LEBI GƏ̄ 26
26
1Ī-rāāī ɓesə̄ aĺ ō, ī-ndɔ̄yī kāgə̄ kə́ tɔ́sə̄ aĺ ō, mbal̄ kə́ kudə kə nja dɔɔ́ aĺ ō, údiī mbal̄ kə́ tɔ́sə̄ kem ɓē yāsí tə́ yā rɔȳ aĺ ō, tām̄ mā i Kɔ́ɔ̄ɓē Nə́ɓā yāsí.
2Ā ɔ̄rī ndɔ̄ sabat yāḿ gə̄ tə́ ō, ā ī-ɓōlíī gidə loo kə́ táĺ yāḿ ō. Mā i Kɔ́ɔ̄ɓē.
Tɔ́r̄ ta
3Ré úniī gō najə̄ yāḿ gə̄ ō, ī-rāāī yá̰a̰ gə̄ ń m-ə́dásí kadə̄ ī-rāāī ní ō anī, 4m-ā m̄-rāā kadə̄ man̄ edə tām̄ yāsí tə́ kə dɔ nān gēé. Dɔ nang a teē kōō ō, kāgə̄ gə̄ a anə̄n̄ ō. 5Ā ī-səɓāī kōō bátə́ yā kugə̄ń dan yā kəja kan̄ kāgə̄ nduú gə̄ tə́ ō, ā ə́jaī kan̄ kāgə̄ nduú gə̄ bátə́ yā kugə̄ń dan yā dubə̄ kōō gə̄ tə́ ō. Ā ə́ngeī yá̰a̰ kəsa ngá̰ý ō, ā ī-ndiī kem ɓē yāsí tə́ kanjə̄ sōl̄ yá̰á̰ kógə̄ḿ ō. 6M-ā m̄-rāā kadə̄ ɓē tél sɔl̄ lɔm ō, yá̰á̰ njə́ɓāsí dɔ ɓīī tə́ aĺ ō, dā̰ kə́ dɔ gə̄ gətóon̄ kɔ̄ɔ́ gō nang yāsí tə́ ō, de kə́ yā reē sɔ̄sí kem ɓē yāsí tə́ gətóo ō.
7Ā ī-ngɔ̄dī madə̄ ba̰ā̰sí gə̄ ō, ā ī-tɔ́sīdə́ kə kaskaraá kadə̄ a tə́sōn̄ nosí tə́ ō. 8De gə̄ mí dansí tə́ ngɔ̄də̄n̄ madə̄ ba̰ā̰sí gə̄ ɓú ō, ba de gə̄ ɓú dansí tə́ a ngɔ̄də̄n̄ madə̄ ba̰ā̰sí gə̄ dūbú kutə ō. Ā ī-tɔ́sí madə̄ ba̰ā̰sí gə̄ kə kaskaraá kadə̄ a tə́sōn̄ nosí tə́. 9M-ā m̄-rāā kem majə sesí. M-ā m-ādə̄sí ngán gə̄ ngá̰ý ō, madə̄ naā yāḿ a to gətóo sesí ō. 10Ā əsaī kōō kə́ kété gə̄ ō, ā ɔ́yiī kōō kə́ lōō gə̄ kɔ̄ɔ́ yā kəyā̰ń loo tām̄ yā kōō kə́ kijə gə̄ tə́ ō. 11M-ā m̄-rāā loo ndi yāḿ dɔ dansí tə́ ō, m-ā m̄-tūr̄ gidəḿ kɔ̄ɔ́ tasí tə́ aĺ ō. 12M-ā m̄-njə̄rā dɔ dáńsí tə́, mā i Nə́ɓā yāsí ō, sḭḭ̄ i gír deē yāḿ gə̄ ō. 13Mā i Kɔ́ɔ̄ɓē Nə́ɓā yāsí kə́ nge teē sesí kɔ̄ɔ́ kem ɓē kə́ Ejiptə tə́, kə́ nge kɔr̄sí ɓəloó kɔ̄ɔ́. m̄-tétə̄ njúkə yāsí kɔ̄ɔ́ ō, m-ādə̄ ɔ̄rī dɔsí ī-njə̄rāiń ō.
