LEBI GƏ̄ 25
25
Ɓāl̄ kɔr̄ koō yā dɔ nang
1Kɔ́ɔ̄ɓē ɔr̄ najə̄ kə Moijə dɔ mbal̄ Sinai tə́ əda na: 2Əda ngán Israel gə̄ ndū najə̄ gə̄ ń toō:
Ré ūgī dɔ nang ń m-ādə̄sí tə́ anī, ā ə́ya̰ī dɔ nang kadə̄ ɔr̄ koō yā rɔȳməń. 3Ā ī-dubə̄ kōō ndɔr̄ yāí tə́ ɓāl̄ mehḛ́ ō, ā ī-tɔ́r̄ ta jī kāgə̄ nduú yāí ɓāl̄ mehḛ́ ō, ā ī-sāā kōō kə́ kem ndɔr̄ yāí tə́ ō. 4Banī ɓāl̄ kə́ nge ko̰ sīrí i ɓāl̄ kɔr̄ koō yā dɔ nang. I ɓāl̄ kɔr̄ koō kə́ yā rɔȳń Kɔ́ɔ̄ɓē, adə̄ ā ī-dubə̄ kōō ndɔr̄ yāí tə́ aĺ ō, ā ī-tɔ́r̄ ta jī kāgə̄ nduú yāí aĺ ō. 5Kum kōō gə̄ ń tə́sōn̄ kem ndɔr̄ yāí tə́ dan yā sāā kōō gə̄ tə́ á əɓan̄ ní, ā ī-sāādə́ aĺ ō, kāgə̄ nduú yāí gə̄ kə́ kanjə̄ tɔ́r̄ ta jīdə́ gə̄ ń anə̄n̄ ní, ā ī-tə́jā dɔ bəradə́ aĺ ō. Tām̄ i ɓāl̄ kə́ dɔ nang ɔrə̄ń koō. 6Yá̰a̰ n a teē dɔ nang tə́ kem ɓāl̄ ń noō tə́ kə dɔneé ní, ā ə́saī, ḭ̄ ō, nge kəla kə́ dəngam ō, kə́ dəyá̰ ō, nge rāā kəla yāí gír naraá ō, de kə́ tə̄rā ń ndi seí ní ō. 7Yá̰a̰ kul̄ yāí gə̄ ō, dā̰ kə́ bembeé kə́ dɔ nang yāí tə́ ō ní, a əsan̄ yá̰a̰ malang ń teē dɔ nang tə́ ɓāl̄ kɔr̄ koō yā dɔ nang tə́ ní.
Ɓāl̄ Jubile
8Ā ī-tə́da ɓāl̄ sīrí nja sīrí, adə̄ i ɓāl̄ kutə sɔ́ gidə i ndōhó. 9Ndɔ̄ kə́ nge ko̰ kutə yā nāā kə́ nge ko̰ sīrí i ndɔ̄ mā̰ȳ rɔ̄ kə́ bo. Ndɔ̄ ń noō tə́ ā ī-ɓāríī tōw̄ dɔ nang yāsí tə́ malang kadə̄ de gə̄ əganə̄ń kɔr̄ rɔ̄nel̄. 10Ɓāl̄ kə́ nge ko̰ kutə mí i ɓāl̄ kə́ kɔr̄ kam̄ tām̄ yāsí tə́. Ā ə̄nīī mbēr̄ teē ɓəloó kem ɓēé tām̄ yā de gə̄ tə́ malang. I ɓāl̄ Jubile#25.10 Jubile i kə ta Hebəro. Kumən na i bal batə̄ aláa i tōw̄ gajə batə̄. A ənīn̄ mbēr̄ ɓāl̄ ní i kə tōw̄ gajə batāá. tām̄ yāsí tə́. Sḭḭ̄ kógə̄ḿ kógə̄ḿ ā ī-téliī yā taā dɔ nang yāsí gə̄ gogə́ ō, ā ī-téliī kə̄ ɓē ngéésí gēé gogə́ ō. 11Ɓāl̄ kə́ nge ko̰ kutə mí i ɓāl̄ Jubile tām̄ yāsí tə́, adə̄ ā ī-dubī kōō aĺ ō, kōō ń a teē dɔ rɔ̄n ní, ā ī-sāāī aĺ ō, kāgə̄ nduú gə̄ ń ī-tɔ́rī ta jīdə́ aĺ ní, ā ī-tə́jāī kan̄də́ aĺ ō. 12Tɔdɔ̄ ɓāl̄ Jubile, adə̄ ā ī-rāāī i ɓāl̄ kə́ kɔr̄ kam̄ tə́. Ā ə́saī yá̰á̰ ń a teē dɔ rɔ̄n kem ndɔrɔ́ ní.
