LEBI GƏ̄ 24
24
Ɗəra hor kə́ kem loo kə́ táĺ yā Nə́ɓā tə́
1Kɔ́ɔ̄ɓē əda Moijə na:
2Əda ngán Israel gə̄ ādə̄ reēn̄ kə yibə̄ olibə#24.2 Olibə: I kan̄ kāgə̄ kə́ a rāān̄ yibə̄ tə́., kə́ kumən unjə̄ njáý njáý adīn̄ tām̄ yā ɗəra hor tə́, yā kəndāń hor ndɔ̄ɔ́ kə dɔ ndɔ̄ gə̄. 3Aaro̰ a udə ɗəra hor ní i no kūbə̄ ń gān̄gnəń gír sandúkə madə̄ naā tə́ ní, kem kújə kənge naā tə́ yā kadə̄ hor gə̄ ní unjə̄n̄ ta kum Kɔ́ɔ̄ɓē tə́ ndɔ̄ɔ́ bátə́ loo tīī.
Nge ń noō i ndū najə̄ kə́ a to ngándáńg tām̄ yā ngáńsí gə̄ tə́ ō, ngán kaasí gə̄ tə́ ō. 4Aaro̰ a tə́ndā ngán bay hor gə̄ ní i ta ɗəra hor kə́ rāā kə́ lɔ́ŕ kə́ unjə̄ njáý njáý tə́, yā kadə̄ hor gə̄ ní unjə̄n̄ ngándáńg no Kɔ́ɔ̄ɓē tə́.
Mápá kə́ yā ndējə̄ Nə́ɓā
5Ā ún ndujə̄ yā rāā mápá tə́ dɔ bəra kutə gidə i jōó. Dɔ bəran kógə̄ḿ a taā ndujə̄ kem lāngá mehḛ́. 6Ā ī-ɓōkə́də́ no Kɔ́ɔ̄ɓē tə́ mehḛ́ gír loo dɔ tábəl kə́ rāā kə lɔ́ŕ kə́ unjə̄ njáý njáý tə́. 7Ā ī-ɓōkə́ kajaja kə́ unjə̄ majə dɔ mápá ní tə́ gír jōó mbak. A róōn̄ kajaja ní horoó kum gotə mápá ní. Nge ń noō i yá̰á̰ kə́ ɔjə kadə̄ yá̰a̰ ndējə̄ ní i kə́ kadə̄ kə taā malang.
8A ɓōkə́n̄ mápá ní ta kum Kɔ́ɔ̄ɓē tə́ ngándáńg kə ndɔ̄ sabat gə̄ malang. Nge ń noō i yá̰á̰ kə́ əndān̄ dɔ ngán Israel gə̄ tə́ kadə̄ rāān̄ tām̄ yā madə̄ naā ń Nə́ɓā rāā sedə́ tə́ ní.
9Mápá ní i tām̄ yā Aaro̰ tə́ nin̄ kə ngánən gēé, kadə̄ əsan̄ kem loo kógə̄ḿ kə́ táĺ tə́. I yá̰á̰ kə́ táĺ ngá̰ý tām̄ yādə́ tə́, tɔdɔ̄ i yá̰a̰ tun̄ ń róōn̄ núsən horoó adə̄n̄ Kɔ́ɔ̄ɓē ní. Nge ń noō i tām̄ yādə́ tə́ ngándáńg.
Ndḛ́ý kə́ tām̄ yā de kə́ tájə̄ Nə́ɓā tə́
10Deē kógə̄ḿ kə́ bɔbə̄n i de kə́ Ejiptə tə́, ba kó̰o̰n i dəyá̰ kə́ Israel tə́, reē dan ngán Israel gə̄ tə́. Deē ní gákə̄n̄ naā kə deē kógə̄ḿ kə́ Israel tə́ kem ɓēé, 11anī ni ndájə̄ najə̄ dɔ rī Kɔ́ɔ̄ɓē tə́ ō, tájə̄n ō, adə̄ aw̄n̄ seneé rɔ̄ Moijə tə́. Rī dəyá̰ ní i Selomit. Ni i ngōn̄ Dibəri kə́ gír ɓē yā Dan tə́. 12Ənīn̄ deē ní kújə dəngáyá bátə́ kadə̄ Kɔ́ɔ̄ɓē əda najə̄ kə́ dɔn tə́.
13Anī Kɔ́ɔ̄ɓē əda Moijə na: 14Ī-teē kə nge tájə̄ ndū ní gidə ɓē tə́ ndágá, ba de gə̄ malang ń oōn̄ najə̄ kɔrən̄ ní a əndān̄ jīdə́ dɔn tə́ ō, ngán Israel gə̄ malang a tə́nīnən̄ kə mbalá yā tɔ̄lən ō. 15Adə̄ ə́dá ngán Israel gə̄ na:
Deē ń a tájə̄ Nə́ɓā yān ní, yá̰á̰ kə́ tōr̄ kə́ tām̄ yā majaĺ yān tə́ a rāān i nəkɔ́. 16Deē ń a ndájə̄ najə̄ dɔ rī Kɔ́ɔ̄ɓē tə́ ní, a tɔ̄l̄nən̄ kɔ̄ɔ́. Ngán Israel gə̄ malang a tə́nīnən̄ kə mbalá yā tɔ̄l̄ən. Ká deē ní i tə̄rā, aké ni i de kə́ Israel tə́ gə̄gē anī, a tɔ̄l̄nən̄ kɔ̄ɔ́, tām̄ ni ndájə̄ najə̄ dɔ rī Kɔ́ɔ̄ɓē tə́.