Ndɔ̄ĺ
14Banī ré sḭḭ̄ ōōī taḿ alé, adə̄ ī-rāāī yá̰a̰ gə̄ ń m-ɔ́jə́sí malang alé, 15ré ə́yaī ndū najə̄ yāḿ gə̄ kɔ̄ɔ́ ō, ī-kídī yá̰a̰ kāgə̄ ɓē gə̄ ń m-ɔ́jə́sí ní ō, ī-rāāī yá̰a̰ gə̄ ń m-ɔ́jə́sí malang aĺ ō, adə̄ ī-nujiī madə̄ naā ń m-ə́hɔ sesí ní anī, 16yá̰á̰ ń m-ā m̄-rāā sesí ní n toó:
M-ā m-ādə̄ mo̰y gajə a rāāsí kadə̄ kumsí a ra doo ō, kadə̄ rɔ̄sí a tōr̄sí ō. Ā ī-dubī kōō yāsí i ndāńg karī i madə̄ ba̰ā̰sí gə̄ ń a əsan̄. 17M-ā m̄-tūr̄ rɔ̄ḿ yā rɔ̄ɔ̄sí kadə̄ madə̄ ba̰ā̰sí gə̄ tetən̄sí rɔ̄ɔ̄ ō, ngé kim̄sí gə̄ a ndin̄ dɔsí tə́ ō, ā ā̰yī naā kanjə̄ kadə̄ deē ngɔ̄də̄sí ō.
18Ré m̄-rāāsí yá̰a̰ gə̄ ń noō ba ōōī taḿ aĺ ɓáý to̰ anī, m-ā m-ə́ndásí tām̄ majaĺ yāsí gə̄ tə́ kadə̄ mān̄ dɔ kə́ kété nja sīrí. 19M-ā m-ɔ̄r̄ tɔ́gə́sí ń ā ɔ́jiīń rɔ̄sí ngá̰ý ní. M-ā m̄-rāā kadə̄ dɔ rā̰ yāsí tél ngan̄g tītə̄ gində̄ adə̄ man̄ kə́ tū tə́ a edə aĺ ō, m-ā m̄-rāā kadə̄ dɔ nang yāsí tél ngan̄g tītə̄ gində̄ nə̄ngá kasə ō. 20Ā ī-təgāī tɔ́gə́sí i karī, dɔ nang yāsí a teē yá̰a̰ aĺ ō, kāgə̄ yāsí gə̄ a anə̄n̄ aĺ ō.
21Ré ī-mbātíī najə̄ taḿ tə́ adə̄ ōōī taḿ alé m-ā m-ə́ndásí tām̄ majaĺ yāsí gə̄ tə́ kadə̄ mān̄ dɔ kə́ kété nja sīrí. 22M-ā m-ə́la kə dā̰ do̰ gēé kadə̄ əhɔn̄ ngáńsí gə̄ ō, yá̰a̰ kul̄ yāsí gə̄ ō. A əhɔn̄sí kadə̄ ā ī-nayiī i sḛ́ý beē, kadə̄ deē a a̰a̰ deē loo njə̄rā tə́ dɔ ngáń róbə yāsí gə̄ tə́ to̰ alé.
23Ré yá̰á̰ ń m̄-rāā sesí noó asə alé adə̄ ī-mbātíī najə̄ taḿ tə́ ɓáý anī, 24m-ā m̄-mbātə́ najə̄ tasí tə́ ō. M-ā m-ə́ndásí tām̄ majaĺ yāsí gə̄ tə́ mān̄ dɔ kə́ kété nja sīrí.
25M-ā m-ādə̄ rɔ̄ a əsō dɔsí tə́ kadə̄ m̄-daləń ba̰ā̰ madə̄ naā ń m-ə́hɔ sesí ā ī-nujiīń kɔ̄ɔ́ ní. Ré ɔ́siī dɔsí naā tə́ kə̄ kem ɓē bo yā madə̄ ba̰ā̰sí gə̄ tə́ anī, m-ā m-ə̄nī mo̰y ngāl̄bɔ̄gīí dɔsí tə́ ō, m-ā m-ādə̄ ā ə̄sōī kem jī madə̄ ba̰ā̰sí gə̄ tə́ ō. 26Loo ń m-ā m-ɔ̄gə̄sí yá̰a̰ kəsa ní, dəyá̰ gə̄ kutə̄ a ɓoon̄ naā dɔ sīl̄ kə́ kógə̄ḿ beē tə́ yā ndīrəń yá̰a̰ adə̄ a ndān̄sí alé a ɔjən̄ i mbée n a adə̄n̄sí ní.