13Kem ɓāl̄ Jubile ngeé ń noō tə́ ní, sḭḭ̄ kógə̄ḿ kógə̄ḿ ā ī-téliī yā taā dɔ nang yāsí gə̄ gogə́. 14Ré ígiī yá̰a̰ aké ī-mangiī yá̰a̰ jī ngōn̄ nge ɓē madə̄sí tə́ anī, ī-lōōī gólə̄n. 15Ré ā ī-mang loo ndɔr̄ jī ngōn̄ nge ɓē madí tə́ anī, ā ə́la gíŕ tə́da ɓāl̄ kə́ mān̄ kɔ̄ɔ́ gə̄ i dɔ ɓāl̄ Jubile kə́ mān̄ kɔ̄ɔ́ tə́. Nge kigə yá̰a̰ a tə́da ɓāl̄ sāā kōō gə̄ ń nay kə̄ non tə́ bátə́ yā kugə̄ń ɓāl̄ Jubile kə́ gogə́ tə́ ní n a igəń yá̰a̰ jīí tə́ ní. 16Ré ɓāl̄ sāā kōō gə̄ i ngá̰ý anī, a əndā gātə̄ i ngá̰ý ō, ré ɓāl̄ sāā kōō gə̄ i ngá̰ý aĺ anī, a tél kə gātāá kə̄ nang tə́ ngá̰ý ō, tām̄ i kutə ɓāl̄ sāā kōō gə̄ ń ni a gātəń jīí tə́ ní. 17Deē kógə̄ḿ dansí tə́ a gól ngōn̄ nge ɓē madə̄n alé. Ā ī-ɓōĺ Nə́ɓā yāí tām̄ mā i Kɔ́ɔ̄ɓē Nə́ɓā yāsí. 18Ī-ngɔ̄mī ndū najə̄ yāḿ gə̄ ō, ī-ngɔ̄mī gō míndə́ḿ gə̄ ō. Ī-rāāī yá̰a̰ gə̄ ń m-ə́dá ní, anī, ā ī-ndiī kem ɓēé kanjə̄ sōl̄ yá̰á̰ kógə̄ḿ. 19Kan̄ yá̰á̰ kə́ dɔ nang tə́ gə̄ a teēn̄ kadə̄ ə́saī kadə̄ asəsí ō, ā ī-ndiī kem ɓēé kanjə̄ sōl̄ yá̰á̰ kógə̄ḿ ō.
20Ré sḭḭ̄ ə́daī na: J-a jə-dubə̄ kōō aĺ ō, j-a jə-sāā kōō aĺ ō, ba j-a j-ə́sa i rí kem ɓāl̄ kə́ nge ko̰ sīrí tə́ anī, 21m-ā m̄-tɔ́r̄ taḿ dɔsí tə́ kem ɓāl̄ kə́ nge ko̰ mehḛ́ tə́, kadə̄ kōō kə́ tū tə́ asə kəsa ɓāl̄ mətá tə́, kadə̄ kōō kə́ tū tə́ asə kəsa ɓāl̄ mətá. 22Ā ī-dubī kōō kem ɓāl̄ kə́ nge ko̰ sɔ́sɔ́ tə́, ba ā ə́saī i kōō kə́ lōō. Bátə́ teēń dan yā sāā kōō kə́ kijə gə̄ tə́ kem ɓāl̄ kə́ nge ko̰ ndōhó tə́ ní, ā ə́saī i kōō kə́ lōō.
Ta róbə gān̄g dɔ nang
23Deē a igə kə dɔ nangaá kə́ njɔ́ḿ gə̄ tə́ alé, tɔdɔ̄ ɓē i yāḿ mā Kɔ́ɔ̄ɓē. Ī-ndiī dɔ nang yāḿ tə́ i tītə̄ tə̄rā gə̄ kə́ ngé nam̄ gə̄ ō, tītə̄ de gə̄ kə́ əhɔn̄ loo ndinə̄ń ō ngóy.
24Adə̄ dɔ nang malang ń ā ī-taāī yā ndi tū tə́ ní, ā ādī ta róbə gān̄g dɔ loo ndɔr̄ gə̄ kə́ tū tə́.
25Ré ndoō rāā ngōkó̰ó̰í adə̄ igə kə́ núsə loo ndɔr̄ yānneé anī, majə kadə̄ ngeen kə́ ngɔr ngá̰ý ń ta róbə gān̄g dɔ loo ndɔr̄ i yān ní gān̄g dɔ adə̄n. 26Ré deē kə́rēý aw̄ kə ngeen kə́ yā gān̄g dɔ loo ndɔr̄ yān kadə̄n alé, ba nəkɔ́ ənge yá̰á̰ kə́ yā gāngəń dɔ anī, 27a əla gíŕ tə́da ɓāl̄ kə́ mān̄ kɔ̄ɔ́ gə̄ i dɔ ɓāl̄ ń ni igəń loo ndɔr̄ yān tə́ ní yā kɔr̄ kə̄ gogə́. I ɓāl̄ gə̄ ń nay kə́ kété no tə́ yā kugə̄ń kem ɓāl̄ Jubile tə́ ní n tə́da na gíŕdə́ yā kadə̄ nge mangən loo ndɔr̄ ní ní. Ré ni adə̄ nge mangən loo ndɔr̄ nar gír ɓāl̄ gə̄ ń nayn̄ ní oy anī, ni a tél yā kaw̄ gogə́ loo ndɔr̄ yān tə́. 28Ba ré ni-ənge yá̰á̰ kə́ yā gāngəń dɔ aĺ anī, ndɔr̄ ní a to tām̄ yā nge mangən tə́ bátə́ kadə̄ ɓāl̄ Jubile ugə̄ń. Ré ɓāl̄ Jubile ugə̄ anī, kɔ́ɔ̄ loo ndɔr̄ ní a tél yā taā loo ndɔr̄ yān ō, nge mangən ní a əya̰ yā kadə̄n ō.
