JEJU KƏ́ NGŌN̄ SIRAK 11
11
1Kum kedə̄ yā nge tél kə rɔ̄neé kə̄ nang tə́ rāā adə̄ ɔr̄ dɔn dɔɔ́ ō,
rāā adə̄ ni ndi dan de kə́ bo gə̄ tə́ ō.
Ī-lōō ka̰a̰ gidə deē gāngəń sarya
2Ī-lōō tɔ̄ȳ deē tām̄ majən tə́ ō,
ī-lōō kadə̄ nelī kə deé aĺ ngá̰ý tām̄ majə kə́ ni majə deē aĺ tə́ ō.
3Tejə i yá̰á̰ kə́ dūú ngá̰ý dan yá̰á̰ gə̄ ń a ḭḭn̄ bɔ̄gə̄ tə́ ní,
banī yibə̄n nel̄ tɔȳ gotə yá̰á̰ kə́ nel̄ gə̄ malang.
4Ī-lōō kɔjə rɔ̄í kə kūbə̄ kūl̄ yāí kə́ ə́la rɔ̄í tə́.
Ī-lōō kɔsə rɔ̄í kə̄ dɔɔ́ ndɔ̄ kɔsə go̰n yāí tə́.
Tām̄ Kɔ́ɔ̄ɓē i nge rāā yá̰á̰ kə́ majə kə́ to kɔr kum gə̄,
kə́ ton̄ lo ɓɔ̄ɔ̄ rɔ̄ tə́ adə̄ lo ka̰a̰də́ gətóo.
5Mban̄g gə̄ ngá̰ý ní, ta tɔ̄l̄ tadə́ anī ndin̄ i dɔ dā̰ nang tə́.
Ba i deē ń deē əndā kemən dɔn tə́ aĺ ní n ndi mban̄g gotədə́ tə́ ní.
6Ngán mban̄g gə̄ ngá̰ý ní, əlan̄ rɔ̄sɔl̄ dɔdə́ tə́ ngá̰ý ō,
De kə́ rīdə́ ɓār̄ ngá̰ý gə̄ télən̄ ɓəlo gə̄ ō.
7Ī-lōō kɔ̄l̄ kété kanjə̄ koō najə̄.
Ī-gír̄ najə̄ pá tá gō tə́ a ī-kɔ̄l̄ ɓáý.
8Ī-lōō dal najə̄ kété kanjə̄ koō najə̄,
ī-lōō gān̄g najə̄ ta deē tə́ dan ń a ɔr̄ najə̄ ní.
9Ī-lōō kɔ̄l̄ tām̄ najə̄ kə́ gír ndetiī aĺ tə́.
Ī-lōō kəla rɔ̄í dan kɔ̄l̄ naā yā de kə́ majə aĺ gə̄ tə́.
Yá̰a̰ kənge ō, ndoō ō
10Ngōnə̄ḿ, ī-lōō rāā kəla kə̄ ta gə̄ tə́.
Ré ī-rāā ādə̄ kəla yāí gə̄ i kə̄ lo gə̄ tə́ anī, ā ásə alé.
Ká ré ī-ngɔ̄də̄ i mbée gə̄gē anī, ā ūgə̄ ta tɔ̄l̄ ta tə́ aĺ ō,
ā ā̰ȳ ta tə́ yā teēń kɔ̄ɔ́ kum tə́ aĺ ō.
11De kógə̄ḿ gə̄ aw̄n̄ nuú, rāān̄ kəla kə́ uyn̄ tətō loon tə́ ō, ɔrən̄ lo rāā kəla ní tə́ ō, rāān̄ yá̰a̰ i láẃ láẃ ō,
əngen̄ yá̰a̰ aĺ tɔȳ kə́ kété ō.
12De kə́ rang gə̄ aw̄n̄ nuú, kə́ nin̄ sɔlə̄n̄ njéŕ njéŕ ō, de kə́ nge kɔsə kíĺdə́ gətóo ō,
tɔ́gə́də́ gətóo ō, ndoō yādə́ i kə́ al̄naā ō,
banī Kɔ́ɔ̄ɓē a̰a̰də́ kə kumən kə́ majaá ō,
undə́ kɔ̄ɔ́ kum rɔ̄sɔl̄ tə́ ō.
13Kɔ́ɔ̄ɓē rāā adə̄ nin̄ ɔrə̄n̄ dɔdə́ dɔɔ́,
adə̄ ɔr kum de gə̄ ngá̰ý.