27Ré yá̰a̰ gə̄ ń noō malang nān̄sí banī ōōī taḿ alé, adə̄ ī-na̰yiī kə́ loo mbātə́ najə̄ tə́ tām̄ tə́ ɓáý anī, 28m-ā m̄-mbātə́ najə̄ tasí tə́ kə wōngōó ngá̰ý. M-ā m-ə́ndásí tām̄ majaĺ yāsí gə̄ tə́ kadə̄ mān̄ dɔ kə́ kété nja sīrí. 29Ā ə́saī ngán kemsí gə̄. 30Wurəḿ a atə̄m̄ sesí ngá̰ý, adə̄ m-ā m̄-nujə loo ndɔ̄ȳ yāsí gə̄ kɔ̄ɔ́ ō, m-ā m̄-tɔ̄ɔ̄ loo róō ndujə̄ yá̰á̰ kə́ kotə majə yāsí gə̄ kɔ̄ɔ́ ō, m-ā m̄-tétə̄ ɓesə̄ yāsí gə̄ ba m-ā m̄-kán̄ nīńsí gə̄ dɔ tə́ ō. 31M-ā m̄-rāā kadə̄ ɓē bo yāsí gə̄ télən̄ ndəba ɓē ō, m-ā m̄-nujə loo kə́ táĺ yāsí gə̄ kɔ̄ɔ́ ō, m-ā m̄-sír̄ sēē ndujə̄ yá̰á̰ kə́ kotə majə yāsí gə̄ ń a sɔlə̄n̄ kemḿ ní to̰ aĺ ō. 32M-ā m̄-nujə ɓē yāsí sák sák kadə̄ a ɔr kum madə̄ ba̰ā̰sí gə̄ ń a reēn̄ yā ndi kemeé ní. 33M-ā m̄-tə̄ndā yā tḭ̄ḭ̄sí kɔ̄ɔ́ kadə̄ āwī kə̄ dan nápar de gə̄ tə́ ō, m-ā m-ɔ̄r̄ njár̄ kaskar kem hɔ̄pə̄n tə́ yā ngɔ̄dəńsí ō, ɓē yāsí a nujə sák sák kɔ̄ɔ́ ō, ɓē bo yāsí gə̄ a telən̄ ndeba ɓē ō.
34Ɓáa dan ń ā ī-na̰yiī dɔ nang yā madə̄ ba̰ā̰sí gē tə́ ní, dɔ nang yāsí ń ə́ya̰ī kɔ̄ɔ́ ní a tél yā kɔr̄ koō ō, a ngɔ̄m̄ ndɔ̄ gə̄ ń noō ō. 35Rɔ̄kum, dɔ nang yāsí ń ə́ya̰ī kɔ̄ɔ́ ní a ɔr̄ koō yā kəgāń kə̄rā ndɔ̄ sabat gə̄ malang ń sḭḭ̄ ɔ̄gīin̄ dan ń īndiīń tū tə́ ní.