29Ré deē kə́rēý igə kújə́ kə́ ra kem ɓē bo kə́ ndogə̄ mbal̄ gīr̄ gidə tə́ anī, ta róbə gān̄g dɔ kújə́ ní a to tām̄ yā kɔ́ɔ̄ kújə́ ní tə́ bátə́ ɓāl̄ kógə̄ḿ. 30Ré ɓāl̄ ní mān̄ kanjə̄ kadə̄ deē ní gān̄g dɔ anī, kújə́ ní a ra i kə́ njɔ́ḿ gə̄ tə́ tām̄ yā nge mangən tə́ ō, tām̄ yā ngánən gə̄ tə́ ō, ngán kaan gə̄ tə́ ō. Ré ɓāl̄ Jubile ugə̄ anī, ni a teē kemeé kɔ̄ɔ́ alé. 31Ba kújə gə̄ ń ran̄ kem ngán ɓē gə̄ kə́ ndogə̄ mbal̄ gīr̄ gidə tə́ aĺ ní, ndū najə̄ kə́ dɔ tə́ i tītə̄ ndū najə̄ kə́ dɔ loo ndɔr̄ tə́ ō, ta róbə gān̄g dɔdə́ a to ngándáńg tām̄ yā kɔ́ɔ̄də́ gə̄ tə́ ō, ré ɓāl̄ Jubile ugə̄ anī, ngé mangdə́ gə̄ a teēn̄ kɔ̄ɔ́ kemeé ō.
32Banī ngán Lebi gə̄ ní, ta róbə gān̄g dɔ kújə yādə́ gə̄ kə́ kem ɓē yādə́ gə̄ tə́ a to ngándáńg. 33Ká ré i ngōn̄ Lebi n mang kújə́ kə́ kem ɓē yā ngán Lebi gə̄ tə́ gə̄gē anī, ré ɓāl̄ Jubile ugə̄ anī, ni a teē kemeé kɔ̄ɔ́ yā kadə̄ń kɔ́ɔ̄ kújə loo.
Tɔdɔ̄ yá̰a̰ kənge ngán Lebi gə̄ kə́ dan ngán Israel gə̄ tə́ i kújə ngeé ń noō. 34Loo kə́ gidə ɓē yā ngán Lebi gə̄ tə́ ní, deē a igəń alé, tām̄ i yá̰a̰ kəngedə́ kə́ a to ngándáńg.
Yá̰á̰ kə́ kadə̄ nge ndoō gə̄ loo tə̄nā tə́
35Ré ndoō rāā ngōkó̰ó̰í adə̄ ni-a̰a̰ loo kəgāī kə̄rā yāí aĺ anī, ī-rāā seneé ādə̄ ndiń kə kumneé seí. Ā ī-rāā beé kə tə̄rā kə́ nge nam̄ ń ndi kem ɓē yāí tə́ ní ō. 36Ré ādə̄n yá̰a̰ loo tə́nī tə́ anī, ā ī-taā manə̄n dɔ tə́ aĺ ō, ré ādə̄n yá̰a̰ anī, ā ī-taā kūl̄ jīn tə́ aĺ ō. I beé n ā ī-ɓōlə́nń ndíĺ Nə́ɓā yāí kadə̄ ngōkó̰ó̰í ndiń kə kumneé seí ní. 37Ré ādə̄n nar yāí loo tə̄nā tə́ anī, ā ī-taā manə̄n dɔ tə́ aĺ ō, ré adə̄n yá̰a̰ kəsa yāí anī, ā ī-taā kūl̄ jīn tə́ aĺ ō.
38Mā i Kɔ́ɔ̄ɓē Nə́ɓā yāsí. m̄-teē sesí kɔ̄ɔ́ kem ɓē kə́ Ejiptə tə́ i yā kadə̄sí dɔ nang kə́ Kanaan ō, i yā kadə̄ mā i Nə́ɓā yāsí ō.
