JEJU KƏ́ NGŌN̄ SIRAK 12
12
Ī-lōōī njə̄rā kə ngé kidə tadə́ gíŕ Nə́ɓā tə́ gə̄
1Majə kadə̄ ī-ger̄ deē ń ī-rāā yá̰á̰ kə́ majə seneé ní.
Lo ń nuū tə́ de gə̄ a rāāīn̄ kə́ra tām̄ yá̰a̰ rāāí kə́ majə gə̄ tə́.
2Ī-rāā majə kə de kə́ nge rāā yá̰a̰ kə gō ń Nə́ɓā ndigə ní, anī ā ə́ngé yá̰a̰ kəndā nja yāí,
ré ni əndā njaí aĺ ɓáa, Nge Ndi dɔ rā̰ tə́ a əndā njaí.
3De kə́ nge nay kə̄ lo rāā yá̰á̰ kə́ majə aĺ tə́ ní, ndi majə yān gətóo,
tām̄ ni mbātə́ kadə̄ ngé ndoō gə̄ yá̰a̰.
4Ādə̄ nge rāā yá̰a̰ kə gō ń Nə́ɓā ndigə ní yá̰a̰, banī ī-lōō rāā kə nge rāā majaĺ.
5Ī-rāā majə kə nge tél kə rɔ̄neé kə̄ nang tə́, banī nge rāā yá̰a̰ gō yā Nə́ɓā tə́ aĺ ní, ādən yá̰á̰ kógə̄ḿ alé.
Ɔ̄gən yá̰a̰ kəsa yān, adə̄n alé,
na sōgə́ ənge tɔ́gə dɔí tə́.
Tām̄ ré ī-rāā yá̰á̰ kə́ majə seneé nja kógə̄ḿ anī, a rāā yá̰á̰ kə́ majaĺ seí nja jōó yā kəndāń njaí.
Ni a rāā tītə̄ ń nuū seí tām̄ yá̰á̰ kə́ majə gə̄ ń ī-rāā seneé tə́ ní.
6Ngé rāā majaĺ gə̄ ní, nel̄ Nge Ndi dɔ rā̰ tə́ sedə́ alé.
Ni a ənda ngé rāā yá̰a̰ kə gō kem ndigə yā Nə́ɓāá aĺ gə̄ tām̄ majaĺ yādə́ tə́.
7Ādə̄ de kə́ majə yá̰a̰, banī ī-lōō rāā kə nge rāā majaĺ.
Ə̄ndā kum kedə̄ dɔ rɔ̄í tə́ najə̄ yā madí kə́ rɔ̄kum aĺ gə̄ tə́
8Deē a ger̄ madə̄ tan kə́ rɔ̄kum i dan ndi majə tə́ alé,
banī dan kə́ majə aĺ tə́ anī, madə̄ ba̰ā̰ a ndi lo ɓɔ̄ɔ̄ rɔ̄ tə́ alé.
9Ré rɔ̄ deē nelə̄n anī, rɔ̄ madə̄ ba̰ā̰n gə̄ nel̄də́ alé.
Ba dan ń yá̰á̰ kə́ majaĺ teē dɔn tə́ anī, madə̄ tan gə̄gē ɔr̄ rɔ̄n kɔ̄ɔ́ rɔ̄n tə́.
10Ī-lōō taā kem madə̄ ba̰ā̰í,
tām̄ kem ndul yān to i tītə̄ gində̄ nə̄ngá kasə kə́ kārā əhɔ gidə beé.
11Ká ré ni rāā yá̰a̰ tītə̄ de kə́ nge tél kə rɔ̄neé kə̄ nang tə́ ō, njə̄rā a rugə i mbée ō anī,
ə̄ndā kum kedə̄ dɔ rɔ̄í tə́ ō, ī-lōō taā kemən ō.
Ī-rāā rɔ̄í nge kusə kum kútə́ram tə́ tām̄ yān tə́.
Majə kadə̄ ī-ger̄ kadə̄ ni a ndi lo ɓɔ̄ɔ̄ rɔ̄ tə́ gidə kārā tə́ ngándáńg alé.
12Ī-lōō kəndān rɔ̄í tə́ ngɔr,
na sōgə́ mbəre ənī ba un gotií.