36Ngé kə́ dansí tə́ gə̄ ń a ndin̄ kə kumdə́ kem ɓē yā madə̄ ba̰ā̰sí gə̄ tə́ ní, m-ā m-ə́la ɓōĺ kemdə́ tə́ kadə̄ ré oōn̄ i kōō mbī kāgə̄ kə́ néĺ yéȳn gə̄gē anī, a a̰ȳn̄ i naā. Nin̄ a a̰ȳn̄ naā tītə̄ ń deē a a̰ȳń kɔ̄ɔ́ ta kaskar tə́ ní ō, a tə́sōn̄ kanjə̄ deē ngɔ̄də̄də́ ō. 37Nin̄ a tə́sōn̄ dɔ naā tə́ tītə̄ kə́ deē ngɔ̄də̄də́ i kə kaskaraá, tá deē ngɔ̄də̄də́ alé. Ā ásiī ra ta kum madə̄ ba̰ā̰sí gə̄ tə́ alé. 38Ā óyiī dan nápar de gə̄ tə́ ō, dɔ nang yā madə̄ ba̰ā̰sí gə̄ a ə́sásí ō. 39De kə́ dansí tə́ gə̄ ń a ndin̄ kə kumdə́ kem ɓē yā madə̄ ba̰ā̰sí gə̄ tə́ ní, tɔ́gə́də́ a gətóo sɔɔ̄ń dɔ majaĺ yādə́ gə̄ ō, yā bɔbə̄də́ gə̄ ō, yā kaadə́ gə̄ ō.
A əga kem Nə́ɓā dɔ madə̄ naā yān tə́
40A ɔrə̄n̄ gír majaĺ yādə́ gə̄ ō, yā bɔbə̄də́ gə̄ ō, yā kaadə́ gə̄ ō. A ədan̄ na n rāān yá̰á̰ kə́ gōtə́ aĺ ngá̰ý gə̄ seḿ ō, na n mbātə́n̄ najə̄ taḿ tə́ ō, 41Adə̄ na m-mbātə́ najə̄ tadə́ tə́ ō, na m-āw̄ sedə́ ɓē madə̄ ba̰ā̰də́ gēé ō. Adə̄ majanī a sɔlə̄n̄ dɔdə́ ō, m-ā m̄-tɔ̄l̄ ta ndéý ń m-ə́ndádə́ tām̄ yá̰á̰ kə́ majaĺ ń nin̄ rāān̄ tə́ ní ō. 42A əga kemḿ dɔ madə̄ naā kə́ m-ə́hɔ kə kaadə́ Jakob ō, Isaak ō, Abəraham ō tə́. A əga kemḿ dɔ nang kə́ m-ə̄nī míndə́ḿ yā kadə̄də́ tə́ ō. 43Dan ń nin̄ a gətóon̄ kɔ̄ɔ́ kem ɓē yādə́ tə́ ní, dɔ nang yādə́ ń əyan̄ kɔ̄ɔ́ ni-taā koō. Ba m-ā m̄-tɔ̄l̄ ta ndéý m-ə́ndádə́ tām̄ tūr̄ kə́ nin̄ tūrə̄n̄ gidədə́ kɔ̄ɔ́ ta yá̰a̰ kāgə̄ ɓē yāḿ gə̄ tə́ ō, tām̄ kidə̄ kə́ nin̄ kidə̄n̄ ndū najə̄ yāḿ gə̄ ō. 44Nəkɔ́ ń a ndinəń kem ɓē yā madə̄ ba̰ā̰də́ gə̄ tə́ noō, n-ā tūr̄ gidəḿ tadə́ tə́ aĺ ō, m-ā m̄-kídə̄də́ bátə́ yā tɔ̄ləńdə́ kɔ̄ɔ́ malang aĺ ō, yā nujəń madə̄ naā ń m-ə́hɔ sedə́ ní aĺ ō, tɔdɔ̄ mā i Kɔ́ɔ̄ɓē Nə́ɓā yādə́. 45A əga kemḿ dɔ madə̄ naā ń m-ə́hɔ jóo kə kaadə́ gēé á m̄-teēń sedə́ kɔ̄ɔ́ dɔ nang kə́ Ejiptə tə́ ta kum nápar de gə̄ tə́ ní yā kadə̄ mā i Nə́ɓā yādə́. Mā i Kɔ́ɔ̄ɓē.
46Yá̰a̰ gə̄ kə́ ndang kadə̄ yā rāā ō, yá̰a̰ kāgə̄ ɓē gə̄ ō, ndū najə̄ gə̄ ō, ń kadə̄ ton̄ mbo̰ō̰ ngán Israel gə̄ tə́ kə Kɔ́ɔ̄ɓē ní n noó. Ni-adə̄ Moijə i dɔ mbal̄ Sinai tə́.
