JEJU KƏ́ NGŌN̄ SIRAK 30
30
Kɔjə̄ kə́ tām̄ yā ngán gə̄ tə́
1Nge tár ngōnən i nge kəndan ngándáńg,
yā kadə̄ ndɔ̄ń tə́ anī ngōnən ní adə̄n rɔ̄nel̄.
2Deē ń ɔjə̄ ngōnən majə ní, a nelə̄n seneé.
Ni a ɔjə rɔ̄n tām̄ yā ngōnən ní tə́, dan de gə̄ ń ni ger̄də́ ní tə́.
3Deē ń ɔjə ngōnən yá̰a̰ adə̄ ger̄ ní,
a rāā i madə̄ ba̰ā̰n kadə̄ əndān nii ō,
rɔ̄n a nelə̄n ta kum madə̄n gə̄ tə́ najə̄ yā ngōnən ní tə́ ō.
4Ré bɔbə̄ ngōn̄ ní oy gə̄gē anī, to tītə̄ kə́ oy aĺ beē.
Tām̄ a əya̰ ngōn̄ kə́ to tītə̄n beé gotən tə́.
5Dan ń ndiń kə kumneé ɓáý ní, a̰a̰ ngōnən ní i kə rɔ̄nelé ō,
dan ń a rāā yā koy anī, ndə̄ngā rɔ̄n najə̄ yá̰á̰ kógə̄ḿ tə́ aĺ ō.
6Tɔdɔ̄ əya̰ de kógə̄ḿ kə́ a dal ba̰ā̰n dɔ madə̄ ba̰ā̰n gə̄ tə́ gotən tə́ ō,
a ger̄ majə kə́ madə̄ ta bɔbə̄n gə̄ rāān̄ kə bɔbə̄neé ō.
7Deē ń nujə ngōnən ní, i gáŕ kadə̄ a ndem̄ ta doon gə̄ ō,
kemən a nujə i kə dɔ kəga kɔŕ gə̄ malang yā ngōnən ō.
8Sə́ndá ń tetən̄ dɔn aĺ ní, lo kalə̄n ngan̄g.
Ngōn̄ kə́ deē əya̰n dɔ hálən tə́ i ngōn̄ kə́ a dum̄.
9Ré ī-wārīyā gidə ngōnīí anī, a rāā yá̰á̰ kə́ majə aĺ kə́ kadə̄ a ɔr kumií seneé.
Ré ī-kógə̄ naā seneé anī, a rāāī kadə̄ rɔ̄í a nelī aĺ ngá̰ý.
10Ré ī-ndigə ka̰a̰ tápə̄ najə̄ yān tə́ aĺ anī, ī-lōō kəgō seneé,
na sōgə́ ta tɔ̄l̄ ta anī ī-dṵ jīí najə̄ yān tə́.
11Dan ń dūú ɓáý ní, ī-lōō kəya̰n kadə̄ ni i kɔ́ɔ̄ rɔ̄n.
12Dan ń ni dūú ɓáý ní, ə́nda kadən.
Ré i beé aĺ anī dɔn a ngan̄g, adə̄ a oō taí tṵ alé.
13Ɔ̄jə̄ ngōnīí ō, ī-ndóōn yá̰a̰ ō,
na sōgə́ hálən kógə̄ḿ əla rɔ̄sɔl̄ dɔí tə́.
Rɔ̄ ngan̄g
14Nge ndoō kə́ moy rāan aĺ ō, kem kə̄ngān ngan̄g ō, i sóótə́
tɔȳ nge yá̰a̰ kənge kə́ moy i kújə́ mósən tə́.
15Ndi kə rɔ̄ ngangá i sóótə́ tɔȳ kənge lɔ́ŕ kə́ dɔ nang tə́ malang.
Ndíl deē kə́ tɔ́gən to i sóótə́ tɔȳ yá̰a̰ kənge kə́ ngá̰ý al̄naā.
16Yá̰a̰ kənge kə́ asən̄ naā kə rɔ̄ ngáā yā deé gətóo ō,
ndi majə kə́ asən̄ naā kə rɔ̄nel̄ kə́ dan wur deē tə́ gətóo ō.
17Koy i sóótə́ tɔȳ ndi dan rɔ̄ tō ndoō kə́ al̄naā tə́ ō,
kɔr̄ koō kə́ ta ngóyn gətóo i sóótə́ tɔȳ moy kə́ ta ngóyn gətóo ō.
18Yá̰a̰ kəsa kə́ majə kə́ deē adə̄ nge moy kə́ ɓōō rāan alé,
to i tītə̄ yá̰a̰ kəsa kə́ deē əndā ta ɓesə̄ tə́ beē.
19Ɓesə̄ ń i yá̰á̰ kə́ a əsa yá̰a̰ aĺ ō, a un wusə yá̰a̰ aĺ ō ní,
kadə̄n yá̰a̰ kəsa ń nuū i yā rāań rí?