Nə́ɓā adə̄ ngán Israel gə̄ ta róbə gān̄g dɔ naā
39Ré ndoō rāā ngōkó̰ó̰í adə̄ ni igə kə rɔ̄neé jīí tə́ anī, ā ī-rāān ɓəlo tə́ alé, 40banī i nge rāā kəla gír nar tə́ kə́ ndi seí. Ni a rāā kəla yāí bátə́ kadə̄ ɓāl̄ Jubile ugə̄ń. 41Ré ɓāl̄ Jubile ugə̄ anī, ā ə́ya̰n kə ngánən gēé kadə̄ tél aw̄ gogə́ dan ngéén gə̄ tə́ dɔ nang yā kaan gə̄ tə́. 42Tɔdɔ̄ ngán Israel gə̄ i ngé kəla yāḿ gə̄ kə́ m̄-teē sedə́ kɔ̄ɔ́ Ejiptə tə́. Deē a igə sedə́ tītə̄ loo kigə kə ɓəlo gēé alé. 43Ā ə̄ndā dɔ́nɔ́í dɔdə́ tə́ alé yā ɓōlə́nń ndíĺ Nə́ɓā yāí.
44Ré ā ī-sāā ɓəlo kə́ dəngam, aké kə́ dəyá̰ anī, ā ī-mangdə́ i dan nápar de gə̄ ń ndin̄ gīrə̄n̄ gidəsí tə́ ní. 45Ā ī-mangdə́ i dan tə̄rā gə̄ ń ndin̄ kem ɓē yāsí tə́ ní, aláa i dan ngéédə́ gə̄ ń ojən̄də́ kem ɓē yāsí tə́ ní. Nin̄ a télən̄ de gə̄ yāsí gə̄. 46Ā ə́ya̰īdə́ yā kadə̄ ngáńsí gə̄ gotəsí tə́, kadə̄ nin̄ i yá̰a̰ ndəba yādə́. Ásiī rāādə́ ɓəlo gə̄ tə́ ngándáńg. Banī ngán Israel gə̄ ń i ngákó̰ó̰sí gə̄ ní, adə̄ deē kógə̄ḿ dansí tə́ əndā dɔ́nɔ dɔdə́ tə́ alé.
47Ré tə̄rā kógə̄ḿ kə́ ndi ɓēé looí yá̰á̰ kənge yān reē ngá̰ý, ba ndoō rāā ngōkó̰ó̰í adə̄ aw̄ igə kə rɔ̄neé jīn tə́, aláa jī de kə́ gír kaa yān tə́ anī, 48ta róbə gān̄g dɔ a to tām̄ yān tə́. Ngōkó̰o̰n kə́ dəngam a asə gān̄g dɔn. 49Ngōkó̰o̰ bɔbə̄n, aláa ngōn̄ ngōkó̰o̰ bɔbə̄n, aláa ngeen kə́rēý kə́ ngɔr ngá̰ý a asə gān̄g dɔn. Aláa ré yá̰a̰ i jīn nəkɔ́ tə́ anī, nəkɔ́ asə gān̄g dɔ rɔ̄n. 50Loo ń noō tə́ ní, asə kadə̄ oōn̄ naā kə nge mangəneé, ba a əla gíŕ tə́da ɓāl̄ ń ni igəń kə rɔ̄neé tə́ ní bátə́ kadə̄ ugə̄ń dɔ ɓāl̄ Jubile tə́. Nar gírən ō, kutə ɓāl̄ gə̄ ní ō a asən̄ naā. Nar gírən kə́ ndɔ̄ kógə̄ḿ ní, kutən a asən̄ naā i kə nar gír kəla kə́ ndɔ̄ kógə̄ḿ. 51Ré kutə ɓāl̄ gə̄ ń nay kə́ non tə́ yā kugə̄ń ɓāl̄ Jubile tə́ ní i ngá̰ý anī, nar ń ni a gāngəń dɔ rɔ̄n ní kutən i ngá̰ý ō. Kutə nar ń ni a gāngəń dɔ rɔ̄n ní a asən̄ naā kə kutə nar ń mangənnə̄ń ní. 52Ré gotə ɓāl̄ gə̄ ń nayn̄ kə̄ non tə́ yā kugə̄ń ɓāl̄ Jubile tə́ ní i ngá̰ý aĺ anī, kutə nar ń ni a tə́da yā gāngəń dɔ rɔ̄n ní a asən̄ naā i kə kutə nar gír ɓāl̄ gə̄ ń nayn̄ ní. 53Ni a ndi ɓē kɔ́ɔ̄neé tītə̄ nge rāā kəla gír naraá kə dɔ ɓāl̄ gə̄, banī ḭ̄ ā ə́ya̰ deē ń ni-ndi looneé ní kadə̄ əndā dɔ́nɔ dɔn tə́ alé. 54Ré gāngə̄n̄ dɔn aĺ ō, nəkɔ́ asə gān̄g dɔ rɔ̄n aĺ ō, ba ɓāl̄ Jubile ugə̄ anī, deē ń mangən ní, a ə́ya̰n dɔɔ́ kadə̄ a teē kə ngánən gēé.
Mā i Kɔ́ɔ̄ɓē yāsí
55Tɔdɔ̄ i tām̄ yāḿ tə́ n ngán Israel gə̄ a rāān̄ kəla ní. Nin̄ i ngé kəla yāḿ gə̄ kə́ m̄-teē sedə́ kɔ̄ɔ́ dɔ nang kə́ Ejiptə tə́. Mā i Kɔ́ɔ̄ɓē Nə́ɓā yāsí.