Currently Selected:
LEBI GƏ̄ 26: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
LEBI GƏ̄ 26
26
1Ī-rāāī ɓesə̄ aĺ ō, ī-ndɔ̄yī kāgə̄ kə́ tɔ́sə̄ aĺ ō, mbal̄ kə́ kudə kə nja dɔɔ́ aĺ ō, údiī mbal̄ kə́ tɔ́sə̄ kem ɓē yāsí tə́ yā rɔȳ aĺ ō, tām̄ mā i Kɔ́ɔ̄ɓē Nə́ɓā yāsí.
2Ā ɔ̄rī ndɔ̄ sabat yāḿ gə̄ tə́ ō, ā ī-ɓōlíī gidə loo kə́ táĺ yāḿ ō. Mā i Kɔ́ɔ̄ɓē.
Tɔ́r̄ ta
3Ré úniī gō najə̄ yāḿ gə̄ ō, ī-rāāī yá̰a̰ gə̄ ń m-ə́dásí kadə̄ ī-rāāī ní ō anī, 4m-ā m̄-rāā kadə̄ man̄ edə tām̄ yāsí tə́ kə dɔ nān gēé. Dɔ nang a teē kōō ō, kāgə̄ gə̄ a anə̄n̄ ō. 5Ā ī-səɓāī kōō bátə́ yā kugə̄ń dan yā kəja kan̄ kāgə̄ nduú gə̄ tə́ ō, ā ə́jaī kan̄ kāgə̄ nduú gə̄ bátə́ yā kugə̄ń dan yā dubə̄ kōō gə̄ tə́ ō. Ā ə́ngeī yá̰a̰ kəsa ngá̰ý ō, ā ī-ndiī kem ɓē yāsí tə́ kanjə̄ sōl̄ yá̰á̰ kógə̄ḿ ō. 6M-ā m̄-rāā kadə̄ ɓē tél sɔl̄ lɔm ō, yá̰á̰ njə́ɓāsí dɔ ɓīī tə́ aĺ ō, dā̰ kə́ dɔ gə̄ gətóon̄ kɔ̄ɔ́ gō nang yāsí tə́ ō, de kə́ yā reē sɔ̄sí kem ɓē yāsí tə́ gətóo ō.
7Ā ī-ngɔ̄dī madə̄ ba̰ā̰sí gə̄ ō, ā ī-tɔ́sīdə́ kə kaskaraá kadə̄ a tə́sōn̄ nosí tə́ ō. 8De gə̄ mí dansí tə́ ngɔ̄də̄n̄ madə̄ ba̰ā̰sí gə̄ ɓú ō, ba de gə̄ ɓú dansí tə́ a ngɔ̄də̄n̄ madə̄ ba̰ā̰sí gə̄ dūbú kutə ō. Ā ī-tɔ́sí madə̄ ba̰ā̰sí gə̄ kə kaskaraá kadə̄ a tə́sōn̄ nosí tə́. 9M-ā m̄-rāā kem majə sesí. M-ā m-ādə̄sí ngán gə̄ ngá̰ý ō, madə̄ naā yāḿ a to gətóo sesí ō. 10Ā əsaī kōō kə́ kété gə̄ ō, ā ɔ́yiī kōō kə́ lōō gə̄ kɔ̄ɔ́ yā kəyā̰ń loo tām̄ yā kōō kə́ kijə gə̄ tə́ ō. 11M-ā m̄-rāā loo ndi yāḿ dɔ dansí tə́ ō, m-ā m̄-tūr̄ gidəḿ kɔ̄ɔ́ tasí tə́ aĺ ō. 12M-ā m̄-njə̄rā dɔ dáńsí tə́, mā i Nə́ɓā yāsí ō, sḭḭ̄ i gír deē yāḿ gə̄ ō. 13Mā i Kɔ́ɔ̄ɓē Nə́ɓā yāsí kə́ nge teē sesí kɔ̄ɔ́ kem ɓē kə́ Ejiptə tə́, kə́ nge kɔr̄sí ɓəloó kɔ̄ɔ́. m̄-tétə̄ njúkə yāsí kɔ̄ɔ́ ō, m-ādə̄ ɔ̄rī dɔsí ī-njə̄rāiń ō.
