JOJUE 12

Mban̄g gə̄ ń tetən̄də́ rɔ̄ɔ̄ ní

1Ngán Israel gə̄ tetən̄ mban̄g gə̄ jōó rɔ̄ɔ̄ gidə bā Jurdḛ kə́ dām̄ kə́ gír ɓē tə́, ba taān̄ dɔ nang yādə́ ń ḭḭ man̄ Arnon tə́ bátə́ ugə̄ mbal̄ Hermon tə́ ní, nin̄ taān̄ gō nang kə́ Araba tə́ dām̄ kə́ gír ɓē tə́ malang ō. 2Mban̄g kə́ ta kəga dɔ i mban̄g Sihon, ni i mban̄g yā Amor gə̄ kə́ ndi i Hesəbon. Loo ń ni-o̰o̰ ɓē dɔ tə́ ní əla gír i Aroer dɔ gɔ́sə man̄ Arnon tə́ bátə́ teēn̄ kum wóĺ tə́ ō, núsə nang kə́ Galaad tə́ bátə́ teēń kum wól man̄ Yabok ń i dɔ nin̄ loo yā ngán Amon tə́ ní ō, 3gō nang kə́ Araba tə́ bátə́ teēn̄ bā bo ké Kinerot tə́ dām̄ ké gír ɓē tə́ ō, bátə́ bā katə̄ tə́ dām̄ kə́ gír ɓē tə́ kadə ɓē kə́ Bet Yesimot tə́ ō, nja mbal̄ Pisga tə́ dām̄ mbɔ́r ɓē kə́ geleé tə́ ō. 4Mban̄g kə́ nge ko̰ jōó i mban̄g Og. Ni i dan Repay gə̄ kə́ ta ngóý tə́. 5Ni-o̰o̰ ɓē dɔ mbal̄ Hermon tə́ ō, dɔ ɓē kə́ Salka tə́ ō, gō nang kə́ Basan malang bátə́ teēń dɔ nin̄ loo yā Gesur gə̄ tə́ ō, Maaka gə̄ tə́ ō ní ní o̰o̰ ɓē dɔ tə́ ō, núsə dɔ nang kə́ Galaad ń i dɔ nin̄ loo yā Sihon mban̄g kə́ Hesəbon ní, ni-o̰o̰ ɓē dɔ tə́ ō. 6Moijə nin̄ kə ngán Israel gēé tetən̄ mban̄g kə́ jōó gə̄ ń noō rɔ̄ɔ̄, ba Moijə ń i nge kəla yā Kɔ́ɔ̄ɓē ní tél kə dɔ nang yādə́ adə̄ de gə̄ gír ɓē yā Ruben tə́ gə̄ ō, yā Gad tə́ gə̄ ō, núsə de kə́ gír ɓē yā Manase tə́ gə̄ ō.

7Gō tə́ anī Jojue nin̄ kə ngán Israel gē tetən̄ mban̄g gə̄ ń ndin̄ dām̄ kə́ no ɓē tə́ ní rɔ̄ɔ̄. Dɔ nang yā mban̄g gə̄ ní əla gír Baal Gad kum wól loo kə́ Liban tə́ bátə́ teēń mbal̄ Halak ń ra kadə ɓē kə́ Seir tə́ ní. Jojue adə̄ ngán Israel gə̄ dɔ nang yā mban̄g gə̄ ní. Ni-gán̄g dɔ nang ní adə̄də́ kə dɔ gír ɓē yādə́ gēé. 8Dɔ nang ń ni-gán̄g adə̄də́ kə dɔ gír ɓē yādə́ gēé ní i dɔ nang kə́ mbalá ō, kə mbal̄ bo gətóo tū tə́ tə́ ō, i gō nang ké Araba ō, i dɔ nang ń loo kə́ kḭḭ kə̄ dɔɔ́ gə̄ i tū tə́ ní ō, i dɔ nang kə́ mángá ō, i gō nang kə́ Negeb ō. I dɔ nang gə̄ kə́ Het gə̄ ō, Amor gə̄ ō, Kanaan gə̄ ō, Periji gə̄ ō, Hibi gə̄ ō, Yebus gə̄ ō, ndin̄ tū tə́ kété. 9Rī ɓē gə̄ ń tetən̄ mban̄g ké tū tə́ gə̄ rɔ̄ɔ̄ ní n toó: Jeriko ō, Ai ń i ɓē kə́ kadə ɓē ké Betel tə́ ní ō, 10Jerusalem ō, Hebron ō, 11Yarmut ō, Lakis ō, 12Egəlon ō, Gejer ō, 13Debir ō, Geder ō, 14Horma ō, Arad ō, 15Libəna ō, Adulam ō, 16Makeda ō, Betel ō, 17Tapua ō, Heper ō, 18Apek ō, Saron ō, 19Madon ō, Hasor ō, 20Simron Meron ō, Akesap ō, 21Tanak ō, Megido ō, 22Kedes Yokəneam kə́ Karmel ō, 23Dor kə́ kadə bā bo tə́ ō, Goim kə́ kadə Gilgal tə́ ō, 24Tirsa ō. Kutə mban̄g gə̄ ní malang i kutə mətá gidə i kógə̄ḿ.

Currently Selected:

JOJUE 12: SARDC

Highlight

Copy

Compare