JEJU KƏ́ NGŌN̄ SIRAK 29
29
Kadə̄ deē yá̰a̰ lo tə̄nā tə́
1Nge kadə̄ madə̄n yá̰a̰ lo tə̄nā tə́ rāā i
kem majə seneé ō,
nge rāā kə madə̄neé i nge rāā yá̰a̰ gə̄ ń ədan̄ kadə̄ yā rāā ní ō.
2Lo ń ré madí nal̄ yá̰a̰ anī, ādən yá̰a̰ lo tə̄nā tə́ ō,
yá̰á̰ ń madí adī lo tə̄nā tə́ ní, ī-tél ādən gogə́ kə kum mbangneé ō.
3Ī-ra dɔ míndí ń ə̄nī ādən tə́ ní ō, ī-rāā yá̰á̰ kə́ rɔ̄kum ō.
Lo ń nuū tə́ ā ə́ngé yá̰á̰ ń ndoōn rāāī ní ngándáńg.
4De gə̄ ngá̰ý rāān̄ yá̰á̰ kə́ tə̄nā i kadə̄ karī tə́ ō,
rāān̄ ngé rāā sedə́ gə̄ adə̄ a̰a̰n̄ tápə̄ ō.
5Kété pá tá kadə̄ de gə̄ taān̄ yá̰a̰ lo tə̄nā tə́ ní, njíbə̄n̄ jī ngé kadə̄də́ yá̰a̰ lo tə̄nā tə́ gə̄.
Télən̄ kə rɔ̄də́ kə̄ nang tə́ ɔr̄nəń najə̄ yá̰a̰ kənge yā madə̄də́.
Banī dan ń kum mbang tél kə yá̰á̰ ní asə anī, ndɔ́tə̄n̄ kə ndɔ̄ɔ́ kə̄ kété.
Najə̄ ń nel̄də́ kɔr̄ ngá̰ý ní i ndə̄ngā rɔ̄ ngóy ō,
əndān̄ najə̄ i dɔ yá̰a̰ gə̄ ń rāān̄ yá̰á̰ tə́ ní ō.
6Ré nge tə̄nā yá̰a̰ əgā kə̄rā kə́ dɔn tə́ anī, majə aláa nge kadə̄ yá̰a̰ lo tə̄nā tə́ a ənge i núsən ngóy ō,
a ɔjəń na n-ənge na i kadə̄ karī ō.
Ré i beé aĺ anī, taān̄ i yá̰a̰ yān jīn tə́ malang kɔ̄ɔ́ ō,
ənge madə̄ ba̰ā̰n kə́ kanjə̄ kumən ō.
Yá̰á̰ ń madə̄ ba̰ā̰n ní a téləń yā kadə̄n gogə́ ní, i ndɔ̄ĺ ō, ndū ō ngóy.
Yá̰á̰ ń ni a əgānəń kə̄rā ní, i kidə ta gírən tə́ banī i rɔȳ alé.
7De gə̄ ngá̰ý mbātə́n̄ kadə̄ yá̰a̰ yādə́ lo tə̄nā tə́, banī i kə kem nduluú alé.
Nin̄ ɓōlə́n̄ i najə̄ kadə̄ taān̄ yá̰a̰ yādə́ jīdə́ tə́ kɔ̄ɔ́ kanjə̄ kumən.
Kadə̄ nge ndoō yá̰a̰ i sóótə́
8Ɓá tā ba ī-tə́gā taí tām̄ yā nge ndoō tə́ ō,
ī-lōō rāā kumən ndoō tə́ tá kadə̄nəń yá̰a̰ karī ō.
9Ī-dḭḭ̄ nge rɔ̄ tō ndoō sɔɔ̄ń yá̰á̰ ń Nə́ɓā əda kadə̄ yā rāā ní ō,
ī-lōō kəya̰n kadə̄ tél aw̄ jīn karī kə ndoō yāneé ō.
10Ə̄ndā dɔ rɔ̄í danaá kadə̄ ī-tḭ̄ḭ̄ ta sə́lē yāí tām̄ yā ngōkṵ́ṵ́í tə́, aláa madə̄ taí tə́,
i sóótə́ tɔȳ kəya̰n kadə̄ əhɔ kārā.
11Úń yá̰a̰ kənge yāí ī-rāań yá̰a̰ kə gō ń Nge Ndi dɔ rā̰ tə́ ədań ní.
Nge ń nuū a teēī yá̰á̰ tə́ tɔȳ lɔ́r.
12Ī-ɓōkə́ kadə̄ karī yāí kem mōȳ yāí tə́ ba ūtə̄ ta.
I ni n a ɔrī kɔ̄ɔ́ kum yá̰á̰ kə́ tōr̄ tə́ ní.