Ndɔ̄ĺ
14Banī ré sḭḭ̄ ōōī taḿ alé, adə̄ ī-rāāī yá̰a̰ gə̄ ń m-ɔ́jə́sí malang alé, 15ré ə́yaī ndū najə̄ yāḿ gə̄ kɔ̄ɔ́ ō, ī-kídī yá̰a̰ kāgə̄ ɓē gə̄ ń m-ɔ́jə́sí ní ō, ī-rāāī yá̰a̰ gə̄ ń m-ɔ́jə́sí malang aĺ ō, adə̄ ī-nujiī madə̄ naā ń m-ə́hɔ sesí ní anī, 16yá̰á̰ ń m-ā m̄-rāā sesí ní n toó:
M-ā m-ādə̄ mo̰y gajə a rāāsí kadə̄ kumsí a ra doo ō, kadə̄ rɔ̄sí a tōr̄sí ō. Ā ī-dubī kōō yāsí i ndāńg karī i madə̄ ba̰ā̰sí gə̄ ń a əsan̄. 17M-ā m̄-tūr̄ rɔ̄ḿ yā rɔ̄ɔ̄sí kadə̄ madə̄ ba̰ā̰sí gə̄ tetən̄sí rɔ̄ɔ̄ ō, ngé kim̄sí gə̄ a ndin̄ dɔsí tə́ ō, ā ā̰yī naā kanjə̄ kadə̄ deē ngɔ̄də̄sí ō.
18Ré m̄-rāāsí yá̰a̰ gə̄ ń noō ba ōōī taḿ aĺ ɓáý to̰ anī, m-ā m-ə́ndásí tām̄ majaĺ yāsí gə̄ tə́ kadə̄ mān̄ dɔ kə́ kété nja sīrí. 19M-ā m-ɔ̄r̄ tɔ́gə́sí ń ā ɔ́jiīń rɔ̄sí ngá̰ý ní. M-ā m̄-rāā kadə̄ dɔ rā̰ yāsí tél ngan̄g tītə̄ gində̄ adə̄ man̄ kə́ tū tə́ a edə aĺ ō, m-ā m̄-rāā kadə̄ dɔ nang yāsí tél ngan̄g tītə̄ gində̄ nə̄ngá kasə ō. 20Ā ī-təgāī tɔ́gə́sí i karī, dɔ nang yāsí a teē yá̰a̰ aĺ ō, kāgə̄ yāsí gə̄ a anə̄n̄ aĺ ō.
21Ré ī-mbātíī najə̄ taḿ tə́ adə̄ ōōī taḿ alé m-ā m-ə́ndásí tām̄ majaĺ yāsí gə̄ tə́ kadə̄ mān̄ dɔ kə́ kété nja sīrí. 22M-ā m-ə́la kə dā̰ do̰ gēé kadə̄ əhɔn̄ ngáńsí gə̄ ō, yá̰a̰ kul̄ yāsí gə̄ ō. A əhɔn̄sí kadə̄ ā ī-nayiī i sḛ́ý beē, kadə̄ deē a a̰a̰ deē loo njə̄rā tə́ dɔ ngáń róbə yāsí gə̄ tə́ to̰ alé.
23Ré yá̰á̰ ń m̄-rāā sesí noó asə alé adə̄ ī-mbātíī najə̄ taḿ tə́ ɓáý anī, 24m-ā m̄-mbātə́ najə̄ tasí tə́ ō. M-ā m-ə́ndásí tām̄ majaĺ yāsí gə̄ tə́ mān̄ dɔ kə́ kété nja sīrí.