14Yá̰á̰ kə́ majə gə̄ ō, yá̰á̰ kə́ tōr̄ gə̄ ō, ndi kə kumuú ō, yo ō,
ndoō ō, yá̰a̰ kənge ō, ḭḭn̄ i rɔ̄ Kɔ́ɔ̄ɓē tə́. #11.14 Kem makətūbə̄ kə́ ngá̰ý gə̄ tə́ ní, kəlān kə́ nge kṵ kutə gidə mí ō, mehḛ́ ō gətóon̄ tū tə́.
17Yá̰a̰ gə̄ ń Kɔ́ɔ̄ɓē a adə̄ deē karī ní, ton̄ i tām̄ yā ngé rāā yá̰a̰ kə gō ń ni ndigə ní.
Kem majə yān a ɔr nodə́ ngándáńg.
18I kəndā kum kedə̄ dɔ rɔ̄ tə́ ō, ngɔ̄m̄ yá̰a̰ ō n de kə́ kə́rēý gə̄ télnə̄ń ngé kənge yá̰a̰ gə̄ ní.
Banī yá̰a̰ kəndā nja yādə́ kə́ tām̄ kəla ń rāān̄ tə́ ní n toó:
19Dan ń ɔrə̄n̄ najə̄ kə rɔ̄də́ ədan̄ na: Majə kadə̄ m-ɔ̄r̄ koō ngɔlaā,
majə kadə̄ m-ə́sá yá̰a̰ yāḿ mə̄kɔ́,
anī kum mbang gə̄ ń a mānə̄n̄ ní, nin̄ gerə̄n̄ kutən alé.
Gō tə́ anī a oyn̄, ba a əya̰n̄ yá̰a̰ kənge yādə́ gə̄ yā kadə̄ de kə́ rang gə̄.
Kɔ́ɔ̄ɓē asə tūr̄ gíŕ yá̰a̰ gə̄
20Ə̄ndā rɔ̄í ta madə̄ naā yāí tə́ ō, ī-rāā kəlan kə tɔ́gí malang ō,
bátə́ kadə̄ ī-tɔgəń ɓə́ga.
21Ī-lōō kadə̄ kəla rāā nge rāā majaĺ ɔr kumií.
Ə̄nī kemií mák mák ādə̄ Kɔ́ɔ̄ɓē ō, ī-naa kə̄ lo rāā kəla yāí tə́ ō.
Tām̄ rāā kadə̄ nge ndoō ənge yá̰a̰ gidə kógə̄ḿ ní,
i yá̰á̰ kə́ ngan̄g alé tām̄ yā Kɔ́ɔ̄ɓē tə́.
22Tɔ́r̄ ta yā Kɔ́ɔ̄ɓē i yá̰a̰ kəndā nja yā nge koō tan.
Yá̰a̰ malang ń ni əndā kemən dɔ tə́ ní, reē udə gírí i kum mbang kə́ sḛ́ý beē tə́.
23Ī-lōō kəda na: Yá̰á̰ ń ndoōn rāām̄ ní i rí?
M̄-nal̄ i rí ɓáý?
24Ī-lōō kəda na: M-ə́ngé yá̰a̰ malang kɔ̄ɔ́,
i yá̰á̰ kə́ tōr̄ kə́ ba̰ý n a rāām̄ ɓáý ní?
25Ndɔ̄ kə́ majə tə́ anī, dɔ deē ndígə̄nal yá̰á̰ kə́ tōr̄ gə̄ kɔ̄ɔ́ ō,
ndɔ̄ kə́ majə aĺ tə́ anī, dɔ deē ndígə̄nal ndi majə kɔ̄ɔ́ ō.
26Rāā de gə̄ kógə̄ḿ kógə̄ḿ yá̰á̰ ń nin̄ rāān̄ ní ndɔ̄ yodə́ tə́
i yá̰á̰ kə́ ngan̄g aĺ tām̄ yā Kɔ́ɔ̄ɓē tə́.
27Kum mbang kə́ majə aĺ kə́ kógə̄ḿ beē rāā adə̄ dɔ deē ndígə̄nal ndi majə yān kɔ̄ɔ́ ō,
ta tɔ̄l̄ ta deē a teē kə gír kəla rāan gēé ndágá ō.
28Ré deē oy aĺ ɓáý anī, ī-lōō kəda na rɔ̄ deē na nelə̄n.