13Ni a ra ta kum madə̄ ba̰ā̰ tə́ yā rɔ̄ɔń dɔí tə́
tɔȳ der kə́ ngan̄g ō, tɔȳ nənga kə́ ɔȳ ō.
Ngé kəndā rɔ̄də́ ta najə̄ yā madə̄də́ gə̄ tə́
14De kə́ majə i de kə́ nge kəndā rɔ̄n ta najə̄ yā madə̄n tə́,
banī deē ń usən yá̰a̰ aĺ ní a əya̰n kɔ̄ɔ́.
15Majə ń nge kəndā rɔ̄n ta najə̄ yāí tə́ rāā seí ní, ī-lōō kadə̄ dɔí ndígə̄nal.
Tām̄ ni ənī rɔ̄n kɔ̄ɔ́ najə̄ yāí tə́.
16Nge rāā majaĺ i nge nujə yá̰a̰ kənge yā nge kəndā rɔ̄n ta najə̄ yān tə́ ō,
17de kə́ ger̄ majə kə́ rāān̄ seneé alé i nge kəya̰ nge kajən kɔ̄ɔ́ ō.
18Tá kəndā rɔ̄ ta najə̄ yā deē tə́ i yá̰á̰ kə́ nujə yá̰a̰ kənge yā de kə́ súūmú gə̄ ngá̰ý ō,
rāādə́ adə̄ gerə̄n̄ yá̰á̰ kə́ yā rāā tṵ alé, tītə̄ kə́ i bəngál bā bo n a dáȳ sedə́ beē ō.
Adə̄ de kə́ tɔ́gə́də́ i ngá̰ý gə̄ əya̰n̄ ɓē yādə́ kɔ̄ɔ́ dɔ gúú tə́,
ba dáȳn̄ kə̄ lo gə̄ tə́ dan nápar de kə́ rang gə̄ tə́.
19Lo ń ré nge rāā majaĺ nāgə́ láẃ əndā rɔ̄n ta najə̄ yā deē tə́
yā kəngeń yá̰á̰ gírí anī, ngé sarya gə̄ a gāngə̄n̄ sarya dɔn tə́.
20Ī-dḭḭ̄ deē madí kə gō tɔ́gí,
banī á̰a̰ rɔ̄í majə na sōgə́ ḭ̄kɔ́ ə̄sō kum gūmbə̄ tə́.
Ī-lōō ndi kə ta kūl̄ deé
21Yá̰á̰ kə́ ta kəga dɔ gə̄ ń kadə̄ deē əngedə́ gáŕ tá ndiń kə kumneé ní, i man̄ ō, yá̰a̰ kəsa ō, kūbə̄ ō,
i kújə́ kə́ kadə̄ deē ndi kemeé anī deē a̰a̰n aĺ ō.
22Ī-ndoō ba ī-ndi kem kújə yāí ḭ̄kɔ́ tə́ i sóótə́,
tɔȳ kəsa yá̰á̰ kə́ majə ngá̰ý kem kújə yā de kə́ rang tə́.
23Ré ə́ngé yá̰a̰ i sḛ́ý beē, aké i ngá̰ý anī, ādə̄ rɔ̄í nelī najə̄n tə́.
Lo ń nuū tə́ ā ōō kɔ̄l̄ kə́ kɔ̄lə̄n̄ seí najə̄ ḭ̄ kə́ i tə̄rā tə́ alé.
24Ndi kə́ to rɔ̄ tō ndoō ngá̰ý i dáȳ kə̄ kem kújə yā de gə̄ tə́,
ba ásə teē taí alé, tām̄ ī-ndi i ɓēé loí alé.
25Ḭ̄ ādə̄ deē yá̰a̰ kəsa ō, man̄ ka̰ȳ ō, banī de kə́ rāāī kə́ra gətóo.
Tá ɓáý tṵ ní, ōō i najə̄ kə́ tōr̄ gə̄:
26tə̄rā, ī-kán̄ yá̰a̰ dɔ tábəl tə́!
Ré yá̰a̰ kəsa kə́rēý i nuú anī, ī-reēń ādə̄ m-ə́sa!
27Tə̄rā, āw̄ kɔ̄ɔ́, na m-ā m-ə́nge de kógə̄ḿ kə́ bo!
Ngōkṵ́ṵ́ḿ kə́rēý a reē kə̄ mbā tə́ dɔḿ tə́, adə̄ m̄-gḛy kújə.
28Kəda na ḭ̄ i tə̄rā ō, ndū yā nge kadə̄ deē yá̰a̰ lo tə̄nā tə́ ō,
i yá̰á̰ kə́ tōr̄ ngá̰ý tām̄ yā de kə́ ngáā tə́.
