JEJU KƏ́ NGŌN̄ SIRAK 28
28
1Deē ń dal ba̰ā̰ ní, Kɔ́ɔ̄ɓē a dal ba̰ā̰ dɔn tə́ ō,
a əya̰ majaĺ yān kógə̄ḿ kadə̄ mān̄ karī aĺ ō.
2Deē madí ń rāā yá̰á̰ kə́ gōtə́ aĺ seí ní, ī-mā̰ȳ rɔ̄í dɔn tə́.
Lo ń nuū tə́ ré ā ī-ndɔ̄ȳ anī, Kɔ́ɔ̄ɓē a ɔr̄ majaĺ yāí gə̄ kɔ̄ɔ́.
3Ré deē rāā wūn̄g kə madə̄neé ō əhɔn kemən tə́ adə̄ ngan̄g ō anī,
lo kadə̄ ni dəje Kɔ́ɔ̄ɓē kadə̄ rāā kem ndaa seneé i ba̰ý?
4Kumən ṵṵn kə deē madə̄neé aĺ bátə́ ní,
a asə ndɔ̄ȳ tām̄ yā majaĺ yān nəkɔ́ tə́ i ba̰ý?
5Ré ni ń i dā̰ rɔ̄ karī ní əhɔ deē kemən tə́ anī,
i náā n a ənge māȳ rɔ̄ kə́ tām̄ yā majaĺ yān tə́ yā kadə̄n ní?
6Ī-gír̄ dɔ ta tɔ̄l̄ taí ń to a ngóōī ní tə́, ba ādə̄ asiī kim̄ deē.
Ī-gír̄ dɔ rɔ̄ deē kə́ i yá̰á̰ kə́ a ndum tə́ ō, a oy tə́ ō,
ba ī-rāā yá̰a̰ gə̄ ń ədan̄ kadə̄ i rāā ní.
7Ādə̄ əga kemií dɔ yá̰a̰ gə̄ ń ndū najə̄ yā Moyijə əda kadə̄ yā rāā ní tə́,
ba ī-lōō kəhɔ deē madí kemií tə́.
Ādə̄ əga kemií dɔ madə̄ naā yā Nge Ndi dɔ rā̰ tə́ tə́,
ba ī-gír̄ dɔ yá̰á̰ kə́ majə aĺ ń deē rāā seí tə́ ní tṵ alé.
Kɔ̄l̄ naā
8Ī-ra ngɔr kadə ngé kɔ̄l̄ naā gə̄ tə́ alé, lo ń nuū tə́ ā ī-rāā majaĺ alé.
Tām̄ deē ń wūn̄g rāan kɔ̄ɔ́ ní, i nge sə̄lā de gə̄ kadə̄ kɔ̄lə̄n̄ naā.
9Nge rāā majaĺ i nge nujə madə̄ naā kə́ to dɔ dán de gə̄ tə́ ō,
i nge rāā kadə̄ de gə̄ ń kété i ngé koō ta naā gə̄ ní, gángə̄n̄ naā ō.
10Ré deē ɓōkə́ kīr̄ ngá̰ý kum hor tə́ anī, hor ní a ṵṵ ngá̰ý ō,
ré de gə̄ rāān̄ dɔ ngan̄g ba naan̄ kə̄ lo kɔ̄l̄ naā tə́ anī, kɔ̄l̄ ní a bəya̰ i kum kə̄ kété kété ō.
Deē a rāā wūn̄g i kə gō tɔ́gəneé ō,
a rāā wūn̄g kadə̄ asə i kə gō tɔ́gə yá̰a̰ kənge yāneé ō.
11Tṵ́ṵ̄ naā kə́ búgə́rú i yá̰á̰ kə́ mbutə hor najə̄ adə̄ ṵṵ ō,
wūn̄g kə́ gidə kógə̄ḿ i yá̰á̰ kə́ a rāā kadə̄ mósə a̰ȳ nang tə́ ō.
12Ré ī-tóo yā̰l̄ hor kə́ dūú anī, a mbutə hor ō,
ī-tībə̄ man̄ taí dɔ tə́ anī a oy ō.
Taí asə rāā yá̰á̰ kə́ gír jōó gə̄ ń nuū mbak.
Kəla rāā najə̄ kə́ majə aĺ
13Ndɔ̄ĺ i dɔ nge kɔtə́ najə̄ tə́ ō, nge gól̄ lo tə́ ō!
Tām̄ ni tḭ̄ḭ̄ ta de kə́ ngá̰ý gə̄ kə́ kété oōn̄ ta naā majə.