A gerə̄n̄ deē i kum mbang ń ni a oyń tə́ ní.
Ger̄ lo gə̄rā deē kə́ yā kadə̄ ī-njə̄rā seneé
29Ī-lōō kaw̄ kə deē kə́ kə̄ nuú kem kújə yāí tə́.
Tām̄ gūmbə̄ yā nge kem ndul i ngá̰ý.
30De kə́ nge kɔjə rɔ̄ to i tītə̄ kerwḛy kə́ əhɔnən̄ yā kəyāń gūmbə̄ kəhɔ kerwḛy madə̄n gə̄ beé.
Ni to i tītə̄ nge kum̄ lo beé, adə̄ a ngóō i kadə̄ ī-teē əsō pá tá.
31Ni əyā gūmbə̄ ō, tūr̄ gíŕ yá̰á̰ kə́ majə adə̄ téĺ yá̰á̰ kə́ majə aĺ ō.
Yá̰a̰ rāā kə́ unjə̄ ngá̰ý tɔȳ madə̄ gə̄ ɓáa ni a ənge yá̰á̰ kə́ majə aĺ kə́ yā kəda dɔ tə́ ɓáý.
32Hor kə́ ndɔ̄w̄ əsō, asə mbutə kṵ ba tél hor kə́ bo.
Gūmbə̄ yā nge rāā majaĺ rāā adə̄ mósə a̰ȳ.
33Ə̄ndā kum kedə̄ dɔ rɔ̄í tə́ najə̄ yā nge kem ndul tə́, tām̄ ni núm̄ rāā yá̰á̰ kə́ majə aĺ ō,
rī ɓār̄ yāí kə́ majə ní, ni asə nujəń kɔ̄ɔ́ kə́ njɔ́ḿ gə̄ tə́ ō.
34Deē ń ī-tə̄rā ní ré ādən lo adə̄ toń anī, a əlaī dan yá̰á̰ kə́ dum̄ dɔí gə̄ tə́ ō,
a sə̄lā deē yāí gə̄ dɔí tə́ ō.
Currently Selected:
JEJU KƏ́ NGŌN̄ SIRAK 11: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
JEJU KƏ́ NGŌN̄ SIRAK 11
11
1Kum kedə̄ yā nge tél kə rɔ̄neé kə̄ nang tə́ rāā adə̄ ɔr̄ dɔn dɔɔ́ ō,
rāā adə̄ ni ndi dan de kə́ bo gə̄ tə́ ō.
Ī-lōō ka̰a̰ gidə deē gāngəń sarya
2Ī-lōō tɔ̄ȳ deē tām̄ majən tə́ ō,
ī-lōō kadə̄ nelī kə deé aĺ ngá̰ý tām̄ majə kə́ ni majə deē aĺ tə́ ō.
3Tejə i yá̰á̰ kə́ dūú ngá̰ý dan yá̰á̰ gə̄ ń a ḭḭn̄ bɔ̄gə̄ tə́ ní,
banī yibə̄n nel̄ tɔȳ gotə yá̰á̰ kə́ nel̄ gə̄ malang.
4Ī-lōō kɔjə rɔ̄í kə kūbə̄ kūl̄ yāí kə́ ə́la rɔ̄í tə́.
Ī-lōō kɔsə rɔ̄í kə̄ dɔɔ́ ndɔ̄ kɔsə go̰n yāí tə́.
Tām̄ Kɔ́ɔ̄ɓē i nge rāā yá̰á̰ kə́ majə kə́ to kɔr kum gə̄,
kə́ ton̄ lo ɓɔ̄ɔ̄ rɔ̄ tə́ adə̄ lo ka̰a̰də́ gətóo.
5Mban̄g gə̄ ngá̰ý ní, ta tɔ̄l̄ tadə́ anī ndin̄ i dɔ dā̰ nang tə́.
Ba i deē ń deē əndā kemən dɔn tə́ aĺ ní n ndi mban̄g gotədə́ tə́ ní.
6Ngán mban̄g gə̄ ngá̰ý ní, əlan̄ rɔ̄sɔl̄ dɔdə́ tə́ ngá̰ý ō,
De kə́ rīdə́ ɓār̄ ngá̰ý gə̄ télən̄ ɓəlo gə̄ ō.
7Ī-lōō kɔ̄l̄ kété kanjə̄ koō najə̄.