Deē ń Kɔ́ɔ̄ɓē əya̰n adə̄ a̰a̰ tápə́ ní, yān i tītə̄ ń nuū ō:
20Ni a̰a̰ yá̰a̰ kəsa ní kə kumneé, ba to̰ō̰
tītə̄ áji mbang kə́ əhɔ ngōmandə kə̄ rɔ̄n tə́ ɓirə̄n dagə ō, to̰ō̰ ō beé.
Tə̄ɓā wur kɔl kɔ̄ɔ́
21Ī-lōō kəya̰ rɔ̄í kadə̄ wur kɔl ō,
rāā kum rɔ̄í ḭ̄kɔ́ ndoō tə́ kə gír̄ yá̰á̰ ō.
22Rɔ̄nel̄ kə́ dan wur deē tə́ rāā adə̄ deē ndi kə kumneé ō,
dɔ kum deē kə́ nelə̄n rāā adə̄ deē ndi ndɔ̄ ngá̰ý kum kə̄ kété ō.
23Ī-kógə̄ naā ō, ə́hɔ kemií ngan̄g ō,
ī-tə̄ɓā wur kɔl ādə̄ aw̄ sa̰y kɔ̄ɔ́ rɔ̄í tə́ ō.
Tām̄ wur kɔl tḭ̄ḭ̄ ta de gə̄ ngá̰ý ō,
ré ə́ya̰ rɔ̄í ādən anī, ā ə́ngé yá̰á̰ kógə̄ḿ gírí aĺ ō.
24Rāā nii ō, rāā wūn̄g ō, i yá̰a̰ gə̄ kə́ a rāān̄ deē kadə̄ ndi ndɔ̄ ngá̰ý aĺ ō,
gír̄ yá̰a̰ i yá̰á̰ kə́ a rāā deē kadə̄ deē tɔgə ɓə́gá láẃ ngá̰ý ō.
25Rɔ̄nel̄ kə́ dan wur deē tə́ i yá̰á̰ kə́ rāā adə̄ yá̰a̰ kəsa nel̄ ta deē.
Lo ń nuū tə́ deē a əndā kumən gíŕ yá̰a̰ kəsa yān tə́ ngá̰ý.
Currently Selected:
JEJU KƏ́ NGŌN̄ SIRAK 30: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
JEJU KƏ́ NGŌN̄ SIRAK 30
30
Kɔjə̄ kə́ tām̄ yā ngán gə̄ tə́
1Nge tár ngōnən i nge kəndan ngándáńg,
yā kadə̄ ndɔ̄ń tə́ anī ngōnən ní adə̄n rɔ̄nel̄.
2Deē ń ɔjə̄ ngōnən majə ní, a nelə̄n seneé.
Ni a ɔjə rɔ̄n tām̄ yā ngōnən ní tə́, dan de gə̄ ń ni ger̄də́ ní tə́.
3Deē ń ɔjə ngōnən yá̰a̰ adə̄ ger̄ ní,
a rāā i madə̄ ba̰ā̰n kadə̄ əndān nii ō,
rɔ̄n a nelə̄n ta kum madə̄n gə̄ tə́ najə̄ yā ngōnən ní tə́ ō.
4Ré bɔbə̄ ngōn̄ ní oy gə̄gē anī, to tītə̄ kə́ oy aĺ beē.
Tām̄ a əya̰ ngōn̄ kə́ to tītə̄n beé gotən tə́.
5Dan ń ndiń kə kumneé ɓáý ní, a̰a̰ ngōnən ní i kə rɔ̄nelé ō,
dan ń a rāā yā koy anī, ndə̄ngā rɔ̄n najə̄ yá̰á̰ kógə̄ḿ tə́ aĺ ō.
6Tɔdɔ̄ əya̰ de kógə̄ḿ kə́ a dal ba̰ā̰n dɔ madə̄ ba̰ā̰n gə̄ tə́ gotən tə́ ō,
a ger̄ majə kə́ madə̄ ta bɔbə̄n gə̄ rāān̄ kə bɔbə̄neé ō.
7Deē ń nujə ngōnən ní, i gáŕ kadə̄ a ndem̄ ta doon gə̄ ō,
kemən a nujə i kə dɔ kəga kɔŕ gə̄ malang yā ngōnən ō.
8Sə́ndá ń tetən̄ dɔn aĺ ní, lo kalə̄n ngan̄g.
Ngōn̄ kə́ deē əya̰n dɔ hálən tə́ i ngōn̄ kə́ a dum̄.
9Ré ī-wārīyā gidə ngōnīí anī, a rāā yá̰á̰ kə́ majə aĺ kə́ kadə̄ a ɔr kumií seneé.
