə̄ táriīn̄ najə̄ kem sɔl̄ lɔm yāí tə́ ō.
17Pā yāí gə̄ ō, kāgə̄ najə̄ yāí gə̄ ō, gōsə̄ najə̄ yāí gə̄ ō,
kəda kum yá̰a̰ yāí gə̄ ō ní, nel̄ de kə́ dɔ nang tə́ gə̄ malang.
18Ḭ̄ ī-kán̄ lɔ́r kə̄ dɔ naā tə́ láẃ ngá̰ý tītə̄ lo kán̄ gində̄ etḛ̄ḛ kə̄ dɔ naā tə́ beē ō,
ī-kán̄ gində̄ arjā̰a̰ kə̄ dɔ naā tə́ tītə̄ lo kán̄ gində̄ dɔrnō kə̄ dɔ naā tə́ beē ō,
kə rī Kɔ́ɔ̄ɓē Nə́ɓā
ń a ɓāŕnən̄ na i Nə́ɓā yā Israel ní.
19Banī ḭ̄ ún rɔ̄í ādə̄ dəyá̰ gə̄ ō,
rɔ̄í ní rāā adə̄ ī-tél ɓəlo yādə́ ō.
20Ḭ̄ ī-rāā adə̄ yá̰á̰ kə́ majə aĺ tákə̄ rī ɓār̄ yāí kə́ majə.
Ī-rāā adə̄ rī de gə̄ kə́ gír kaa yāí tə́ ɓār̄ majə alé,
adə̄ wūn̄g rāā Kɔ́ɔ̄ɓē dɔ ngání gə̄ tə́ ō,
mbóo yāí rāā adə̄ ndə̄ngān̄ rɔ̄də́ ngá̰ý ō.
21Gāngə̄n̄ ɓē kṵ yāí naā tə́ lo jōó,
adə̄ ɓē kṵ kə́ əsō wūn̄g teē gír ɓē yā Epərayim tə́.
22Banī Kɔ́ɔ̄ɓē lōō gír kem majə yān tə́ aĺ ō,
míndən gə̄ ń ənī ní, ta tɔ̄l̄ tadə́ to siriri aĺ ō.
Ni rāā adə̄ gír kaa yā deē ń ni gə̄rān ní gətóo kɔ̄ɔ́ aĺ ō,
deē ń tárən ní, ni rāā adə̄ gír kojə yān gətóo kɔ̄ɔ́ aĺ ō.
Ni rāā adə̄ gotə de gə̄ yā Jakob gə̄ teēn̄ ta yo tə́ ō,
rāā adə̄ de gə̄ kə́ gír kaa yā Dabid tə́ gə̄ unən̄ gotə Dabid ō.
Roboam ō, Jeroboam ō
23Gō tə́ anī Salomo̰ oy aw̄ gō kaan gə̄ tə́ ɓádá.
Ni əya̰ de kógə̄ḿ kə́ gír kojə yān tə́ gotən tə́.
Deē ní i Roboam. Ni mbóó ngá̰ý ō, ger̄ yá̰a̰ aĺ ngá̰ý ō.
Yá̰á̰ ń ni sāā rāā ní, rāā adə̄ de gə̄ əsōn̄ wūn̄g.
Banī Jeroboam kə́ ngōn̄ Nebat ɓáa rāā adə̄ Israel rāā majaĺ ō,
ɔjə Epərayim ta róbə rāā majaĺ ō.
24Lo ń nuū tə́ majaĺ yādə́ gə̄ ojən̄ naā ngá̰ý,
adə̄ ndɔ́tə̄n̄ sedə́ kɔ̄ɔ́ dɔ nang yādə́ tə́ aw̄n̄ sedə́ lo kə́ rang tə́.
25Nin̄ rāān̄ yá̰á̰ kə́ majə aĺ kə́ tayā tayā gə̄ malang.
Ta tɔ̄l̄ ta anī əngen̄ ndéy tāmən tə́.
Currently Selected:
JEJU KƏ́ NGŌN̄ SIRAK 47: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
JEJU KƏ́ NGŌN̄ SIRAK 47
47
Nata̰ nge koō taa ō, mban̄g Dabid ō
1Gotə Samuel tə́ ɓáa i Nata̰ n i nge koō taa
kə́ ɓāl̄ yā Dabid tə́ ní.
2Dan yā tun̄ yá̰á̰ kə́ tām̄ yā kem kógə̄ḿ tə́ anī, a gə̄rān̄ i lo dā̰ kə́ majə tɔȳ madə̄ gə̄, adə̄ i yibə̄n.
Gə̄rān̄ Dabid dan ngán Israel gə̄ tə́ əndānən̄ tayā i tītə̄ ń nuū ō.