Ī-gír̄ najə̄ pá tá gō tə́ a ī-kɔ̄l̄ ɓáý.
8Ī-lōō dal najə̄ kété kanjə̄ koō najə̄,
ī-lōō gān̄g najə̄ ta deē tə́ dan ń a ɔr̄ najə̄ ní.
9Ī-lōō kɔ̄l̄ tām̄ najə̄ kə́ gír ndetiī aĺ tə́.
Ī-lōō kəla rɔ̄í dan kɔ̄l̄ naā yā de kə́ majə aĺ gə̄ tə́.
Yá̰a̰ kənge ō, ndoō ō
10Ngōnə̄ḿ, ī-lōō rāā kəla kə̄ ta gə̄ tə́.
Ré ī-rāā ādə̄ kəla yāí gə̄ i kə̄ lo gə̄ tə́ anī, ā ásə alé.
Ká ré ī-ngɔ̄də̄ i mbée gə̄gē anī, ā ūgə̄ ta tɔ̄l̄ ta tə́ aĺ ō,
ā ā̰ȳ ta tə́ yā teēń kɔ̄ɔ́ kum tə́ aĺ ō.
11De kógə̄ḿ gə̄ aw̄n̄ nuú, rāān̄ kəla kə́ uyn̄ tətō loon tə́ ō, ɔrən̄ lo rāā kəla ní tə́ ō, rāān̄ yá̰a̰ i láẃ láẃ ō,
əngen̄ yá̰a̰ aĺ tɔȳ kə́ kété ō.
12De kə́ rang gə̄ aw̄n̄ nuú, kə́ nin̄ sɔlə̄n̄ njéŕ njéŕ ō, de kə́ nge kɔsə kíĺdə́ gətóo ō,
tɔ́gə́də́ gətóo ō, ndoō yādə́ i kə́ al̄naā ō,
banī Kɔ́ɔ̄ɓē a̰a̰də́ kə kumən kə́ majaá ō,
undə́ kɔ̄ɔ́ kum rɔ̄sɔl̄ tə́ ō.
13Kɔ́ɔ̄ɓē rāā adə̄ nin̄ ɔrə̄n̄ dɔdə́ dɔɔ́,
adə̄ ɔr kum de gə̄ ngá̰ý.
14Yá̰á̰ kə́ majə gə̄ ō, yá̰á̰ kə́ tōr̄ gə̄ ō, ndi kə kumuú ō, yo ō,
ndoō ō, yá̰a̰ kənge ō, ḭḭn̄ i rɔ̄ Kɔ́ɔ̄ɓē tə́. #11.14 Kem makətūbə̄ kə́ ngá̰ý gə̄ tə́ ní, kəlān kə́ nge kṵ kutə gidə mí ō, mehḛ́ ō gətóon̄ tū tə́.
17Yá̰a̰ gə̄ ń Kɔ́ɔ̄ɓē a adə̄ deē karī ní, ton̄ i tām̄ yā ngé rāā yá̰a̰ kə gō ń ni ndigə ní.
Kem majə yān a ɔr nodə́ ngándáńg.
18I kəndā kum kedə̄ dɔ rɔ̄ tə́ ō, ngɔ̄m̄ yá̰a̰ ō n de kə́ kə́rēý gə̄ télnə̄ń ngé kənge yá̰a̰ gə̄ ní.
Banī yá̰a̰ kəndā nja yādə́ kə́ tām̄ kəla ń rāān̄ tə́ ní n toó:
19Dan ń ɔrə̄n̄ najə̄ kə rɔ̄də́ ədan̄ na: Majə kadə̄ m-ɔ̄r̄ koō ngɔlaā,
majə kadə̄ m-ə́sá yá̰a̰ yāḿ mə̄kɔ́,
anī kum mbang gə̄ ń a mānə̄n̄ ní, nin̄ gerə̄n̄ kutən alé.
Gō tə́ anī a oyn̄, ba a əya̰n̄ yá̰a̰ kənge yādə́ gə̄ yā kadə̄ de kə́ rang gə̄.
Kɔ́ɔ̄ɓē asə tūr̄ gíŕ yá̰a̰ gə̄
20Ə̄ndā rɔ̄í ta madə̄ naā yāí tə́ ō, ī-rāā kəlan kə tɔ́gí malang ō,
bátə́ kadə̄ ī-tɔgəń ɓə́ga.