14Gotə najə̄ kə́ kanjə̄ kumən gə̄ yā deē kə́ nge kṵ mətá i yá̰á̰ kə́ yéȳ de gə̄ ngá̰ý ō,
tə̄ɓādə́ adə̄ ḭḭ aw̄n̄ dan nápar de kə́ rang gə̄ tə́ ō.
Gotə najə̄ kə́ kanjə̄ kumən gə̄ yā deē kə́ nge kṵ mətá i yá̰á̰ kə́ nujə ɓē kə́ ngan̄g gə̄ ō,
kem kújə yā de kə́ bo gə̄ ō.
15Gotə najə̄ kə́ kanjə̄ kumən gə̄ yā deē kə́ nge kṵ mətá rāā adə̄ de gə̄ mbātə́n̄ nə̄yá̰də́ gə̄ kə́ əhɔn̄ rɔ̄də́ tɔgə ngá̰ý ō,
ɔgə̄ nə̄yá̰də́ gə̄ ní kənge kan̄ kəla yādə́ gə̄ ō.
16Deē ń nēl̄ mbīn oōń gotə najə̄ nge ń nuū ní, a ənge lo kɔr̄ koō tṵ alé,
a asə ndi jəke tṵ alé.
17Ndéy məraw kə́ kəndań deē jī kógə̄ḿ ní, tə́ren a to.
Banī ndéy ta ndo̰ deē kə́ jī kógə̄ḿ i yá̰á̰ kə́ tétə̄ kə̄ngā deē rárák.
18De gə̄ ngá̰ý tə́sōn̄ tām̄ tə́gān̄də́ kə kaskar kə́ kumən atə ngá̰ý,
banī kutədə́ i ngá̰ý alé kadə ngé gə̄ ń ta ndo̰ deē rāādə́ adə̄ tə́sōn̄ ní tə́.
19Nge rɔ̄nel̄ i deē ń ta ndo̰ deē asə rāā yá̰a̰ seneé aĺ ní,
i deē ń ra ta wūn̄g yā ta ndo̰ deē tə́ aĺ ní,
i deē ń əla dɔn gíŕ njúkə yā ta ndo̰ deē tə́ aĺ ní,
i deē ń kəlā ta ndo̰ deē dṵṵ̄n aĺ ní.
20Tām̄ njúkə ta ndo̰ deē i njúkə́ kə́ rāā kə gindí ō,
súĺ yān gə̄ i súĺ gə̄ kə́ rāān̄də́ kə gində̄ nə̄ngá kasaá ō.
21Yo ta ndo̰ deē i yo kə́ majə aĺ ngá̰ý.
Kəto ɓádá i sóótə́ tɔȳ koy yo ta ndo̰ deē.
22Banī ngé rāā yá̰a̰ kə gō ń Nə́ɓā ndigə ní,
ta ndo̰ deē asə rāā yá̰a̰ sedə́ aĺ ō,
hor yān asə kṵṵdə́ aĺ ō.
23Ngé kəya̰ Kɔ́ɔ̄ɓē kɔ̄ɔ́ gə̄ ní, ta ndo̰ deē a əndadə́ kadə̄ a tə́sōn̄.
Ni a mbutə kə́ hor tə́ dandə́ tə́ ō, hor yān a oy aĺ bátə́ ō.
Ni a ḭḭ kum kə̄ dɔdə́ tə́ tītə̄ ɓɔl beé ō,
a rə́yā̰də́ naā tə́ tītə̄ kagə beé ō.
24-25Á̰a̰ā̰, ḭ̄ ɔ́r gong kōn̄ gidə lo yāí tə́.
I beé ní, ə́lá bápə taí tə́ ba ī-dēsə́ kāgə̄ ta tə́ ūtəń ta ādə̄ ngan̄g míŕ míŕ ō.
Ré ī-ngɔ̄m̄ gində̄ arjā̰a̰ yāí majə ō, ī-ngɔ̄m̄ lɔ́r yāí majə ō anī,
ī-mbɔ̄jə́ najə̄ kɔrí ādə̄ asə loon tə́ ō, ī-mbɔ̄jə́ kɔȳn ō.
26Ə̄ndā kum kedə̄ dɔ rɔ̄í tə́, ādə̄ ta ndo̰í tél bə̄dē kə́ əgaī alé,
lo ń ī-ndigə kəsō jī nge kumií tə́ aĺ ní.