3Tām̄ yā Dabid tə́ ɓáa, rɔ̄ɔ̄ ɓɔl to i tītə̄ lo kəhɔ ngōn̄ bə̄yā̰ beé ō,
rɔ̄ɔ̄ dā̰ úrsə to i tītə̄ lo kəhɔ ngōn̄ batə̄ beé ō.
4Dan ń Dabid i balsáá ɓáý ní, tɔ̄l̄ báw deē kógə̄ḿ.
Ni un rɔ̄sɔl̄ kɔ̄ɔ́ dɔ ngán Israel gə̄ tə́ i tītə̄ ń nuū.
Goliyatə ń i deē kə́ kɔjə rɔ̄ i ngá̰ý kemən tə́ ní,
ni ənīn kə mbal̄ kə́ kem bējə̄ yān tə́ adə̄ teē əsō.
5Tām̄ ni ɓāŕ Kɔ́ɔ̄ɓē, Nge Ndi dɔ rā̰ tə́ kadə̄ dḭḭ̄n.
Lo ń nuū tə́ Kɔ́ɔ̄ɓē adə̄ jī Dabid kə́ kṵṵ́ tɔ́gə,
adə̄ tɔ̄l̄ deē kə́ ger̄ rɔ̄ɔ̄ ngá̰ý ō,
gír deē yān gə̄ ń tɔ́gə́də́ gətóo ní, ni tél adə̄də́ tɔ́gə gogə́ rang ō.
6I tām̄ najə̄ ń nuū tə́ n de gə̄ ɔsən̄ go̰nən tītə̄ kə́ tɔ̄l̄ i de gə̄ dūbú kutə ní.
De gə̄ rāān̄ Kɔ́ɔ̄ɓē kə́ra ɔsənə̄ń go̰nən ō,
əlan̄ jākā mbang dɔn tə́ ō.
7Tɔdɔ̄ madə̄ ba̰ā̰ gə̄ ń gīr̄nən̄ kə̄ ta gə̄ tə́ ní, ni tɔ̄l̄də́ malang kɔ̄ɔ́.
Ni rāā adə̄ Pilistin gə̄ ń i ngé rɔ̄ɔn gə̄ ní gətóon̄ kɔ̄ɔ́ malang ō,
taā tɔ́gə́də́ kɔ̄ɔ́ bátə́ ɓōólaā ō.
8Nə́ɓā kə́ táĺ ń i Nge Ndi dɔ rā̰ tə́ ní, Dabid ɓōkə́n tɔ̄ȳ ō,
ɔsə go̰nən tū yá̰a̰ rāan gə̄ tə́ malang ō.
Ənī pā kə ngarā̰ kemən gēé malang ō,
tár nge kəndān ō.
9Ni tə́ndā ngé kənī pā gə̄ ta lo ń dabə tun̄ yá̰a̰ i tū tə́ ní tə́
kadə̄ ənīn̄ pā kə́ majə gə̄.
10Ni rāā adə̄ ndɔ̄ rāā nāā gə̄ yā Kɔ́ɔ̄ɓē majən̄ ō,
rāā adə̄ yá̰a̰ kūjə́ gə̄ kə́ ndɔ̄ rāā nāā gə̄ tə́ majə ɔtə̄n̄ kə taá ō,
i yā kadə̄ de gə̄ ɔsən̄ go̰n Kɔ́ɔ̄ɓē ń rīn i kógə̄ḿ beē ní ō,
kadə̄ oōn̄ kōō pā ō, yá̰á̰ kə́ ɓār̄ gōsə̄ ō dəloí ɓatə kem kújə́ kə́ táĺ tə́.
11Kɔ́ɔ̄ɓē un yá̰a̰ rāā kə́ gōtə́ aĺ yā Dabid kɔ̄ɔ́ dɔn tə́ ō,
rāā adə̄ tɔ́gən aw̄ kum kə̄ kété i kə́ njɔ́ḿ gə̄ tə́ ō.
Əhɔ madə̄ naā kə́ mban̄g tə́ seneé ō,
mbūsə̄ gír kṵ ɓē yān dɔ nang kə́ Israel tə́ ō.
Salomo̰
12Gō Dabid tə́ ɓáa ngōnən ń i de kə́ ger̄ yá̰á̰ ngá̰ý ní, un gotən.
Kɔ́ɔ̄ɓē rāā adə̄ ngōnən ní ndi kanjə̄ sōl̄ yá̰á̰ kógə̄ḿ sɔɔ̄ń Dabid.
13Ɓāl̄ kṵ ɓē yā mban̄g Salomo̰ tə́ ní, lo to lɔm.
Nə́ɓā rāā adə̄ Salomo̰ ndi jəke, tām̄ dɔ nin̄ ɓē yān gə̄ malang ton̄ jəke.
I tītə̄ ń nuū n Salomo̰ asəń rāā kújə́ kə́ bo kə́ tām̄ yā rī Kɔ́ɔ̄ɓē tə́ ní.