21Ī-lōō kadə̄ kəla rāā nge rāā majaĺ ɔr kumií.
Ə̄nī kemií mák mák ādə̄ Kɔ́ɔ̄ɓē ō, ī-naa kə̄ lo rāā kəla yāí tə́ ō.
Tām̄ rāā kadə̄ nge ndoō ənge yá̰a̰ gidə kógə̄ḿ ní,
i yá̰á̰ kə́ ngan̄g alé tām̄ yā Kɔ́ɔ̄ɓē tə́.
22Tɔ́r̄ ta yā Kɔ́ɔ̄ɓē i yá̰a̰ kəndā nja yā nge koō tan.
Yá̰a̰ malang ń ni əndā kemən dɔ tə́ ní, reē udə gírí i kum mbang kə́ sḛ́ý beē tə́.
23Ī-lōō kəda na: Yá̰á̰ ń ndoōn rāām̄ ní i rí?
M̄-nal̄ i rí ɓáý?
24Ī-lōō kəda na: M-ə́ngé yá̰a̰ malang kɔ̄ɔ́,
i yá̰á̰ kə́ tōr̄ kə́ ba̰ý n a rāām̄ ɓáý ní?
25Ndɔ̄ kə́ majə tə́ anī, dɔ deē ndígə̄nal yá̰á̰ kə́ tōr̄ gə̄ kɔ̄ɔ́ ō,
ndɔ̄ kə́ majə aĺ tə́ anī, dɔ deē ndígə̄nal ndi majə kɔ̄ɔ́ ō.
26Rāā de gə̄ kógə̄ḿ kógə̄ḿ yá̰á̰ ń nin̄ rāān̄ ní ndɔ̄ yodə́ tə́
i yá̰á̰ kə́ ngan̄g aĺ tām̄ yā Kɔ́ɔ̄ɓē tə́.
27Kum mbang kə́ majə aĺ kə́ kógə̄ḿ beē rāā adə̄ dɔ deē ndígə̄nal ndi majə yān kɔ̄ɔ́ ō,
ta tɔ̄l̄ ta deē a teē kə gír kəla rāan gēé ndágá ō.
28Ré deē oy aĺ ɓáý anī, ī-lōō kəda na rɔ̄ deē na nelə̄n.
A gerə̄n̄ deē i kum mbang ń ni a oyń tə́ ní.
Ger̄ lo gə̄rā deē kə́ yā kadə̄ ī-njə̄rā seneé
29Ī-lōō kaw̄ kə deē kə́ kə̄ nuú kem kújə yāí tə́.
Tām̄ gūmbə̄ yā nge kem ndul i ngá̰ý.
30De kə́ nge kɔjə rɔ̄ to i tītə̄ kerwḛy kə́ əhɔnən̄ yā kəyāń gūmbə̄ kəhɔ kerwḛy madə̄n gə̄ beé.
Ni to i tītə̄ nge kum̄ lo beé, adə̄ a ngóō i kadə̄ ī-teē əsō pá tá.
31Ni əyā gūmbə̄ ō, tūr̄ gíŕ yá̰á̰ kə́ majə adə̄ téĺ yá̰á̰ kə́ majə aĺ ō.
Yá̰a̰ rāā kə́ unjə̄ ngá̰ý tɔȳ madə̄ gə̄ ɓáa ni a ənge yá̰á̰ kə́ majə aĺ kə́ yā kəda dɔ tə́ ɓáý.
32Hor kə́ ndɔ̄w̄ əsō, asə mbutə kṵ ba tél hor kə́ bo.
Gūmbə̄ yā nge rāā majaĺ rāā adə̄ mósə a̰ȳ.
33Ə̄ndā kum kedə̄ dɔ rɔ̄í tə́ najə̄ yā nge kem ndul tə́, tām̄ ni núm̄ rāā yá̰á̰ kə́ majə aĺ ō,
rī ɓār̄ yāí kə́ majə ní, ni asə nujəń kɔ̄ɔ́ kə́ njɔ́ḿ gə̄ tə́ ō.
34Deē ń ī-tə̄rā ní ré ādən lo adə̄ toń anī, a əlaī dan yá̰á̰ kə́ dum̄ dɔí gə̄ tə́ ō,
a sə̄lā deē yāí gə̄ dɔí tə́ ō.
Bibəl ta Sar̄ © L'Alliance Biblique du Tchad, 2006, 2010.