Currently Selected:
JEJU KƏ́ NGŌN̄ SIRAK 29: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
JEJU KƏ́ NGŌN̄ SIRAK 29
29
Kadə̄ deē yá̰a̰ lo tə̄nā tə́
1Nge kadə̄ madə̄n yá̰a̰ lo tə̄nā tə́ rāā i
kem majə seneé ō,
nge rāā kə madə̄neé i nge rāā yá̰a̰ gə̄ ń ədan̄ kadə̄ yā rāā ní ō.
2Lo ń ré madí nal̄ yá̰a̰ anī, ādən yá̰a̰ lo tə̄nā tə́ ō,
yá̰á̰ ń madí adī lo tə̄nā tə́ ní, ī-tél ādən gogə́ kə kum mbangneé ō.
3Ī-ra dɔ míndí ń ə̄nī ādən tə́ ní ō, ī-rāā yá̰á̰ kə́ rɔ̄kum ō.
Lo ń nuū tə́ ā ə́ngé yá̰á̰ ń ndoōn rāāī ní ngándáńg.
4De gə̄ ngá̰ý rāān̄ yá̰á̰ kə́ tə̄nā i kadə̄ karī tə́ ō,
rāān̄ ngé rāā sedə́ gə̄ adə̄ a̰a̰n̄ tápə̄ ō.
5Kété pá tá kadə̄ de gə̄ taān̄ yá̰a̰ lo tə̄nā tə́ ní, njíbə̄n̄ jī ngé kadə̄də́ yá̰a̰ lo tə̄nā tə́ gə̄.
Télən̄ kə rɔ̄də́ kə̄ nang tə́ ɔr̄nəń najə̄ yá̰a̰ kənge yā madə̄də́.
Banī dan ń kum mbang tél kə yá̰á̰ ní asə anī, ndɔ́tə̄n̄ kə ndɔ̄ɔ́ kə̄ kété.
Najə̄ ń nel̄də́ kɔr̄ ngá̰ý ní i ndə̄ngā rɔ̄ ngóy ō,
əndān̄ najə̄ i dɔ yá̰a̰ gə̄ ń rāān̄ yá̰á̰ tə́ ní ō.
6Ré nge tə̄nā yá̰a̰ əgā kə̄rā kə́ dɔn tə́ anī, majə aláa nge kadə̄ yá̰a̰ lo tə̄nā tə́ a ənge i núsən ngóy ō,
a ɔjəń na n-ənge na i kadə̄ karī ō.
Ré i beé aĺ anī, taān̄ i yá̰a̰ yān jīn tə́ malang kɔ̄ɔ́ ō,
ənge madə̄ ba̰ā̰n kə́ kanjə̄ kumən ō.
Yá̰á̰ ń madə̄ ba̰ā̰n ní a téləń yā kadə̄n gogə́ ní, i ndɔ̄ĺ ō, ndū ō ngóy.
Yá̰á̰ ń ni a əgānəń kə̄rā ní, i kidə ta gírən tə́ banī i rɔȳ alé.
7De gə̄ ngá̰ý mbātə́n̄ kadə̄ yá̰a̰ yādə́ lo tə̄nā tə́, banī i kə kem nduluú alé.
Nin̄ ɓōlə́n̄ i najə̄ kadə̄ taān̄ yá̰a̰ yādə́ jīdə́ tə́ kɔ̄ɔ́ kanjə̄ kumən.
Kadə̄ nge ndoō yá̰a̰ i sóótə́
8Ɓá tā ba ī-tə́gā taí tām̄ yā nge ndoō tə́ ō,
ī-lōō rāā kumən ndoō tə́ tá kadə̄nəń yá̰a̰ karī ō.
9Ī-dḭḭ̄ nge rɔ̄ tō ndoō sɔɔ̄ń yá̰á̰ ń Nə́ɓā əda kadə̄ yā rāā ní ō,
ī-lōō kəya̰n kadə̄ tél aw̄ jīn karī kə ndoō yāneé ō.
10Ə̄ndā dɔ rɔ̄í danaá kadə̄ ī-tḭ̄ḭ̄ ta sə́lē yāí tām̄ yā ngōkṵ́ṵ́í tə́, aláa madə̄ taí tə́,
i sóótə́ tɔȳ kəya̰n kadə̄ əhɔ kārā.
11Úń yá̰a̰ kənge yāí ī-rāań yá̰a̰ kə gō ń Nge Ndi dɔ rā̰ tə́ ədań ní.
Nge ń nuū a teēī yá̰á̰ tə́ tɔȳ lɔ́r.
12Ī-ɓōkə́ kadə̄ karī yāí kem mōȳ yāí tə́ ba ūtə̄ ta.
I ni n a ɔrī kɔ̄ɔ́ kum yá̰á̰ kə́ tōr̄ tə́ ní.