Currently Selected:
LEBI GƏ̄ 25: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
LEBI GƏ̄ 25
25
Ɓāl̄ kɔr̄ koō yā dɔ nang
1Kɔ́ɔ̄ɓē ɔr̄ najə̄ kə Moijə dɔ mbal̄ Sinai tə́ əda na: 2Əda ngán Israel gə̄ ndū najə̄ gə̄ ń toō:
Ré ūgī dɔ nang ń m-ādə̄sí tə́ anī, ā ə́ya̰ī dɔ nang kadə̄ ɔr̄ koō yā rɔȳməń. 3Ā ī-dubə̄ kōō ndɔr̄ yāí tə́ ɓāl̄ mehḛ́ ō, ā ī-tɔ́r̄ ta jī kāgə̄ nduú yāí ɓāl̄ mehḛ́ ō, ā ī-sāā kōō kə́ kem ndɔr̄ yāí tə́ ō. 4Banī ɓāl̄ kə́ nge ko̰ sīrí i ɓāl̄ kɔr̄ koō yā dɔ nang. I ɓāl̄ kɔr̄ koō kə́ yā rɔȳń Kɔ́ɔ̄ɓē, adə̄ ā ī-dubə̄ kōō ndɔr̄ yāí tə́ aĺ ō, ā ī-tɔ́r̄ ta jī kāgə̄ nduú yāí aĺ ō. 5Kum kōō gə̄ ń tə́sōn̄ kem ndɔr̄ yāí tə́ dan yā sāā kōō gə̄ tə́ á əɓan̄ ní, ā ī-sāādə́ aĺ ō, kāgə̄ nduú yāí gə̄ kə́ kanjə̄ tɔ́r̄ ta jīdə́ gə̄ ń anə̄n̄ ní, ā ī-tə́jā dɔ bəradə́ aĺ ō. Tām̄ i ɓāl̄ kə́ dɔ nang ɔrə̄ń koō. 6Yá̰a̰ n a teē dɔ nang tə́ kem ɓāl̄ ń noō tə́ kə dɔneé ní, ā ə́saī, ḭ̄ ō, nge kəla kə́ dəngam ō, kə́ dəyá̰ ō, nge rāā kəla yāí gír naraá ō, de kə́ tə̄rā ń ndi seí ní ō. 7Yá̰a̰ kul̄ yāí gə̄ ō, dā̰ kə́ bembeé kə́ dɔ nang yāí tə́ ō ní, a əsan̄ yá̰a̰ malang ń teē dɔ nang tə́ ɓāl̄ kɔr̄ koō yā dɔ nang tə́ ní.
Ɓāl̄ Jubile
8Ā ī-tə́da ɓāl̄ sīrí nja sīrí, adə̄ i ɓāl̄ kutə sɔ́ gidə i ndōhó. 9Ndɔ̄ kə́ nge ko̰ kutə yā nāā kə́ nge ko̰ sīrí i ndɔ̄ mā̰ȳ rɔ̄ kə́ bo. Ndɔ̄ ń noō tə́ ā ī-ɓāríī tōw̄ dɔ nang yāsí tə́ malang kadə̄ de gə̄ əganə̄ń kɔr̄ rɔ̄nel̄. 10Ɓāl̄ kə́ nge ko̰ kutə mí i ɓāl̄ kə́ kɔr̄ kam̄ tām̄ yāsí tə́. Ā ə̄nīī mbēr̄ teē ɓəloó kem ɓēé tām̄ yā de gə̄ tə́ malang. I ɓāl̄ Jubile#25.10 Jubile i kə ta Hebəro. Kumən na i bal batə̄ aláa i tōw̄ gajə batə̄. A ənīn̄ mbēr̄ ɓāl̄ ní i kə tōw̄ gajə batāá. tām̄ yāsí tə́. Sḭḭ̄ kógə̄ḿ kógə̄ḿ ā ī-téliī yā taā dɔ nang yāsí gə̄ gogə́ ō, ā ī-téliī kə̄ ɓē ngéésí gēé gogə́ ō. 11Ɓāl̄ kə́ nge ko̰ kutə mí i ɓāl̄ Jubile tām̄ yāsí tə́, adə̄ ā ī-dubī kōō aĺ ō, kōō ń a teē dɔ rɔ̄n ní, ā ī-sāāī aĺ ō, kāgə̄ nduú gə̄ ń ī-tɔ́rī ta jīdə́ aĺ ní, ā ī-tə́jāī kan̄də́ aĺ ō. 12Tɔdɔ̄ ɓāl̄ Jubile, adə̄ ā ī-rāāī i ɓāl̄ kə́ kɔr̄ kam̄ tə́. Ā ə́saī yá̰á̰ ń a teē dɔ rɔ̄n kem ndɔrɔ́ ní.