Ni rāā kújə́ kə́ táĺ kə́ tām̄ yā rī Kɔ́ɔ̄ɓē tə́ kə́ a to ngándáńg.
14Salomo̰, dan balsááí tə́ ní, ḭ̄ i de kə́ kumií edə̄ rɔ̄kum.
Kur̄ dɔí ger̄ yá̰á̰ ngá̰ý tītə̄ man̄ bā kə́ rə̄ɓā kem kārən tə́ kə̄ ndágá beē.
15Yá̰a̰ ger̄ yāí taā lo dɔ nang tə́ malang ō,
kāgə̄ najə̄ yāí kə́ ngān̄g gə̄ taān̄ lo dɔ nang tə́ malang ō.
16Rī ɓār̄ yāí aw̄ bátə́ ugə̄ dor̄ kə́ sa̰y gə̄ tə́ ō,
de gə̄ táriīn̄ najə̄ kem sɔl̄ lɔm yāí tə́ ō.
17Pā yāí gə̄ ō, kāgə̄ najə̄ yāí gə̄ ō, gōsə̄ najə̄ yāí gə̄ ō,
kəda kum yá̰a̰ yāí gə̄ ō ní, nel̄ de kə́ dɔ nang tə́ gə̄ malang.
18Ḭ̄ ī-kán̄ lɔ́r kə̄ dɔ naā tə́ láẃ ngá̰ý tītə̄ lo kán̄ gində̄ etḛ̄ḛ kə̄ dɔ naā tə́ beē ō,
ī-kán̄ gində̄ arjā̰a̰ kə̄ dɔ naā tə́ tītə̄ lo kán̄ gində̄ dɔrnō kə̄ dɔ naā tə́ beē ō,
kə rī Kɔ́ɔ̄ɓē Nə́ɓā
ń a ɓāŕnən̄ na i Nə́ɓā yā Israel ní.
19Banī ḭ̄ ún rɔ̄í ādə̄ dəyá̰ gə̄ ō,
rɔ̄í ní rāā adə̄ ī-tél ɓəlo yādə́ ō.
20Ḭ̄ ī-rāā adə̄ yá̰á̰ kə́ majə aĺ tákə̄ rī ɓār̄ yāí kə́ majə.
Ī-rāā adə̄ rī de gə̄ kə́ gír kaa yāí tə́ ɓār̄ majə alé,
adə̄ wūn̄g rāā Kɔ́ɔ̄ɓē dɔ ngání gə̄ tə́ ō,
mbóo yāí rāā adə̄ ndə̄ngān̄ rɔ̄də́ ngá̰ý ō.
21Gāngə̄n̄ ɓē kṵ yāí naā tə́ lo jōó,
adə̄ ɓē kṵ kə́ əsō wūn̄g teē gír ɓē yā Epərayim tə́.
22Banī Kɔ́ɔ̄ɓē lōō gír kem majə yān tə́ aĺ ō,
míndən gə̄ ń ənī ní, ta tɔ̄l̄ tadə́ to siriri aĺ ō.
Ni rāā adə̄ gír kaa yā deē ń ni gə̄rān ní gətóo kɔ̄ɔ́ aĺ ō,
deē ń tárən ní, ni rāā adə̄ gír kojə yān gətóo kɔ̄ɔ́ aĺ ō.
Ni rāā adə̄ gotə de gə̄ yā Jakob gə̄ teēn̄ ta yo tə́ ō,
rāā adə̄ de gə̄ kə́ gír kaa yā Dabid tə́ gə̄ unən̄ gotə Dabid ō.
Roboam ō, Jeroboam ō
23Gō tə́ anī Salomo̰ oy aw̄ gō kaan gə̄ tə́ ɓádá.
Ni əya̰ de kógə̄ḿ kə́ gír kojə yān tə́ gotən tə́.
Deē ní i Roboam. Ni mbóó ngá̰ý ō, ger̄ yá̰a̰ aĺ ngá̰ý ō.
Yá̰á̰ ń ni sāā rāā ní, rāā adə̄ de gə̄ əsōn̄ wūn̄g.
Banī Jeroboam kə́ ngōn̄ Nebat ɓáa rāā adə̄ Israel rāā majaĺ ō,
ɔjə Epərayim ta róbə rāā majaĺ ō.
24Lo ń nuū tə́ majaĺ yādə́ gə̄ ojən̄ naā ngá̰ý,
adə̄ ndɔ́tə̄n̄ sedə́ kɔ̄ɔ́ dɔ nang yādə́ tə́ aw̄n̄ sedə́ lo kə́ rang tə́.
25Nin̄ rāān̄ yá̰á̰ kə́ majə aĺ kə́ tayā tayā gə̄ malang.
Ta tɔ̄l̄ ta anī əngen̄ ndéy tāmən tə́.
Bibəl ta Sar̄ © L'Alliance Biblique du Tchad, 2006, 2010.