17Deē ń tɔ̄l̄ madə̄n anī, a tɔ̄l̄nən̄ kɔ̄ɔ́. 18Deē ń tɔ̄l̄ yá̰a̰ kul̄ yā madə̄n anī a adə̄ yá̰a̰ kul̄ kə́ rang kum gotə.
19Ré deē kógə̄ḿ adə̄ ngōn̄ nge ɓē madə̄n dɔ anī, a adə̄nən̄ do kə́ tītə̄ nge ń adə̄ madə̄n ní ō. 20Ré ni-tetə kə̄ngā madə̄n anī, a tetən̄ yān ō. Ré ni tɔ̄ɔ̄ i kum madə̄n anī, a tɔ̄ɔ̄n̄ yān ō. Ré ni-ɔr̄ i ngān̄g madə̄n anī, a ɔrə̄n̄ yān ō. Yá̰á̰ kə́ tōr ń ni-rāā kə madə̄neé ní, a rāān̄ seneé.
21Deē ń tɔ̄l̄ yá̰a̰ kul̄ yā madə̄n ní, a adə̄ yá̰a̰ kul̄ kə́ rang kum gotə, deē ń tɔ̄l̄ deē ní, a tɔ̄l̄nən̄ kɔ̄ɔ́.
22 Ndū najə̄ kə́ tām̄ yāsí tə́ i kógə̄ḿ beē, tām̄ yā tə̄rā tə́ ō, de kə́ kɔ́ɔ̄ ɓē tə́ ō, tɔdɔ̄ mā i Kɔ́ɔ̄ɓē Nə́ɓā yāsí.
23Moijə əda ngán Israel gə̄ najə̄ gə̄ ní, anī teēn̄ kə nge tájə̄ ndū ní gidə ɓē tə́ ndágá, aw̄ tə́nīnən̄ kə mbalá. I beē n ngán Israel gə̄ rāānəń yá̰á̰ ń Kɔ́ɔ̄ɓē əda Moijə ní.
Currently Selected:
LEBI GƏ̄ 24: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
LEBI GƏ̄ 24
24
Ɗəra hor kə́ kem loo kə́ táĺ yā Nə́ɓā tə́
1Kɔ́ɔ̄ɓē əda Moijə na:
2Əda ngán Israel gə̄ ādə̄ reēn̄ kə yibə̄ olibə#24.2 Olibə: I kan̄ kāgə̄ kə́ a rāān̄ yibə̄ tə́., kə́ kumən unjə̄ njáý njáý adīn̄ tām̄ yā ɗəra hor tə́, yā kəndāń hor ndɔ̄ɔ́ kə dɔ ndɔ̄ gə̄. 3Aaro̰ a udə ɗəra hor ní i no kūbə̄ ń gān̄gnəń gír sandúkə madə̄ naā tə́ ní, kem kújə kənge naā tə́ yā kadə̄ hor gə̄ ní unjə̄n̄ ta kum Kɔ́ɔ̄ɓē tə́ ndɔ̄ɔ́ bátə́ loo tīī.
Nge ń noō i ndū najə̄ kə́ a to ngándáńg tām̄ yā ngáńsí gə̄ tə́ ō, ngán kaasí gə̄ tə́ ō. 4Aaro̰ a tə́ndā ngán bay hor gə̄ ní i ta ɗəra hor kə́ rāā kə́ lɔ́ŕ kə́ unjə̄ njáý njáý tə́, yā kadə̄ hor gə̄ ní unjə̄n̄ ngándáńg no Kɔ́ɔ̄ɓē tə́.
Mápá kə́ yā ndējə̄ Nə́ɓā
5Ā ún ndujə̄ yā rāā mápá tə́ dɔ bəra kutə gidə i jōó. Dɔ bəran kógə̄ḿ a taā ndujə̄ kem lāngá mehḛ́. 6Ā ī-ɓōkə́də́ no Kɔ́ɔ̄ɓē tə́ mehḛ́ gír loo dɔ tábəl kə́ rāā kə lɔ́ŕ kə́ unjə̄ njáý njáý tə́. 7Ā ī-ɓōkə́ kajaja kə́ unjə̄ majə dɔ mápá ní tə́ gír jōó mbak. A róōn̄ kajaja ní horoó kum gotə mápá ní. Nge ń noō i yá̰á̰ kə́ ɔjə kadə̄ yá̰a̰ ndējə̄ ní i kə́ kadə̄ kə taā malang.