13Ni a ra ta kum madə̄ ba̰ā̰ tə́ yā rɔ̄ɔń dɔí tə́
tɔȳ der kə́ ngan̄g ō, tɔȳ nənga kə́ ɔȳ ō.
Ngé kəndā rɔ̄də́ ta najə̄ yā madə̄də́ gə̄ tə́
14De kə́ majə i de kə́ nge kəndā rɔ̄n ta najə̄ yā madə̄n tə́,
banī deē ń usən yá̰a̰ aĺ ní a əya̰n kɔ̄ɔ́.
15Majə ń nge kəndā rɔ̄n ta najə̄ yāí tə́ rāā seí ní, ī-lōō kadə̄ dɔí ndígə̄nal.
Tām̄ ni ənī rɔ̄n kɔ̄ɔ́ najə̄ yāí tə́.
16Nge rāā majaĺ i nge nujə yá̰a̰ kənge yā nge kəndā rɔ̄n ta najə̄ yān tə́ ō,
17de kə́ ger̄ majə kə́ rāān̄ seneé alé i nge kəya̰ nge kajən kɔ̄ɔ́ ō.
18Tá kəndā rɔ̄ ta najə̄ yā deē tə́ i yá̰á̰ kə́ nujə yá̰a̰ kənge yā de kə́ súūmú gə̄ ngá̰ý ō,
rāādə́ adə̄ gerə̄n̄ yá̰á̰ kə́ yā rāā tṵ alé, tītə̄ kə́ i bəngál bā bo n a dáȳ sedə́ beē ō.
Adə̄ de kə́ tɔ́gə́də́ i ngá̰ý gə̄ əya̰n̄ ɓē yādə́ kɔ̄ɔ́ dɔ gúú tə́,
ba dáȳn̄ kə̄ lo gə̄ tə́ dan nápar de kə́ rang gə̄ tə́.
19Lo ń ré nge rāā majaĺ nāgə́ láẃ əndā rɔ̄n ta najə̄ yā deē tə́
yā kəngeń yá̰á̰ gírí anī, ngé sarya gə̄ a gāngə̄n̄ sarya dɔn tə́.
20Ī-dḭḭ̄ deē madí kə gō tɔ́gí,
banī á̰a̰ rɔ̄í majə na sōgə́ ḭ̄kɔ́ ə̄sō kum gūmbə̄ tə́.
Ī-lōō ndi kə ta kūl̄ deé
21Yá̰á̰ kə́ ta kəga dɔ gə̄ ń kadə̄ deē əngedə́ gáŕ tá ndiń kə kumneé ní, i man̄ ō, yá̰a̰ kəsa ō, kūbə̄ ō,
i kújə́ kə́ kadə̄ deē ndi kemeé anī deē a̰a̰n aĺ ō.
22Ī-ndoō ba ī-ndi kem kújə yāí ḭ̄kɔ́ tə́ i sóótə́,
tɔȳ kəsa yá̰á̰ kə́ majə ngá̰ý kem kújə yā de kə́ rang tə́.
23Ré ə́ngé yá̰a̰ i sḛ́ý beē, aké i ngá̰ý anī, ādə̄ rɔ̄í nelī najə̄n tə́.
Lo ń nuū tə́ ā ōō kɔ̄l̄ kə́ kɔ̄lə̄n̄ seí najə̄ ḭ̄ kə́ i tə̄rā tə́ alé.
24Ndi kə́ to rɔ̄ tō ndoō ngá̰ý i dáȳ kə̄ kem kújə yā de gə̄ tə́,
ba ásə teē taí alé, tām̄ ī-ndi i ɓēé loí alé.
25Ḭ̄ ādə̄ deē yá̰a̰ kəsa ō, man̄ ka̰ȳ ō, banī de kə́ rāāī kə́ra gətóo.
Tá ɓáý tṵ ní, ōō i najə̄ kə́ tōr̄ gə̄:
26tə̄rā, ī-kán̄ yá̰a̰ dɔ tábəl tə́!
Ré yá̰a̰ kəsa kə́rēý i nuú anī, ī-reēń ādə̄ m-ə́sa!
27Tə̄rā, āw̄ kɔ̄ɔ́, na m-ā m-ə́nge de kógə̄ḿ kə́ bo!
Ngōkṵ́ṵ́ḿ kə́rēý a reē kə̄ mbā tə́ dɔḿ tə́, adə̄ m̄-gḛy kújə.
28Kəda na ḭ̄ i tə̄rā ō, ndū yā nge kadə̄ deē yá̰a̰ lo tə̄nā tə́ ō,
i yá̰á̰ kə́ tōr̄ ngá̰ý tām̄ yā de kə́ ngáā tə́.
Bibəl ta Sar̄ © L'Alliance Biblique du Tchad, 2006, 2010.