Ī-lōō kəndān dɔ jī kṵṵí tə́,
na sōgə́ ndə̄ngā lo ndi yāí.
Ta tɔ̄l̄ ta anī ā ī-ger̄ kadə̄ najə̄ i yāḿ ō,
ré əga kemií dɔ najə̄ ń m-ə́daī tə́ ní anī, ā ī-ndə̄ngā rɔ̄í ō.
13Ré ūl̄ lī ba lī ní əgaī anī, i náā n a a̰a̰ kum tō ndoō yāí ní?
Ngé kaw̄ ngɔr rɔ̄ dā̰ ngān̄g gə̄ tə́ ní, i náā n i nge ka̰a̰ kum tō ndoō yādə́ ní?
14Nge njə̄rā kə nge rāā majaĺ,
ba kəla rɔ̄n tū majaĺ yān gə̄ tə́ to i tītə̄ ń nuū.
15Nge rāā majaĺ ndi seí kum mbang kógə̄ḿ,
ba ré njaí əhɔ dɔ nang aĺ adə̄ ā ī-rāā yā kəsō anī, ni a ɔr bā̰ā̰ alé.
16Najə̄ kə́ ta madə̄ ba̰ā̰ tə́ i kə́ nel̄,
banī kemən gḛy mbəre kənī bəloó.
Kum madə̄ ba̰ā̰ i kə man̄ nuú,
ba ré ənge ta róbə anī, mósí kə́ a̰ȳ nang tə́ gə̄gē asən aĺ ɓáý.
17Ré yá̰á̰ kə́rēý kə́ majə aĺ teē dɔí tə́ anī, a ndi kété noí tə́ kadə̄ ā ə́ngen.
Ba a rāā tītə̄ kə́ ni i nge rāā seí beē, tá a əla njan kem yāí tə́ yā kun kənīī.
18Ni a bḭ́ḭ̄ dɔn ō, a ənda jīn ō,
a tām̄ seí kanjə̄ kadə̄ asən ō, a ɔjə hálən kə́ rɔ̄kum kə̄ ndágá ō.
Currently Selected:
JEJU KƏ́ NGŌN̄ SIRAK 12: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
JEJU KƏ́ NGŌN̄ SIRAK 12
12
Ī-lōōī njə̄rā kə ngé kidə tadə́ gíŕ Nə́ɓā tə́ gə̄
1Majə kadə̄ ī-ger̄ deē ń ī-rāā yá̰á̰ kə́ majə seneé ní.
Lo ń nuū tə́ de gə̄ a rāāīn̄ kə́ra tām̄ yá̰a̰ rāāí kə́ majə gə̄ tə́.
2Ī-rāā majə kə de kə́ nge rāā yá̰a̰ kə gō ń Nə́ɓā ndigə ní, anī ā ə́ngé yá̰a̰ kəndā nja yāí,
ré ni əndā njaí aĺ ɓáa, Nge Ndi dɔ rā̰ tə́ a əndā njaí.
3De kə́ nge nay kə̄ lo rāā yá̰á̰ kə́ majə aĺ tə́ ní, ndi majə yān gətóo,
tām̄ ni mbātə́ kadə̄ ngé ndoō gə̄ yá̰a̰.
4Ādə̄ nge rāā yá̰a̰ kə gō ń Nə́ɓā ndigə ní yá̰a̰, banī ī-lōō rāā kə nge rāā majaĺ.
5Ī-rāā majə kə nge tél kə rɔ̄neé kə̄ nang tə́, banī nge rāā yá̰a̰ gō yā Nə́ɓā tə́ aĺ ní, ādən yá̰á̰ kógə̄ḿ alé.
Ɔ̄gən yá̰a̰ kəsa yān, adə̄n alé,
na sōgə́ ənge tɔ́gə dɔí tə́.
Tām̄ ré ī-rāā yá̰á̰ kə́ majə seneé nja kógə̄ḿ anī, a rāā yá̰á̰ kə́ majaĺ seí nja jōó yā kəndāń njaí.
Ni a rāā tītə̄ ń nuū seí tām̄ yá̰á̰ kə́ majə gə̄ ń ī-rāā seneé tə́ ní.
6Ngé rāā majaĺ gə̄ ní, nel̄ Nge Ndi dɔ rā̰ tə́ sedə́ alé.