8A ɓōkə́n̄ mápá ní ta kum Kɔ́ɔ̄ɓē tə́ ngándáńg kə ndɔ̄ sabat gə̄ malang. Nge ń noō i yá̰á̰ kə́ əndān̄ dɔ ngán Israel gə̄ tə́ kadə̄ rāān̄ tām̄ yā madə̄ naā ń Nə́ɓā rāā sedə́ tə́ ní.
9Mápá ní i tām̄ yā Aaro̰ tə́ nin̄ kə ngánən gēé, kadə̄ əsan̄ kem loo kógə̄ḿ kə́ táĺ tə́. I yá̰á̰ kə́ táĺ ngá̰ý tām̄ yādə́ tə́, tɔdɔ̄ i yá̰a̰ tun̄ ń róōn̄ núsən horoó adə̄n̄ Kɔ́ɔ̄ɓē ní. Nge ń noō i tām̄ yādə́ tə́ ngándáńg.
Ndḛ́ý kə́ tām̄ yā de kə́ tájə̄ Nə́ɓā tə́
10Deē kógə̄ḿ kə́ bɔbə̄n i de kə́ Ejiptə tə́, ba kó̰o̰n i dəyá̰ kə́ Israel tə́, reē dan ngán Israel gə̄ tə́. Deē ní gákə̄n̄ naā kə deē kógə̄ḿ kə́ Israel tə́ kem ɓēé, 11anī ni ndájə̄ najə̄ dɔ rī Kɔ́ɔ̄ɓē tə́ ō, tájə̄n ō, adə̄ aw̄n̄ seneé rɔ̄ Moijə tə́. Rī dəyá̰ ní i Selomit. Ni i ngōn̄ Dibəri kə́ gír ɓē yā Dan tə́. 12Ənīn̄ deē ní kújə dəngáyá bátə́ kadə̄ Kɔ́ɔ̄ɓē əda najə̄ kə́ dɔn tə́.
13Anī Kɔ́ɔ̄ɓē əda Moijə na: 14Ī-teē kə nge tájə̄ ndū ní gidə ɓē tə́ ndágá, ba de gə̄ malang ń oōn̄ najə̄ kɔrən̄ ní a əndān̄ jīdə́ dɔn tə́ ō, ngán Israel gə̄ malang a tə́nīnən̄ kə mbalá yā tɔ̄lən ō. 15Adə̄ ə́dá ngán Israel gə̄ na:
Deē ń a tájə̄ Nə́ɓā yān ní, yá̰á̰ kə́ tōr̄ kə́ tām̄ yā majaĺ yān tə́ a rāān i nəkɔ́. 16Deē ń a ndájə̄ najə̄ dɔ rī Kɔ́ɔ̄ɓē tə́ ní, a tɔ̄l̄nən̄ kɔ̄ɔ́. Ngán Israel gə̄ malang a tə́nīnən̄ kə mbalá yā tɔ̄l̄ən. Ká deē ní i tə̄rā, aké ni i de kə́ Israel tə́ gə̄gē anī, a tɔ̄l̄nən̄ kɔ̄ɔ́, tām̄ ni ndájə̄ najə̄ dɔ rī Kɔ́ɔ̄ɓē tə́.
17Deē ń tɔ̄l̄ madə̄n anī, a tɔ̄l̄nən̄ kɔ̄ɔ́. 18Deē ń tɔ̄l̄ yá̰a̰ kul̄ yā madə̄n anī a adə̄ yá̰a̰ kul̄ kə́ rang kum gotə.
19Ré deē kógə̄ḿ adə̄ ngōn̄ nge ɓē madə̄n dɔ anī, a adə̄nən̄ do kə́ tītə̄ nge ń adə̄ madə̄n ní ō. 20Ré ni-tetə kə̄ngā madə̄n anī, a tetən̄ yān ō. Ré ni tɔ̄ɔ̄ i kum madə̄n anī, a tɔ̄ɔ̄n̄ yān ō. Ré ni-ɔr̄ i ngān̄g madə̄n anī, a ɔrə̄n̄ yān ō. Yá̰á̰ kə́ tōr ń ni-rāā kə madə̄neé ní, a rāān̄ seneé.
21Deē ń tɔ̄l̄ yá̰a̰ kul̄ yā madə̄n ní, a adə̄ yá̰a̰ kul̄ kə́ rang kum gotə, deē ń tɔ̄l̄ deē ní, a tɔ̄l̄nən̄ kɔ̄ɔ́.
22 Ndū najə̄ kə́ tām̄ yāsí tə́ i kógə̄ḿ beē, tām̄ yā tə̄rā tə́ ō, de kə́ kɔ́ɔ̄ ɓē tə́ ō, tɔdɔ̄ mā i Kɔ́ɔ̄ɓē Nə́ɓā yāsí.
23Moijə əda ngán Israel gə̄ najə̄ gə̄ ní, anī teēn̄ kə nge tájə̄ ndū ní gidə ɓē tə́ ndágá, aw̄ tə́nīnən̄ kə mbalá. I beē n ngán Israel gə̄ rāānəń yá̰á̰ ń Kɔ́ɔ̄ɓē əda Moijə ní.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.