13Kem ɓāl̄ Jubile ngeé ń noō tə́ ní, sḭḭ̄ kógə̄ḿ kógə̄ḿ ā ī-téliī yā taā dɔ nang yāsí gə̄ gogə́. 14Ré ígiī yá̰a̰ aké ī-mangiī yá̰a̰ jī ngōn̄ nge ɓē madə̄sí tə́ anī, ī-lōōī gólə̄n. 15Ré ā ī-mang loo ndɔr̄ jī ngōn̄ nge ɓē madí tə́ anī, ā ə́la gíŕ tə́da ɓāl̄ kə́ mān̄ kɔ̄ɔ́ gə̄ i dɔ ɓāl̄ Jubile kə́ mān̄ kɔ̄ɔ́ tə́. Nge kigə yá̰a̰ a tə́da ɓāl̄ sāā kōō gə̄ ń nay kə̄ non tə́ bátə́ yā kugə̄ń ɓāl̄ Jubile kə́ gogə́ tə́ ní n a igəń yá̰a̰ jīí tə́ ní. 16Ré ɓāl̄ sāā kōō gə̄ i ngá̰ý anī, a əndā gātə̄ i ngá̰ý ō, ré ɓāl̄ sāā kōō gə̄ i ngá̰ý aĺ anī, a tél kə gātāá kə̄ nang tə́ ngá̰ý ō, tām̄ i kutə ɓāl̄ sāā kōō gə̄ ń ni a gātəń jīí tə́ ní. 17Deē kógə̄ḿ dansí tə́ a gól ngōn̄ nge ɓē madə̄n alé. Ā ī-ɓōĺ Nə́ɓā yāí tām̄ mā i Kɔ́ɔ̄ɓē Nə́ɓā yāsí. 18Ī-ngɔ̄mī ndū najə̄ yāḿ gə̄ ō, ī-ngɔ̄mī gō míndə́ḿ gə̄ ō. Ī-rāāī yá̰a̰ gə̄ ń m-ə́dá ní, anī, ā ī-ndiī kem ɓēé kanjə̄ sōl̄ yá̰á̰ kógə̄ḿ. 19Kan̄ yá̰á̰ kə́ dɔ nang tə́ gə̄ a teēn̄ kadə̄ ə́saī kadə̄ asəsí ō, ā ī-ndiī kem ɓēé kanjə̄ sōl̄ yá̰á̰ kógə̄ḿ ō.
20Ré sḭḭ̄ ə́daī na: J-a jə-dubə̄ kōō aĺ ō, j-a jə-sāā kōō aĺ ō, ba j-a j-ə́sa i rí kem ɓāl̄ kə́ nge ko̰ sīrí tə́ anī, 21m-ā m̄-tɔ́r̄ taḿ dɔsí tə́ kem ɓāl̄ kə́ nge ko̰ mehḛ́ tə́, kadə̄ kōō kə́ tū tə́ asə kəsa ɓāl̄ mətá tə́, kadə̄ kōō kə́ tū tə́ asə kəsa ɓāl̄ mətá. 22Ā ī-dubī kōō kem ɓāl̄ kə́ nge ko̰ sɔ́sɔ́ tə́, ba ā ə́saī i kōō kə́ lōō. Bátə́ teēń dan yā sāā kōō kə́ kijə gə̄ tə́ kem ɓāl̄ kə́ nge ko̰ ndōhó tə́ ní, ā ə́saī i kōō kə́ lōō.
Ta róbə gān̄g dɔ nang
23Deē a igə kə dɔ nangaá kə́ njɔ́ḿ gə̄ tə́ alé, tɔdɔ̄ ɓē i yāḿ mā Kɔ́ɔ̄ɓē. Ī-ndiī dɔ nang yāḿ tə́ i tītə̄ tə̄rā gə̄ kə́ ngé nam̄ gə̄ ō, tītə̄ de gə̄ kə́ əhɔn̄ loo ndinə̄ń ō ngóy.
24Adə̄ dɔ nang malang ń ā ī-taāī yā ndi tū tə́ ní, ā ādī ta róbə gān̄g dɔ loo ndɔr̄ gə̄ kə́ tū tə́.
25Ré ndoō rāā ngōkó̰ó̰í adə̄ igə kə́ núsə loo ndɔr̄ yānneé anī, majə kadə̄ ngeen kə́ ngɔr ngá̰ý ń ta róbə gān̄g dɔ loo ndɔr̄ i yān ní gān̄g dɔ adə̄n. 26Ré deē kə́rēý aw̄ kə ngeen kə́ yā gān̄g dɔ loo ndɔr̄ yān kadə̄n alé, ba nəkɔ́ ənge yá̰á̰ kə́ yā gāngəń dɔ anī, 27a əla gíŕ tə́da ɓāl̄ kə́ mān̄ kɔ̄ɔ́ gə̄ i dɔ ɓāl̄ ń ni igəń loo ndɔr̄ yān tə́ ní yā kɔr̄ kə̄ gogə́. I ɓāl̄ gə̄ ń nay kə́ kété no tə́ yā kugə̄ń kem ɓāl̄ Jubile tə́ ní n tə́da na gíŕdə́ yā kadə̄ nge mangən loo ndɔr̄ ní ní. Ré ni adə̄ nge mangən loo ndɔr̄ nar gír ɓāl̄ gə̄ ń nayn̄ ní oy anī, ni a tél yā kaw̄ gogə́ loo ndɔr̄ yān tə́. 28Ba ré ni-ənge yá̰á̰ kə́ yā gāngəń dɔ aĺ anī, ndɔr̄ ní a to tām̄ yā nge mangən tə́ bátə́ kadə̄ ɓāl̄ Jubile ugə̄ń. Ré ɓāl̄ Jubile ugə̄ anī, kɔ́ɔ̄ loo ndɔr̄ ní a tél yā taā loo ndɔr̄ yān ō, nge mangən ní a əya̰ yā kadə̄n ō.