Ni a ənda ngé rāā yá̰a̰ kə gō kem ndigə yā Nə́ɓāá aĺ gə̄ tām̄ majaĺ yādə́ tə́.
7Ādə̄ de kə́ majə yá̰a̰, banī ī-lōō rāā kə nge rāā majaĺ.
Ə̄ndā kum kedə̄ dɔ rɔ̄í tə́ najə̄ yā madí kə́ rɔ̄kum aĺ gə̄ tə́
8Deē a ger̄ madə̄ tan kə́ rɔ̄kum i dan ndi majə tə́ alé,
banī dan kə́ majə aĺ tə́ anī, madə̄ ba̰ā̰ a ndi lo ɓɔ̄ɔ̄ rɔ̄ tə́ alé.
9Ré rɔ̄ deē nelə̄n anī, rɔ̄ madə̄ ba̰ā̰n gə̄ nel̄də́ alé.
Ba dan ń yá̰á̰ kə́ majaĺ teē dɔn tə́ anī, madə̄ tan gə̄gē ɔr̄ rɔ̄n kɔ̄ɔ́ rɔ̄n tə́.
10Ī-lōō taā kem madə̄ ba̰ā̰í,
tām̄ kem ndul yān to i tītə̄ gində̄ nə̄ngá kasə kə́ kārā əhɔ gidə beé.
11Ká ré ni rāā yá̰a̰ tītə̄ de kə́ nge tél kə rɔ̄neé kə̄ nang tə́ ō, njə̄rā a rugə i mbée ō anī,
ə̄ndā kum kedə̄ dɔ rɔ̄í tə́ ō, ī-lōō taā kemən ō.
Ī-rāā rɔ̄í nge kusə kum kútə́ram tə́ tām̄ yān tə́.
Majə kadə̄ ī-ger̄ kadə̄ ni a ndi lo ɓɔ̄ɔ̄ rɔ̄ tə́ gidə kārā tə́ ngándáńg alé.
12Ī-lōō kəndān rɔ̄í tə́ ngɔr,
na sōgə́ mbəre ənī ba un gotií.
Ī-lōō kəndān dɔ jī kṵṵí tə́,
na sōgə́ ndə̄ngā lo ndi yāí.
Ta tɔ̄l̄ ta anī ā ī-ger̄ kadə̄ najə̄ i yāḿ ō,
ré əga kemií dɔ najə̄ ń m-ə́daī tə́ ní anī, ā ī-ndə̄ngā rɔ̄í ō.
13Ré ūl̄ lī ba lī ní əgaī anī, i náā n a a̰a̰ kum tō ndoō yāí ní?
Ngé kaw̄ ngɔr rɔ̄ dā̰ ngān̄g gə̄ tə́ ní, i náā n i nge ka̰a̰ kum tō ndoō yādə́ ní?
14Nge njə̄rā kə nge rāā majaĺ,
ba kəla rɔ̄n tū majaĺ yān gə̄ tə́ to i tītə̄ ń nuū.
15Nge rāā majaĺ ndi seí kum mbang kógə̄ḿ,
ba ré njaí əhɔ dɔ nang aĺ adə̄ ā ī-rāā yā kəsō anī, ni a ɔr bā̰ā̰ alé.
16Najə̄ kə́ ta madə̄ ba̰ā̰ tə́ i kə́ nel̄,
banī kemən gḛy mbəre kənī bəloó.
Kum madə̄ ba̰ā̰ i kə man̄ nuú,
ba ré ənge ta róbə anī, mósí kə́ a̰ȳ nang tə́ gə̄gē asən aĺ ɓáý.
17Ré yá̰á̰ kə́rēý kə́ majə aĺ teē dɔí tə́ anī, a ndi kété noí tə́ kadə̄ ā ə́ngen.
Ba a rāā tītə̄ kə́ ni i nge rāā seí beē, tá a əla njan kem yāí tə́ yā kun kənīī.
18Ni a bḭ́ḭ̄ dɔn ō, a ənda jīn ō,
a tām̄ seí kanjə̄ kadə̄ asən ō, a ɔjə hálən kə́ rɔ̄kum kə̄ ndágá ō.
Bibəl ta Sar̄ © L'Alliance Biblique du Tchad, 2006, 2010.