Currently Selected:
JEJU KƏ́ NGŌN̄ SIRAK 28: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
JEJU KƏ́ NGŌN̄ SIRAK 28
28
1Deē ń dal ba̰ā̰ ní, Kɔ́ɔ̄ɓē a dal ba̰ā̰ dɔn tə́ ō,
a əya̰ majaĺ yān kógə̄ḿ kadə̄ mān̄ karī aĺ ō.
2Deē madí ń rāā yá̰á̰ kə́ gōtə́ aĺ seí ní, ī-mā̰ȳ rɔ̄í dɔn tə́.
Lo ń nuū tə́ ré ā ī-ndɔ̄ȳ anī, Kɔ́ɔ̄ɓē a ɔr̄ majaĺ yāí gə̄ kɔ̄ɔ́.
3Ré deē rāā wūn̄g kə madə̄neé ō əhɔn kemən tə́ adə̄ ngan̄g ō anī,
lo kadə̄ ni dəje Kɔ́ɔ̄ɓē kadə̄ rāā kem ndaa seneé i ba̰ý?
4Kumən ṵṵn kə deē madə̄neé aĺ bátə́ ní,
a asə ndɔ̄ȳ tām̄ yā majaĺ yān nəkɔ́ tə́ i ba̰ý?
5Ré ni ń i dā̰ rɔ̄ karī ní əhɔ deē kemən tə́ anī,
i náā n a ənge māȳ rɔ̄ kə́ tām̄ yā majaĺ yān tə́ yā kadə̄n ní?
6Ī-gír̄ dɔ ta tɔ̄l̄ taí ń to a ngóōī ní tə́, ba ādə̄ asiī kim̄ deē.
Ī-gír̄ dɔ rɔ̄ deē kə́ i yá̰á̰ kə́ a ndum tə́ ō, a oy tə́ ō,
ba ī-rāā yá̰a̰ gə̄ ń ədan̄ kadə̄ i rāā ní.
7Ādə̄ əga kemií dɔ yá̰a̰ gə̄ ń ndū najə̄ yā Moyijə əda kadə̄ yā rāā ní tə́,
ba ī-lōō kəhɔ deē madí kemií tə́.
Ādə̄ əga kemií dɔ madə̄ naā yā Nge Ndi dɔ rā̰ tə́ tə́,
ba ī-gír̄ dɔ yá̰á̰ kə́ majə aĺ ń deē rāā seí tə́ ní tṵ alé.
Kɔ̄l̄ naā
8Ī-ra ngɔr kadə ngé kɔ̄l̄ naā gə̄ tə́ alé, lo ń nuū tə́ ā ī-rāā majaĺ alé.
Tām̄ deē ń wūn̄g rāan kɔ̄ɔ́ ní, i nge sə̄lā de gə̄ kadə̄ kɔ̄lə̄n̄ naā.
9Nge rāā majaĺ i nge nujə madə̄ naā kə́ to dɔ dán de gə̄ tə́ ō,
i nge rāā kadə̄ de gə̄ ń kété i ngé koō ta naā gə̄ ní, gángə̄n̄ naā ō.
10Ré deē ɓōkə́ kīr̄ ngá̰ý kum hor tə́ anī, hor ní a ṵṵ ngá̰ý ō,
ré de gə̄ rāān̄ dɔ ngan̄g ba naan̄ kə̄ lo kɔ̄l̄ naā tə́ anī, kɔ̄l̄ ní a bəya̰ i kum kə̄ kété kété ō.
Deē a rāā wūn̄g i kə gō tɔ́gəneé ō,
a rāā wūn̄g kadə̄ asə i kə gō tɔ́gə yá̰a̰ kənge yāneé ō.
11Tṵ́ṵ̄ naā kə́ búgə́rú i yá̰á̰ kə́ mbutə hor najə̄ adə̄ ṵṵ ō,
wūn̄g kə́ gidə kógə̄ḿ i yá̰á̰ kə́ a rāā kadə̄ mósə a̰ȳ nang tə́ ō.
12Ré ī-tóo yā̰l̄ hor kə́ dūú anī, a mbutə hor ō,
ī-tībə̄ man̄ taí dɔ tə́ anī a oy ō.
Taí asə rāā yá̰á̰ kə́ gír jōó gə̄ ń nuū mbak.
Kəla rāā najə̄ kə́ majə aĺ
13Ndɔ̄ĺ i dɔ nge kɔtə́ najə̄ tə́ ō, nge gól̄ lo tə́ ō!
Tām̄ ni tḭ̄ḭ̄ ta de kə́ ngá̰ý gə̄ kə́ kété oōn̄ ta naā majə.