29Ré deē kə́rēý igə kújə́ kə́ ra kem ɓē bo kə́ ndogə̄ mbal̄ gīr̄ gidə tə́ anī, ta róbə gān̄g dɔ kújə́ ní a to tām̄ yā kɔ́ɔ̄ kújə́ ní tə́ bátə́ ɓāl̄ kógə̄ḿ. 30Ré ɓāl̄ ní mān̄ kanjə̄ kadə̄ deē ní gān̄g dɔ anī, kújə́ ní a ra i kə́ njɔ́ḿ gə̄ tə́ tām̄ yā nge mangən tə́ ō, tām̄ yā ngánən gə̄ tə́ ō, ngán kaan gə̄ tə́ ō. Ré ɓāl̄ Jubile ugə̄ anī, ni a teē kemeé kɔ̄ɔ́ alé. 31Ba kújə gə̄ ń ran̄ kem ngán ɓē gə̄ kə́ ndogə̄ mbal̄ gīr̄ gidə tə́ aĺ ní, ndū najə̄ kə́ dɔ tə́ i tītə̄ ndū najə̄ kə́ dɔ loo ndɔr̄ tə́ ō, ta róbə gān̄g dɔdə́ a to ngándáńg tām̄ yā kɔ́ɔ̄də́ gə̄ tə́ ō, ré ɓāl̄ Jubile ugə̄ anī, ngé mangdə́ gə̄ a teēn̄ kɔ̄ɔ́ kemeé ō.
32Banī ngán Lebi gə̄ ní, ta róbə gān̄g dɔ kújə yādə́ gə̄ kə́ kem ɓē yādə́ gə̄ tə́ a to ngándáńg. 33Ká ré i ngōn̄ Lebi n mang kújə́ kə́ kem ɓē yā ngán Lebi gə̄ tə́ gə̄gē anī, ré ɓāl̄ Jubile ugə̄ anī, ni a teē kemeé kɔ̄ɔ́ yā kadə̄ń kɔ́ɔ̄ kújə loo.
Tɔdɔ̄ yá̰a̰ kənge ngán Lebi gə̄ kə́ dan ngán Israel gə̄ tə́ i kújə ngeé ń noō. 34Loo kə́ gidə ɓē yā ngán Lebi gə̄ tə́ ní, deē a igəń alé, tām̄ i yá̰a̰ kəngedə́ kə́ a to ngándáńg.
Yá̰á̰ kə́ kadə̄ nge ndoō gə̄ loo tə̄nā tə́
35Ré ndoō rāā ngōkó̰ó̰í adə̄ ni-a̰a̰ loo kəgāī kə̄rā yāí aĺ anī, ī-rāā seneé ādə̄ ndiń kə kumneé seí. Ā ī-rāā beé kə tə̄rā kə́ nge nam̄ ń ndi kem ɓē yāí tə́ ní ō. 36Ré ādə̄n yá̰a̰ loo tə́nī tə́ anī, ā ī-taā manə̄n dɔ tə́ aĺ ō, ré ādə̄n yá̰a̰ anī, ā ī-taā kūl̄ jīn tə́ aĺ ō. I beé n ā ī-ɓōlə́nń ndíĺ Nə́ɓā yāí kadə̄ ngōkó̰ó̰í ndiń kə kumneé seí ní. 37Ré ādə̄n nar yāí loo tə̄nā tə́ anī, ā ī-taā manə̄n dɔ tə́ aĺ ō, ré adə̄n yá̰a̰ kəsa yāí anī, ā ī-taā kūl̄ jīn tə́ aĺ ō.
38Mā i Kɔ́ɔ̄ɓē Nə́ɓā yāsí. m̄-teē sesí kɔ̄ɔ́ kem ɓē kə́ Ejiptə tə́ i yā kadə̄sí dɔ nang kə́ Kanaan ō, i yā kadə̄ mā i Nə́ɓā yāsí ō.