25M-ā m-ādə̄ rɔ̄ a əsō dɔsí tə́ kadə̄ m̄-daləń ba̰ā̰ madə̄ naā ń m-ə́hɔ sesí ā ī-nujiīń kɔ̄ɔ́ ní. Ré ɔ́siī dɔsí naā tə́ kə̄ kem ɓē bo yā madə̄ ba̰ā̰sí gə̄ tə́ anī, m-ā m-ə̄nī mo̰y ngāl̄bɔ̄gīí dɔsí tə́ ō, m-ā m-ādə̄ ā ə̄sōī kem jī madə̄ ba̰ā̰sí gə̄ tə́ ō. 26Loo ń m-ā m-ɔ̄gə̄sí yá̰a̰ kəsa ní, dəyá̰ gə̄ kutə̄ a ɓoon̄ naā dɔ sīl̄ kə́ kógə̄ḿ beē tə́ yā ndīrəń yá̰a̰ adə̄ a ndān̄sí alé a ɔjən̄ i mbée n a adə̄n̄sí ní.
27Ré yá̰a̰ gə̄ ń noō malang nān̄sí banī ōōī taḿ alé, adə̄ ī-na̰yiī kə́ loo mbātə́ najə̄ tə́ tām̄ tə́ ɓáý anī, 28m-ā m̄-mbātə́ najə̄ tasí tə́ kə wōngōó ngá̰ý. M-ā m-ə́ndásí tām̄ majaĺ yāsí gə̄ tə́ kadə̄ mān̄ dɔ kə́ kété nja sīrí. 29Ā ə́saī ngán kemsí gə̄. 30Wurəḿ a atə̄m̄ sesí ngá̰ý, adə̄ m-ā m̄-nujə loo ndɔ̄ȳ yāsí gə̄ kɔ̄ɔ́ ō, m-ā m̄-tɔ̄ɔ̄ loo róō ndujə̄ yá̰á̰ kə́ kotə majə yāsí gə̄ kɔ̄ɔ́ ō, m-ā m̄-tétə̄ ɓesə̄ yāsí gə̄ ba m-ā m̄-kán̄ nīńsí gə̄ dɔ tə́ ō. 31M-ā m̄-rāā kadə̄ ɓē bo yāsí gə̄ télən̄ ndəba ɓē ō, m-ā m̄-nujə loo kə́ táĺ yāsí gə̄ kɔ̄ɔ́ ō, m-ā m̄-sír̄ sēē ndujə̄ yá̰á̰ kə́ kotə majə yāsí gə̄ ń a sɔlə̄n̄ kemḿ ní to̰ aĺ ō. 32M-ā m̄-nujə ɓē yāsí sák sák kadə̄ a ɔr kum madə̄ ba̰ā̰sí gə̄ ń a reēn̄ yā ndi kemeé ní. 33M-ā m̄-tə̄ndā yā tḭ̄ḭ̄sí kɔ̄ɔ́ kadə̄ āwī kə̄ dan nápar de gə̄ tə́ ō, m-ā m-ɔ̄r̄ njár̄ kaskar kem hɔ̄pə̄n tə́ yā ngɔ̄dəńsí ō, ɓē yāsí a nujə sák sák kɔ̄ɔ́ ō, ɓē bo yāsí gə̄ a telən̄ ndeba ɓē ō.
34Ɓáa dan ń ā ī-na̰yiī dɔ nang yā madə̄ ba̰ā̰sí gē tə́ ní, dɔ nang yāsí ń ə́ya̰ī kɔ̄ɔ́ ní a tél yā kɔr̄ koō ō, a ngɔ̄m̄ ndɔ̄ gə̄ ń noō ō. 35Rɔ̄kum, dɔ nang yāsí ń ə́ya̰ī kɔ̄ɔ́ ní a ɔr̄ koō yā kəgāń kə̄rā ndɔ̄ sabat gə̄ malang ń sḭḭ̄ ɔ̄gīin̄ dan ń īndiīń tū tə́ ní.