14Gotə najə̄ kə́ kanjə̄ kumən gə̄ yā deē kə́ nge kṵ mətá i yá̰á̰ kə́ yéȳ de gə̄ ngá̰ý ō,
tə̄ɓādə́ adə̄ ḭḭ aw̄n̄ dan nápar de kə́ rang gə̄ tə́ ō.
Gotə najə̄ kə́ kanjə̄ kumən gə̄ yā deē kə́ nge kṵ mətá i yá̰á̰ kə́ nujə ɓē kə́ ngan̄g gə̄ ō,
kem kújə yā de kə́ bo gə̄ ō.
15Gotə najə̄ kə́ kanjə̄ kumən gə̄ yā deē kə́ nge kṵ mətá rāā adə̄ de gə̄ mbātə́n̄ nə̄yá̰də́ gə̄ kə́ əhɔn̄ rɔ̄də́ tɔgə ngá̰ý ō,
ɔgə̄ nə̄yá̰də́ gə̄ ní kənge kan̄ kəla yādə́ gə̄ ō.
16Deē ń nēl̄ mbīn oōń gotə najə̄ nge ń nuū ní, a ənge lo kɔr̄ koō tṵ alé,
a asə ndi jəke tṵ alé.
17Ndéy məraw kə́ kəndań deē jī kógə̄ḿ ní, tə́ren a to.
Banī ndéy ta ndo̰ deē kə́ jī kógə̄ḿ i yá̰á̰ kə́ tétə̄ kə̄ngā deē rárák.
18De gə̄ ngá̰ý tə́sōn̄ tām̄ tə́gān̄də́ kə kaskar kə́ kumən atə ngá̰ý,
banī kutədə́ i ngá̰ý alé kadə ngé gə̄ ń ta ndo̰ deē rāādə́ adə̄ tə́sōn̄ ní tə́.
19Nge rɔ̄nel̄ i deē ń ta ndo̰ deē asə rāā yá̰a̰ seneé aĺ ní,
i deē ń ra ta wūn̄g yā ta ndo̰ deē tə́ aĺ ní,
i deē ń əla dɔn gíŕ njúkə yā ta ndo̰ deē tə́ aĺ ní,
i deē ń kəlā ta ndo̰ deē dṵṵ̄n aĺ ní.
20Tām̄ njúkə ta ndo̰ deē i njúkə́ kə́ rāā kə gindí ō,
súĺ yān gə̄ i súĺ gə̄ kə́ rāān̄də́ kə gində̄ nə̄ngá kasaá ō.
21Yo ta ndo̰ deē i yo kə́ majə aĺ ngá̰ý.
Kəto ɓádá i sóótə́ tɔȳ koy yo ta ndo̰ deē.
22Banī ngé rāā yá̰a̰ kə gō ń Nə́ɓā ndigə ní,
ta ndo̰ deē asə rāā yá̰a̰ sedə́ aĺ ō,
hor yān asə kṵṵdə́ aĺ ō.
23Ngé kəya̰ Kɔ́ɔ̄ɓē kɔ̄ɔ́ gə̄ ní, ta ndo̰ deē a əndadə́ kadə̄ a tə́sōn̄.
Ni a mbutə kə́ hor tə́ dandə́ tə́ ō, hor yān a oy aĺ bátə́ ō.
Ni a ḭḭ kum kə̄ dɔdə́ tə́ tītə̄ ɓɔl beé ō,
a rə́yā̰də́ naā tə́ tītə̄ kagə beé ō.
24-25Á̰a̰ā̰, ḭ̄ ɔ́r gong kōn̄ gidə lo yāí tə́.
I beé ní, ə́lá bápə taí tə́ ba ī-dēsə́ kāgə̄ ta tə́ ūtəń ta ādə̄ ngan̄g míŕ míŕ ō.
Ré ī-ngɔ̄m̄ gində̄ arjā̰a̰ yāí majə ō, ī-ngɔ̄m̄ lɔ́r yāí majə ō anī,
ī-mbɔ̄jə́ najə̄ kɔrí ādə̄ asə loon tə́ ō, ī-mbɔ̄jə́ kɔȳn ō.
26Ə̄ndā kum kedə̄ dɔ rɔ̄í tə́, ādə̄ ta ndo̰í tél bə̄dē kə́ əgaī alé,
lo ń ī-ndigə kəsō jī nge kumií tə́ aĺ ní.
Bibəl ta Sar̄ © L'Alliance Biblique du Tchad, 2006, 2010.