Nə́ɓā adə̄ ngán Israel gə̄ ta róbə gān̄g dɔ naā
39Ré ndoō rāā ngōkó̰ó̰í adə̄ ni igə kə rɔ̄neé jīí tə́ anī, ā ī-rāān ɓəlo tə́ alé, 40banī i nge rāā kəla gír nar tə́ kə́ ndi seí. Ni a rāā kəla yāí bátə́ kadə̄ ɓāl̄ Jubile ugə̄ń. 41Ré ɓāl̄ Jubile ugə̄ anī, ā ə́ya̰n kə ngánən gēé kadə̄ tél aw̄ gogə́ dan ngéén gə̄ tə́ dɔ nang yā kaan gə̄ tə́. 42Tɔdɔ̄ ngán Israel gə̄ i ngé kəla yāḿ gə̄ kə́ m̄-teē sedə́ kɔ̄ɔ́ Ejiptə tə́. Deē a igə sedə́ tītə̄ loo kigə kə ɓəlo gēé alé. 43Ā ə̄ndā dɔ́nɔ́í dɔdə́ tə́ alé yā ɓōlə́nń ndíĺ Nə́ɓā yāí.
44Ré ā ī-sāā ɓəlo kə́ dəngam, aké kə́ dəyá̰ anī, ā ī-mangdə́ i dan nápar de gə̄ ń ndin̄ gīrə̄n̄ gidəsí tə́ ní. 45Ā ī-mangdə́ i dan tə̄rā gə̄ ń ndin̄ kem ɓē yāsí tə́ ní, aláa i dan ngéédə́ gə̄ ń ojən̄də́ kem ɓē yāsí tə́ ní. Nin̄ a télən̄ de gə̄ yāsí gə̄. 46Ā ə́ya̰īdə́ yā kadə̄ ngáńsí gə̄ gotəsí tə́, kadə̄ nin̄ i yá̰a̰ ndəba yādə́. Ásiī rāādə́ ɓəlo gə̄ tə́ ngándáńg. Banī ngán Israel gə̄ ń i ngákó̰ó̰sí gə̄ ní, adə̄ deē kógə̄ḿ dansí tə́ əndā dɔ́nɔ dɔdə́ tə́ alé.
47Ré tə̄rā kógə̄ḿ kə́ ndi ɓēé looí yá̰á̰ kənge yān reē ngá̰ý, ba ndoō rāā ngōkó̰ó̰í adə̄ aw̄ igə kə rɔ̄neé jīn tə́, aláa jī de kə́ gír kaa yān tə́ anī, 48ta róbə gān̄g dɔ a to tām̄ yān tə́. Ngōkó̰o̰n kə́ dəngam a asə gān̄g dɔn. 49Ngōkó̰o̰ bɔbə̄n, aláa ngōn̄ ngōkó̰o̰ bɔbə̄n, aláa ngeen kə́rēý kə́ ngɔr ngá̰ý a asə gān̄g dɔn. Aláa ré yá̰a̰ i jīn nəkɔ́ tə́ anī, nəkɔ́ asə gān̄g dɔ rɔ̄n. 50Loo ń noō tə́ ní, asə kadə̄ oōn̄ naā kə nge mangəneé, ba a əla gíŕ tə́da ɓāl̄ ń ni igəń kə rɔ̄neé tə́ ní bátə́ kadə̄ ugə̄ń dɔ ɓāl̄ Jubile tə́. Nar gírən ō, kutə ɓāl̄ gə̄ ní ō a asən̄ naā. Nar gírən kə́ ndɔ̄ kógə̄ḿ ní, kutən a asən̄ naā i kə nar gír kəla kə́ ndɔ̄ kógə̄ḿ. 51Ré kutə ɓāl̄ gə̄ ń nay kə́ non tə́ yā kugə̄ń ɓāl̄ Jubile tə́ ní i ngá̰ý anī, nar ń ni a gāngəń dɔ rɔ̄n ní kutən i ngá̰ý ō. Kutə nar ń ni a gāngəń dɔ rɔ̄n ní a asən̄ naā kə kutə nar ń mangənnə̄ń ní. 52Ré gotə ɓāl̄ gə̄ ń nayn̄ kə̄ non tə́ yā kugə̄ń ɓāl̄ Jubile tə́ ní i ngá̰ý aĺ anī, kutə nar ń ni a tə́da yā gāngəń dɔ rɔ̄n ní a asən̄ naā i kə kutə nar gír ɓāl̄ gə̄ ń nayn̄ ní. 53Ni a ndi ɓē kɔ́ɔ̄neé tītə̄ nge rāā kəla gír naraá kə dɔ ɓāl̄ gə̄, banī ḭ̄ ā ə́ya̰ deē ń ni-ndi looneé ní kadə̄ əndā dɔ́nɔ dɔn tə́ alé. 54Ré gāngə̄n̄ dɔn aĺ ō, nəkɔ́ asə gān̄g dɔ rɔ̄n aĺ ō, ba ɓāl̄ Jubile ugə̄ anī, deē ń mangən ní, a ə́ya̰n dɔɔ́ kadə̄ a teē kə ngánən gēé.
Mā i Kɔ́ɔ̄ɓē yāsí
55Tɔdɔ̄ i tām̄ yāḿ tə́ n ngán Israel gə̄ a rāān̄ kəla ní. Nin̄ i ngé kəla yāḿ gə̄ kə́ m̄-teē sedə́ kɔ̄ɔ́ dɔ nang kə́ Ejiptə tə́. Mā i Kɔ́ɔ̄ɓē Nə́ɓā yāsí.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.