36Ngé kə́ dansí tə́ gə̄ ń a ndin̄ kə kumdə́ kem ɓē yā madə̄ ba̰ā̰sí gə̄ tə́ ní, m-ā m-ə́la ɓōĺ kemdə́ tə́ kadə̄ ré oōn̄ i kōō mbī kāgə̄ kə́ néĺ yéȳn gə̄gē anī, a a̰ȳn̄ i naā. Nin̄ a a̰ȳn̄ naā tītə̄ ń deē a a̰ȳń kɔ̄ɔ́ ta kaskar tə́ ní ō, a tə́sōn̄ kanjə̄ deē ngɔ̄də̄də́ ō. 37Nin̄ a tə́sōn̄ dɔ naā tə́ tītə̄ kə́ deē ngɔ̄də̄də́ i kə kaskaraá, tá deē ngɔ̄də̄də́ alé. Ā ásiī ra ta kum madə̄ ba̰ā̰sí gə̄ tə́ alé. 38Ā óyiī dan nápar de gə̄ tə́ ō, dɔ nang yā madə̄ ba̰ā̰sí gə̄ a ə́sásí ō. 39De kə́ dansí tə́ gə̄ ń a ndin̄ kə kumdə́ kem ɓē yā madə̄ ba̰ā̰sí gə̄ tə́ ní, tɔ́gə́də́ a gətóo sɔɔ̄ń dɔ majaĺ yādə́ gə̄ ō, yā bɔbə̄də́ gə̄ ō, yā kaadə́ gə̄ ō.
A əga kem Nə́ɓā dɔ madə̄ naā yān tə́
40A ɔrə̄n̄ gír majaĺ yādə́ gə̄ ō, yā bɔbə̄də́ gə̄ ō, yā kaadə́ gə̄ ō. A ədan̄ na n rāān yá̰á̰ kə́ gōtə́ aĺ ngá̰ý gə̄ seḿ ō, na n mbātə́n̄ najə̄ taḿ tə́ ō, 41Adə̄ na m-mbātə́ najə̄ tadə́ tə́ ō, na m-āw̄ sedə́ ɓē madə̄ ba̰ā̰də́ gēé ō. Adə̄ majanī a sɔlə̄n̄ dɔdə́ ō, m-ā m̄-tɔ̄l̄ ta ndéý ń m-ə́ndádə́ tām̄ yá̰á̰ kə́ majaĺ ń nin̄ rāān̄ tə́ ní ō. 42A əga kemḿ dɔ madə̄ naā kə́ m-ə́hɔ kə kaadə́ Jakob ō, Isaak ō, Abəraham ō tə́. A əga kemḿ dɔ nang kə́ m-ə̄nī míndə́ḿ yā kadə̄də́ tə́ ō. 43Dan ń nin̄ a gətóon̄ kɔ̄ɔ́ kem ɓē yādə́ tə́ ní, dɔ nang yādə́ ń əyan̄ kɔ̄ɔ́ ni-taā koō. Ba m-ā m̄-tɔ̄l̄ ta ndéý m-ə́ndádə́ tām̄ tūr̄ kə́ nin̄ tūrə̄n̄ gidədə́ kɔ̄ɔ́ ta yá̰a̰ kāgə̄ ɓē yāḿ gə̄ tə́ ō, tām̄ kidə̄ kə́ nin̄ kidə̄n̄ ndū najə̄ yāḿ gə̄ ō. 44Nəkɔ́ ń a ndinəń kem ɓē yā madə̄ ba̰ā̰də́ gə̄ tə́ noō, n-ā tūr̄ gidəḿ tadə́ tə́ aĺ ō, m-ā m̄-kídə̄də́ bátə́ yā tɔ̄ləńdə́ kɔ̄ɔ́ malang aĺ ō, yā nujəń madə̄ naā ń m-ə́hɔ sedə́ ní aĺ ō, tɔdɔ̄ mā i Kɔ́ɔ̄ɓē Nə́ɓā yādə́. 45A əga kemḿ dɔ madə̄ naā ń m-ə́hɔ jóo kə kaadə́ gēé á m̄-teēń sedə́ kɔ̄ɔ́ dɔ nang kə́ Ejiptə tə́ ta kum nápar de gə̄ tə́ ní yā kadə̄ mā i Nə́ɓā yādə́. Mā i Kɔ́ɔ̄ɓē.
46Yá̰a̰ gə̄ kə́ ndang kadə̄ yā rāā ō, yá̰a̰ kāgə̄ ɓē gə̄ ō, ndū najə̄ gə̄ ō, ń kadə̄ ton̄ mbo̰ō̰ ngán Israel gə̄ tə́ kə Kɔ́ɔ̄ɓē ní n noó. Ni-adə̄ Moijə i dɔ mbal̄ Sinai tə́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.