Ré ī-kógə̄ naā seneé anī, a rāāī kadə̄ rɔ̄í a nelī aĺ ngá̰ý.
10Ré ī-ndigə ka̰a̰ tápə̄ najə̄ yān tə́ aĺ anī, ī-lōō kəgō seneé,
na sōgə́ ta tɔ̄l̄ ta anī ī-dṵ jīí najə̄ yān tə́.
11Dan ń dūú ɓáý ní, ī-lōō kəya̰n kadə̄ ni i kɔ́ɔ̄ rɔ̄n.
12Dan ń ni dūú ɓáý ní, ə́nda kadən.
Ré i beé aĺ anī dɔn a ngan̄g, adə̄ a oō taí tṵ alé.
13Ɔ̄jə̄ ngōnīí ō, ī-ndóōn yá̰a̰ ō,
na sōgə́ hálən kógə̄ḿ əla rɔ̄sɔl̄ dɔí tə́.
Rɔ̄ ngan̄g
14Nge ndoō kə́ moy rāan aĺ ō, kem kə̄ngān ngan̄g ō, i sóótə́
tɔȳ nge yá̰a̰ kənge kə́ moy i kújə́ mósən tə́.
15Ndi kə rɔ̄ ngangá i sóótə́ tɔȳ kənge lɔ́ŕ kə́ dɔ nang tə́ malang.
Ndíl deē kə́ tɔ́gən to i sóótə́ tɔȳ yá̰a̰ kənge kə́ ngá̰ý al̄naā.
16Yá̰a̰ kənge kə́ asən̄ naā kə rɔ̄ ngáā yā deé gətóo ō,
ndi majə kə́ asən̄ naā kə rɔ̄nel̄ kə́ dan wur deē tə́ gətóo ō.
17Koy i sóótə́ tɔȳ ndi dan rɔ̄ tō ndoō kə́ al̄naā tə́ ō,
kɔr̄ koō kə́ ta ngóyn gətóo i sóótə́ tɔȳ moy kə́ ta ngóyn gətóo ō.
18Yá̰a̰ kəsa kə́ majə kə́ deē adə̄ nge moy kə́ ɓōō rāan alé,
to i tītə̄ yá̰a̰ kəsa kə́ deē əndā ta ɓesə̄ tə́ beē.
19Ɓesə̄ ń i yá̰á̰ kə́ a əsa yá̰a̰ aĺ ō, a un wusə yá̰a̰ aĺ ō ní,
kadə̄n yá̰a̰ kəsa ń nuū i yā rāań rí?
Deē ń Kɔ́ɔ̄ɓē əya̰n adə̄ a̰a̰ tápə́ ní, yān i tītə̄ ń nuū ō:
20Ni a̰a̰ yá̰a̰ kəsa ní kə kumneé, ba to̰ō̰
tītə̄ áji mbang kə́ əhɔ ngōmandə kə̄ rɔ̄n tə́ ɓirə̄n dagə ō, to̰ō̰ ō beé.
Tə̄ɓā wur kɔl kɔ̄ɔ́
21Ī-lōō kəya̰ rɔ̄í kadə̄ wur kɔl ō,
rāā kum rɔ̄í ḭ̄kɔ́ ndoō tə́ kə gír̄ yá̰á̰ ō.
22Rɔ̄nel̄ kə́ dan wur deē tə́ rāā adə̄ deē ndi kə kumneé ō,
dɔ kum deē kə́ nelə̄n rāā adə̄ deē ndi ndɔ̄ ngá̰ý kum kə̄ kété ō.
23Ī-kógə̄ naā ō, ə́hɔ kemií ngan̄g ō,
ī-tə̄ɓā wur kɔl ādə̄ aw̄ sa̰y kɔ̄ɔ́ rɔ̄í tə́ ō.
Tām̄ wur kɔl tḭ̄ḭ̄ ta de gə̄ ngá̰ý ō,
ré ə́ya̰ rɔ̄í ādən anī, ā ə́ngé yá̰á̰ kógə̄ḿ gírí aĺ ō.
24Rāā nii ō, rāā wūn̄g ō, i yá̰a̰ gə̄ kə́ a rāān̄ deē kadə̄ ndi ndɔ̄ ngá̰ý aĺ ō,
gír̄ yá̰a̰ i yá̰á̰ kə́ a rāā deē kadə̄ deē tɔgə ɓə́gá láẃ ngá̰ý ō.
25Rɔ̄nel̄ kə́ dan wur deē tə́ i yá̰á̰ kə́ rāā adə̄ yá̰a̰ kəsa nel̄ ta deē.
Lo ń nuū tə́ deē a əndā kumən gíŕ yá̰a̰ kəsa yān tə́ ngá̰ý.
Bibəl ta Sar̄ © L'Alliance Biblique du Tchad, 2006, 2010.